កំពូលស្មាតហ្វូនចំនួន ៥ ត្រៀមសំញែងខ្លួនដល់ពិភពលោកឆ្នាំ២០១៥ ខាងមុខ
-Samsung Galaxy S6
ជារៀងរាល់ដើមឆ្នាំ ក្រុមហ៊ុនទូរស័ព្ទល្បីឈ្មោះរបស់កូរ៉េខាងត្បូងនេះ តែងតែសម្ពោធចេញកំពូលស្មាតហ្វូនត្រកូល Galaxy S របស់ខ្លួនក្នុងពិព័រណ៍ផលិតផលអេឡិចត្រូនិកដែលប្រារព្ធនៅក្នុងក្រុង Las Vegas រដ្ឋ Nevada សហរដ្ឋអាមេរិក។ ជាក់ស្ដែងកាលពីដើមឆ្នាំ២០១៤ នេះ Samsung បានប្រកាសចេញ Galaxy S5 ក្នុងព្រឹត្តិការណ៍ CES 2014 ដែលមានរយៈពេល ៤ថ្ងៃចាប់ពីថ្ងៃទី៧ ដល់ថ្ងៃទី១០ ខែមករា។ ចំណែក CES 2015 ខាងមុខដែលនឹងធ្វើឡើងពីថ្ងៃទី៦ ដល់ទី៩ មករា ត្រូវគេរំពឹងថា វត្តមាន Galaxy S6 ក៏នឹងចេញនៅពេលនោះដែរ។
មុខងារដ៏សាមញ្ញមួយនៅលើស្មាតហ្វូន Android ពុំសូវមានគេចាប់អារម្មណ៍សោះ តែបែរជាអាចជួយសន្សំសំចៃថ្មយ៉ាងមានប្រសិទ្ធភាព! ...
លក្ខណៈសម្បត្តិ Galaxy S6 ដែលគេហទំព័របរទេសជាច្រើនបានរំពឹងនោះរួមមាន៖ អេក្រង់ Super AMOLED ទំហំ ៥,៥អ៊ីញ (2560x1440)px, កាមេរ៉ាក្រោយ ២០មេហ្គាភិចហ្សែល, អង្គប្រតិបត្តិ 64-bit octa-core Exynos ARM និង Snapdragon (នៅលើទីផ្សារអាមេរិក), RAM 3GB, អង្គចងចាំ 32GB, ប្រព័ន្ធប្រតិបត្តិការ Android 5.0 Lollipop។
-HTC One M9
One M9 គឺជាស្មាតហ្វូនទាយាទរបស់ One M8 ដែលបានទទួលការគាំទ្រពីសាធារណជនយ៉ាងច្រើនដោយសារការឌីហ្សាញរូបរាង ទូរស័ព្ទរបស់ក្រុមហ៊ុនតៃវ៉ាន់នេះ មានលក្ខណៈស្អាតទាន់សម័យ និងបានបំពាក់បច្ចេកវិទ្យាកាមេរ៉ា Ultrapixel ទំនើប ថតរូបបានច្បាស់។ ចំណែក HTC One M9 នេះគឺមានលេខកូដ Hima ត្រូវបានគេរំពឹងថា នឹងមានការធ្វើបច្ចុប្បន្នលើលក្ខណៈសម្បត្តិកាន់តែខ្ពស់ជាង One M8។
អេក្រង់ HTC One M9 នឹងមានទំហំ ៥អ៊ីញប្រភេទ LCD QHD 1080p, ថ្មកាន់បានយូរជាងមុនជាមួយកម្រិតថាមពល 2840mAh។ លក្ខណៈសម្បត្តិផ្សេងទៀតគឺ បំពាក់អង្គប្រតិបត្តិ Qualcomm Snapdragon 810 (64-bit), RAM ទំហំ 3GB, អង្គចងចាំទំហំ 32GB, កាមេរ៉ាទំហំ ២០,៧មេហ្គាភិចហ្សែល។ ស្មាតហ្វូននេះនឹងភ្ជាប់មកជាមួយ software ជួយឱ្យដំណើរការរលូនល្បឿនលឿនជាងជំនាន់មុន។ ចំណែកប្រព័ន្ធប្រតិបត្តិការ One M9 កឺ Android 5.0 Lollipop។
... ម្នាក់ៗគិតថា iPhone 6 ជាស្មាតហ្វូនកំពូលសមត្ថភាពខ្លាំង ប៉ុន្តែបែរជាចាញ់ស្មាតហ្វូន Android ១៦ម៉ូដែលនេះទៅវិញ ...
-LG G Pro 3
ក្រុមហ៊ុន LG បន្ទាប់ពីជោគជ័យលើស្មាតហ្វូនម៉ូដែល LG G2 ចេញលក់តាំងពីឆ្នាំ២០១៣ ក្រុមហ៊ុននឹងអភិវឌ្ឍស្មាតហ្វូនស៊េរីខ្ពស់បន្តទៀត ដោយនឹងចេញ G Pro 3 ទាយាទថ្មីពី G Pro 2 ជាមួយការបន្ថែមលក្ខណៈសម្បត្តិខ្ពស់ជាងមុន អេក្រង់ធំជាងមុន។ លក្ខណៈសម្បត្តិត្រួសៗនៅលើ G Pro 3 គឺនឹងមានអេក្រង់ ៦អ៊ីញ (G Pro 2 មានអេក្រង់ ៥,៩អ៊ីញ) បំពាក់អង្គប្រតិបត្តិ 64-bit Snapdragon 810 ដំណើរការដោយប្រព័ន្ធប្រតិបត្តិការ Android 5.0 Lollipop។
-Google Project Ara
គម្រោង Ara ហាក់ដូចជារឿងកំប្លែងមួយនៅពេលក្រុមហ៊ុន Google ប្រកាសជាលើកដំបូងតាំងពីខែមេសា ព្រោះ Project Ara គឺអាចឱ្យអតិថិជនបង្កើតស្មាតហ្វូនផ្ទាល់ខ្លួនដោយខ្លួនឯងបាន ដោយជ្រើសរើសបំណែកសម្ភារៈផ្ដល់ដោយក្រុមហ៊ុន Google ដើម្បីផ្គុំចេញជាស្មាតហ្វូនមួយគ្រឿង។
No comments:
Post a Comment