Tuesday, December 30, 2014

ហាងឆេងមាស អត្រាប្ដូរប្រាក់ និងប្រេងឆៅ ជិតដាច់ឆ្នាំ២០១៤ ឡើងចុះយ៉ាងម៉េចខ្លះ?

ហាងឆេងមាស អត្រាប្ដូរប្រាក់ និងប្រេងឆៅប្រភព៖ photo.elsoar.com

អំពីសន្ទស្សន៍តម្លៃមាស អត្រាប្ដូរប្រាក់ និងប្រេងឆៅ
ប្រេងឆៅ មួយបារ៉ែល (១៥៩ លីត្រ) = ៥៤,៧៣ ដុល្លារ (ហាងឆេង West Texas នៅសហរដ្ឋអាមេរិក) – ៥៩,៤៥ ដុល្លារ (ហាងឆេង Brent នៅអឺរ៉ុប)
មាស ៨ជី ៣ហ៊ុន = ១១៩៥,៣ ដុល្លារ (១ដំឡឹង = ១៤៤០,១២ ដុល្លារអាមេរិក) (តាមហាងឆេង Comex នៅសហរដ្ឋអាមេរិក)
វៀតណាម ៖ មាស ៨ជី ៣ហ៊ុន = ១១៩៥,៥៦ ដុល្លារ (មួយដំឡឹង = ១៤៤០,៤៣ ដុល្លារអាមេរិក)
ថៃ ៖ មាស ៨ជី ៣ហ៊ុន = ១១៩៥,៨ ដុល្លារ (មួយដំឡឹង = ១៤៤០,៧២ ដុល្លារអាមេរិក)
ឥណ្ឌូណេស៊ី ៖ មាស ៨ជី ៣ហ៊ុន = ១១៩៥,៥៣ ដុល្លារ (មួយដំឡឹង = ១៤៤០,៣៩ ដុល្លារអាមេរិក)

អត្រាប្ដូរប្រាក់តាមទីផ្សារអន្តរជាតិ ថ្ងៃអាទិត្យ ទី២៨ ខែធ្នូ ២០១៤ (ម៉ោង ១:៥៥ រសៀលនៅព្រះរាជាណាចក្រកម្ពុជា)
មួយដុល្លារអាមេរិក = ៤០៦៥ រៀលខ្មែរ (តាមអត្រាប្ដូរប្រាក់ផ្លូវការកំណត់ដោយធនាគារជាតិនៃកម្ពុជា ថ្ងៃសុក្រ ទី២៨ ខែធ្នូ ឆ្នាំ២០១៤)
មួយដុល្លារអាមេរិក = ៣២,៩១៦ បាត (ថៃ)
មួយដុល្លារអាមេរិក = ២១៣៨៧,៥ ដុង (វៀតណាម)
មួយដុល្លារអាមេរិក = ០,៨២០៨ អឺរ៉ូ (១អឺរ៉ូ = ១,២១៨៣ ដុល្លារអាមេរិក)
មួយដុល្លារអាមេរិក = ១០៩៨,៧៤ វុន (កូរ៉េខាងត្បូង)
មួយដុល្លារអាមេរិក = ១,២៣១៤ ដុល្លារអូស្ត្រាលី
មួយដុល្លារអាមេរិក = ៧,៧៦ ដុល្លារហុងកុង
មួយដុល្លារអាមេរិក = ១,១៦២៧ ដុល្លារកាណាដា
មួយដុល្លារអាមេរិក = ១,៣២៣២ ដុល្លារសិង្ហបុរី
មួយដុល្លារអាមេរិក = ១២០,៣១ យ៉េន (ជប៉ុន)
មួយដុល្លារអាមេរិក = ៦,២១៣ យ័ន្ត (ចិន)

...ហាងឆេងមាស អត្រាប្ដូរប្រាក់ និងប្រេងឆៅ ថ្ងៃបុណ្យណូអែលនេះ ឡើងចុះយ៉ាងម៉េចខ្លះ?...

កំណត់សម្គាល់ : តួលេខខាងលើ ស្រង់ពីអត្រាលក់ចេញ និងប្ដូរប្រាក់តាមហាងឆេងអន្តរជាតិ គិតត្រឹមម៉ោង ០១:៥៥ រសៀលថ្ងៃអាទិត្យ ទី២៨ ខែធ្នូ ឆ្នាំ២០១៤ ម៉ោងនៅព្រះរាជាណាចក្រកម្ពុជា។ ហាងឆេងនេះប្រែប្រួលគ្រប់វិនាទី អាស្រ័យលើចរន្តនយោបាយអន្តរជាតិ និងស្ថានភាពសេដ្ឋកិច្ចពិភពលោក។ ដូចនេះ គេហទំព័រ TheBNEWS នឹងបន្តតាមដានហាងឆេងតាមគេហទំព័រអន្តរជាតិ ដើម្បីធ្វើបច្ចុប្បន្នភាព (Update) រៀងរាល់ម៉ោង ឬរាល់ ៣០ នាទីម្ដង៕

ប្រភព៖ nasdaq.com - marketwatch.com - bloomberg.com - Reuters.com

៥ គន្លឹះមិនត្រឹមតែធ្វើឲ្យអ្នកមានក្តីសុបិន្ដប៉ុណ្ណោះទេ តែថែមទាំងជាអ្នកអនុវត្តក្តីសុបិន្ដនោះបានទៀតផង

ក្នុងមួយឆាកជីវិតរបស់ខ្លួន មានមនុស្សមិនតិចទេនៅលើពិភពលោកដែលមានក្តីសុបិន្ដជាច្រើនដែលខ្លួនចង់សម្រេចបាន តែគួរឲ្យស្តាយពួកគេមិនអាចធ្វើឲ្យក្តីសុបិន្ដទាំងនោះផុសចេញជារូបរាងឡើងបាន។ ចុះប្រិយមិត្តវិញ តើលោកអ្នកស្ថិតនៅក្នុងចំណោមមនុស្សទាំងនេះដែរឬទេ? តើលោកអ្នកមានក្តីសុបិន្ដពីអ្វីដែលអ្នកចង់ធ្វើហើយឬនៅ? បើមាន ធ្វើនៅពេលណា? ចំណាយពេលប៉ុន្មាន? បើគ្មានហេតុអ្វីបានជាលោកអ្នកមិនព្រមបង្កើតវាឡើង និង អនុវត្តវាឲ្យក្លាយជាការពិតបាន?

បើសំនួរនេះក្លាយជារឿងលំបាកសម្រាប់លោកអ្នកមែននោះ លោកអ្នកអាចស្វែងយល់គន្លឹះចំនួន ៥ ខាងក្រោមនេះដើម្បីធ្វើឲ្យសុបិន្ដដែលលោកអ្នកបង្កើតឡើងមិនបាត់បង់ទៅវិញឥតប្រយោជន៍។

១) ដាក់គោលដៅមួយ និង កំណត់ពេលសម្រេចគោលដៅនោះ
អ្នកជំនួញ វិស្វករ គ្រូពេទ្យ មេធាវី ប៉ូលិស ជាដើម ក្នុងចំណោមការងារទាំងនេះអាចមានការងារមួយដែលអ្នកយល់ថាជាជម្រើសរបស់អ្នកសម្រាប់ធ្វើជាអាជីពចិញ្ចឹមជិវិតនៅពេលអនាគត។ ប៉ុន្តែសំនួរសួរថា តើអ្នកត្រូវការពេលប៉ុន្មានឆ្នាំដើម្បីទទួលបានការងារនេះ? តើជារៀងរាល់ថ្ងៃអ្នកបានធ្វើអ្វីខ្លះដើម្បីបុកឆ្ពោះទៅកាន់គោលដៅនោះ? វាជារៀងប្រសើរបើការដាក់គោលដៅ និង ពេលវេលាជាក់លាក់សម្រេចគោលដៅរបស់អ្នកត្រូវបានធ្វើឡើងយ៉ាងយកចិត្តទុកដាក់ ព្រមទាំងតាមដានដោយការគ្រប់ពេលវេលាទាំងអស់។

២) ធ្វើឲ្យមានតុល្យភាពនូវអ្វីដែលអ្នកចង់បាន និង តម្រូវការរបស់អ្នក
ជារៀងរាល់ពេលអ្នកបានសម្រេចចិត្តចង់ធ្វើអ្វីមួយ ហើយចាប់ផ្តើមអនុវត្តតាមជំហានដែលអ្នកបានគូសវាសឡើង ដើម្បីធ្វើឲ្យការងារនោះផុសចេញជារូបរាងឡើង។ នេះមានដូចជា សន្សំប្រាក់ទុកសម្រាប់ត្រៀមរៀបចំកម្មវិធីរៀបអាពាហ៍ពិពាហ៍ដ៏ពិសេសរបស់អ្នក។ ឧទាហរណ៍ថា បើអ្នកត្រូវការសន្សំប្រាក់ ៥ ០០០ដុល្លារ តើអ្នកត្រូវធ្វើដូចម្តេចខ្លះដើម្បីសន្សំប្រាក់បាន? កាត់បន្ថយការចំណាយ? រកចំណូលបន្ថែម ឬ ធ្វើការងារក្រៅម៉ោងជាដើម? ក្នុងន័យនេះ បើអ្នកមានបំណងចង់បានអ្វីមួយ អ្នកត្រូវកំណត់ពីតម្រូវការរបស់អ្នកដើម្បីធ្វើឲ្យបំណងរបស់អ្នកក្លាយជាការពិត។

...មុននឹងដកលុយចេញពីហោប៉ៅទិញអ្វីមួយ គួរគិតលើចំណុច៥នេះ!...

៣) ទំនាក់ទំនងជាមួយបុគ្គលពូកែធ្វើ
នៅជុំវិញខ្លួនអ្នក អ្នកនឹងសង្កេតឃើញថា មានបុគ្គលមួយចំនួនពូកែតែទ្រឹស្ដី តែមិនពូកែអនុវត្តនោះឡើយ។ នេះវាមិនខុសអីមានតែក្តីស្រមៃ តែគ្មានការអនុវត្ត និង សមត្ថភាពធ្វើឲ្យក្តីស្រមៃនោះក្លាយជាការពិតបាន។ មិត្តភក្ដិក៏ដោយ អ្នកដទៃក៏ដោយ ឬ បុគ្គលណាក៏ដោយដែលអ្នកមើលឃើញថា ជាមនុស្សជោគជ័យ ពូកែទាំងទ្រឹស្ដី ពូកែទាំងអនុវត្ត អ្នកគួរតែឈរឲ្យកៀកនឹងបុគ្គលទាំងនេះដើម្បីទុកធ្វើជាគំរូជួយលើកទឹកចិត្តឲ្យអ្នកមានការខិតខំប្រឹងប្រែងកាន់តែប្រសើរឡើង។ តែបើនេះនៅតែជាឧបសគ្គ អ្នកគួរសម្លឹងមើលបុគ្គលល្បីៗជាច្រើនទៀត ដូចជា មហាសេដ្ឋីនៅជុំវិញពិភពលោក ក៏អាចជួយធ្វើជាប្រទីបបង្ហាញផ្លូវអ្នកបានដែរ។

៤) ឈប់ធ្វើអ្វីដែលមិនអាចដំណើរការទៅបាន
នេះជាចំណុចមួយទៀតដែលអ្នកគួរដឹងនៅពេលនេះព្រោះថា ការងារមួយចំនួនបានធ្វើឲ្យអ្នកទទួលផលងើបមិនរួច ឬ នូវអ្វីដែលគេយល់ថា ធ្វើខុសទិសដៅ និង ខាតតែពេលឥតប្រយោជន៍។ តើអ្នកអាចយកចបទៅជីកគាស់រំលំភ្នំចេញពីរបាំងផ្លូវអ្នកបានដែរឬទេ? ចម្លើយនោះគឺ មិនអាចទៅរួច។

បើអ្នកមានក្តីសុបិន្ដមួយ ប៉ុន្តែការព្យាយាមរបស់អ្នកមិនបានចេញជាលទ្ធផលវិជ្ជមាន វាជាពេលដែលអ្នកត្រូវបញ្ឈប់វា រកហេតុផលឲ្យបានត្រឹមត្រូវ ស្វែងរកអ្វីដែលជាកំហុសខុសឆ្គង និង ធ្វើឲ្យវាល្អប្រសើរឡើងវិញស្របតាមយុទ្ធសាស្ត្រថ្មីដែលសមស្រប។

៥) ថ្លឹងថ្លែងសមត្ថភាពរបស់ខ្លួនទៅនឹងក្តីសុបិន្ដដែលមាន
អ្វីដែលគេមើលឃើញថា ជាកំហុសខុសឆ្គងមួយទៀតដែលមនុស្សភាគច្រើនមាននោះគឺគិតថា ក្តីសុបិន្តនោះអាចធ្វើដោយងាយ ចំណាយពេលតិច មិនចំណាយប្រាក់ច្រើន និង ជោគជ័យតាមអ្វីដែលខ្លួនចង់បាន។ ផ្ទុយទៅវិញនេះវាគ្រាន់តែជាក្តីស្រមៃតែប៉ុណ្ណោះ តែលទ្ធផលជាក់ស្តែងការងារនោះបានធ្វើឲ្យអ្នកចំណាយប្រាក់ និង ពេលវេលាច្រើនជាងមុន ហួសពីអ្វីដែលអ្នករំពឹងទុកទៀតផង។ នេះហើយជាអ្វីដែលអ្នកត្រូវត្រៀមខ្លួនជាមុនដើម្បីអនុវត្តកិច្ចការនោះដូចជា ថ្លឹងថ្លែងពីសមត្ថភាព គម្រោងយុទ្ធសាស្ត្រ មធ្យោបាយ ធនធាន ជាច្រើនទៀតក្នុងការកែប្រែក្តីស្រមៃរបស់អ្នកក្លាយជាការពិតបាន៕

ប្រែសម្រួល៖ ខេវិន

ប្រភព៖ Entrepreneur

Monday, December 29, 2014

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

ដើម្បីក្លាយជាមនុស្សដែលមានផលិតភាពខ្ពស់ គឺ មិនមែនជារឿងងាយស្រួលប៉ុន្មាននោះទេ ប៉ុន្តែវាជារឿងដែលបុគ្គលិកគ្រប់រូបខិតខំ បើទោះបីជា ប្រឈមនឹងបញ្ហាច្រើនយ៉ាងណាក៏ដោយ។ ថ្វីត្បិតតែ ម្នាក់ៗ ចង់បានផលិតភាពខ្ពស់ក្តី ប៉ុន្តែ ពេលខ្លះទម្លាប់អាក្រក់មួយចំនួន បានធ្វើឲ្យពួកគេ មិនអាចបញ្ចេញសក្ដានុពលរបស់ខ្លួនអស់នោះឡើយ ជាហេតុធ្វើឲ្យផលិតភាពអន់ខ្សោយ។

ខាងក្រោមនេះ គឺជា ទម្លាប់អាក្រក់មួយចំនួនដែលធ្វើឲ្យអ្នកមិនអាចមានផលិតភាពខ្ពស់ ក្នុងការធ្វើការងារផ្សេងៗនោះឡើយ៖

១) នៅជាប់ជាមួយប្រព័ន្ធអ៊ីនធឺណិតរហូត
អ៊ីនធឺណិតពិតជាមានសារៈសំខាន់ខ្លាំងណាស់ សម្រាប់មនុស្សគ្រប់គ្នាក្នុងការស្រាវជ្រាវឯកសារ ឬ ធ្វើការទំនាក់ទំនងផ្សេងៗ។ ប៉ុន្តែពេលខ្លះវាក៏រំខានទៅលើ ការងាររបស់អ្នកផងដែរ ព្រោះ ជាទូទៅដោយសារតែ ម្នាក់ៗប្រើប្រាស់ បណ្ដាញសង្គមច្រើន ដូច្នេះពួកគេតែងឆ្លៀតពេល ផ្ញើរសារ ឬ បង្ហោះរូបភាពផ្សេងៗ ដែលទាំងនេះមិនទាក់ទងនឹងការងារនោះឡើយ។ ប្រការនេះធ្វើឲ្យអ្នកមិនអាចមានពេលវេលាគ្រប់គ្រាន់ និង មិនអាចមានអារម្មណ៍ពេញលេញក្នុងការធ្វើការទេ។

២) ចូលចិត្តពន្យារពេល
ក្នុងមួយថ្ងៃៗមានរឿងរ៉ាវជាច្រើនដែលអ្នកត្រូវធ្វើ ប៉ុន្តែបើមិនព្រមធ្វើវាឲ្យហើយទេ នោះអ្នកនឹងប្រឈមបញ្ហាកាន់តែច្រើនថែមទៀតនៅថ្ងៃក្រោយ។ ពេលខ្លះវាមិនមែនជារឿងលំបាកក្នុងការធ្វើនោះទេ ប៉ុន្តែដោយសារតែមានទម្លាប់ចូលចិត្តពន្យារពេល នាំឲ្យការងារនោះ មិនអាចបញ្ចប់ទាន់ពេលវេលាបាន។

៣) មិនចេះបែងចែកអ្វីសំខាន់ និង មិនសំខាន់
ដូចដែលបានដឹងហើយថា មនុស្សម្នាក់ៗសុទ្ធតែមានការងារជាច្រើន ប៉ុន្តែក្នុងកាលៈទេសៈនេះ បើចេះ បែងចែកអ្វីសំខាន់ និង មិនសំខាន់នោះ អ្នកនឹងអាចធ្វើវាឲ្យបានយ៉ាងល្អមិនខាន។ យ៉ាងណាក៏ដោយ ភាគច្រើនមិនសូវគិតឃើញអំពីចំណុចនេះទេ ជាហេតុនាំឲ្យមានភាពស្មុគស្មាញកើតឡើង ព្រោះមិនដឹងថា ត្រូវធ្វើមួយណាមុន មួយណាក្រោយ។
...ចំណុចទាំង៣យ៉ាងនេះ អ្នកមិនគួរធ្វើនៅថ្ងៃឆ្លងឆ្នាំថ្មីទេ!...
៤) មិនចេះរៀបចំផែនការ
ការរៀបចំផែនការពិតជាមានសារៈសំខាន់ខ្លាំងណាស់ ក្នុងការធ្វើការងារប្រចាំថ្ងៃ ព្រោះវាជាផែនទី ចង្អុលបង្ហាញផ្លូវថា ត្រូវធ្វើអ្វី និង ដោយរបៀបណានៅថ្ងៃខាងមុខ។ ដូច្នេះហើយបើ មិនចេះរៀបចំផែនការឲ្យបានល្អទេ ប្រាកដណាស់ថា អ្នកមិនអាចបង្កើនផលិតភាពការងារបានល្អនោះឡើយ ព្រោះមិនដឹងថា ត្រូវធ្វើអ្វី៕

ប្រែសម្រួល៖ រស្មី

ប្រភព៖

Laura Mam ឈប់ត្រឡប់ទៅអាមេរិក សុខចិត្តនៅច្រៀងស្រុកខ្មែរ ដើម្បីជួយសិល្បៈ

29 Dec, 2014 05:30

អត្ថបទសំខាន់, Laura Mam, ជុំវិញតារាជាតិ

Comment (s)

តារាចម្រៀងកូនខ្មែរសញ្ជាតិអាមេរិក កញ្ញា Laura Mam បាននិយាយប្រាប់ Sabayថា នាងឈប់ទៅរស់នៅសហរដ្ឋអាមេរិកទៀតហើយ ដោយចាប់ពេលនេះទៅ នឹងបន្តរស់នៅប្រទេសកម្ពុជា ដើម្បីខិតខំធ្វើការងារសិល្បៈឲ្យកាន់តែរីកចម្រើនជាងនេះទៅទៀត។

មូលហេតុចម្បងដែលនាំឲ្យ Laura Mam មិនចង់ទៅរស់នៅ សហរដ្ឋអាមេរិកដែលជាទីកំណើតរបស់នាង ត្រូវបានតារាចម្រៀងស្រីម្នាក់នេះ បញ្ជាក់ប្រាប់ថា ក៏ព្រោះតែនាងចង់រួមចំណែកជួយសិល្បៈប្រទេសកម្ពុជាឲ្យប្រសើរឡើង។ Laura បានបន្តថា នាងនិងសហការជាមួយក្រុមយុវជនកម្ពុជាដែលមានជំនាញខាងសិល្បៈចម្រៀង ដើម្បីផលិតបទចម្រៀងថ្មីៗបន្ថែមទៀត។

ក្រុមយុវជនកម្ពុជា ដែលជាគោលដៅរបស់ Laura អាចជាក្រុម SuperK Cambodia ត្បិតបច្ចុប្បន្ន នាងកំពុងតែសហការជាមួយក្រុមមួយនេះខ្លាំងណាស់។ តែបែបណាក្ដីនៅមិនទាន់លេចចេញជារូបរាងច្បាស់លាស់ឡើយ។ Laura បានលើកឡើងថា ការងារនេះនាងត្រូវការ ធ្វើតែជាមួយយុវវ័យកម្ពុជាសុទ្ធសាធ មិនចង់ឲ្យមានបរទេសចូលរួមឡើយ ព្រោះនាងគិតថា យុវជនខ្មែរមានសមត្ថភាពគ្រប់គ្រាន់ ក្នុងការធ្វើការងារនេះឲ្យបានជោគជ័យ ដើម្បីផលិតបទចម្រៀងដែលមិនមានការចម្លងពីបរទេស។

ការចាប់ដៃគូសហការសំខាន់ៗចាប់ពីពេលនេះរហូតទៅអនាគតគឺចង់បានអ្នកដែលមានសមត្ថភាព និងមានឆន្ទៈដូចគ្នា ហើយ នាងត្រៀមស្វាគមន៍ជានិច្ចរាល់គ្រប់យុវជនដែលចង់កសាងស្នាដៃថ្មីរួមគ្នា៕

អានអត្ថបទ៖ សុទ្ធតែតារាល្បីៗ ចូលរួមជប់លៀង មជ្ឈមណ្ឌលកែសម្ផស្សឌែម៉ូគ្លីនិក យប់មិញ

អានអត្ថបទ៖ CSM Boy CSM Girl យកតែបទគេមកច្រៀង តែមានទីផ្សារគួរសម

អត្ថបទ៖ ខុត សីហា

ស្ថានភាពអាកាសធាតុនៅកម្ពុជា នឹងចាប់ផ្ដើមចុះត្រជាក់ចាប់ពីថ្ងៃស្អែកនេះ

ស្ថានភាពអាកាសធាតុនៅកម្ពុជា នឹងចាប់ផ្ដើមចុះត្រជាក់ចាប់ពីថ្ងៃស្អែកនេះប្រភព៖ www.parish-without-borders.net
ក្រសួងធនធានទឹកនិងឧតុនិយមកាលពីម្សិលមិញនេះជូនដំណឹងបន្ថែមពីស្ថានភាពអាកាសធាតុអប្បបរមានៅកម្ពុជាដោយសារប្រទេសកម្ពុជានឹងចុះត្រជាក់ជាថ្មីម្ដងទៀតចាប់ពីថ្ងៃទី៣០ខែធ្នូឆ្នាំ២០១៤ ដល់ថ្ងៃទី ០៤ ខែមករា ឆ្នាំ២០១៥ ។

តាមសេចក្តីប្រកាសព័ត៌មានចុះថ្ងៃទី២៨ ខែ ធ្នូនេះ ឱ្យដឹងថា បណ្ដាខេត្តមួយចំនួននៅកម្ពុជានឹងទទួលរងអាកាសធាតុត្រជាក់រយៈពេលប្រាំមួយថ្ងៃដោយគ្របដណ្ដប់នៅតាមតំបន់ជួរភ្នំដងរែកក្នុងនោះមាន ខេត្តឧត្តរមានជ័យ ព្រះវិហារ មណ្ឌលគីរី និងរតនគីរី ស្ទឹងត្រែង និងខេត្តប៉ៃលិន មានសីតុណ្ហភាពអប្បបរមាពី ១៣-១៧ អង្សាសេ និង អតិបរមា ២៤-២៧ អង្សាសេ។

រាជធានីភ្នំពេញ កណ្ដាល ពោធិ៍សាត់ កំពង់ឆ្នាំង កំពង់ស្ពឺ ព្រៃវែង ស្វាយរៀង បន្ទាយមានជ័យ បាត់ដំបង សៀមរាប កំពង់ធំត្បូងឃ្មុំ ក្រចេះ និងខេត្តស្វាយរៀង មានសីតុណ្ហភាពអប្បបរមាពី១៩-២១ អង្សាសេ និង អតិបរមា ២៧-២៩ អង្សាសេ។ ចំណែកខេត្តកោះកុង ព្រះសីហនុ កំពត និងខេត្តកែបមានសីតុណ្ហភាពអប្បបរមា ពី២១-២៣ អង្សាសេ និងអតិបរមា ៣០-៣២ អង្សាសេ។

...ស្ថានភាពអាកាសធាតុនៅកម្ពុជានឹងចាប់ផ្ដើមចុះត្រជាក់ដល់ ១៥-១៧ អង្សាសេ ចាប់ពីថ្ងៃ១៧ ខែធ្នូនេះ...
ក្រសួងក៏បានអំពាវនាវទៅដល់សាធារណជនជាពិសេសវីរកងទ័ពដែលកំពុងឈរជើងតាមខ្សែបន្ទាត់ព្រំដែនកម្ពុជា-ថៃបង្កើនការយកចិត្តទុកដាក់ប្រុងប្រយ័ត្នខ្ពស់ ចំពោះស្ថានភាពអាកាសធាតុដែលចុះត្រជាក់នេះ៕

អត្ថបទ ៖ ចាន់ សុខ នាង

ស្ថានភាពប្រែប្រួល! ការរុករក យន្តហោះ AirAsia QZ8501 ត្រូវផ្អាកសិន (UPDATE ចុងក្រោយបង្អស់)

226 LIKES

4 COMMENTS

អាទិត្យ ២៨ ធ្នូ, ២០១៤ ម៉ោង ២១:៣៦

UPDATE ចុងក្រោយ: ការវិវឌ្ឍន៍មកទល់ម៉ោងនេះ ក្នុងការរុករក យន្តហោះ AirAsia ជើងហោះហើរ QZ8501 ត្រូវបានមន្ត្រីមានសមត្ថកិច្ច បញ្ជាឲ្យធ្វើការផ្អាកសិន ក្រោយពីប្រតិបត្តិការនេះ បានចាប់ផ្តើម តាំងពីព្រឹកថ្ងៃអាទិត្យនេះ មកម៉្លេះ លើផ្លូវហោះហើរ ពីប្រទេសឥណ្ឌូនេស៊ី ទៅកាន់ សឹង្ហបុរី។

ប្រភពព័ត៌មានពី foxnews បានឲ្យដឹងថា ក្រុមជួយសង្គ្រោះនឹងបន្ត ការស្វែងរកឡើងវិញ នៅព្រឹកថ្ងៃច័ន្ទ ព្រោះវេលានេះ យប់ណាស់ទៅហើយ។

ប្រភពបានបន្ថែម ឲ្យដឹងផងដែរថា នៅក្នុងខណៈពេល ដែលមិនទាន់ បាត់ការទាក់ទង តែ ១១នាទីប៉ុណ្ណោះ អ្នកបើកយន្តហោះ បានសុំផ្លាស់ប្តូរ ទិសដៅនៃគោលចរហោះហើរ ដោយងាកមកឆ្វេង និង បន្ថែមកម្ពស់ហោះហើរ ចំនួន ៣៤,០០០ ហ្វីត ទៀត ដើម្បីគេចពីពពក ដែលអាចជា ឧបសគ្គរារាំង ដល់ការហោះហើរបាន។ តាមការបញ្ជាក់ឲ្យដឹងថា ពពកទាំងនោះ ចេញមកពីព្យុះដ៏សែនក្រាស នៅក្នុងតំបន់ដែល បានបាត់ការទាក់ទងនោះ ហើយបើសិនជា យើងក្រឡេកមើលរូបភាព ផ្កាយរណបខាងក្រោម នឹងដឹងបានថា ទីនោះ មានពពកក្រាសៗ កំរិតណា៕ Khmerload នឹង Update ព័ត៌មានថ្មីៗ ជូនដល់ប្រិយមិត្ត បានជ្រាប ជាបន្តបន្ទាប់ទៀត...

ចុចអាន៖ គុណបុណ្យឪពុក ជួយមួយគ្រួសារ រួចផុតគ្រោះថ្នាក់ ពីយន្តហោះ AirAsia QZ8501 ដែលអាចនឹង ធ្លាក់ចូលទឹក បាត់ហើយ!

ចុចអាន៖ មានតំរុយ ពីទីតាំង ដែលយន្តហោះ AirAsia QZ8501 អាចនឹងត្រូវបានធ្លាក់ហើយ! (UPDATE ចុងក្រោយ)

Tuesday, December 23, 2014

កូរ៉េខាងជើងដាច់អ៊ីនធឺណិតទាំងអស់ ក្រោយពីអាមេរិកប្រកាសចាត់វិធានការលើ ករណីវាយប្រហារលើក្រុមហ៊ុន Sony Pictures

កន្លែងប្រើអ៊ីនធឺណិតរបស់មន្រ្តីកូរ៉េខាងជើងប្រភព៖ nbcnews.com

បណ្ដាញ អ៊ីនធឺណិតកូរ៉េខាងជើង បានដាច់ទាំងស្រុង កាលពីថ្ងៃចន្ទ ក្រោយពេល ល្បឿនអ៊ីនធឺណិតខ្សោយទៅៗអស់ជាច្រើនម៉ោងរួចមក ដែលប្រការនេះ គឺអាចមកពីការវាយប្រហារណាមួយតាមប្រព័ន្ធអ៊ីនធឺណិត។ នេះបើយោងតាមក្រុមហ៊ុន Dyn Researchដែលជាភ្នាក់ងារជំនាញផ្នែកវិភាគ ប្រព័ន្ធអ៊ីនធឺណិត។

បញ្ហាដាច់បណ្ដាញអ៊ីនធឺណិតនេះ គឺ កើតឡើងក្រោយពេលដែល សហរដ្ឋអាមេរិកបាននិយាយដាក់កូរ៉េខាងជើងចំៗថា នឹងចាត់វិធានការឲ្យសមស្របទៅនឹង សកម្មភាពលួចទិន្នន័យជាច្រើនរបស់ក្រុមហ៊ុន Sony Pictures ដែលអាមេរិកចោទថា ជាស្នាដៃរបស់កូរ៉េខាងជើង។

យ៉ាងណាក៏ដោយ គេមិនទាន់មានភស្តុតាងថា អាមេរិកជាអ្នកបង្កបញ្ហានេះ ដល់កូរ៉េខាងជើងនៅឡើយទេ ហើយសហរដ្ឋអាមេរិកក៏មិនបញ្ជាក់ថា ខ្លួនជាអ្នកនៅពីក្រោយចំពោះការផ្តាច់ប្រព័ន្ធអ៊ីនធឺណិតនោះដែរ តែគ្រាន់តែទាមទារឲ្យមានសំណងចំពោះការខូចខាតរបស់ក្រុមហ៊ុន Sony Pictures។
...កូរ៉េខាងជើង៖ បើអាមេរិកមិនសហការជាមួយយើងរឿង Hack ក្រុមហ៊ុន Sony ទេ នឹងមានបញ្ហាធំ...
ប្រទេសកូរ៉េខាងជើង ជាប្រទេសមួយដែលមានការរឹតត្បិតបំផុតលើប្រព័ន្ធអ៊ីនធឺណិត ពោលគឺមានតែមន្ត្រីធំៗ និង អ្នកជំនាញប៉ុណ្ណោះដែលប្រើប្រាស់ច្រើន ចំណែកប្រជាពលរដ្ឋទូទៅនោះ មិនងាយបានប្រើឡើយ។ លើសពីនេះទៀត រាល់ព័ត៌មានផ្សេងៗដែលមាននៅប្រព័ន្ធអ៊ីនធឺណិត គឺសុទ្ធតែស្ថិតក្រោមការគ្រប់គ្រងយ៉ាងតឹងរ៉ឹង ហើយព័ត៌មានពីក្រៅមិនអាចចូលក្នុងប្រទេសនេះដោយងាយឡើយ។

សូមបញ្ជាក់ថា ក្រុមហ៊ុនរបស់ចិនឈ្មោះថា China United Network Communications Group Co., Ltd គឺជាអ្នកផ្គត់ផ្គង់អ៊ីនធឺណិត ប៉ុន្តែក្រុមហ៊ុននេះមិនទាន់ដឹងពីមូលហេតុដែលនាំឲ្យកូរ៉េខាងជើង ដាច់អ៊ីនធឺណិតទេ៕

ប្រែសម្រួល៖ រស្មី

ប្រភព៖ nytimes.com &phys.org

ហាងឆេងមាស អត្រាប្ដូរប្រាក់ និងប្រេងឆៅ ថ្ងៃច័ន្ទ ២២ធ្នូនេះ ឡើងចុះយ៉ាងណា?

ហាងឆេងមាស អត្រាប្ដូរប្រាក់ និងប្រេងឆៅប្រភព៖ tarborotimes.com

នៅ ថ្ងៃច័ន្ទនេះ មាសស្ថិតក្នុងតម្លៃក្រោម ១២០០ ដុល្លារអាមេរិកក្នុងមួយអោន (៨ជី ៣ហ៊ុន) បន្ទាប់ពីប្រាក់ដុល្លារឡើងថ្លៃខ្លាំង និងម៉្យាងទៀត គេរំពឹងថា ធនាគារកណ្ដាលអាមេរិកអាចនឹងដំឡើងអត្រាការប្រាក់បញ្ញើនា ឆ្នាំ២០១៥។

មាសតាមហាងឆេងលក់ចេញព្រឹកនេះគឺមួយអោនថ្លៃ ១១៩៤,៩៥ គិតត្រឹមម៉ោង ០០:២៣ ម៉ោងសកលត្រូវនឹងម៉ោង ៧:២៣ ព្រឹកនៅព្រះរាជាណាចក្រកម្ពុជា។ ធនាគារកណ្ដាលអាមេរិក បន្ទាប់ពីបិទកិច្ចប្រជុំកាលពីថ្ងៃពុធសប្ដាហ៍មុន បានបង្ហាញសញ្ញាថានឹងដំឡើងអត្រាការប្រាក់បញ្ញើនាឆ្នាំ២០១៥ ខាងមុខនេះ ប៉ុន្តែកំពុងនៅរង់ចាំមើលស្ថានភាពតម្លៃមាសដែលកំពុងធ្លាក់ថ្លៃ សិន។

កត្តាមួយទៀត ដែលធ្វើឲ្យមាសឡើងថ្លៃទៅមិនរួច គឺភាគហ៊ុននៅមានតម្លៃល្អ (equtities)។ សកម្មភាពនៅលើទីផ្សារប្ដូររូបិយប័ណ្ណ និងទិញលក់មាស ហាក់មិនសូវមមាញឹកដូចសព្វមួយដងនោះទេ ព្រោះមនុស្សរវល់គិតអំពីបុណ្យណូអែល ឬគ្រីសស្មះ (Christmas) និងបុណ្យចូលឆ្នាំសកល ២០១៥ (ក្នុងរយៈពេលនេះ ផ្សារប្ដូររូបិយប័ណ្ណខ្លះបិទទ្វារសម្រាក)។

អំពីសន្ទស្សន៍តម្លៃមាស និងប្រេងឆៅ
ប្រេងឆៅ មួយបារ៉ែល (១៥៩ លីត្រ) = ៥៧,១៣ ដុល្លារ (ហាងឆេង West Texas នៅសហរដ្ឋអាមេរិក) – ៦១,៣៨ ដុល្លារ (ហាងឆេង Brent នៅអឺរ៉ុប)
មាស ៨ជី ៣ហ៊ុន = ១១៩៧,៣ ដុល្លារ (១ដំឡឹង = ១៤៤២,៥៣ ដុល្លារអាមេរិក) (តាមហាងឆេង Comex នៅសហរដ្ឋអាមេរិក)
វៀតណាម ៖ មាស ៨ជី ៣ហ៊ុន = ១១៩៦,៧៤ ដុល្លារ (មួយដំឡឹង = ១៤៤១,៨៥ ដុល្លារអាមេរិក)
ថៃ ៖ មាស ៨ជី ៣ហ៊ុន = ១១៩៧ ដុល្លារ (មួយដំឡឹង = ១៤៤២,១៦ ដុល្លារអាមេរិក)
ឥណ្ឌូណេស៊ី ៖ មាស ៨ជី ៣ហ៊ុន = ១១៩៦,៦៦ ដុល្លារ (មួយដំឡឹង = ១៤៤១,៧៥ ដុល្លារអាមេរិក)

អំពីសន្ទស្សន៍អត្រាប្ដូរប្រាក់តាមទីផ្សារអន្តរជាតិ ថ្ងៃច័ន្ទ ទី២២ ខែធ្នូ ២០១៤ (ម៉ោង ៩:៣០ ព្រឹកនៅព្រះរាជាណាចក្រកម្ពុជា)
មួយដុល្លារអាមេរិក = ៤០៦០ រៀលខ្មែរ (តាមអត្រាប្ដូរប្រាក់ផ្លូវការកំណត់ដោយធនាគារជាតិនៃកម្ពុជា ថ្ងៃច័ន្ទ ទី២២ ខែធ្នូ ឆ្នាំ២០១៤)
មួយដុល្លារអាមេរិក = ៣២,៨៣ បាត (ថៃ)
មួយដុល្លារអាមេរិក = ២១ ៤០៧,៥ ដុង (វៀតណាម)
មួយដុល្លារអាមេរិក = ០,៨១៧១ អឺរ៉ូ (១អឺរ៉ូ = ១,២២៣៩ ដុល្លារអាមេរិក)
មួយដុល្លារអាមេរិក = ១០៩៧,៨៦ វុន (កូរ៉េខាងត្បូង)
មួយដុល្លារអាមេរិក = ១,២២៨ ដុល្លារអូស្ត្រាលី
មួយដុល្លារអាមេរិក = ៧,៧៥៤៨ ដុល្លារហុងកុង
មួយដុល្លារអាមេរិក = ១,១៦១៣ ដុល្លារកាណាដា
មួយដុល្លារអាមេរិក = ១,៣១៦១ ដុល្លារសិង្ហបុរី
មួយដុល្លារអាមេរិក = ១១៩,៤២ យ៉េន (ជប៉ុន)
មួយដុល្លារអាមេរិក = ៦,២២៧ យ័ន្ត (ចិន)

...ថ្ងៃសុក្រនេះ មាសធ្លាក់ថ្លៃដោយសារប្រេងឆៅ និងប្រាក់ដុល្លារ...

កំណត់សម្គាល់ : តួលេខខាងលើ ស្រង់ពីអត្រាលក់ចេញ និងប្ដូរប្រាក់តាមហាងឆេងអន្តរជាតិ គិតត្រឹមម៉ោង ០៩:៣០ ព្រឹកថ្ងៃច័ន្ទ ទី២២ ខែធ្នូ ឆ្នាំ២០១៤ ម៉ោងនៅព្រះរាជាណាចក្រកម្ពុជា។ ហាងឆេងនេះប្រែប្រួលគ្រប់វិនាទី អាស្រ័យលើចរន្តនយោបាយអន្តរជាតិ និងស្ថានភាពសេដ្ឋកិច្ចពិភពលោក។ ដូចនេះ គេហទំព័រ TheBNEWS នឹងបន្តតាមដានហាងឆេងតាមគេហទំព័រអន្តរជាតិ ដើម្បីធ្វើបច្ចុប្បន្នភាព (Update) រៀងរាល់ម៉ោង ឬរាល់ ៣០ នាទីម្ដង៕

ប្រភព៖ nasdaq.com - marketwatch.com - bloomberg.com - Reuters.com

តើនៅក្នុងឆ្នាំ២០១៤ មានព្រឹត្តិការណ៍សំខាន់ៗអ្វីខ្លះបានកើតឡើង?

ព្រឹត្តិការណ៍សំខាន់ប្រចាំឆ្នាំ២០១៤ (ប្រទេសស្កុតឡែនបោះឆ្នោត បន្តរួបរួមជាមួយអង់គ្លេស)ប្រភព៖ nbcnews.com

១- ព្រឹត្តិការណ៍យន្តហោះរបស់ក្រុមហ៊ុនអាកាសចរណ៍ម៉ាឡេស៊ី Malaysia Airlines ៖
ករណីបាត់យន្តហោះ MH370 របស់ម៉ាឡេស៊ី ជារឿងអាថ៌កំបាំងបំផុត មិនទាន់ស្រាយចេញ បន្ទាប់ពីឧបទ្ទវហេតុនេះបានកើតឡើងអស់រយៈពេលប្រាំបួនខែហើយនៅតែ គ្មានតម្រុយដដែល។ យន្តហោះនេះដឹកអ្នកដំណើរ ២៣៩ នាក់។ ពេលកំពុងរត់លើផ្លូវអាកាសពីទីក្រុងគូឡាឡាំពួរទៅទីក្រុងប៉េកាំង ក៏ដាច់ការទាក់ទងជាមួយអង្គភាពតាមដានចរាចរណ៍ជើងអាកាសដែលមាន មូលដ្ឋាននៅលើដី។

រហូតមកទល់នឹងពេលនេះ មានការសន្និដ្ឋានជាច្រើនពីក្រុមអ្នកវិភាគ ៖ អ្នកខ្លះថាយន្តហោះទំនងជាត្រូវបានបាញ់ធ្លាក់ អ្នកខ្លះថាយន្តហោះទំនងជាត្រូវបានប្លន់ អ្នកខ្លះថាយន្តហោះទំនងជាហោះហើរដោយគ្មានអ្នកបើកបរ ហើយហោះរហូតទាល់តែអស់សាំង ហើយធ្លាក់កណ្ដាលសមុទ្រ។ល។

២- ព្រឹត្តិការណ៍ប្រទេសស្កុតឡែន បន្តរួមរស់ជាចក្រភពជាមួយប្រទេសអង់គ្លេស៖
កាលពីថ្ងៃទី១៨ ខែកញ្ញា ឆ្នាំ២០១៤ ប្រទេសស្កុតឡែនបានរៀបចំការបោះឆ្នោត ដើម្បីចាកចេញ ឬបន្តរួបរួមនៅក្នុង «ចក្រភពអង់គ្លេស»។ លទ្ធផលបង្ហាញថាប្រជារាស្ត្រស្កុតឡែនបោះឆ្នោត ៥៥% ឲ្យស្កុតឡែននៅក្នុងចក្រភព និង៤៥% បោះឆ្នោតឲ្យចាកចេញ។

...កូរ៉េខាងជើងដាច់អ៊ីនធឺណិតទាំងអស់ ក្រោយពីអាមេរិកប្រកាសចាត់វិធានការលើ ករណីវាយប្រហារលើក្រុមហ៊ុន Sony Pictures...

៣- «តំបន់ចាយប្រាក់អឺរ៉ូ» ទទួលរងហាយនភាពសាជាថ្មី៖
គ្រាន់តែក្នុងរយៈពេលប្រាំឆ្នាំចុងក្រោយនេះ តំបន់ចាយប្រាក់អឺរ៉ូ ជួបនឹងវិបត្តិហិរញ្ញវត្ថុរហូតដល់បីលើកផ្ទួនៗ។ ប្រសិនបើគេគិតជាមធ្យមភាគ បណ្ដាប្រទេសនៅតំបន់ចាយប្រាក់អឺរ៉ូកើនសេដ្ឋកិច្ចលើសមុនបានត្រឹម ០,២% ធៀបរវាងខែកក្កដាដល់ខែកញ្ញា។

ប្រទេសអ៊ីតាលីបានជួបប្រទះនឹងវិបត្តិសេដ្ឋកិច្ចរួចជាស្រេច (recessioin) ចំណែកប្រទេសបារាំងនិងអាល្លឺម៉ង់ក៏កំពុងតែទៅបណ្ដើរៗដែរ។

៤- ចលនាទាមទារលទ្ធិប្រជាធិបតេយ្យនៅហុងកុង ៖
ប្រទេសចិនបានអនុវត្តរបបនយោបាយ «ប្រទេសមួយប្រើប្រព័ន្ធនយោបាយពីរ» បន្ទាប់ពីចក្រភពអង់គ្លេសបានប្រគល់កោះហុងកុងទៅឲ្យស្ថិតក្រោមការ គ្រប់គ្រងរបស់ប្រទេសចិន។ នៅក្នុងទ្រឹស្ដី ប្រទេសចិននឹងអនុញ្ញាតឲ្យហុងកុងមានលទ្ធិប្រជាធិបតេយ្យដូចកាលស្ថិត នៅក្រោមការគ្រប់គ្រងអង់គ្លេស ប៉ុន្តែអ្នកតវ៉ាបានត្អូញត្អែរថាការអនុវត្តជាក់ស្ដែងមិនបានដូច បំណងខ្លួន។ រឹតតែធ្ងន់ធ្ងរជាងនេះទៅទៀត ប្រជាពលរដ្ឋហុងកុងទាំងជាងប្រាំពីរលាននាក់ ត្រូវតែបង្ខំចិត្តទទួលយកអភិបាលក្រុង និងគណៈអភិបាលទីក្រុងហុងកុង ទៅតាមការចាត់តាំងពីរដ្ឋាភិបាលក្រុងប៉េកាំង។

៥- ប្រេងឆៅធ្លាក់ថ្លៃយ៉ាងគំហុក ៖
នាដំណាក់កាលចុងក្រោយនេះ ប្រេងឆៅធ្លាក់ថ្លៃយ៉ាងគំហុក។ ធៀបពីតម្លៃប្រេងឆៅនៅក្នុងថ្ងៃនេះ ទៅតម្លៃ កាលពីខែកក្កដា ឃើញថាខុសគ្នាឆ្ងាយដូចមេឃនិងដី។ កាលណោះ ប្រេងឆៅមួយបារ៉ែលដែលមានចំណុះ ១៥៩ លីត្រថ្លៃជាង ១០០ ដុល្លារអាមេរិក ចំណែកថ្ងៃនេះមួយបារ៉ែលថ្លៃជាង ៥៥ ដុល្លារ គឺធ្លាក់ថ្លៃពាក់កណ្ដាលជាង។

...តើមេដឹកនាំពិភពលោកល្បីៗ ប្រើទូរស័ព្ទម៉ាកអ្វីខ្លះ?...

៦- ជំងឺអេបូឡារីករាលដាលនៅតំបន់អាហ្វ្រិកខាងលិច ៖
កាលពីខែមីនា ឆ្នាំ២០១៤ ជំងឺអេបូឡាបានរីករាលដាលយ៉ាងគំហុកនៅតំបន់អាហ្វ្រិកខាងលិច ក្នុងនោះមានប្រទេសហ្គីណេ ប្រទេសលីបេរីយ៉ា និងស៊ីរ៉ាឡេអូន។ រហូតមកដល់ចុងឆ្នាំ២០១៤ ចំនួនអ្នកស្លាប់ដោយសារអេបូឡាកើនឡើងរហូតដល់ជាង ៧០០០ នាក់។

៧- ក្រុមជ្រុលនិយមអាយស៊ីស បង្កព្យុះភ្លៀង ឬធ្វើផ្គរធ្វើភ្លៀងនៅអ៊ីរ៉ាក់ និងស៊ីរី ៖
ក្រុមជ្រុលនិយមបានកាត់ក្បាលជនជាតិអាមេរិកចំនួនបីនាក់ ហើយបានធ្វើឲ្យលោកអូបាម៉ា សម្រេចបញ្ជូនកងទ័ពអាកាសវាយប្រហារដែនអាកាសនៅប្រទេសស៊ីរី និងអ៊ីរ៉ាក់។ ការវាយប្រហារនេះពន្យឺតចលនាជ្រុលនិយមនេះ កុំឲ្យរីកធំធាត់ឆាប់រហ័សពេក។

៨- ប្រទេសរុស្ស៊ីដាក់បញ្ចូលតំបន់គ្រីមៀ ជាដែនអធិបតេយ្យរបស់រុស្ស៊ី ៖
កាលពីពាក់កណ្ដាលខែមីនា ឆ្នាំ២០១៤ ប្រទេសរុស្ស៊ីបានដាក់បញ្ចូលតំបន់គ្រីមៀ ដែលជាទឹកដីរបស់ប្រទេសអ៊ុយក្រែន ឲ្យក្លាយជាទឹកដីរបស់ប្រទេសរុស្ស៊ីវិញម្ដង។ ក្នុងខែកញ្ញា ឆ្នាំ២០១៤ ដដែល ក្រុមឧទ្ទាមនៅប្រទេសអ៊ុយក្រែនភាគខាងកើត បានងើបបះបោរផ្ដាច់តំបន់ដូណែត ពីប្រទេសអ៊ុយក្រែនទៀត ហើយបានរៀបចំការបោះឆ្នោត ដើម្បីបង្កើតរដ្ឋាភិបាលស្វយ័ត ដែលឯករាជពីអ៊ុយក្រែន៕

...មេដឹកនាំដែលបំពេញការងារបានល្អបំផុតទាំង១០ រូបនៅលើពិភពលោក!...

ប្រែសម្រួល ៖ អន សំអាង

ប្រភព៖ businessinsider.com

Monday, December 22, 2014

គន្លឹះចំនួន ៦ ធ្វើឲ្យការគិតរបស់អ្នកក្នុងឆ្នាំ ២០១៥ នេះ កាន់តែឆ្លាតជាងមុន

១) ដាក់ការប៉ាន់ស្មានឲ្យស្ថិតនៅក្នុងកម្រិតទាប
មនុស្សខ្ជិល ជាទូទៅគេសង្កេតឃើញថា ចូលចិត្តគិតអ្វីមួយក្នុងស្ថានភាពមួយដ៏សាមញ្ញងាយស្រួល ស្មានៗ និងទាត់ចោលរាល់ព័ត៌មានទាំងឡាយណាដែលផ្ទុយពីការយល់ឃើញរបស់ខ្លួន។ នេះជាការគិតដ៏ខុសឆ្គងមួយដែលមិនមានលក្ខណៈស៊ីជម្រៅ ទីបំផុតមិនអាចស្វែងយល់អ្វីបានជាដុំកំភួនបាននោះឡើយ។ អ្នកអាចជាមនុស្សឆ្លាតជាងមុននៅពេលដែលអ្នកបង្កើតទម្លាប់មួយគិត ឲ្យបានល្អិតល្អន់ជាមុន ឬ មិនយកការស្មានៗមកធ្វើកម្មវត្ថុនៃការសម្រេចចិត្ត ទើបជាគន្លឹះដ៏ល្អមួយនៅទីនេះ។

២) កុំឆាប់វាយតម្លៃពេក
កំហុសឆ្គងមួយទៀតដែលជាសត្រូវទៅនឹងភាពឆ្លាតវៃរបស់អ្នកគឺការ ឆាប់វាយតម្លៃលើអ្វីមួយ ឬ អ្នកដទៃថា ជាមនុស្សបែបនេះ ឬ មនុស្សបែបនោះភ្លាមៗ។ ការឆាប់វាយតម្លៃភ្លាមៗដោយមិនបានប្រើពេលសង្កេតឲ្យបានយូរ គឺជាចេតនាមួយបង្កើតឲ្យមានការយល់ខុស ឃ្លាតឆ្ងាយពីអ្នកដទៃ ការអាក់អន់ចិត្ត និង ការស្អប់ខ្ពើមទៅវិញទៅមក។ អ្នកអាចដោះស្រាយចំណុចនេះដោយការចំណាយពេលយូរជាងអ្វីដែលជា ទម្លាប់គិតច្របល់ៗ និង ការសន្និដ្ឋានក្នុងមួយប៉ប្រិចភ្នែករបស់អ្នក រួមទាំងទទួលស្គាល់នូវអ្វីដែលអ្នកដទៃមាន។

៣) ជំនះលើភាពរឹងទទឹងរបស់អ្នក
ចរិតរឹងទទឹងមួយគឺត្រូវបានចាត់ចូលជាលក្ខណៈសម្បត្តិមួយទៀតដែល មិនធ្វើឲ្យមានបដិវត្តនៅក្នុងខួរក្បាលរបស់អ្នក។ អ្នកអាចគិតថា អ្នកដទៃដូចជាអ្នក ឬ ក៏គិតថា គំនិតអ្នកដទៃក៏មិនសូវល្អដូចគំនិតរបស់អ្នក ហេតុដូច្នេះហើយ គ្មានហេតុផលអ្វីដែលអ្នកត្រូវផ្លាស់ប្តូរគំនិតខ្លួនឯងនោះឡើយ។ ការពីមុន គេនិយមប្រើពាក្យ "ព្យាយាម និង តស៊ូមិនបោះបង់" តែបរិបទយុគសម័យថ្មីនេះ អ្នកនឹងប្រឈមមុខបញ្ហាថ្មីៗកាន់តែច្រើនឡើង។ នេះហើយជាហេតុផលដែលអ្នកត្រូវជម្រុះចោលចរិតរឹងទទឹងរបស់អ្នក ដើម្បីត្រៀមខ្លួនជាមុនទទួលយកការផ្លាស់ប្ដូរថ្មីៗ ជាពិសេសគឺការទទួលយកគំនិតល្អៗរបស់អ្នកដទៃនេះឯង។

...គន្លឹះ៥យ៉ាងនេះ ធានាថាអាចជួយឲ្យអ្នកសប្បាយចិត្តនៅកន្លែងធ្វើការបាន!...

៤) ដាក់ឲ្យអារម្មណ៍ឲ្យស្ងប់មុននឹងសម្រេចចិត្ត
ការសម្រេចចិត្តដ៏ខុសឆ្គងបំផុតមួយដែលមិនចាត់ទុកថា ជាការសម្រេចចិត្តដ៏ឆ្លាតវៃគឺការសម្រេចចិត្តនៅពេលមានកំហឹង ព្រោះថាអ្នកមិនអាចគិតបានគ្រប់ជ្រុងជ្រោយនោះឡើយនៅក្នុង ស្ថានភាពបែបនេះ ដែលនេះនឹងធ្វើឲ្យទទួលបានលទ្ធផលជាអវិជ្ជមាន បន្ទាប់ពីមានការសម្រេចចិត្តរួច។ ផ្ទុយទៅវិញ បើអ្នកស្ថិតនៅក្នុងស្ថានភាពបែបនេះ គួរដាក់ចិត្តឲ្យស្ងប់ជាមុនសិន ទើបធ្វើការសម្រេចចិត្តជាក្រោយផ្អែកលើសេណារីយូ លទ្ធផលការងារ ការស្រាវជ្រាវ ឬ គម្រោងការងារដែលមានស្រាប់ជាដើម។

៥) ចេះគ្រប់គ្រងខ្លួនឯង
ការយល់ឃើញដែលផ្អែកលើអំណះអំណាងរបស់អ្នកតែម្នាក់ឯង មិនមែនជាការគិតប្រកបដោយភាពឆ្លាតវៃនោះទេ។ អ្នកត្រូវដឹងថា អ្នកត្រូវគិត ឬ ប្រើទស្សនៈរបស់អ្នកក្នុងកម្រិតណាទើបធ្វើឲ្យមិនបំពានលើសិទ្ធ អ្នកដទៃ និង មិនធ្វើឲ្យអ្នកដទៃយល់ឃើញថា អ្នកមិនមែនកំពុងទាញផលប្រយោជន៍ពីពួកគេ ។ ការគោរពសិទ្ធគ្នាទៅវិញទៅមកជាពិសេសនៅពេលទំនាក់ទំនង គឺជាវប្បធម៌មួយនាំឲ្យមានកិច្ចសហការល្អ សម្រេចបានជាលទ្ធផលគួរជាទីគាប់ចិត្ត។

៦) ស្តាប់ឲ្យប្រុងប្រយ័ត្នជាងមុន
មនុស្សមួយចំនួនអាចនិយាយបានពី ១០០ទៅ ១៥០ ពាក់ក្នុងមួយនាទី តែខួរក្បាលរបស់អ្នកអាចនិយាយបានរហូតដល់ ៦០០ពាក់ឯណោះ។ ម្យ៉ាងវិញទៀត ខួរក្បាលរបស់អ្នកចង់ឲ្យអ្នកគិតលឿនជាងអ្នកដទៃនិយាយចំនួន៤ ដង ដែលនេះធ្វើឲ្យអារម្មណ៍របស់អ្នកបែកខ្ញែកមិននឹងនរអាចមិនចាប់ អារម្មណ៍លើអ្វីដែលអ្នកដទៃកំពុងនិយាយ។ ការគិតដ៏ឆ្លាតវៃ គឺជាការគិតដែលធ្វើឡើងមួយៗផ្ដោតក្នុងដែនកំណត់មួយទន្ទឹមនឹង អ្វីដែលអ្នកដទៃកំពុងនិយាយ។ នៅពេលដែលអ្នកផ្តោតស្តាប់ពីអ្វីដែលអ្នកណាម្នាក់និយាយ អ្នកនឹងអាចក្តាប់បានរាល់ទស្សនៈទាំងនោះ ដែលអាចធ្វើឲ្យអ្នកចេះចម្រាញ់យកទស្សនៈដែលត្រឹមត្រូវ និង បដិសេធន៍ចោលទស្សនៈដែលគ្មានហេតុផល៕

ប្រែសម្រួល៖ ខេវិន

ប្រភព៖ inc

៥ គន្លឹះបង្រៀនកូនៗរបស់លោកអ្នកឲ្យចេះរកលុយ និង ចេះគ្រប់គ្រងហិរញ្ញវត្ថុឲ្យហើយ

១) ដាក់កូនជ្រូកសន្សំប្រាក់នៅបន្ទប់គេង
ការដាក់កូនជ្រូកសន្សំប្រាក់នៅក្នុងបន្ទប់គេង គឺជាជម្រើសដ៏ល្អមួយសម្រាប់ប្រៀនកូនៗរបស់អ្នកឲ្យចេះសន្សំ ប្រាក់។ អ្នកត្រូវដើរតួសំខាន់នៅក្នុងរឿងនេះដើម្បីទាក់ទាញក្រសែភ្នែក កូនៗរបស់អ្នកយកគំរូតាមប្រៀបដូចជាយកចិត្តទុកដាក់ទៅនឹង កូនជ្រូកនេះ ឲ្យតម្លៃវាខ្លាំង និង ដាក់ប្រាក់មួយថ្ងៃម្តងៗ។ នេះនឹងធ្វើឲ្យពួកគេចងចាំ និង ចាប់ផ្តើមរៀនសូត្រពីការសន្សំប្រាក់។

២) បង្រៀនលក់
ព្យាយាម និង សាកល្បងឲ្យកូនៗរបស់អ្នកសាកលក់ផលិតផលអ្វីមួយដូចជា ផ្លែឈើ ចាប់ហួយ ឧបករណ៍ចាស់ៗ និង ផលិតផលតូចតាចមួយចំនួនទៀតនៅខាងមុខផ្ទះរបស់អ្នក។ វាមិនមែនជាអ្វីដែលអ្នកត្រូវដាក់កំហិតដល់ពួកគេនោះទេ តែគ្រាន់តែធ្វើឲ្យពួកគេចេះរៀនលក់ ចេះរកលុយ និង រកវិធីសាស្ត្រទាក់ទាញអតិថិជនដោយខ្លួនឯងប៉ុណ្ណោះ។ សកម្មភាពនេះពីមួយថ្ងៃទៅមួយថ្ងៃ ពួកគេនឹងកាន់តែដុះគំនិតរកស៊ីល្អប្រសើរឡើង ហើយនៅពេលធំដឹងក្តី ពួកគេនឹងមានបទពិសោធន៍ពេញខ្លួនតែម្តង។

៣) កំណត់ផែនការចំណាយរបស់ពួកគេ
នៅទីនេះអ្នកត្រូវឲ្យកូនៗរបស់អ្នកអង្គុយចុះ ហើយសន្ទនាជាមួយពួកគេពីប្រាក់ដែលត្រូវចំណាយ ដើម្បីធ្វើឲ្យពួកគេចេះមានទំនួលខុសត្រូវមិនចាយវាយខ្ជះខ្ជាយ។ អ្នកអាចបង្ហាញពីផែនការចំណាយដ៏មានប្រសិទ្ធភាព ដោយមិនត្រូវឲ្យពួកគេធ្វើតាមអំពើចិត្តនោះទេ ឬ សាកល្បងបង្ហាញពីពួកគេពីខ្ទង់ចំណាយរបស់អ្នកជារៀងរាល់ថ្ងៃ ដូចជា អាហារ ស្លៀកពាក់ សិក្សា និង សម្ភារៈគេហដ្ឋានជាដើម។ នេះនឹងធ្វើឲ្យពួកគេចេះចាប់ផ្តើមគ្រប់គ្រងហិរញ្ញវត្ថុបានល្អ ប្រសើរ។

...គន្លឹះចំនួន ៦ ធ្វើឲ្យការគិតរបស់អ្នកក្នុងឆ្នាំ ២០១៥ នេះ កាន់តែឆ្លាតជាងមុន...

៤) បង្រៀនពួកគេឲ្យចេះសន្សំ
នៅតូចៗពួកគេមិនមានលទ្ធភាពរកប្រាក់ចំណូលបាននោះទេ ហេតុដូច្នេះបើអ្នកមានប្រាក់ជារង្វាន់ដល់ពួកគេ អ្នកគួរតែធ្វើឲ្យពួកគេយកប្រាក់នោះទៅសន្សំទុក។ តែបើពួកគេចេះរកលុយដោយខ្លួនឯងបានទៀតគឺកាន់តែប្រសើរ ហើយអ្នកត្រូវតែឈរនៅពីក្រោយដើម្បីបង្ហាញផែនការសន្សំដល់ពួកគេ។ អ្នកអាចទិញកូនជ្រូកសន្សំប្រាក់ឲ្យពួកគេចំនួន២ ដូចជា កូនជ្រូកសម្រាប់សន្សំប្រាក់ទុក និង កូនជ្រូកសម្រាប់ចំណាយទិញសម្ភារៈផ្សេង ហើយបន្ទាប់មកឲ្យពួកគេដាក់ប្រាក់ចូលទៅក្នុងកូនជ្រូកសន្សំ ប្រាក់ទាំងនេះ។

៥) លើកទឹកចិត្តឲ្យចេះរកលុយបន្ថែម
កូនៗ របស់អ្នកអាចចាយប្រាក់ខ្ជះខ្ជាយដែលនេះទាមទារឲ្យអ្នកចេះ អន្តរាគមន៍កំណត់ការចំណាយរបស់ពួកគេ។ អ្នករកជួយពួកគេបានដូចជា ឲ្យពួកគេចេះធ្វើការងារផ្ទះ និងខិតខំរៀនសូត្រដើម្បីទទួលបានប្រាក់រង្វាន់ជាដើម។ ក្រៅពីនេះ បើកូនៗរបស់អ្នកអាចចេះលក់ផលិតផលផ្សេងៗបានទៀតនោះ វាកាន់តែប្រសើរ ទោះបីជាពួកគេរកប្រាក់ចំណូលបានតិចក្តីច្រើនក្តី អ្នកត្រូវលើកទឹកចិត្តពួកគេឲ្យរកលុយបន្ថែមទៀតកាន់តែច្រើនឡើង។ នេះហើយជាគំនិតស្វែងរកលុយនៅពេលដែលពួកគេធំដឹងក្តី៕

ប្រែសម្រួល៖ ខេវិន

ប្រភព៖ Lifehack

យន្តហោះចម្បាំងអាមេរិកវាយប្រហារនៅអ៊ីរ៉ាក់ សម្លាប់មេដឹកនាំសំខាន់ៗរបស់ក្រុមរដ្ឋឥស្លាមអស់មួយចំនួន

យន្តោះចម្បាំងរបស់អាមេរិកប្រភព៖ voanews.com

មេដឹកនាំ សំខាន់ៗរបស់ក្រុមរដ្ឋឥស្លាមមួយចំនួនបានស្លាប់ ដោយសារការវាយប្រហារតាមរយៈយន្តហោះចម្បាំងរបស់អាមេរិកក្នុងប្រទេស អ៊ីរ៉ាក់នៅពេលថ្មីៗនេះ។ នេះបើតាមការអះអាងរបស់ ក្រសួងការពារជាតិរបស់អាមេរិក កាលពីថ្ងៃព្រហស្បតិ៍។

ក្នុងចំណោមមេដឹកនាំ សំខាន់ៗដែលបានស្លាប់នោះ ក៏មាន លោក Abd al Basit ជាមេបញ្ជាការជាន់ខ្ពស់របស់ ក្រុមរដ្ឋឥស្លាម។ ដូច្នេះវាជា ជោគជ័យមួយផងដែរ សម្រាប់កងកម្លាំងរបស់អាមេរិក ព្រោះ ថា វាមិនងាយនោះឡើយ ក្នុងការសម្លាប់មេដឹកនាំសំខាន់របស់ក្រុមមួយនេះ។

សហរដ្ឋអាមេរិក នៅតែបន្តបេសកកម្មរបស់ខ្លួន ក្នុងការវាយប្រហារនៅប្រទេសស៊ីរី និង អ៊ីរ៉ាក់ ដោយប្រើយន្តហោះចម្បាំង ដើម្បីតាមកំទេចចលនាជ្រុលនិយមរបស់ពួកឥស្លាមទាំងនោះ។

យ៉ាងណាក៏ដោយ បើទោះបីជា អាមេរិក និង សម្ព័ន្ធមិត្តបើកការវាយប្រហារអស់ពេលជាច្រើនលើកច្រើនសារក្តី ប៉ុន្តែ ក្រុមជ្រុលនិយមទាំងនោះ នៅតែបន្តសកម្មភាពវាយប្រហាររបស់ខ្លួន បន្តទៀត ជាពិសេសនោះ គឺធ្វើបាបប្រជាជនស្លូតត្រង់ជាច្រើន។
...មេដឹកនាំដែលបំពេញការងារបានល្អបំផុតទាំង១០ រូបនៅលើពិភពលោក!...
ការសម្លាប់មេដឹកនាំរដ្ឋឥស្លាម នឹងបង្កកំហឹងដល់ក្រុមនេះកាន់តែខ្លាំង ហើយអាចនឹងមានការវាយប្រហារសងសឹកវិញ នៅពេលឆាប់ៗនេះ ព្រោះ ពួកគេធ្លាប់បានគំរាមវាយប្រហារនៅតាមតំបន់សំខាន់ៗរបស់អាមេរិកផង ដែរ។ កន្លងមក កាណាដាធ្លាប់រងការវាយប្រហារផងដែរ ហើយនាពេលថ្មីៗនេះ ក៏មានការចាប់ចំណាត់ខ្មាំងនៅក្នុងទីក្រុងអូស្ត្រាលីផងដែរ បណ្តាលឲ្យជនរងគ្រោះ ២នាក់បានស្លាប់ ហើយខ្មាន់កាំភ្លើងក៏ត្រូវបានប៉ូលិសបាញ់សម្លាប់៕

ប្រែសម្រួល៖ រស្មី

ប្រភព៖ channelnewsasia.com

៣យ៉ាងដែលអ្នកមិនដឹងទម្លាប់ចម្លែកបិតាបច្ចេកវិទ្យា Steve Jobs នៅពេលមានការប្រជុំក្នុងក្រុមហ៊ុន Apple ម្ដងៗ

៣យ៉ាងដែលបិតាបច្ចេកវិទ្យា Steve Jobs ធ្លាប់ប្រើនៅពេលមានការកិច្ចប្រជុំក្នុងក្រុមហ៊ុន Appleប្រភព៖ digitaltrends

ពាណិជ្ជកម្ម មួយចំនួនរបស់អាមេរិកត្រូវបានគេប៉ាន់ស្មានខាតប្រាក់ដោយសារ កំហុសឆ្គងនៅក្នុងការបើកអង្គប្រជុំការងារប្រមាណ ៣៧ពាន់លានដុល្លារអាមេរិក។ ប៉ុន្តែលោក Steve Jobs មិនបានបណ្ដោយឱ្យក្រុមហ៊ុន Apple ជួបបញ្ហាដូចក្រុមហ៊ុនទាំងនោះឡើយ។ ខាងក្រោមនេះគឺជា របៀបវារៈ ៣យ៉ាងដែល បុគ្គលិកជោគជ័យក្នុងវិស័យបច្ចេកវិទ្យាលោក Steve Jobs ធ្លាប់បានធ្វើនៅរាល់ពេលមានការប្រជុំក្រុមហ៊ុនម្ដងៗ។

១) លោកតែងចង់រក្សាអង្គប្រជុំទំហំតូច តាមដែលអាចធ្វើទៅបាន
តាមទម្លាប់របស់អតីតនាយកប្រតិបត្តិ និងជាសហស្ថាបនិកក្រុមហ៊ុន Apple រូបនេះ នៅពេលលោកបើកកិច្ចប្រជុំម្ដងៗ លោកមិនត្រូវការទ្រង់ទ្រាយធំនោះទេ ពោលគឺលោកចង់បានត្រឹមតែអង្គប្រជុំទ្រង់ទ្រាយតូចប៉ុណ្ណោះ ប៉ុន្តែគឺឱ្យបញ្ចប់ទៅជាមួយការបន្សល់នូវសមិទ្ធផលប្រសព្វល្អមួយ។ លោក Jobs ស្អប់ការប្រជុំធំ (មានសមាជិកច្រើន) ព្រោះថា មនុស្សច្រើន គំនិតនឹងមានច្រើនក្នុងបន្ទប់ប្រជុំ តែមិនប្រាកដថាមានប្រយោជន៍ ហើយអាចប្រែក្លាយពីការប្រជុំទៅជាការជួបជុំគ្នាធម្មតាៗទៅវិញ។

... មូលហេតុអ្វីបានគេថាលោក Steve Jobs មិនស្ដាប់អតិថិជន? ...

នៅក្នុងសៀវភៅចំណងជើងថា “Insanely Simple” របស់លោក Ken Segall ដែលធ្លាប់បានធ្វើការរយៈពេលវែងជាមួយលោក Steve Jobs បានសរសេរលំអិតអំពីទម្លាប់របស់លោក Jobs នៅពេលមានការប្រជុំក្រុមហ៊ុនម្ដងៗ។

មានម្ដង លោក Jobs ចាប់ផ្ដើមកិច្ចប្រជុំប្រចាំសប្ដាហ៍ជាមួយនឹងទីភ្នាក់ងារការ ផ្សព្វផ្សាយពាណិជ្ជកម្មរបស់ក្រុមហ៊ុន Apple។ ពេលនោះលោក Jobs បានប្រទះឃើញជនដែលលោកមិនធ្លាប់ស្គាល់សាវតារច្បាស់លាស់ម្នាក់។ ពេលនោះ គាត់ផ្អាកការពិភាក្សាក្នុងអង្គប្រជុំ ហើយភ្នែករបស់គាត់សម្លឹងជាប់ និងចង្អុលចំស្ត្រីមិនធ្លាប់ស្គាល់ឈ្មោះ Lorrie នោះ ហើយសួរនាងថា “អ្នកជានរណា?”។

នាងក៏បានឆ្លើយលក្ខណៈពន្យល់ដោយសម្លេងទន់ភ្លន់តិចៗថា នាងត្រូវបានអញ្ជើញឱ្យចូលរួមកិច្ចប្រជុំនេះ ដោយសារតែនាងមានជាប់ពាក់ព័ន្ធនឹងគម្រោងទីផ្សារ ដែលជាប្រធានបទត្រូវលើកឡើងក្នុងពេលនោះ។ លោក Jobs ស្ដាប់នាងឆ្លើយរួច ក៏និយាយបែបគួរសមទៅកាន់នាងឱ្យចេញទៅក្រៅវិញ។ លោកនិយាយថា៖ «ខ្ញុំគិតថា ពួកយើងដូចជាមិនត្រូវការវត្តមានអ្នក ក្នុងកិច្ចប្រជុំនេះទេ» ហើយក៏និយាយពាក្យ «អរគុណ»។

សូមបញ្ជាក់ថា លោក Jobs នៅតែប្រកាន់គោលការណ៍របស់ខ្លួន មានម្ដង នៅពេលលោក Barack Obama ប្រធានាធិបតីអាមេរិកអញ្ជើញលោកឱ្យចូលរួមកិច្ចប្រជុំបុគ្គល បច្ចេកវិទ្យាល្បីៗ តែលោកមិនបានឆ្លើយតបទៅវិញនោះទេ។

២) លោកចាត់តាំងបានច្បាស់លាស់នូវនរណាម្នាក់ដើម្បីទទួលខុសត្រូវកាន់តួនាទីរៀបចំរបៀបវារៈ
ការស៊ើបអង្កេតលក្ខណៈពិសេសរបស់ក្រុមហ៊ុន Appleទាក់ទិននឹងវប្បធម៌កាលពីឆ្នាំ២០១១ អ្នកយកព័ត៌មានឈ្មោះ Adam Lashinsky បានពន្យល់លំអិតអំពីដំណើរការបែបផ្លូវការដែលលោក Jobs បានប្រើ រហូតធ្វើឱ្យ Apple ក្លាយជាក្រុមហ៊ុនមានតម្លៃបំផុតលើពិភពលោក។

... កុំព្យូទ័រជំនាន់ដើមដែលលក់ដោយ Steve Jobs តម្លៃ ៦៦៦ដុល្លារឥឡូវមានគេហ៊ានទិញតម្លៃជិត ៤សែនដុល្លារ ...

នៅក្នុងចិត្តគំនិតរបស់ Steve Jobs គឺជា “ផ្នត់គំនិតគណនេយ្យ” មានន័យថា ដំណើរការត្រូវបានគេដាក់បញ្ចូលទៅក្នុងទីកន្លែងដើម្បីឱ្យអ្នករាល់ គ្នាបានដឹងថា នរណាជាអ្នកទទួលខុសត្រូវចំពោះអ្វីខ្លះ។ អ្នកយកព័ត៌មាន Lashinsky បានរៀបរាប់ថា៖

«កិច្ចប្រជុំផ្ទៃក្នុង Applespeak ក៏មានឈ្មោះ “DRI” ដែរ ដែលមានន័យពេញថា បុគ្គលទទួលខុសត្រូវដោយផ្ទាល់ (directly responsible individual) »។ ជាញឹកញាប់ឈ្មោះអ្នកកាន់ DRI នឹងបង្ហាញនៅលើរបៀបវារៈសម្រាប់ការប្រជុំម្ដងៗ ដូច្នេះអ្នករាល់គ្នាដឹងច្បាស់ថា នរណាទទួលបន្ទុកអ្វីខ្លះក្នុងតួនាទីដែលត្រូវធ្វើក្នុងកិច្ច ប្រជុំ។ «រាល់កិច្ចប្រជុំប្រកបដោយប្រសិទ្ធភាពរបស់ Apple នឹងមានបញ្ជីសកម្មភាពមួយ» ជាសំដីរបស់អតីតបុគ្គលិកក្រុមហ៊ុន Apple ម្នាក់។

យ៉ាងណាអ្នកស្រី Gloria Lin ដែល DRI របស់នាង គឺប្ដូរតួនាទីពីក្រុមការងារពាក់ព័ន្ធផលិតផល iPod ទៅបម្រើការនៅផ្នែក Flipboard បាននិយាយថា៖ «អ្វីដែលសំខាន់ ដែលបានធ្វើឱ្យក្រុមហ៊ុនមានសន្ទុះលូតលាស់ដ៏ឆាប់រហ័ស ជាមួយសកម្មភាពយ៉ាងខ្លាំងក្លានោះគឺ មិនដោយសារភាពគ្មានទទួលខុសត្រូវនោះទេ តែគឺដោយសារពួកគេកាន់តួនាទី និងបញ្ចេញសកម្មភាពយ៉ាងមមាញឹកគ្មានទំនេរដៃ»។ «នៅពេលអ្នកមានអារម្មណ៍ថា អ្វីមួយជាកូនជាទីស្រលាញ់របស់អ្នក នោះអ្នកពិតជានឹងគិតគូរថែទាំវាជាទីបំផុត»។

៣) លោកមិនអនុញ្ញាតឱ្យនរណាម្នាក់លាក់កំបាំងចំណុចខ្សោយរបស់ខ្លួនដោយធ្វើបទបង្ហាញបញ្ចាំងស្លាយ (Slideshows) នោះឡើយ
អ្នកសរសេរចងក្រងអំពីប្រវត្តិរូបរបស់លោក Steve Jobs គឺលោក Walter Isaacson បាននិយាយថា៖ «លោក Jobs ស្អប់ការធ្វើបទបង្ហាញ ប៉ុន្តែគាត់ស្រលាញ់កិច្ចប្រជុំដែលនិយាយទល់មុខគ្នាស្រួល»។ នៅរៀងរាល់រសៀលថ្ងៃពុធ លោក Jobs មានរបៀបវារៈក្នុងកិច្ចប្រជុំជាមួយក្រុមការងារផ្នែកទីផ្សារ និងផ្សព្វផ្សាយ។ ការបញ្ចាំងស្លាយ (slideshows) ត្រូវបានហាមឃាត់ ដោយសារលោក Jobs ចង់ឱ្យក្រុមការងារធ្វើការពិភាក្សាស៊ីជម្រៅជំនួសឱ្យការឡើងធ្វើបទ បង្ហាញដែលពេលខ្លះពុំមានភាពច្បាស់លាស់ផងនោះ។

«ខ្ញុំស្អប់របៀបដែលមនុស្សប្រើបទបង្ហាញស្លាយជំនួសឱ្យការគិត»។ លោក Jobs និយាយប្រាប់លោក Isaacson។ «មនុស្សអាចនឹងប្រឈមមុខនឹងបញ្ហាដោយសារការធ្វើបទបង្ហាញ។ ខ្ញុំចង់ឱ្យពួកគេចូលរួមនិយាយតទល់គ្នានៅក្នុងតុជាជាងការបង្ហាញ ស្លាយជាច្រើនផ្ទាំងនោះ។ ប្រសិនគេដឹងនូវអ្វីដែលគេនឹងលើកយកមកនិយាយ ដូច្នេះមិនចាំបាច់ត្រូវការ PowerPoint នោះទេ»៕

គន្លឹះ ៥យ៉ាងដើម្បីប្រើប្រាស់ Facebook ប្រកបដោយភាពឆ្លាតវៃ និងមិនឥតប្រយោជន៍

តាម រយៈ Facebook មានការពេញនិយមប្រើប្រាស់ខ្លាំងមិនថានៅក្រៅប្រទេស ឬក្នុងប្រទេសកម្ពុជានោះ អ្នកប្រើជាច្រើនកំពុងទាញយកអត្ថប្រយោជន៍ពី Facebook បានច្រើន ដូចជាការភ្ជាប់ទំនាក់ទំនងគ្នាងាយស្រួល ការទទួលបានចំណេះដឹង បទពិសោធន៍ផ្សេងៗ និងងាយស្រួលផ្សព្វពាណិជ្ជកម្ម ។ល។ ទោះជាយ៉ាងណា ប្រសិនអ្នកប្រើមិនចេះគ្រប់គ្រងការប្រើឱ្យមានអត្ថប្រយោជន៍ទេ នោះផលវិបាកអាចកើតមានមិនខាន។ ជាក់ស្ដែង ការយកពេលច្រើនជ្រុលក្នុងការប្រើប្រាស់ ឬការប្រើប្រាស់ដោយមិនមានភាពឆ្លាតវៃ ចេះទាញប្រយោជន៍ដល់ខ្លួនជាដើម។ ខាងក្រោមនេះ គឺជាគន្លឹះ ៥យ៉ាងដើម្បីប្រើប្រាស់ Facebook ប្រកបដោយភាពឆ្លាតវៃ និងមិនឥតប្រយោជន៍៖

១) មិនចាំបាច់មាន friend ជាមួយសត្រូវ ឬអ្នកមានជម្លោះជាមួយ ឬអ្នកដែលមិនចូលចិត្ត
នេះគឺពិតជាគំនិតល្អមួយ ក្នុងការ Unfriend នរណាម្នាក់ដែលអ្នកគិតថា មិនចាំបាច់មាន friend ជាមួយ ឬទោះបីមាន friend ជាមួយក៏គ្មានបានការនោះ។ ការមាន friend ជាមួយមនុស្សបែបនេះគឺអាចធ្វើឱ្យប៉ះពាល់ផ្លូវចិត្តនៅពេលឃើញអ្នក នោះបង្ហោះ ឬមានសកម្មភាពផ្សេងៗបែរជាធ្វើឱ្យអ្នកមានអារម្មណ៍មិនល្អ។ មានន័យថា friend ម្នាក់នោះ មិនបានជាផ្នែកមួយផ្ដល់អត្ថប្រយោជន៍សូម្បីតែបន្តិចដល់លោកអ្នក។ យ៉ាងណា អ្នកក៏អាចប្រើការ Unfollow ជំនួសការ Unfriend ក៏បាន ជៀសវាងមើលមុខគ្នាមិនចំ។

... លោក Mark Zuckerberg ប៊ិះភ័យស្លាំងមុខដោយសារស្ត្រីម្នាក់សួរថា “បើយើងមានកូនជាមួយគ្នា តើគិតធ្វើយ៉ាងណាចំពោះ Facebook”! ...

២) កំណត់ដែនកំណត់ក្នុងការដែលឱ្យមនុស្សអាចមើលឃើញអ្វីដែលអ្នកបង្ហោះ Post
ភាគច្រើននៃអ្នកប្រើ Facebook តែងបង្ហោះ Status ជាលក្ខណៈសាធារណៈ (Public)។ ឥឡូវនេះ សូមកំណត់ដែននៃការចែករំលែក Post ដោយការកំណត់ត្រឹមតែឱ្យ friend របស់អ្នកបានឃើញ។ ធ្វើដូចនេះគឺអាចជៀសវាងជនមិនស្គាល់ គេស៊ើបប្រវត្តិសកម្មភាពផ្សេងៗរបស់អ្នកបាន ដោយការចូលមើលនៅលើ Wall អាចធ្វើឱ្យខូចប្រយោជន៍ ឬបង្កផលប៉ះពាល់ផ្សេងៗដល់លោកអ្នកទៅវិញ។ ដូច្នេះនៅពេលកំណត់ការបង្ហាញពី Public មកជា Friend វិញ នោះមានតែ friend ទេទើបអាចមើលឃើញ Post របស់អ្នកបាន។

ដើម្បីកំណត់ សូមចូលទៅរូប icon “Privacy Shortcut” ដែលមានទីតាំងស្ថិតនៅផ្នែកខាងលើ និងខាងស្ដាំនៃ Home Page រួចរើសយក Who can see my stuff? បន្ទាប់មកកំណត់យក Friends ធ្វើជាជម្រើសស្រាប់ default ជំនួសឱ្យ Public។

៣) កុំនិយាយអ្វីដែលល្ងង់ខ្លៅ ល្ងីល្ងើ លក្ខណៈមិនដឹងអី
និយាយតាមត្រង់មនុស្សបច្ចុប្បន្នសម្បូររឿងយកមកចែករំលែកនៅលើ បណ្ដាញសង្គម Facebook ច្រើនមែនទែន ហើយរឿងរ៉ាវភាគច្រើនគឺសុទ្ធតែវិបត្តិផ្ទាល់ខ្លួន។ យ៉ាងណា សូមជៀសវាងប្រការនេះ ព្រោះត្រូវដឹងថា រាល់ការបញ្ចេញការយល់ឃើញតាមរយៈ Status ទាំងឡាយអាចបង្កការស្មុគស្មាញដល់អ្នកបន្ថែមទៅវិញទេ។ គួរជៀសវាងប្រើពាក្យសំដីប៉ះពាល់ ឬខូចប្រយោជន៍ដល់អ្នកដទៃឱ្យសោះ ហើយក៏មិនត្រូវរអ៊ូរទាំនឹងការងាររបស់អ្នក មិនត្រូវប្រើពាក្យសំដីឥតបានការ ធ្វើឱ្យ friend ដកជាប់ក្នុងចិត្តមានផ្នត់កំណត់មិនល្អចំពោះអ្នក។ ប្រសិនអ្នកចង់និយាយអ្វីពាក់ព័ន្ធនឹងភាពឯកជនដែលជារឿងសំខាន់ កុំនិយាយនៅលើ Facebook ល្អជាង។

... របៀបលាក់មិនឱ្យ Friend អ្នកដឹងថាអ្នកបានអានសារ Facebook របស់គេ អនុវត្តលើកុំព្យូទ័រប្រើកម្មវិធី Chrome (មានវីដេអូ) ...

៤) ជៀសវាងមានជម្លោះ
គោលដៅអ្នកការប្រើ Facebook គឺដើម្បីតែទទួលបានអត្ថប្រយោជន៍ដូចជា ការភ្ជាប់ទំនាក់ទំនងស្គាល់មនុស្សបានច្រើនឆ្លងប្រទេសឆ្លងទ្វីប ទទួលបានបទពិសោធន៍ ចំណេះដឹងផ្សេងៗ ព័ត៌មានទាន់ហេតុការណ៍ដោយការ share ពីទំព័របណ្ដាញព័ត៌មានផ្សេងៗ ។ល។ ប៉ុណ្ណោះ មិនមែនប្រើដើម្បីបើកការប្រយុទ្ធគ្នាឡើយ។ សូមចាំថា ជម្លោះខាងក្នុងត្រឹម Facebook អាចឈានដល់ការកើតជម្លោះនៅខាងក្រៅបាន ដូច្នេះនេះមិនប្រែក្លាយ Facebook ទៅជាឧបករណ៍សម្រាប់ចាប់គូប្រយុទ្ធគ្នាទៅហើយ? ម្យ៉ាង ប្រសិនអ្នកកើតជម្លោះ មិនត្រឹមតែអត់មានផ្ដល់ផលចំណេញដល់អ្នកប៉ុណ្ណោះទេ តែថែមទាំងរំខានដល់ friend ផ្សេងៗក្នុងរូបភាពមិនល្អផងដែរ ហើយលោកអ្នកនឹងត្រូវបាន friend ទាំងឡាយចាត់ទុកអ្នកជាមនុស្សមិនគួររាប់អាន ខ្វះក្រមសីលធម៌ទៅវិញបាន។

៥) កុំ share ច្រើនលើសលប់ជ្រុលពេក
មិនប្រាកដថា friend ទាំងអស់របស់អ្នកសុទ្ធតែគាំទ្រនូវរាល់ការ share នោះទេ ផ្ទុយទៅវិញគេអាចនឹងធុញទ្រាន់នូវការ share ច្រើនឥតស្រាកទៅវិញ។ កុំមើលស្រាលចំណុចនេះ អ្នកអាចត្រូវបាន friend មិនចូលចិត្ត រហូតអាច unfriend ក៏ថាបាន។ តាមជាក់ស្ដែង Facebook បញ្ចូលប៊ូតុង Share គឺសម្រាប់អ្វីដែលអ្នកយល់ឃើញថា ជារឿងរ៉ាវល្អៗពាក់ព័ន្ធចំណេះដឹង រឿងរ៉ាវបែបកំប្លែងកម្សាន្តអារម្មណ៍ដែលគួរចែករំលែក (share) តែកុំឱ្យច្រើនជ្រុល ហើយក៏មិនមែនចេះតែ share មិនរើសនោះដែរ ព្រោះអាចធ្វើឱ្យ friend មានអារម្មណ៍ធុញនឹងអ្នកទៅវិញ៕

... ធុញទ្រាន់នឹង friend នៅលើ Facebook ចង់ Unfriend តែខ្លាចមិនសម អីចឹងសូមអនុវត្តតាមគន្លឹះនេះអាចដោះស្រាយបាន ...

ប្រែសម្រួល៖ លី ឈៀន

ប្រភព៖ yahoo

លេងស្ទីលទូរស័ព្ទ Android របស់អ្នកឱ្យដូចកុំព្យូទ័រ Windows OS ដោយបន្ថែម Start Menu

អ្នក ប្រើប្រព័ន្ធប្រតិបត្តិការ Microsoft Windows 8 គ្រប់គ្នាសុទ្ធតែចងចាំមិនភ្លេចអំពីស្ទីលនៃប៊ូតុង Start និងផ្ទាំង Start Screen មាននៅលើជំនាន់ Windows 7 ចុះក្រោម ដែលផ្ដល់លក្ខណៈសាមញ្ញងាយស្រួលប្រើ។ យ៉ាងណា Windows 8 ត្រូវបានកែប្រែទម្រង់ម៉ូដ ដោយដកចេញប៊ូតុង Start ហើយមានស្ទីល Metro UI ជំនួសឱ្យ Start Screen ចាស់វិញ។ ឥឡូវនេះ លោកអ្នកអាចបន្ថែមប៊ូតុង Start និង Start Screen នៅលើស្មាតហ្វូន Android បានយ៉ាងពិសេសប្លែកភ្នែក ជាមួយបទពិសោធន៍ថ្មី។

ដើម្បីបន្ថែមម៉ឺនុយចាប់ផ្ដើមដែលធ្លាប់តែមាននៅលើ Windows OS មកលើស្មាតហ្វូន Android សូមអនុវត្តតាមជំហានខាងក្រោម៖
១) ដំឡើងកម្មវិធី Taskbar
ដំបូងសូមចូលទៅ Google Play Store រួចហើយដំឡើង Taskbar ដែលនឹងអនុញ្ញាតឱ្យអ្នកដំណើរការ app ជាមួយទម្រង់ម៉ូដម៉ឺនុយ Start រួមជាមួយប្រអប់ search និង settings ព្រមទាំងបញ្ជីកម្មវិធី មានលក្ខណៈ ដូចជា Windows 7 អីចឹង។

... មុខងារដ៏សាមញ្ញមួយនៅលើស្មាតហ្វូន Android ពុំសូវមានគេចាប់អារម្មណ៍សោះ តែបែរជាអាចជួយសន្សំសំចៃថ្មយ៉ាងមានប្រសិទ្ធភាព! ...

២) ធ្វើការកំណត់ផ្សេងៗនៅលើ Start Menu
បើកកម្មវិធី TaskBar នេះឡើង រួចហើយចូលទៅកំណត់លក្ខណៈផ្សេងៗតាមការណែនាំនៅក្នុង Settings នៃកម្មវិធីត្រង់ផ្នែក Edit start menu។ អ្នកអាចកំណត់ដូចជា toggling Wi-Fi និង location services បាន។ ប្រសិនអ្នកកំពុងប្រើទូរស័ព្ទដែលបាន root អ្នកថែមទាំងអាចបន្ថែមប៊ូតុង reboot និង shutdown ថែមទៀតបាន។

៣) Navigate Your Taskbar
ដើម្បីដំណើរការ Start Menu គឺគ្រាន់តែចុចលើរូប icon “Taskbar” នៅលើអេក្រង់ទូរស័ព្ទរបស់អ្នក ហើយអ្នកក៏អាចចាប់ទាញទៅដាក់ទីតាំងណាក៏បាន។

មុខងារបន្ថែម៖
កម្មវិធីនេះក៏មានជំនាន់ premimu ផងដែរ ដែលតម្រូវឱ្យអ្នកប្រើទិញក្នុងតម្លៃ ១,៩៩ដុល្លារអាមេរិក ដើម្បីអាចលុបការផ្សព្វផ្សាយ និងផ្ដល់នូវជម្រើសជាច្រើនសម្រាប់រូបរាង icon taskboar ប្ដូរ themes និង បង្កើត folder ដោយមិនកំណត់ចំនួន៕

... របៀបឆែកមើលកម្រិតវិទ្យុសកម្មនៅលើទូរស័ព្ទរបស់លោកអ្នក បានទាំងត្រកូល Galaxy និងគ្រប់ស៊េរី iPhone ...

ដោយ៖ លី ឈៀន

ប្រភព៖ nexus7.wonderhowto

Tuesday, December 16, 2014

មេដឹកនាំកូរ៉េខាងជើងគីមជុងអ៊ុនមានទ្រព្យសម្បត្តិច្រើនលើសលប់ដែលគេមិននឹកស្មានដល់! លោកអ្នកដឹងថាប៉ុន្មានទេ?

ប្រធានាធិបតីកូរ៉េខាងជើងបច្ចុប្បន្ន លោកគីមជុងអ៊ុន (Kim Jungun) ក្រៅពីមានអំណាចកាន់ពេញដៃនៅប្រទេសកូរ៉េខាងជើងហើយ នៅមានទ្រព្យសម្បត្តិយ៉ាងច្រើនសន្ធឹកសន្ធាប់ដែលមនុស្សភាគច្រើនមិនបានដឹង ហើយបើទុកជាដឹង ក៏មិននឹកស្មានថាទ្រព្យសម្បត្តិរបស់លោក ច្រើនលើសលប់ដល់ថ្នាក់ហ្នឹងសោះ។

ទើបតែពេលថ្មីៗបំផុតនេះប៉ុណ្ណោះ ដែលរដ្ឋាភិបាលអាមេរិក និងរដ្ឋាភិបាលកូរ៉េខាងត្បូងបានសហការគ្នាដើម្បីតាមដានទ្រព្យសម្បត្តិរបស់ប្រធានាធិបតីវ័យក្មេងគីមជុងអ៊ុន ដែលទ្រព្យសម្បត្តិទាំងនោះត្រូវបានផ្ញើនៅធនាគារក្រៅប្រទេស ហើយមិនបានដាក់ឈ្មោះពិតរបស់លោកទេ ប៉ុន្តែអ្នកជំនាញខាងសវនកម្មមានបច្ចេកទេសខ្ពស់អាចតាមដានដឹង។

...ម្ដាយមីងមេដឹកនាំកូរ៉េខាងជើងស្លុតរន្ធត់រហូតដល់ស្លាប់ ក្រោយដឹងថាប្ដីត្រូវក្មួយបង្កើតប្រហារជីវិត...

លទ្ធផលនៃការស៊ើបអង្កេតអំពីសាច់ប្រាក់លោកគីម បង្ហាញថាលោកមានប្រាក់ ជាង ៥០០០ លានដុល្លារ (ប្រាំពាន់លាន) អាមេរិកជាសាច់ប្រាក់សុទ្ធ ដែលស្ថិតនៅក្នុងខ្ទង់គណនីរបស់ធនាគារអន្តរជាតិ ដូចជាធនាគារនៅប្រទេសអូទ្រីស - ចិន - លីចតង់ស្តែន (Liechtenstein) - លុចហ្សំបួរ - រុស្ស៊ី - សិង្ហបុរី និងប្រទេសស្វីស។ ភ្នាក់ងារចារកម្ម និងសវនកម្មរបស់សហរដ្ឋអាមេរិក និងកូរ៉េខាងត្បូងកំពុងបន្តតាមដានខ្ទង់គណនីចំនួន ២០០ ខ្ទង់ដែលជារបស់ក្រុមសេដ្ឋីគ្រាក់ៗរបស់កូរ៉េខាងជើង ហើយលុយទាំងនេះបានមកពីការជួញដូរគ្រឿងញៀន ផលិតលុយក្លែងក្លាយ ផលិតបារី។ល។

រដ្ឋាភិបាលកូរ៉េខាងជើង ច្រើនប្រើធនាគារខ្នាតតូច ដែលមិនសូវមានប្រព័ន្ធតាមដានកម្រិតខ្ពស់ដូចធនាគារធំ ឬមិនដូច្នេះទេ គេប្រើធនាគារធំៗសម្រាប់តម្កល់ប្រាក់ដោយប្រើឈ្មោះបរទេស ឬប្រើឈ្មោះក្រុមហ៊ុន។

...Kim Jong Un បានជួបជាមួយអ្នកបើកយន្តហោះប្រយុទ្ធស្ត្រីពីរនាក់ដំបូងរបស់កូរ៉េខាងជើង...

សូមបញ្ជាក់ថាលោកគីមជុងអ៊ុន ជាមេដឹកនាំផ្ដាច់ការរបស់កូរ៉េខាងជើង ដែលពោរពេញដោយជីវិតហ៊ឺហារ ស៊ីវិល័យ និងប្រណីតភាព។ របស់របរដែលលោកប្រើប្រាស់សុទ្ធតែទំនើបផុតលេខក្នុងពិភពលោក។ លោកចំណាយប្រាក់យ៉ាងច្រើនសម្រាប់ការកែអផ្សុក និងកម្សាន្តសប្បាយផ្ទាល់ខ្លួនដូចជាឧបករណ៍តន្ត្រីដ៏សម្បូរបែប រថយន្តទំនើបៗគ្រប់ស៊េរី និងសាលមហោស្រពសិល្បៈផ្ទាល់ខ្លួន ដែលមានអ្នកសំដែងសិល្បៈរហូតដល់មួយពាន់នាក់។ ពេញមួយឆ្នាំ២០១២ លោកគីមចំណាយប្រាក់សម្រាប់ការចាយវាយផ្ទាល់ខ្លួនលោកអស់ ៧១៦ លានដុល្លារអាមេរិក៕

ប្រែសម្រួល ៖ អន សំអាង

ប្រភព៖ dailymail.co.uk , businessinsider.com

ផ្លូវហាយវ៉េទាំង ៥ ដែលល្បីថា មានរថយន្តផ្តាច់ព្រលឹងបើកក្នុងល្បឿនលឿនជាងគេបំផុតនៅលើពិភពលោក

ផ្លូវ Autobahn ប្រទេសអាល្លឺម៉ង់ប្រភព៖ toll-collect.de

បើនិយាយពីឈ្មោះរថយន្តផ្តាច់ព្រលឹងប្រិយមិត្តច្បាស់ជាធ្លាប់ស្គាល់ហើយថា វាជារថយន្តដែលបើកបរក្នុងល្បឿនលឿនបំផុតមួយ។ នេះប្រហែលជាធ្វើឲ្យលោកអ្នកភ័យខ្លាចមិនហ៊ានជិះនោះឡើយ ត្បិតអីវាមានគ្រោះថ្នាក់ខ្ពស់ប៉ះពាល់ដល់សុវត្ថិភាពនៅពេលធ្វើដំណើរ។

យ៉ាងណាមិញ បើប្រិយមិត្តក្រឡេកមកមើលផ្លូវហាយវ៉េលំដាប់កំពូលពិភពលោកនេះវិញម្តង ច្បាស់ជាធ្វើឲ្យលោកអ្នកភ្ញាក់ផ្អើលជាមិនខាន ព្រោះថាវាបានជាប់ក្នុងបញ្ជីឈ្មោះផ្លូវមានរថយន្តបើកបរក្នុងល្បឿនលឿនជាងគេបំផុតនៅលើពិភពលោក។ តើផ្លូវទាំងនោះមានអ្វីខ្លះ?

១) ផ្លូវ Autobahn ប្រទេសអាល្លឺម៉ង់
Autobahn គឺជាប្រព័ន្ធផ្លូវជាតិដ៏ទំនើប និង វែងបំផុតមួយនៅក្នុងប្រទេសអាល្លឺម៉ង់ដែលមានប្រវែងសរុបប្រមាណ ១២ ៩១៧ គីឡូម៉ែត្រ។ វាត្រូវបានគេចាត់ទុកថា ជាផ្លូវដែលអនុញ្ញាតឲ្យមានរថយន្តបើកបរក្នុងល្បឿនលឿនបំផុតមួយនៅពិភពលោកតាមចិត្តចង់របស់អ្នកបើកបរ។ យ៉ាងណាមិញ បន្ទាប់ពីមានគ្រោះថ្នាក់ចរាចរណ៍ខ្ពស់រហូតដល់ ២ លានដងក្នុងមួយឆ្នាំៗ ផ្លូវនេះបានកំណត់ល្បឿនបើកបរលឿនបំផុត ១៣០ គីឡូម៉ែត្រក្នុងមួយម៉ោង។

២) ផ្លូវ Autostrada របស់ប៉ូឡូញ
ផ្លូវ Polish Autostrada របស់ប៉ូឡូញបានស្ថិតនៅក្នុងបញ្ជីឈ្មោះផ្លូវដែលអនុញ្ញាតឲ្យមានរថយន្តបើកបរក្នុងល្បឿនលឿនបំផុតមួយនៅលើពិភពលោក។ ដោយសាងសង់ឡើងភ្ជាប់ជាមួយនឹងផ្លូវ Autobahn របស់អាល្លឺម៉ង់ដែលនោះក្នុងប្រវែង ៤៧៥ គីឡូម៉ែត្រ អ្នកបើកបរអាចបើកបរលើផ្លូវនេះបានក្នុងល្បឿនរហូតដល់ ១៤០ គីឡូម៉ែត្រក្នុងមួយម៉ោង។

៣) ផ្លូវ Texas 130 សហរដ្ឋអាមេរិក
ភ្ជាប់ពីទីក្រុង Austin ទៅទីក្រុង San Antonio ក្នុងរដ្ឋ Texas ផ្លូវ Texas 130 ក៏បានជាប់ក្នុងបញ្ជីផ្លូវហាយវ៉េ (Highway) មានល្បឿនបើកបរលឿនបំផុតមួយនៅលើពិភពលោកក្នុងល្បឿនប្រមាណ ១៣៦ គីឡូម៉ែត្រក្នុងមួយម៉ោង។ មានប្រវែងប្រមាណ ២១០ គីឡូម៉ែត្រ ការកំណត់ល្បឿននេះគឺជាល្បឿនខ្ពស់បំផុតមួយនៅលើពិភពលោក ខណៈដែលផ្លូវផ្សេងៗទៀតក្នុងរដ្ឋនេះអនុញ្ញាតឲ្យបើកបរត្រឹមតែ ៦៥ គីឡូម៉ែត្រតែប៉ុណ្ណោះក្នុងមួយម៉ោង។

...ប្រទេសទាំង ១០ ដែលមានចំនួនមនុស្សធាត់ច្រើនជាងគេ...

៤) ផ្លូវ Isle Of Man Rural Roads របស់អៀរឡង់
ផ្លូវនេះតភ្ជាប់ពីអង់គ្លេសទៅអៀរឡង់ ផ្លូវមួយនេះមិនមានកំណត់ល្បឿនបើកបរនោះឡើយ ពោលគឺអ្នកបើកបរអាចបើកក្នុងល្បឿនណាមួយតាមដែលអាចធ្វើបាន។ វាជាផ្លូវជាតិមួយល្បីល្បាញសម្រាប់ប្រើប្រាស់របស់ក្រុមអ្នកទេសចរជាពិសេសក្រុមអ្នកប្រណាំងរថយន្ត តែក៏ជាផ្លូវមួយដ៏គ្រោះថ្នាក់បំផុតមួយផងដែរនៅលើពិភពលោក។

៥) ផ្លូវ Interstate 90 សហរដ្ឋអាមេរិក
ផ្លូវ Interstate 90 គឺជាផ្លូវហាយវ៉េលំដាប់ទំនើបមួយទៀតរបស់អាមេរិកដែលល្បីឈ្មោះខាងមានរថយន្តបើកបរក្នុងល្បឿនដាច់ព្រលឹងនេះដែរ។ ស្ថិតនៅក្នុងរដ្ឋ Montana និង មានប្រវែងប្រមាណ ៨៨៨ គីឡូម៉ែត្រ ផ្លូវនេះអាចអនុញ្ញាតឲ្យអ្នកបើកបរ បើកក្នុងល្បឿនមួយគ្មានដែនកំណត់ ខណៈដែលសុវត្ថិភាពនៃការធ្វើដំណើរក៏មិនសូវជាមានបញ្ហាដែរនោះ៕

ប្រែសម្រួល៖ ខេវិន

ប្រភព៖ Huffingtonpost & trapster & wikipedia

Cambodia News

Tuesday, December 30, 2014

ហាងឆេងមាស អត្រាប្ដូរប្រាក់ និងប្រេងឆៅ ជិតដាច់ឆ្នាំ២០១៤ ឡើងចុះយ៉ាងម៉េចខ្លះ?

៥ គន្លឹះមិនត្រឹមតែធ្វើឲ្យអ្នកមានក្តីសុបិន្ដប៉ុណ្ណោះទេ តែថែមទាំងជាអ្នកអនុវត្តក្តីសុបិន្ដនោះបានទៀតផង

Monday, December 29, 2014

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

Laura Mam ឈប់ត្រឡប់ទៅអាមេរិក សុខចិត្តនៅច្រៀងស្រុកខ្មែរ ដើម្បីជួយសិល្បៈ

ស្ថានភាពអាកាសធាតុនៅកម្ពុជា នឹងចាប់ផ្ដើមចុះត្រជាក់ចាប់ពីថ្ងៃស្អែកនេះ

ស្ថានភាពប្រែប្រួល! ការរុករក យន្តហោះ AirAsia QZ8501 ត្រូវផ្អាកសិន (UPDATE ចុងក្រោយបង្អស់)

Tuesday, December 23, 2014

កូរ៉េខាងជើងដាច់អ៊ីនធឺណិតទាំងអស់ ក្រោយពីអាមេរិកប្រកាសចាត់វិធានការលើ ករណីវាយប្រហារលើក្រុមហ៊ុន Sony Pictures

ហាងឆេងមាស អត្រាប្ដូរប្រាក់ និងប្រេងឆៅ ថ្ងៃច័ន្ទ ២២ធ្នូនេះ ឡើងចុះយ៉ាងណា?

តើនៅក្នុងឆ្នាំ២០១៤ មានព្រឹត្តិការណ៍សំខាន់ៗអ្វីខ្លះបានកើតឡើង?

Monday, December 22, 2014

គន្លឹះចំនួន ៦ ធ្វើឲ្យការគិតរបស់អ្នកក្នុងឆ្នាំ ២០១៥ នេះ កាន់តែឆ្លាតជាងមុន

៥ គន្លឹះបង្រៀនកូនៗរបស់លោកអ្នកឲ្យចេះរកលុយ និង ចេះគ្រប់គ្រងហិរញ្ញវត្ថុឲ្យហើយ

យន្តហោះចម្បាំងអាមេរិកវាយប្រហារនៅអ៊ីរ៉ាក់ សម្លាប់មេដឹកនាំសំខាន់ៗរបស់ក្រុមរដ្ឋឥស្លាមអស់មួយចំនួន

៣យ៉ាងដែលអ្នកមិនដឹងទម្លាប់ចម្លែកបិតាបច្ចេកវិទ្យា Steve Jobs នៅពេលមានការប្រជុំក្នុងក្រុមហ៊ុន Apple ម្ដងៗ

គន្លឹះ ៥យ៉ាងដើម្បីប្រើប្រាស់ Facebook ប្រកបដោយភាពឆ្លាតវៃ និងមិនឥតប្រយោជន៍

លេងស្ទីលទូរស័ព្ទ Android របស់អ្នកឱ្យដូចកុំព្យូទ័រ Windows OS ដោយបន្ថែម Start Menu

Tuesday, December 16, 2014

មេដឹកនាំកូរ៉េខាងជើងគីមជុងអ៊ុនមានទ្រព្យសម្បត្តិច្រើនលើសលប់ដែលគេមិននឹកស្មានដល់! លោកអ្នកដឹងថាប៉ុន្មានទេ?

ផ្លូវហាយវ៉េទាំង ៥ ដែលល្បីថា មានរថយន្តផ្តាច់ព្រលឹងបើកក្នុងល្បឿនលឿនជាងគេបំផុតនៅលើពិភពលោក

Cambodia News

Tuesday, December 30, 2014

ហាងឆេង​មាស​ អត្រា​ប្ដូរ​ប្រាក់ និង​ប្រេងឆៅ​​​​ ​ជិត​ដាច់​ឆ្នាំ​២០១៤ ​ឡើង​ចុះ​យ៉ាង​ម៉េច​ខ្លះ?

Monday, December 29, 2014

ទម្លាប់ ៤យ៉ាង​ ធ្វើ​ឲ្យ​អ្នក​​គ្មាន​​ផលិត​ភាព​ខ្ពស់​លើ​ការងារ​​

Laura Mam ឈប់​ត្រឡប់​​ទៅ​អាមេរិក សុខ​​ចិត្ត​នៅ​ច្រៀង​​ស្រុក​ខ្មែរ ដើម្បី​​ជួយ​​សិល្បៈ

ស្ថានភាព​អាកាស​ធាតុ​នៅ​កម្ពុជា ​នឹង​ចាប់​ផ្ដើម​ចុះ​ត្រជាក់​ចាប់​ពី​ថ្ងៃ​ស្អែក​នេះ​

ស្ថានភាពប្រែប្រួល! ការរុករក យន្តហោះ AirAsia QZ8501 ត្រូវផ្អាកសិន (UPDATE ចុងក្រោយបង្អស់)

Tuesday, December 23, 2014

ហាងឆេង​មាស​ អត្រា​ប្ដូរ​ប្រាក់ និង​ប្រេងឆៅ​​​​ ថ្ងៃច័ន្ទ​ ២២​ធ្នូ​​នេះ ​ឡើង​ចុះ​យ៉ាង​ណា?

តើ​នៅ​ក្នុង​ឆ្នាំ២០១៤ មាន​ព្រឹត្តិការណ៍​សំខាន់ៗ​អ្វី​ខ្លះ​បាន​កើត​ឡើង?

Monday, December 22, 2014

គន្លឹះ​ចំនួន ៦ ធ្វើ​ឲ្យ​ការ​គិត​របស់​​​អ្នក​ក្នុង​ឆ្នាំ ២០១៥ នេះ​ ​កាន់តែ​ឆ្លាត​ជាង​​​មុន​

៥ គន្លឹះ​​បង្រៀន​​កូនៗ​របស់​​លោក​អ្នក​ឲ្យ​​ចេះ​​រក​លុយ និង ​ចេះ​គ្រប់គ្រង​​ហិរញ្ញវត្ថុ​​​ឲ្យ​ហើយ

គន្លឹះ ៥យ៉ាង​ដើម្បី​ប្រើប្រាស់ Facebook ប្រកប​ដោយ​ភាព​ឆ្លាតវៃ និង​មិន​ឥត​ប្រយោជន៍

​លេង​ស្ទីល​ទូរស័ព្ទ Android របស់​អ្នក​ឱ្យ​ដូច​កុំព្យូទ័រ​ Windows OS ដោយ​បន្ថែម​ Start Menu

Tuesday, December 16, 2014

Cambodia News

ហាងឆេងមាស អត្រាប្ដូរប្រាក់ និងប្រេងឆៅ ជិតដាច់ឆ្នាំ២០១៤ ឡើងចុះយ៉ាងម៉េចខ្លះ?

ទម្លាប់ ៤យ៉ាង ធ្វើឲ្យអ្នកគ្មានផលិតភាពខ្ពស់លើការងារ

Laura Mam ឈប់ត្រឡប់ទៅអាមេរិក សុខចិត្តនៅច្រៀងស្រុកខ្មែរ ដើម្បីជួយសិល្បៈ

ស្ថានភាពអាកាសធាតុនៅកម្ពុជា នឹងចាប់ផ្ដើមចុះត្រជាក់ចាប់ពីថ្ងៃស្អែកនេះ

ហាងឆេងមាស អត្រាប្ដូរប្រាក់ និងប្រេងឆៅ ថ្ងៃច័ន្ទ ២២ធ្នូនេះ ឡើងចុះយ៉ាងណា?

តើនៅក្នុងឆ្នាំ២០១៤ មានព្រឹត្តិការណ៍សំខាន់ៗអ្វីខ្លះបានកើតឡើង?

គន្លឹះចំនួន ៦ ធ្វើឲ្យការគិតរបស់អ្នកក្នុងឆ្នាំ ២០១៥ នេះ កាន់តែឆ្លាតជាងមុន

៥ គន្លឹះបង្រៀនកូនៗរបស់លោកអ្នកឲ្យចេះរកលុយ និង ចេះគ្រប់គ្រងហិរញ្ញវត្ថុឲ្យហើយ

គន្លឹះ ៥យ៉ាងដើម្បីប្រើប្រាស់ Facebook ប្រកបដោយភាពឆ្លាតវៃ និងមិនឥតប្រយោជន៍

លេងស្ទីលទូរស័ព្ទ Android របស់អ្នកឱ្យដូចកុំព្យូទ័រ Windows OS ដោយបន្ថែម Start Menu