ទីក្រុង៥ មានមនុស្សរស់នៅកកកុញជាងគេបំផុតលើលោកនៅឆ្នាំ២០២៥ ខាងមុខ
ខាងក្រោមនេះ គឺជាទីក្រុងទាំង ៥នៅលើពិភពលោក ដែលមានមនុស្សរស់នៅកកកុញជាងគេបំផុត៖
១) ទីក្រុងហុងកុង ប្រទេសចិន៖ មានផ្ទៃដីប្រមាណ១ ១០៤ គីឡូម៉ែត្រក្រឡា ហើយមានប្រជាជនសរុបប្រមាណ ៧ ២៣៤ ៨០០ នាក់នៅឆ្នាំ ២០១៤។ នៅឆ្នាំ ២០២៥ខាងមុខ ទីក្រុងមួយនេះ នឹងមានប្រជាជនរហូតដល់ ៨ ១៦០ ៤៤៧ នាក់ ហើយមានមនុស្សរស់នៅ ៧៦ ៩៨៥នាក់ ក្នុងមួយម៉ាយការ៉េ (មួយម៉ាយការ៉េស្មើនឹង ២, ៥៨ គីឡូម៉ែត្រក្រឡា) ។
២) ទីក្រុង Salvador ប្រទេសប្រេស៊ីល៖ ទៅក្រុងនេះ មាន មានផ្ទៃដីសរុប ៦៩៣ គីឡូម៉ែត្រក្រឡា ហើយមានប្រជាជនសរុប ២ ៩០២ ៩២៧ នាក់ នៅឆ្នាំ ២០១៤នេះ។ សម្រាប់ឆ្នាំ ២០២៥វិញ ត្រូវបានគេប៉ាន់ស្មានថា នឹងមានប្រជាជនរហូតដល់ ៥ ២១៦ ៨៣២ នាក់ ហើយមានមនុស្សរស់នៅ ៣៨ ៦៤៣ ក្នុងមួយម៉ាយការ៉េ (មួយម៉ាយការ៉េស្មើនឹង២,៥៨ គីឡូម៉ែត្រក្រឡា) ។
៣) ទីក្រុងម៉ិកស៊ីកូ ប្រទេសម៉ិកស៊ីកូ៖មានផ្ទៃដី សរុប ១ ៤៨៥ គីឡូម៉ែត្រក្រឡា និងមានប្រជាជន ៩ លាននាក់នៅឆ្នាំ ២០១៣។ នៅឆ្នាំ ២០២៥ អាចនឹងឡើងដល់ ២៤ ៥៨០ ៩៤២ នាក់ ហើយនឹងមានប្រជាជនរស់នៅ ៣០ ៧២៦ នាក់ ក្នុងមួយម៉ាយការ៉េ (មួយម៉ាយការ៉េស្មើនឹង២,៥៨ គីឡូម៉ែត្រក្រឡា) ។
លោកអ្នកដឹងថា មានប្រទេស និងតំបន់ប៉ុន្មានមិនមែនជាសមាជិកអង្គការសហប្រជាជាតិទេ?...
៤)ទីក្រុងSao Pauloប្រទេសប្រេស៊ីល៖ មានផ្ទៃដីសរុបប្រហែល ៧ ៩៤៣ គីឡូម៉ែត្រក្រឡា និង មានប្រជាជនសរុបប្រមាណ ១១ ៨៩៥ ៨៩៣ នាក់ ឆ្នាំ ២០១៤។ សម្រាប់ឆ្នាំ ២០២៥វិញ គឺអាចនឹងកើនដល់ ២៣ ១៧៤ ៧៤៣ នាក់ ហើយនឹងមានប្រជាជនរស់នៅ២១ ០៦៨ នាក់ ក្នុងមួយម៉ាយការ៉េ (មួយម៉ាយការ៉េស្មើនឹង២,៥៨ គីឡូម៉ែត្រក្រឡា)។
៥) ទីក្រុងសិង្ហបុរី ប្រទេសសិង្ហបុរី៖ មានផ្ទៃដីសរុបប្រមាណ ៧១៨, ៣ គីឡូម៉ែត្រក្រឡា និង មានប្រជាជនសរុប ៥ ៤៦៩ ៧០០នាក់នៅឆ្នាំ ២០១៤។ សម្រាប់នៅឆ្នាំ ២០២៥ គឺមានប្រជាជនប្រហែល ៨ ៨០១ ០២២ នាក់ ហើយមាន មនុស្សរស់នៅ២០ ៨៦៧ នាក់ក្នុងមួយម៉ាយការ៉េ (មួយម៉ាយការ៉េស្មើនឹង២,៥៨ គីឡូម៉ែត្រក្រឡា)៕
ប្រែសម្រួល៖ រស្មី
ប្រភព៖ bloomberg.com
No comments:
Post a Comment