Friday, August 28, 2015

តើមានអ្វីខ្លះ ដែលអាចធ្វើឲ្យអ្នក ក្លាយជាខ្ញុំបម្រើគេរហូត?

រូបភាព

ការមាន ឬក្រ គឺស្ថិតលើខ្លួនអ្នក ស្ថិតលើសកម្មភាពរបស់អ្នក ព្រោះមានតែខ្លួនឯងទេ ដែលអាចសម្រេចជោគវាសនារបស់ខ្លួន គ្មាននរណាអាចសម្រេចបានឡើយ។ ដូចនេះ តើមានទង្វើអ្វីខ្លះ ដែលអាចធ្វើឲ្យអ្នក ក្លាយជាអ្នកបម្រើរបស់គេ?

1. ការមិនព្រមសាកល្បងអ្វីដែលថ្មី ហើយតែងតែគិតថា ការងារទាំងអស់ សុទ្ធតែលំបាក សុទ្ធតែស្មុគស្មាញ ដូចនេះ តែងតែពន្យារដល់ស្អែកហើយស្អែកទៀត មិនព្រមបំពេញឡើយ។

2. ការមិនមានគោលជំហររបស់ខ្លួន តែងតែស្តាប់តាមពាក្យសម្តីរបស់អ្នកដទៃ មិនជឿជាក់ខ្លួនឯង មិនហ៊ានសម្រេចចិត្តដោយខ្លួនឯងទេ មានរឿងអ្វីតែងតែសួរយោបល់អ្នកដទៃ។

3. ការរៀន ដើម្បីប្រលងជាប់ តែមិនមែនដើម្បីមកអនុវត្តជាក់ស្តែង មានន័យថា មិនព្រមចេញពីបន្ទប់រៀន ដើម្បីស្វែងរកបទពិសោធន៍ទេ តែបែរជានៅតែមួយកន្លែង ព្រោះខ្លាចពិភពខាងក្រៅ។

4. ការមិនព្រមអានអ្វីដែលថ្មី សុខចិត្តយកពេលវេលា ទៅធ្វើរឿងដែលឥតប្រយោជន៍ នោះនៅពេលដែលចូលចំណោមអ្នកដទៃ គឺចូលមិនចុះឡើយ ព្រោះគ្មានរឿងនិយាយជាមួយគេ ដោយសារតែចំណេះតិចពេក ការយល់ដឹងពីពិភពខាងក្រៅតិចពេក។

5. ការមិនចេះងឿងឆ្ងល់នៅពេលដែលរៀន ឬពេលដែលអានសៀវភៅ គ្មានគំនិតច្នៃប្រឌិត ធ្វើការងារងាប់ក្រឡា។

6. ការមិនចេះចោតសំណួរសួរខ្លួនឯងថាតើ ខ្លួនឯងចង់បានអ្វី ចង់ធ្វើអ្វី គ្មានគោលដៅច្បាស់លាស់ ហើយចេះតែដើរ។

7. ការមិនចេះទទួលស្គាល់ការពិត មិនចេះទទួលស្គាល់កំហុសរបស់ខ្លួន មិនចេះរៀនពីកំហុសរបស់ខ្លួន ចេះតែគេចវេសពីបញ្ហាដែលកើតឡើង ដោយមិនរៀនដោះស្រាយ៕

ត្រួតពិនិត្យដោយ www.health.com.kh

Thursday, August 13, 2015

វិធីសាស្ត្រ ៩យ៉ាង ដើម្បីបញ្ចុះបញ្ចូលអតិថិជនគ្រាក់ៗឱ្យទិញផលិតផលរបស់អ្នក!

វិធីសាស្ត្រ ៩យ៉ាង ដើម្បីបញ្ចុះបញ្ចូលអតិថិជនគ្រាក់ៗឱ្យទិញផលិតផលប្រភព៖ http://im.ft-static.com/

ក្នុង នាមជាអ្នកលក់ ឬម្ចាស់អាជីវកម្មពិតណាស់គឺចង់លក់ទំនិញ ឬសេវាកម្មរបស់អ្នកឱ្យបានច្រើន ជាពិសេសគឺចង់ធ្វើម៉េចឱ្យអតិថិជនគ្រាក់ៗទិញទំនិញច្រើនៗពី អ្នក ហើយត្រលប់មកទិញទំនិញអ្នកម្ដងហើយម្ដងទៀត។ តាមពិតទៅ មានវិធីសាស្ត្រជាច្រើនដែលអាចជួយអ្នកបានជុំវិញបញ្ហានេះ។

១) រៀបចំព័ត៌មានផ្សេងៗពាក់ព័ន្ធនឹងទំនិញ ឬសេវាកម្មរបស់អ្នកឱ្យបានត្រឹមត្រូវ (Prepare appropriate and clear description of the products or services you offer)៖ រាល់ព័ត៌មានពាក់ព័ន្ធនឹងផលិតផល និងសេវាកម្មរបស់អ្នកត្រូវរៀបចំឱ្យមានរបៀប ដើម្បីបង្ហាញទៅដល់អតិថិជនធំៗ។ នៅពេលដែលអ្នកមានព័ត៌មានច្រើន និងលម្អិតអំពីផលិតផលឬសេវាកម្មរបស់អ្នក នោះវានឹងជួយឱ្យអតិថិជនរបស់អ្នកងាយស្រួលធ្វើការសម្រេច ចិត្ត។ ត្រូវនិយាយពីផលប្រយោជន៍នៃផលិតផលរបស់អ្នក ប៉ុន្តែមិនគួរពន្លើស ឬបំប៉ោងឱ្យលើសពីការពិតនោះទេ។ ត្រូវបង្ហាញដោយក្ដីស្មោះត្រង់។ សូមឱ្យច្បាស់ថា មិនត្រូវសន្យាឬកុហកអ្វីដែលផលិតផលរបស់អ្នកគ្មាន ឬមិនអាចផ្ដល់ឱ្យបានជាដាច់ខាត។

…សញ្ញាណសំខាន់ៗទាំង១០ បង្ហាញពីភាពខុសគ្នារវាងបុគ្គលជោគជ័យ និងបុគ្គលបរាជ័យ!…

២) ផ្ដល់អ្វីដែលពិសេសលើសពីអ្វីដែលអតិថិជនរបស់អ្នករំពឹងទុក (Provide something more than is expected, a kind of bonus)៖ អតិថិជនក្ដី បុគ្គលិកក្រុមហ៊ុនឯកជនក្ដីគឺចង់បានអ្វីដែលជាការបន្ថែម។ អ្នកគួរតែគិតគួរពីចំណុចនេះ ព្រោះថា របស់ទាំងនោះវាមិនចំណាយអស់ច្រើនទេ តែអាចជួយបង្កើតអារម្មណ៍ជាវិជ្ជមានរបស់អតិថិជនចំពោះផលិតផល ឬម៉ាករបស់អ្នក។ វាក៏ធ្វើឱ្យអតិថិជនមានអារម្មណ៍រីករាយ ចងចាំ និងឱ្យតម្លៃសមិទ្ធផលរបស់អ្នក។ ត្រង់ចំណុចនេះ អ្នកគួរតែស្វែងរក ឬធ្វើយ៉ាងណាឱ្យក្រុមហ៊ុន ឬអាជីវកម្មរបស់អ្នកមានលក្ខណៈខុសប្លែកពីអ្នកដទៃជាដាច់ខាត។ ឧទាហរណ៍ ទិញអតិថិជនទិញផលិតផលរបស់អ្នកច្រើន និងមកទិញជាញឹកញាប់ អ្នកអាចរៀបចំប្រតិទិនពិសេសដែលមានរូបអតិថិជនរបស់អ្នក និងផ្ដល់ឱ្យគាត់ភ្ញាក់ផ្អើលជាដើម។

៣) បើមានការដឹកជញ្ជូនត្រូវបញ្ជាក់ឱ្យច្បាស់ (Give clear and detailed information about the shipping or delivery in case you have)៖ បើសិនបើមានសេវាដឹកជញ្ជូនពីតំបន់មួយទៅតំបន់មួយឬពី ប្រទេសមួយទៅប្រទេសមួយ អ្នកត្រូវតែកំណត់ឱ្យបានច្បាស់ពីលក្ខខណ្ឌផ្សេងៗ។ អ្នកគួរតែកំណត់តម្លៃដែលធ្វើយ៉ាងណាអតិថិជនរបស់អ្នកមិនរុញរា ដោយសារតែតម្លៃនោះ។ មានពេលខ្លះដើម្បីទាក់ម៉ូយធំ អ្នកគួរខាតជាលើកដំបូងខ្លះក៏បាន។

…ទម្លាប់ល្អទាំង៥យ៉ាងដែលមិនអាចមើលរំលង ក្នុងពេលអង្គុយធ្វើការ!…

៤) អ្នកត្រូវប្រាប់អតិថិជនឱ្យច្បាស់ពីលក្ខខណ្ឌកំណត់ផ្សេងៗរវាងអ្នកលក់ និងអ្នកទិញ (បើមាន)៖ ទំនិញខ្លះត្រូវមានការចុះកិច្ចព្រមព្រៀងរវាងភាគីទាំងពីរមុន ការទិញត្រូវបានធ្វើឡើង។ ដូច្នេះបើក្រុមហ៊ុន ឬអាជីវកម្មរបស់អ្នកមានបែបនេះ អ្នកត្រូវប្រាប់ និងពន្យល់អតិថិជនឱ្យច្បាស់នូវចំណុចនីមួយៗ ចៀសវាងអតិថិជនយល់ច្រឡំ ឬមិនយល់ចំណុចណាមួយបន្ទាប់ពីមានការព្រមព្រៀងទិញផលិតផលរបស់ អ្នក។ ព័ត៌មានដែលអ្នកគួរប្រាប់មាន តម្លៃផ្សេងៗ ពន្ធ អាករលើតម្លៃបន្ថែម និងផ្សេងៗទៀត។

៥) អ្នកគួរតែបង្ហាញលិខិតបញ្ជាក់ផ្សេងៗដើម្បីឱ្យអតិថិជនជឿទុក ចិត្ត (Ensure your company and your brand are well known for trustworthiness)៖ បើអ្នកមានលិខិតបញ្ជាក់ការអនុញ្ញាតពីអាជ្ញាធរ អាជ្ញាប័ណ្ណ លិខិតចូលរួមបេសកកម្មមនុស្សធម៌ និងលិខិតបញ្ជាក់ផ្សេងៗទៀត អ្នកគួរបង្ហោះនៅលើគេហទំព័រ ឬបិទនៅក្នុងការិយាល័យរបស់អ្នក ដើម្បីឱ្យអតិថិជនមានការជឿទុកចិត្ត ថា អាជីវកម្មរបស់អ្នក គឺពិតជាទទួលបានការអនុញ្ញាត និងមានសិទ្ធិដំណើរការស្របច្បាប់នៅក្នុងប្រទេស។

៦) ធ្វើយ៉ាងណាឱ្យអតិថិជនងាយទាក់ទងអ្នក (Last but not least, be reachable)៖ អ្នកគួរតែមានឯកសារគ្រប់សព្វ ទាំងខិត្តប័ណ្ណ កាតបញ្ជាក់អាសយដ្ឋាន និងលេខទំនាក់ទំនងក្រុមហ៊ុន និងព័ត៌មានផ្សេងៗដើម្បីចែកជូនអតិថិជន។ លេខទូរស័ព្ទគួរតែជាលេខល្អបន្តិចដែលធ្វើឱ្យអតិថិជនងាយចំណាំ។ ប្រសិនបើអ្នកមានបណ្ដាញសង្គម អ្នកគួរតែរក្សាការទំនាក់ទំនងជាមួយអតិថិជនរបស់អ្នក ហើយត្រូវប្រាកដរាល់សំណួរផ្សេងៗរបស់អតិថិជនអំពីផលិតផល ឬសេវាកម្មរបស់អ្នក ត្រូវមានអ្នកឆ្លើយភ្លាមៗដើម្បីកុំឱ្យអតិថិជនខកចិត្តឱ្យសោះ។

៧) គួរមានកម្មវិធីជួបជុំគ្នា ឬជប់លៀងប្រចាំឆ្នាំ ៖ នៅចំណុចខាងលើ គឺចង់និយាយអំពីកាដូ ឬរបស់បន្ថែមពិសេសដល់អតិថិជន។ បើអ្នកអាចធ្វើបាន វារឹតតែប្រសើរគឺ អ្នកគួរមានកម្មវិធីជប់លៀងប្រចាំឆ្នាំជាមួយអតិថិជនគ្រាក់ៗ របស់អ្នក ហើយគួរតែចែកកាដូ ឬវត្ថុអនុស្សាវរីយ៍ដល់ពួកគេ។ ការធ្វើបែបនេះ គឺបង្ហាញថា អ្នកបានយកចិត្តទុកដាក់ចំពោះអតិថិជន កាន់តែជិតស្និទ្ធជាមួយអតិថិជន និងធ្វើឱ្យអតិថិជនមិនងាយបំភ្លេចផលិតផលអ្នកបាន៕

វិធីសាស្ត្រ ៩យ៉ាង ដើម្បីបញ្ចុះបញ្ចូលអតិថិជនគ្រាក់ៗឱ្យទិញផលិតផលរបស់អ្នក!

ជំនាញគ្រឹះ៤ដើម្បីអភិវឌ្ឍន៍ខ្លួនឯង ពិតជាមិនអាចខ្វះបានសម្រាប់មនុស្សជោគជ័យ

ជំនាញគ្រឹះទាំង៤នេះ ពិតជាមិនអាចខ្វះបានឡើយសម្រាប់មនុស្សជោគជ័យ!ប្រភព៖ bookkeepingfortomorrow

គ្មាន មនុស្សណាចង់បរាជ័យនោះឡើយ ផ្ទុយទៅវិញ គឺភាពជោគជ័យគឺជាក្តីប្រាថ្នារបស់មនុស្សទូទៅ មិនថា អ្នកសិក្សា អ្នកធ្វើការ ឬ អ្នកជំនួញឡើយ។ ភាពជោគជ័យ មិនមែនកើតឡើងដោយចៃដន្យឡើយ ពោលគឺអ្វីសុទ្ធតែមានការរៀបចំឡើងដោយយកចិត្តទុកដាក់ លើអ្វីដែលមនុស្សចង់សម្រេចបាន។ ជាមូលដ្ឋានគ្រឹះ ដើម្បីអាចធ្វើឲ្យអ្នកអាចក្លាយជាមនុស្សដែលមានសមត្ថភាពគ្រប់គ្រាន់ ក្នុងការធ្វើការងារអ្វីៗប្រកបដោយប្រសិទ្ធភាពខ្ពស់ ហើយឈរលើទីតាំងជោគជ័យបាននោះ អ្នកត្រូវមានជំនាញពិសេសមួយចំនួនដូចខាងក្រោម៖

១) ស្គាល់ខ្លួនឯងច្បាស់ (Self-Awareness )

មុនពេលផ្តើមគិតធ្វើរឿងអ្វីៗ ចំណុចសំខាន់បំផុតដែលអ្នកមិនត្រូវមើលរំលងនោះ គឺ ការស្វែងយល់ពីខ្លួនឯងឲ្យបានច្បាស់ ថា អ្នកជាមនុស្សប្រភេទណា ចូលចិត្តអ្វី មានចំណុចខ្លាំង និង ចំណុចខ្សោយអ្វីខ្លះ។ មនុស្សភាគច្រើនមិនបានស្គាល់ច្បាស់អំពីខ្លួនឯងនោះទេ ជាហេតុធ្វើឲ្យពួកគេមិនអាចធ្វើអ្វីប្រកបដោយភាពជោគជ័យបាន។ ស្គាល់ខ្លួនឯង មានន័យថា អ្នកស្គាល់ច្បាស់ អំពីផ្លូវត្រូវដើរដែលស្របនឹងសមត្ថភាព និង អត្តចរិតរបស់ខ្លួនឯង ដើម្បីឆ្ពោះទៅកាន់ភាពជោគជ័យ។

…ទម្លាប់ល្អទាំង៥យ៉ាង ដែលជួយឲ្យអ្នកមានសុខភាពល្អ!…

២) ភាពជឿជាក់លើខ្លួនឯង (Self-Confidence )

បើសូម្បីតែខ្លួនឯង អ្នកមិនជឿជាក់ផង តើឲ្យនរណាទុកចិត្តអ្នក? ភាពជឿជាក់ គឺជាចំណុចសំខាន់ ក្នុងការជំរុញឲ្យអ្នកអាចធ្វើអ្វីៗ បានយ៉ាងល្អ និង ប្រកបដោយប្រសិទ្ធភាពខ្ពស់។ ដើម្បីក្លាយជា មនុស្សដែលមានភាពជឿជាក់លើខ្លួនឯង អ្នកត្រូវស្គាល់ច្បាស់នូវអ្វីដែលអ្នកកំពុងធ្វើ តាមរយៈការសិក្សាស្រាវជ្រាវ និង ការអង្កេតជាដើម។

…រឿងមិនល្អទាំង ៥យ៉ាងដែលអ្នកគួរ ឈប់ធ្វើវាចាប់ពីពេលនេះតទៅ!…

៣) ការវាយតម្លៃលើខ្លួនឯង ( Self-Assessment)

ជារៀងរាល់ថ្ងៃ អ្នកបានធ្វើរឿងជាច្រើន ក្នុងបំណងដើម្បីសម្រេចគោលដៅ។ ក្នុងស្ថានភាពនេះ ចំណុចចាំបាច់មួយដែលមិនគួរមើលរំលងនោះ គឺការវាយតម្លៃលើសមត្ថភាពខ្លួនឯង ដើម្បីត្រួតពិនិត្យឡើងវិញ ថាអ្វីដែលអ្នកបានធ្វើកន្លងមក គឺ មានចំណុចខ្សោយ និង ចំណុចខ្លាំងអ្វីខ្លះ។ ការធ្វើបែបនេះ អាចជួយឲ្យអ្នកអាចកែប្រែ ឬ រៀបចំផែនការឡើងវិញ ដើម្បីត្រួសត្រាយផ្លូវទៅកាន់កន្លែងដែលអ្នកចង់ទៅដល់។

៤) ភាពម្ចាស់ការលើខ្លួនឯង ( Self-Discipline)

ផ្លូវទៅកាន់ភាពជោគជ័យ មិនស្រួលដើរនោះទេ អញ្ចឹងហើយបានជា មនុស្សភាគតិចប៉ុណ្ណោះដែលសម្រេចគោលដៅ។ ក្នុងដំណើរដ៏ស្មុគស្មាញនេះ អ្នកត្រូវតែមាន ភាពម្ចាស់ការលើខ្លួន។ មានន័យថា អ្នកត្រូវតែច្បាស់លាស់លើអ្វីដែលកំពុងធ្វើ បើទោះបីជាមាន បញ្ហាជាច្រើនកើតឡើងក្តី។ ក្នុងន័យនេះ អ្នកត្រូវមានវិន័យចំពោះខ្លួនឯង លើអ្វីដែលត្រូវធ្វើ និង មិនត្រូវធ្វើ។ មិនត្រូវធ្វើជាមនុស្ស ដែល រេចុះរេឡើង ទៅតាមពាក្យសំដីអ្នកដទៃនោះឡើយ៕

ចង់ក្លាយជាអ្នកមានធ្វើតាមរូបមន្តសាមញ្ញទាំង៤យ៉ាងនេះ អ្នកនឹងជោគជ័យ!

ចង់ក្លាយជាអ្នកមានធ្វើតាមរូបមន្តសាមញ្ញ ទាំង៤យ៉ាងនេះ អ្នកនឹងជោគជ័យ!ប្រភព៖ webatsimon

«ការចំណាយ ឲ្យតិចជាងប្រាក់ចំណូល» វាជារូបមន្តសាមញ្ញជាទីបំផុត មានន័យថា ដឹងពីចំនួនប្រាក់ដែលអ្នករកបានហើយចំណាយឲ្យតិចជាងនោះ ក៏ប៉ុន្តែមនុស្សភាគច្រើនមិនអាចធ្វើបានដូចរូបមន្តមួយឃ្លា នេះទេ។ ក្នុងជីវិតប្រចាំថ្ងៃជាក់ស្ដែង ការចំណាយមានច្រើនមុខ ខណៈចំណូលនៅដដែល ឬកើនឡើងតិចតួចបំផុត។

ផ្ទុយពីគំនិតចំណាយតិចជាងចំណូល មនុស្សជាច្រើននាក់កំពុងតែប្រើបំណុលធនាគារ ដើម្បីយកទៅបើករកស៊ីឲ្យបានច្រើនតាមតែអាចធ្វើទៅបាននាពេល បច្ចុប្បន្ននេះ។ បំណុលពិតជាអាចជួយដោះស្រាយបញ្ហាអ្នកបាននៅពេលខាងមុខ ប៉ុន្តែត្រូវចេះប្រើប្រាស់វាឱ្យមានប្រសិទ្ធភាព។

…ទ្រឹស្ដី ៥ មានតម្លៃបំផុតរបស់លោក Warren Buffett ដែលអ្នកគួររៀនសូត្រតាម…

តើអ្នកអាចគេចពីវាសនានៃមនុស្សដែលធ្វើតាមទម្លាប់និង ចំណាយឲ្យតិចជាងចំណូលដើម្បីបង្កើតអនាគតឲ្យកាន់តែមានបាន យ៉ាងដូចម្ដ៉េច?

ជំហានទី១៖ កំណត់ឲ្យច្បាស់ពីចំណូលរបស់អ្នក (Step 1: Figure out how much you earn)

ជំហានដំបូងនៃវិធីចំណាយតិចជាងចំណូលនេះ គឺត្រូវកំណត់ឱ្យបានច្បាស់ពីចំណូលរបស់អ្នក។ បើអ្នកធ្វើការ ទទួលបានប្រាក់ខែជាទៀងទាត់មិនពិបាកនោះទេ ក៏ប៉ុន្តែបើអ្នកមានអាជីវកម្មផ្ទាល់ខ្លួន ឬមានការងារច្រើនមុខ អ្នកត្រូវកំណត់វាឱ្យបានច្បាស់ ដើម្បីងាយស្រួលធ្វើផែនការចំណាយ។ អ្វីដែលសំខាន់នោះ គឺការធ្វើផែនការគ្រប់គ្រងប្រាក់ចំណូល គឺត្រូវអាស្រ័យលើប្រាក់ចំណូលទៀតទាត់ មិនមែនពឹងលើប្រាក់ចំណូលរងក្រៅបាន ឬប្រាក់មិនទៀតទាត់នោះទេ។

…ការយកលេសដ៏ពេញនិយមទាំង ៧ របស់មនុស្សខ្ជិលពីការសន្សំប្រាក់ទុក…

ជំហានទី២៖ បង្កើតផែនការចំណាយ (Step 2: Come up with a spending plan)

អ្នកមិនត្រូវកំណត់ផែនការថវិកាតឹងតែង ដើម្បីធ្វើឲ្យវិធីនេះក្លាយជាផ្នែកមួយនៃផែនការហិរញ្ញវត្ថុ របស់អ្នកនោះទេនោះ។ អ្នកអាចប្រើវិធីដោយងាយ គឺការកំណត់មូលដ្ឋានគោលមួយអំពីថា តើអ្នកនឹងត្រូវចំណាយប៉ុន្មានក្នុងមួយខែ។ អ្វីដែលសំខាន់គឺត្រូវប្រាកដថា ការចំណាយប្រចាំខែរបស់អ្នកគឺតិចជាងប្រាក់ចំណូលប្រចាំខែ ដូចអ្នកបានដឹងនៅក្នុងជំហានទី១រួចហើយ។

ជំហានទី៣៖ ចូរប្រាកដថា ចំណាយឲ្យកាន់តែតិច (Step 3: Make it work by spending less)

ការចំណាយកាន់តែតិច គឺជាវិធីងាយស្រួលបំផុតសម្រាប់អ្នកដែលចង់កាត់បន្ថយចំណាយពួកគេ ឲ្យតិចជាងប្រាក់ចំណូល។ វាងាយស្រួលក្នុងការសម្រេចចិត្តដើម្បីកាត់បន្ថយចំណាយឲ្យកាន់តែ តិចជារឿយៗ។ ចូរចាប់ផ្ដើមកាត់បន្ថយការចំណាយ ដែលមិនផ្ដល់តម្លៃដល់អ្នក ឬដែលគ្មានប្រយោជន៍សោះ។

ជំហានទី៤៖ ចូរខិតខំរកចំណូលឲ្យបានច្រើន (Step 4: Make it work by earning more.)ការ រកប្រាក់ចំណូលឲ្យបានកាន់តែច្រើន គឺជាវិធីសាស្ត្រដែលមនុស្សមួយចំនួនធំធ្លាប់មានបំណងចង់ធ្វើ ដើម្បីធ្វើតាមវិធីចំណាយតិចជាងចំណូល។ មានវិធីជាច្រើន ដែលអ្នកអាចបង្កើតចំណូលអ្នកបន្ថែមលើចំណូលបានមកពីការធ្វើការ និងការងារក្រៅម៉ោងក្នុងពេលបច្ចុប្បន្ន។

ប្រែសម្រួល៖ សុខ មេត្តា

ប្រភព៖ business insider

ត្រីវិស័យទាំង ៧សម្រាប់សហគ្រិនវ័យក្មេង និងគ្មានបទពិសោធន៍!

ប្រិយមិត្ត មួយចំនួនដែលចង់បើកអាជីវកម្មបានយល់ថា ការចាប់ផ្តើមអាជីវកម្មទាំងវ័យក្មេង និង គ្មានបទពិសោធន៍ គឺជាឧបសគ្គដ៏ធំមួយអាចធ្វើឲ្យអាជីវកម្មនោះបរាជ័យ។ បើអ្នកខ្លាចបរាជ័យ តើអាចធ្វើជាសហគ្រិនជោគជ័យម្ដេចហ្នឹងកើតទៅ? ម្យ៉ាងវិញទៀត តើបទពិសោធន៍របស់អ្នក អាចទទួលបាននៅពេលណា? ការពិត បទពិសោធន៍ក៏កើតឡើងពីចំណុចសូន្យដែរ ដូច្នេះអ្នកមិនគូរយកបទពិសោធន៍ និង អាយុមកធ្វើជាហេតុផលនេះនោះឡើយ។

ទីបំផុតលោកអ្នក អាចនឹងមានការស្ទាក់ស្ទើរក្នុងចិត្ត មិនហ៊ានប្រថុយប្រថាននោះឡើយ។ ទោះបីជាយ៉ាងណា សូមប្រិយមិត្ត ជាពិសេសអ្នកដែលមានបំណងចង់ធ្វើជាសហគ្រិនទាំងវ័យក្មេង សាកល្បងស្វែងយល់ពីយុទ្ធសាស្ត្រទាំង ៧ ចំណុចខាងក្រោមម្តងមើល៍ថា តើអាចផ្តល់ពន្លឺដល់អ្នកបានដែរឬទេ?

១) ធ្វើអាជីវកម្មត្រូវតែមានមហិច្ឆតាខ្ពស់ (Ambition)

វាមិនងាយនោះទេ សម្រាប់សហគ្រិនវ័យក្មេង ដែលយល់ថា ខ្លួនអាចសម្រេចបានគោលដៅរបស់ខ្លួនបានក្នុងរយៈពេលខ្លី។ នោះហើយដែលថា ការបរាជ័យនឹងរត់មករកអ្នក ហើយបើការព្យាយាមនៅមានកម្រិត គ្មានមហិច្ឆតាចង់យកឈ្នះនោះទេ ទីបំផុតក៏គ្មានប្រយោជន៍ដែរ។ ដូច្នេះហើយ បានជាគេផ្តល់ដំបូន្មានថា សហគ្រិនគ្រប់រូបត្រូវមានទស្សនវិស័យវែងឆ្ងាយ និង មហិច្ឆតាជានិច្ចក្នុងការធ្វើកិច្ចការអ្វីដែលខ្លួនចាប់អារម្មណ៍ ជាពិសេសក្នុងអាជីវកម្មនេះតែម្តង។ ស្វែងរកចំណុចចំណុចខ្លាំងរបស់អ្នកបង្ហាញដល់អតិថិជន នេះហើយជាអ្វីដែលអ្នកត្រូវយកចិត្តទុកដាក់នៅទីនេះ។

…គំនិតអាជីវកម្មថ្មី៖ ហាងកាហ្វេបន្លែងលេងសត្វចិញ្ចឹមគួរឱ្យស្រលាញ់ល្បីៗ១០កន្លែងនៅប្រទេសថៃ…

២) ស្គាល់ទីផ្សារអាជីវកម្មខ្លួនឯងឲ្យច្បាស់ (Define your Market)

មានសហគ្រិនថ្មីថ្មោងមិនតិចទេដែលបរាជ័យក្នុងចំណុចនេះ។ នេះមកពីហេតុអ្វី? មកពីពួកគេបើកមហិច្ឆតាធំពេកវាយតម្លៃទីផ្សារខាងក្រៅ ហើយចាប់ផ្តើមអាជីវកម្មដោយមិនមើលសមត្ថភាពខ្លួនឯង។ ទោះជាយ៉ាងណាក្តី បើអ្នកជានិស្សិត ឬ គ្រាន់តែបើកអាជីវកម្មតូចតាចមួយ អ្នកគួរតែតម្រង់ ទិសទៅកាន់ទីផ្សារនៅជុំវិញអ្នក និង ស្គាល់វាឲ្យកាន់តែច្បាស់ជាមុនសិន ទើបកំណត់ទីផ្សារអាជីវកម្មរបស់អ្នកជាក្រោយ។ បណ្ដាញសង្គម មានសារសំខាន់ណាស់សម្រាប់អ្នកនៅពេលនេះ ប៉ុន្តែអ្វីដែលសំខាន់អាជីវកម្មរបស់អ្នកត្រូវកំណត់ក្នុងទំហំដ៏ ជាក់លាក់មួយនៅលើទីផ្សាររបស់អ្នក មិនមែនចង់ក្តោបតែឯងក្នុងរយៈពេលដ៏ខ្លីនោះឡើយ។

៣) ត្រូវកំណត់តម្លៃលើផលិតផល ឬ សេវាកម្មរបស់អ្នក (Price Point)

ក្នុងការលក់ផលិតផល ឬ សេវាកម្មណាមួយ អ្នកត្រូវគិតលទ្ធភាពផ្គត់ផ្គង់ក្នុងកម្រិតមួយចាំបាច់បំផុតដល់ អតិថិជនក្នុងតម្លៃប្រកួតប្រជែងមួយ។ ការកំណត់តម្លៃផលិតផលនៅពេលនេះ គឺជាគោលដៅរបស់អ្នក ហេតុដូច្នេះ មានតែការស្រាវជ្រាវតម្លៃទីផ្សារប៉ុណ្ណោះដែលអាចជួយអ្នកបាននៅពេល នេះ។ សូមចាំថា តម្លៃរបស់អ្នកអាចកើនឡើងបាន លុះត្រាតែផលិតផល ឬ សេវាកម្មរបស់អ្នកមានគុណភាពល្អតែប៉ុណ្ណោះ។

…អ្នកជំនាញ៖ ដើម្បីឱ្យអាជីវកម្មកាន់តែរីកចម្រើនសហគ្រិនគួរផ្សារភ្ជាប់ជាមួយបច្ចេកវិទ្យាបង្កើតថ្…

៤) ភាពស្មោះត្រង់គឺជារឿងសំខាន់ (Be honest)

លោកអ្នកពិតជាធ្លាប់ឃើញអាជីវកម្មមួយចំនួនដែលលក់ជើងខ្លួនឯង។ ព្រោះហេតុអ្វី? គឺដោយសារការបោកប្រាស់នេះឯង។ សម្រាប់អ្នកវិញភាពស្មោះត្រង់នៅពេលនេះ ត្រូវអនុវត្តទៅលើដៃគូអាជីវកម្មរបស់អ្នក បុគ្គលិក និងជាពិសេសអតិថិជនតែម្តង។ វាច្បាស់ណាស់ដែលថា អាជីវកម្មដំបូងរបស់អ្នកពិបាកនឹងជោគជ័យ តែអ្នកត្រូវបង្ហាញភាពស្មោះត្រង់មួយទៅកាន់ពួកគេដោយជឿជាក់ថា អ្នកពិតជាអាចធ្វើឲ្យអាជីវកម្មរបស់អ្នកជោគជ័យនៅពេលខាងមុខបាន ទន្ទឹមនឹងបង្កើតសេវាកម្ម ឬ ផលិតផលដ៏ត្រឹមត្រូវមួយបម្រើជូនដល់អតិថិជនដោយគ្មានការ ក្លែងបន្លំ។

៥) ប្រើប្រាស់បណ្ដាញសង្គមឲ្យមានកម្រិត (Leverage Social media )

នៅយុគសម័យនេះ យុវជនវ័យក្មេងមានទំនោរទៅរកបណ្ដាញសង្គមដូចជា Facebook ឬ Twitter ជាដើមត្បិតអីវាមានសក្ដានុពលខ្លាំងណាស់សម្រាប់ទំនាក់ទំនង ហើយអ្នកច្បាស់ជាឆ្លៀតឱកាសនេះបញ្ជ្រាបអាជីវកម្មរបស់អ្នកជាមិន ខាន។ សូមកុំប្រញាប់ប្រញាល់ពេក ព្រោះថាបណ្ដាញសង្គមអាចធ្វើឲ្យអ្នកងើបឡើង និង ធ្លាក់ចុះទាំងមិនដឹងខ្លួន។ អ្នកមានចាំទេថា ចង់ធ្វើអាជីវកម្មអ្នកមិនត្រូវដាក់ពងមាន់ចូលក្នុងកន្ត្រកតែមួយ នោះឡើយ។ នេះមានន័យថា ការពិសោធន៍ ការស្រាវជ្រាវ ស្ទាបស្ទង់វាយតម្លៃដោយជាក់លាក់ជាមួយអតិថិជនផ្ទាល់លើអ្វីដែល អ្នកកំពុងតែធ្វើ និងការចំណាយរបស់អ្នក គឺជារឿងមួយមានអាទិភាពដែលអ្នកត្រូវយកចិត្តទុកដាក់។

…៥ជំហានជួយឲ្យអ្នកស្វែងរកដៃគូត្រូវមកធ្វើអាជីវកម្ម…

៦) កុំភ្លេចការទំនាក់ទំនងសាធារណៈ (Public Relation)

ការទំនាក់ទំនងសាធារណៈ យ៉ាងរឹងមាំអាចធ្វើឲ្យអាជីវកម្មរបស់អ្នករុលទៅមុខ និងអាចកាត់បន្ថយការចំណាយលើការផ្សព្វផ្សាយដ៏ច្រើនលើសលប់។ តើអ្វីដែលសំខាន់នោះ តើអ្នកត្រូវធ្វើដូចម្តេចដើម្បីទទួលបានការគាំទ្រពីសាធារណជន? ពិតមែនហើយ! សូមអ្នកសាកល្បងគិតបន្តិចមើលថា តើអតិថិជនត្រូវការអ្វី? ចាប់អារម្មណ៍លើអ្វី? មានចំណាប់អារម្មណ៍ក្នុងកម្រិតណា? នៅពេលដែលអ្នកអាចរកឃើញចម្លើយនេះ សូមចាប់ផ្តើមធ្វើការជាមួយប្រព័ន្ធផ្សព្វផ្សាយ (Media) ដូចជាការបង្កើត Blog ឬ Page នៅក្នុងFacebook ជាដើម ឬ សូម្បីតែឯអត្ថបទ ឬ ខិត្តប័ណ្ណបោះពុម្ពពីអាជីវកម្មដែលចែកជូននៅទីតាំងអាជីវកម្មរបស់ អ្នកក៏អាចជួយកសាងប្រជាប្រិយភាពឲ្យអ្នកបានដែរ។

៧)ស្វែងរកបុគ្គលគំរូមកធ្វើអាជីវកម្ម (Look for Mentores)

ការចាប់ផ្តើមអាជីវកម្មដំបូងរបស់សហគ្រិនវ័យក្មេង នឹងជួបអារម្មណ៍តានតឹង រំភើប ព្រួយបារម្ភ ឬ ភ័យខ្លាច។ល។ ក្នុងពេលជាមួយគ្នានេះ។ ទោះបីជាយ៉ាងណាក៏ដោយ សូមចាំថា បើអ្នកជាសហគ្រិនទាំងវ័យក្មេង អ្នកនឹងអាចទទួលបានបទពិសោធន៍ច្រើន អាចនិយាយបានថាល្អជាងអ្នកដែលធ្វើអាជីវកម្មច្រើនឆ្នាំទៀតផងក៏ ថាបាន ត្បិតអីបទពិសោធន៍ក្នុងអាជីវកម្មធ្វើឲ្យអ្នកកាន់តែស្គាល់ សង្គ្រាមអាជីវកម្មកាន់តែច្រើនឡើងដែរ។ យ៉ាងណាមិញ ការរៀនសូត្រពីបុគ្គលជោគជ័យ មហាសេដ្ឋី អ្នកជំនួញល្បីៗណាម្នាក់មកធ្វើជាត្រីវិស័យសម្រាប់អ្នក ក៏ជាវិធីសាស្ត្រយ៉ាងល្អមួយអាចឲ្យអ្នកមានទឹកចិត្តកាន់តែខ្លាំង ឡើង ដោយមិនរាថយ៕

ប្រែសម្រួល៖ ខេវិន

ប្រភព៖ entrepreneur

៥ជំហានជួយឲ្យអ្នកស្វែងរកដៃគូត្រូវមកធ្វើអាជីវកម្ម

៥ ជំហានជួយឲ្យអ្នកអាចស្វែងរកដៃគូដ៏ល្អមកធ្វើអាជីវកម្មប្រភព៖ tweakyourbiz

គម្រោង អាជីវកម្ម ដើមទុន និងធនធានមនុស្ស គឺជាចំណុចសំខាន់បំផុតសម្រាប់បើកអាជីវកម្មរបស់អ្នក។ បើអ្នកមានគម្រោងអាជីវកម្ម និង ដើមទុនគ្រប់គ្រាន់ តែគ្មានធន់ធានមនុស្សមកដឹកនាំអាជីវកម្មរបស់អ្នក អាជីវកម្មនោះក៏មិនអាចមានដង្ហើមបានយូរនោះដែរ។ នេះជាអ្វីដែលអ្នកត្រូវសួរខ្លួនឯងថា តើត្រូវធ្វើដូចម្តេចទើបអាចជ្រើសរើសដៃគូអាជីវកម្មដ៏ល្អម្នាក់ បាន? ចម្ងល់របស់អ្នកអាចដោះស្រាយ នៅពេលដែលលោកអ្នកអនុវត្តតាមជំហាន៥ ខាងក្រោមនេះ៖

១) បង្ហាញចំណុចខ្លាំងរបស់អ្នក (Start with your own strengths)

ចំណុចនេះ អ្នកត្រូវសរសេរលម្អិតរៀបរាប់ពីសមត្ថភាពការងាររបស់ខ្លួនអ្នក ផ្ទាល់ ( Job Description) ដោយបង្ហាញគម្រោងមួយដែលអ្នកនឹងបន្តធ្វើនៅពេលខាងមុខយ៉ាងល្អ បំផុត និង មានភាពជឿជាក់។ អ្នកក៏ចង់ឲ្យដៃគូរបស់អ្នក ក្លាយជាមនុស្សដែលមានជំនាញបន្ថែម និង ចំណេះដឹង ដូច្នេះអ្នកត្រូវបង្ហាញថា តើដៃគូរបស់អ្នក នឹងត្រូវដើរតួសំខាន់ក្នុងការកម្រិតណាលើការសម្រេចចិត្តនានា របស់ក្រុមហ៊ុន និង ពេលដំណើរការអាជីវកម្ម? សូមចាំថា បើអ្នកបើកក្រុមហ៊ុនសហកម្មសិទ្ធិ ដាច់ខាតមិនត្រូវប្រើរូបមន្ត ៥០-៥០នោះឡើយ ព្រោះក្រុមហ៊ុនបែបនេះ នឹងអវត្តមានអ្នកឯករាជ្យសម្រេចចិត្តលើកិច្ចការរបស់ក្រុមហ៊ុន។

…ដើម្បីរកស៊ីជាមួយមិត្តភក្ដិប្រកបដោយជោគជ័យ ត្រូវមាន៤ចំណុចនេះ!…

២) បង្ហាញពីតម្រូវការរបស់អ្នក ( Show your needs)

អ្នកកំពុងត្រូវការបុគ្គលដ៏មានសក្ដានុពលម្នាក់មកធ្វើអាជីវកម្ម ជាមួយអ្នក ដូច្នេះអ្នកត្រូវបង្ហាញទៅកាន់ពួកគេថា តើអ្នកត្រូវការអ្វី? អ្នកផ្គត់ផ្គង់ អតិថិជន ឬ សហការី? ការបង្ហាញពីតម្រូវការនៅពេលនេះ ដើម្បីបញ្ជាក់ទៅកាន់ពួកគេថា អ្នកកំពុងត្រូវការបុគ្គលម្នាក់ដែលមានសមត្ថភាពពិតប្រាកដមួយ ក្នុងមុខតំណែងណាមួយនៃអាជីវកម្មរបស់អ្នក។ បើអ្នកមិនមានមានភាពច្បាស់លាស់នៅក្នុងចំណុចនេះទេនោះ អ្នកនឹងពិបាកស្វែងរកដៃគូអាជីវកម្មមួយជាក់ជាមិនខាន។

៣) កំណត់តម្លៃនានាដែលអ្នកស្វែងរក (Identify the values you seek)

មិនថាបុគ្គលម្នាក់នោះបានបំពេញតួនាទីជាដៃគូ ឬ មុខងារជាសមាជិកដ៏សំខាន់នៅក្នុងក្រុមហ៊ុនរបស់អ្នកយ៉ាងណាក៏ដោយ បុគ្គលម្នាក់នោះនឹងមានឥទ្ធិពលលើរូបភាពនៃកិច្ចការទាំងក្នុង និង ក្រៅ ក្រុមហ៊ុន។ ប្រសិនបើការប្ដេជ្ញាចិត្ត ភាពស្មោះត្រង់ សុចរិតភាព គឺជាគុណតម្លៃដ៏សំខាន់ក្នុងទំនាក់ទំនងក្នុងអាជីវកម្មរបស់អ្នក អ្នកត្រូវវិនិច្ឆ័យជាមុនថា រាល់ការសម្រេចចិត្តរបស់អ្នក ត្រូវយកគោលការណ៍ទាំងនេះជាត្រីមុខរវាងសមាជិកម្នាក់ទៅសមាជិក ម្នាក់ទៀត។

…បើចង់ក្លាយជាអ្នកគ្រប់គ្រង ប្រកបដោយភាពជឿជាក់ខ្ពស់ ត្រូវគិតលើចំណុចទាំង៤នេះ!…>

៤) បើកចិត្តឲ្យទូលាយ (Open your mind)

ការពិតមនុស្សជាច្រើនដែលចង់រកស៊ី (បើកអាជីវកម្ម)ជាមួយអ្នកមិនមែនសុទ្ធតែជាអ្នកមានដើមទុន គ្រប់គ្រាន់នោះឡើយ។ មានអ្នកខ្លះមានលុយ តែគ្មានគំនិតរកស៊ី ហើយអ្នកខ្លះទៀតមានគំនិតរកស៊ី តែគ្មានលុយ ហើយក៏មានដែរអ្នកវិនិយោគដែលពោរពេញដោយសក្ដានុពលមិនចង់មករកស៊ី ជាមួយអ្នក។ តើមនុស្សទាំងបីប្រភេទនេះអ្នកត្រូវជ្រើសរើសយកមួយណា?

ការស្វែងរកដៃគូក្នុងអាជីវកម្មអ្នកត្រូវការអ្នកដែលមាន ដើមទុន ប៉ុន្តែអ្នកដែលគំនិតល្អក្នុងអាជីវកម្មអ្នកក៏មិនត្រូវមើល រំលងនោះដែរ អាចនិយាយថា ជាបុគ្គលសំខាន់ជាងអ្នកមានដើមទុនទៅទៀត។ ព្រោះអ្វី? ព្រោះថាគំនិតសំបូរបែបពោរពេញដោយយុទ្ធសាស្ត្រក្នុងការធ្វើ អាជីវកម្មរបស់បុគ្គលនោះអាចធ្វើឲ្យអាជីវកម្មរបស់អ្នករីកចម្រើន បាន។ ទោះជាយ៉ាងណាក៏ដោយ អ្នកត្រូវសួរខ្លួនឯងថា តើស្ថានភាពអាជីវកម្មរបស់អ្នកនៅពេលនេះត្រូវការដៃគូប្រភេទណា?

៥) ស្វែងយល់ពីសក្ដានុពលរបស់ដៃគូ (Seek your partner’s potential)

បន្ទាប់ពីបានបង្ហាញសក្ដានុពលរបស់អ្នកទៅកាន់ដៃគូ ដូចបានរៀបរាប់នៅក្នុងចំណុចទី១ ឥឡូវនេះដល់ពេលដែលអ្នកត្រូវស្វែងយល់ពីចំណុចខ្លាំងដៃគូរបស់អ្នក វិញម្តង។ ប្រការដ៏សំខាន់អ្នកត្រូវមើលប្រវត្តិរូបដៃគូរបស់អ្នកឲ្យបាន ច្បាស់លាស់បំផុតថា តើដៃគូរបស់អ្នកមានចំណុចខ្លាំង និង ចំណុចខ្សោយអ្វីខ្លះ? តើដៃគូរបស់អ្នកមានការប្ដេជ្ញាចិត្ត ការលើកទឹកចិត្ត និង សមត្ថភាពក្នុងកម្រិតណាក្នុងអាជីវកម្ម? ការពនិត្យមើលចំណុចទាំងនេះដើម្បីឲ្យអ្នក និង ដៃគូរបស់អ្នកមានទំនួលខុសត្រូវប្រកបដោយទំនុកចិត្ត និង ស្គាល់ពីតួនាទីរបស់ខ្លួនអ្វីដែលនឹងត្រូវធ្វើនៅពេលខាងមុខ។

តើធ្វើយ៉ាងណាទើបអាចកសាងកេរ្តិ៍ឈ្មោះរបស់អ្នកឲ្យល្បីនៅក្នុងវិស័យជំនួញ?

ដើម្បីសាងកេរ្តិ៍ឈ្មោះរបស់អ្នកឲ្យល្បីនៅក្នុងវិស័យជំនួញ ត្រូវអនុវត្តន៍តាមជំហានទាំង៥នេះ!ប្រភព៖ dennischampion

ជា ការពិតណាស់នៅក្នុងការធ្វើជំនួញ កេរ្តិ៍ឈ្មោះរបស់ក្រុមហ៊ុន គឺជាកត្តាដ៏សំខាន់ ក្នុងការផ្តល់ភាពទុកចិត្តដល់ អតិថិជន នៅលើទីផ្សារដែលពោរពេញទៅដោយ ការប្រកួតប្រជែង។ យ៉ាងណាក៏ដោយ កេរ្តិ៍ឈ្មោះក្រុមហ៊ុន តែម្យ៉ាងនៅមិនទាន់គ្រប់គ្រាន់នៅឡើយទេ ពោលគឺ អ្នកក៏ត្រូវសាងកេរ្តិ៍ឈ្មោះ បុគ្គលនៅក្នុងស្ថាប័នផងដែរ ដើម្បីឲ្យអតិថិជន កាន់តែមានជំនឿជាក់ខ្លាំងឡើង។ នៅពេលដែលកេរ្តិ៍ឈ្មោះផ្ទាល់ខ្លួនរបស់អ្នក និង កេរ្តិ៍ឈ្មោះរបស់ក្រុមមានភាពល្បីល្បាញហើយនោះ វាអាចនិយាយបានថា ដំណើរការអាជីវកម្មនឹងកាន់តែឆ្ពោះទៅរកភាពជោគជ័យ កាន់តែខ្លាំងឡើង។

ខាងក្រោមនេះ គឺជាគន្លឹះសំខាន់ៗមួយចំនួន ដែលជួយឲ្យកេរ្តិ៍ឈ្មោះរបស់នាក់មានភាពល្បីល្បាញ៖

១) កំណត់ឲ្យច្បាស់ពីជំនាញរបស់អ្នក ( Determine your area of expertise)

មុនពេលអ្នកអាចទទួលបានកេរ្តិ៍ឈ្មោះល្បីល្បាញ អ្នកត្រូវតែមានលក្ខណៈពិសេសទៅលើជំនាញអ្វីមួយ។ ដូច្នេះ មុនពេលក្លាយទៅជាអ្នកជំនាញលើផ្នែកអ្វីមួយ អ្នកគួរតែគិត ថាអ្នកពូកែខាងអ្វី ដើម្បីឲ្យមនុស្សជាច្រើនឆាប់ស្គាល់សមត្ថភាពរបស់អ្នក ដូចជា ជំនាញទីផ្សារ ជំនាញធនធានមនុស្ស ឬ ជំនាញគ្រប់គ្រងទូទៅ ជាដើម។ បើអ្នកគ្មានជំនាញអ្វីមួយច្បាស់លាស់ទេ វាមិនមែនជារឿងងាយស្រួលឡើយ ក្នុងការផ្តល់ភាពជឿជាក់លើអតិថិជនទោះជាអ្នកអាចប្រើបុគលិកពូកែៗក្ដី។

…មហាសេដ្ឋីទាំង៨រូបដែលបរិច្ចាគប្រាក់ច្រើនបំផុតសម្រាប់ជំនួយមនុស្សធម៌…

២) សរសេរ និង បោះពុម្ពផ្សាយ (Start writing and publishing)

នៅពេលអ្នកមានជំនាញ ណាមួយច្បាស់លាស់ហើយ អ្នកគួរតែធ្វើការចែករំលែកបទពិសោធន៍មួយចំនួន ទៅដល់មនុស្សទូទៅ តាមរយៈការសរសេរអត្ថបទ ឬ បោះពុម្ពជាសៀវភៅជាដើម។ ការធ្វើបែបនេះ ដើម្បីធ្វើឲ្យកេរ្តិ៍ឈ្មោះរបស់អ្នក ត្រូវបានគេឆាប់ស្គាល់នៅលើទីផ្សារ។ ត្រង់ចំនុចនេះ នៅពេលដែលមានមនុស្សជាច្រើនស្គាល់អ្នកហើយ ពួកគេប្រាកដជា មានបំណងចង់សាកល្បងផលិតផល ឬ សេវាកម្មរបស់ក្រុមហ៊ុនអ្នកជាមិនខាន។

…បើចង់សម្រេចចិត្តប្រកបដោយប្រសិទ្ធភាព គន្លឹះទាំង៤នេះអាចជួយអ្នកបាន!…

៣) បន្ថែមព័ត៌មានលម្អិតផ្សេងៗនៅលើបណ្ដាញសង្គម (Flesh out your social media )

នៅពេលបច្ចុប្បន្ននេះ ប្រជាជននៅលើពិភពលោក កំពុងពេញនិយមយ៉ាងខ្លាំងលើការប្រើប្រាស់បណ្ដាញសង្គមជាច្រើន ដូចជា Facebook និង Twitter ជាដើម។ នេះគឺជាឱកាសល្អមួយ ក្នុងការជំរុញឲ្យអ្នកអាចបញ្ជ្រាបគំនិត និង ឥទ្ធិពលរបស់អ្នកទៅកាន់មនុស្សទូទៅ។ ដូច្នេះ អ្នកគួរតែព្យាយាម ផ្តល់ព័ត៌មានល្អៗ និង មានប្រយោជន៍ផ្សេងៗទៅដល់នៅលើបណ្ដាញសង្គមទាំងនោះ ជាប្រចាំ។

៤) ធ្វើបទបង្ហាញនៅតាម ព្រឹត្តិការណ៍សំខាន់ៗ (Giving speech at special events)

ដើម្បីបង្ហាញថា អ្នកជាមនុស្សមានសមត្ថភាពពិតប្រាកដ អ្នកគួរតែឆ្លៀតពេល បង្ហាញវត្តមាន នៅតាមព្រឹត្តិការណ៍ពិសេសៗ ដើម្បីចែករំលែកចំណេះដឹង និង បទពិសោធន៍ ទៅកាន់អ្នកចូលរួម។ ការធ្វើបែបនេះ ដើម្បីបញ្ជាក់ថា អ្នកមានសមត្ថភាពពិតប្រាកដ ក្នុងការធ្វើកិច្ចការជោគជ័យផ្សេងៗ។ វាជាចំណុចដ៏ល្អមួយ ដែលអ្នកអាចធ្វើឲ្យកេរ្តិ៍ឈ្មោះកាន់តែល្បីល្បាញថែមទៀត។

…ទម្លាប់អាក្រក់ទាំង៣នេះ មិនអាចធ្វើឲ្យអ្នកបញ្ចេញសក្ដានុពលឲ្យអស់ពីខ្លួននៅកន្លែងការងារបានឡើយ!…

៥) ត្រូវមានបណ្ដាញ ( Having network)

នាពេលបច្ចុប្បន្ន ដើម្បីធ្វើឲ្យផែនការរបស់អ្នកទទួលជោគជ័យ ការបង្កើតបណ្ដាញពិតជាមានសារៈសំខាន់ខ្លាំងណាស់។ ក្នុងន័យនេះ គឺអ្នកគួរតែមានទំនាក់ទំនងជាមួយក្រុមមនុស្សល្បីៗ ដែលមាន ដើម្បីចែករំលែកបទពិសោធន៍ល្អៗ ដល់ខ្លួនអ្នក ក្នុងការអភិវឌ្ឍន៍ខ្លួន។ ម្យ៉ាងវិញទៀត នៅពេលដែលមាន មានទំនាក់ទំនងជាមួយមនុស្សល្បីមួយចំនួនហើយ វាក៏ជាចំនុចមួយដែលធ្វើឲ្យអ្នកឆាប់ល្បីផងដែរ៕

ប្រែសម្រួល៖ រស្មី

ប្រភព៖ inc

ហេតុអ្វីបានជាអតិថិជនត្រូវជ្រើសរើសអ្នក តែមិនមែនជាគូប្រជែងរបស់អ្នក?

ការប្រកួតប្រជែងក្នុងអាជីវកម្មប្រភព៖ webdesy

ម្ចាស់ អាជីវកម្មទូទៅពិតជាចង់យកឈ្នះគូប្រជែងរបស់ខ្លួន និង ចង់ឲ្យមានអតិថិជនមកប្រើប្រាស់សេវាកម្មរបស់ខ្លួនកាន់តែច្រើន កាន់តែល្អ។ នេះជាបំណងប្រាថ្នាមួយក៏ពិតមែន តែបញ្ហាត្រង់ថា តើត្រូវធ្វើដូចម្តេចខ្លះដើម្បីសម្រេចបំណងនេះបាន? ឆ្លើយតបនឹងសំនួរនេះ សូមមិត្តអ្នកអាន ជាពិសេសម្ចាស់អាជីវកម្មទាំងឡាយ សាកល្បងអនុវត្តគន្លឹះខ្លីៗចំនួន៣ ជាមួយ TheBNEWS ទាំងអស់គ្នានៅថ្ងៃនេះ ពីយុទ្ធសាស្ត្រទាក់ទាញអតិថិជន ដែលមានដូចខាងក្រោមនេះ៖

១) ការផ្តល់ជូនអតិថិជនត្រូវតែធ្វើឲ្យខុសប្លែកពីគូប្រជែង

ទោះបីជាអាជីវកម្មរបស់ដូចគ្នាទៅគូប្រជែង តែអ្នកត្រូវចាំថា ការផ្តល់ជូនសេវាកម្មរបស់ត្រូវតែធ្វើឲ្យ”ខុសប្លែក” ពីគូប្រជែង។ សហគ្រិនថ្មីថ្មោងអាចជួបបញ្ហាមួយចំនួន ដូចជាពុំមានអតិថិជនច្រើនចំណាប់អារម្មណ៍ទៅនឹងអាជីវកម្មថ្មីរបស់ ខ្លួន តែបញ្ហានេះអាចកែបាន ពោលគឺអ្នកអាចពង្រីកពេលវេលាលក់ផលិតផល ឬសេវាកម្មឲ្យបានយូរជាងគូប្រជែង។

ជម្រើសផ្សេងទៀតក្រៅពីនេះ គឺការបង្កើត “ជម្រើសសេវាកម្ម” សម្រាប់ផ្តល់ជូនអតិថិជនឲ្យបានកាន់តែច្រើន។ ឧទាហរណ៍ បើអ្នកចង់បើកសេវាកម្មថតរូប អ្នកគួរតែបង្កើតជម្រើសប្រភេទរូបថតឲ្យបានច្រើនប្រភេទ ឬ ទំហំ តាមតែអាចធ្វើបាន ដូចជាប្រភេទ(៣x៤ ៤x៦…) ការបោះពុម្ពរូបភាព ១៦x២០ សេវាកម្មបោះពុម្ពជា 3D និង សេវាកម្មផ្សេងទៀតដែលអ្នកអាចផ្តល់ជូនបាន។ អ្នកត្រូវយល់ថា ជម្រើសសេវាកម្មរបស់អ្នកផ្តល់ជូនអតិថិជនកាន់តែច្រើន នឹងធ្វើឲ្យអតិថិជនមានចំណាប់អារម្មណ៍កាន់តែច្រើន ហើយទីបំផុតពួកគេនឹងជ្រើសរើសជម្រើសសេវាកម្មយ៉ាងសំបូរបែបណាមួយ របស់អ្នក។ វាមិនបានធ្វើឲ្យអ្នកចំណាយច្រើននោះឡើយ តែវាបាននាំមកនូវគុណតម្លៃជាច្រើនទៀតដល់អតិថិជនដែលជា មូលដ្ឋានគ្រឹះដ៏សំខាន់សម្រាប់ភាពលូតលាស់អាជីវកម្មរបស់អ្នក។

…មានអាជីពជាតារាសម្ដែងតែ Brad Pitt និង Angelina Jolie ក៏មានមេរៀន៣ សម្រាប់សហគ្រិនអាចរៀនសូត្របានដែរ…

២) បង្កើនតម្លៃសេវាកម្មរបស់អ្នកឲ្យបានខ្ពស់ជាងគូប្រជែងបន្តិច

មកដល់ចំណុចនេះ លោកអ្នកប្រហែលជាគិតថា វាជារឿងខុសឆ្គងដែលហ៊ានលក់សេវាកម្មរបស់ខ្លួនឲ្យ “ខ្ពស់ជាង” គូប្រជែង ខណៈគូប្រជែងកំពុងតែឡើងកូដស្រាប់នោះ។ ការពិតវាមិនមែនដូច្នេះនោះឡើយ តែវាជាយុទ្ធសាស្ត្រដ៏ល្អមួយទេតើ! ឥឡូវនេះដល់ពេលដែលលោកអ្នកមកស្វែងយល់ពីចំណុចនេះទាំងអស់គ្នាថា បើអ្នកមិនឲ្យតម្លៃសេវាកម្ម ការខិតខំព្យាយាម បទពិសោធន៍ និង ផលិតផលចុងក្រោយរបស់អ្នក អ្នកដទៃក៏មិនឲ្យតម្លៃសេវាកម្មរបស់អ្នកដូចគ្នា។ អ្នកគ្រាន់តែ បង្កើនតម្លៃនៅពេលណាដែលគូប្រជែងរបស់អ្នកគ្មានលទ្ធភាព ឬ សមត្ថភាពផ្តល់សេវាកម្មឲ្យគ្រប់គ្រាន់នៅលើទីផ្សារតែប៉ុណ្ណោះ។ ប៉ុន្តែបើ អាចទៅរួចសូមអ្នកគិតឲ្យបានច្បាស់ថា អ្នកក៏មិនត្រូវបញ្ចុះតម្លៃសេវាកម្មរបស់ខ្លួន ហើយស្រវាទៅឆក់យកឱកាសបញ្ចេញ ឬ បង្កើនការលក់ឲ្យបានច្រើនជាងមុននោះឡើយ។

ការបង្កើនតម្លៃនៅពេលនេះ គឺនៅពេលដែលអ្នកដឹងថា សេវាកម្មរបស់អ្នកពិតជាគួរឲ្យតម្លៃពិតៗជាងគូប្រជែង ហើយត្រូវជឿជាក់ថាសេវាកម្មដែលល្អកម្រមានអតិថិជនបោះបង់ចោលជា ដាច់ខាត។ រីឯអតិថិជនដែលត្រូវការសេវាកម្មថោកៗវិញ ក៏មិនមែនជាអតិថិជនគួរឲ្យទុកចិត្ត និង រកស៊ីជាមួយគ្នាបានយូរអង្វែងដែរ ត្បិតអីពួកគេប្រើប្រាស់សេវាកម្មដែលថោកមួយក្នុងរយៈពេលខ្លី តែប៉ុណ្ណោះ។

…ក្រុមហ៊ុន Khmer Real Estate ផ្ដល់មូលនិធិពី ៣០០០$-៥០០០$ សម្រាប់យុវជនមានមហិច្ឆតាបង្កើតអាជីវកម្ម!…

៣) បង្កលក្ខណៈងាយស្រួលផ្តល់សេវាកម្មដល់អតិថិជនតាមតែអាចធ្វើបាន

នេះជាគុណសម្បត្តិមិនអាចកាត់ថ្លៃបាននៅក្នុងកិច្ចការអាជីវកម្ម ធ្វើឲ្យអ្នកយកឈ្នះគូប្រជែង បើអ្នកអាចធ្វើបានទៅកាន់អតិថិជនមែននោះ។ ជាទូទៅអតិថិជនដែលមានសក្ដានុពល ពេញចិត្តសេវាកម្មរបស់អ្នកនៅពេលដែលអ្នកបង្ក “លក្ខណៈងាយស្រួល និង មានទំនូលខុសត្រូវទៅកាន់ចម្ងល់ និង រាល់តម្រូវការ” របស់អតិថិជនបានគ្រប់ពេលវេលាយ៉ាងមានប្រសិទ្ធភាព។

ងាកទៅកាន់អតិថិជនចំណូលថ្មីវិញ បើអ្នកចង់ពង្រីកទំនាក់ទំនងទៅកាន់ពួកគេកាន់តែច្រើនឡើងបន្ថែម ទៀត អ្នកអាចអនុវត្តវិធីសាមញ្ញៗតែមានប្រសិទ្ធភាពខ្ពស់ដោយគ្រាន់តែ ឆ្លើយសាររាល់ ចម្ងល់ មតិវាយតម្លៃ តាមរយៈទូរស័ព្ទ អ៊ីមែល ឬ បណ្ដាញសង្គមៗផ្សេងៗ ត្បិតអីសកម្មភាពទាំងនេះបង្ហាញពីការយកចិត្តទុកដាក់របស់អ្នក។ វិធីសាស្ត្រនេះមើលទៅវាមិនមែនជារឿងលំបាកនោះឡើយ ហើយវាក៏មិនមែនធ្វើឲ្យអ្នកខាតបង់អ្វីដែរ ផ្ទុយទៅវិញវាបានផ្តល់មកវិញនូវអ្វីដែលជាកង្វះខាត ឬ ចំណុចខ្សោយរបស់អ្នក ធ្វើឲ្យអ្នកអាចរកឃើញពីជម្រើសផ្សេងក្រៅពីនេះដែលល្អជាងមុនទៀត ផង។ ប៉ុន្តែ សូមចាំថា ការទំនាក់ទំនងទាំងនេះត្រូវតែងាយស្រួល មានន័យគ្រប់គ្រាន់ ប្រៀបដូចជាអ្នកយល់ចិត្តថ្លើមគ្នាទៅវិញទៅមកជាមួយគូស្នេហ៍ដែរ។ នេះហើយជាធាតុផ្សំនៃយុទ្ធសាស្ត្រធ្វើអាជីវកម្ម ដែលសុទ្ធតែអ្នកអាចធ្វើបានដើម្បីអន្ទងចិត្តអតិថិជនឲ្យមក ចាប់អារម្មណ៍សេវាកម្មរបស់អ្នក៕

…គុណសម្បត្តិសំខាន់ៗចំនួន៥ ជាមូលដ្ឋានគ្រឹះរបស់បុគ្គលិក ដែលក្រុមហ៊ុនមិនត្រូវមើលរំលង…

TheBNEWS នឹងចេញផ្សាយសៀវភៅមួយក្បាលមានឈ្មោះថា “ឈ្នះល្បែងអាជីវកម្ម” ឬ “Winning the Game of Business” នៅពេលឆាប់ៗខាងមុខនេះ។ សៀវភៅនេះនឹងចែកជូនដោយឥតគិតថ្លៃដល់ប្រិយមិត្ត១០០នាក់ដំបូង ដែលបានផ្ញើអ៊ីមែលរបស់ខ្លួនមកកាន់ប្រអប់ទទួលសារ (inbox) facebook របស់ TheBNEWS! សូមប្រញាប់រួសរាន់ឡើង ហើយសូមជួយចែករំលែកព័ត៌មាននេះផងណា! សូមអរគុណ!

ប្រែសម្រួល៖ ខេវិន

ប្រភព៖ businessknowhow

Friday, August 7, 2015

យុទ្ធសាស្ត្រមុតស្រួចស្វែងរកទីតាំងខ្លាញ់សម្រាប់បើកអាជីវកម្ម

ការជ្រើសរើសទីតាំងរបស់ក្រុមហ៊ុនគឺជាការសម្រេចចិត្តដ៏ឈ្លាសវៃមួយ ទៀតរបស់សហគ្រិនដំបូងដែលត្រូវធ្វើ ដើម្បីឲ្យអាជីវកម្មរបស់ខ្លួនមានសក្ដានុពលនៅពេលអនាគត។ នេះក៏ទាមទារឲ្យសហគ្រិនទាំងអស់ត្រូវមានគម្រោងស្រាវជ្រាវ ឲ្យបានច្បាស់លាស់ជាមុន មុននឹងសម្រេចចិត្តជ្រើសរើសទីតាំងនោះ។

ដើម្បីផ្តល់ពន្លឺមួយចំនួនដល់សហគ្រិនទូទៅដែលចង់ស្វែងយល់ពី ការជ្រើសរើសទីតាំងក្រុមហ៊ុន របស់ខ្លួន the BNEWS សូមលើកយកគន្លឹះសំខាន់ៗចំនួន៣ចែកជូនមិត្តអ្នកអានដូចខាងក្រោម៖

១ ) សិក្សាពីតម្រូវការចាំបាច់លើទីតាំងក្រុមហ៊ុន

សហគ្រិនភាគច្រើនជ្រើសរើសទីតាំងរបស់ក្រុមហ៊ុននៅកន្លែងមួយដែល ធ្វើឲ្យសាធារណជនទូទៅអាចមើលឃើញបានយ៉ាងច្បាស់ ដែលនេះជាផ្នែកមួយដ៏សំខាន់ក្នុងការជួយក្រុមហ៊ុនឆាប់រីក ធំធាត់បានក្នុងរយៈពេលដ៏ខ្លី។ តែអ្វីដែលសំខាន់បន្ថែមទៀតលើសពីនេះ គឺសហគ្រិនត្រូវសិក្សាផងដែរលើ៖

-ស្លាកឈ្មោះក្រុមហ៊ុនៈ តើស្លាកឈ្មោះក្រុមហ៊ុនស៊ីចង្វាក់ឬ សមស្របសម្រាប់ដាក់នៅលើទីតាំងនោះដែរឬទេ?

-ស្ថានភាពប្រកួតប្រជែងៈ តើនៅទីតាំងក្រុមហ៊ុនរបស់អ្នកមានក្រុមហ៊ុនប្រកួតប្រជែងដែរឬទេ?

-ទីផ្សារពលកម្មៈ តើទីតាំងក្រុមហ៊ុនរបស់អ្នកសំបូរទៅដោយបុគ្គលិកប្រកបដោយសក្ដានុពលដែរឬទេ? តើពួកគេមានទំនោរយ៉ាងដូចម្តេច?

-គម្រោងពង្រីកក្រុមហ៊ុនៈ ប្រសិនបើអ្នកមានមហិច្ឆតាបើកក្រុមហ៊ុនរបស់អ្នកកាន់តែធំនៅពេល អនាគត អ្នកត្រូវដឹងថា តើអ្នកអាចពង្រីកទីតាំងក្រុមហ៊ុនរបស់អ្នកដោយងាយស្រួលដែរឬទេនៅ ថ្ងៃខាងមុខ?

-ផ្តល់សេវាកម្មៈ តើទីតាំងក្រុមហ៊ុនរបស់អ្នកអាចឲ្យអតិថិជនទទួលបានសេវាកម្មយ៉ាងងាយស្រួលដែរឬទេ?

-សុវត្ថិភាពៈ តើទីតាំងនោះមានបទល្មើសច្រើន? អំពើអស្តិសុខ ឬ មានសុវត្ថិភាពខ្ពស់ដែរឬទេ?

-គោរពច្បាប់បង្កើតទីតាំងរបស់ក្រុមហ៊ុនៈ តើអ្នកសហការដល់កម្រិតណាជាមួយអាជ្ញាធរមុនពេលសាងសង់ និង បើកអាជីវកម្មរបស់អ្នក?

២) សិក្សាលើផ្នែកហិរញ្ញវត្ថុ

ក្រៅពីកត្តាផ្សេងៗដែលអ្នកត្រូវស្វែងយល់នៅខាងលើនេះ សហគ្រិនទាំងអស់ក៏ត្រូវគិតយ៉ាងយកចិត្តទុកដាក់លើកត្តា ហិរញ្ញវត្ថុបង្កើតអាជីវកម្មលើទីតាំងនោះ។

ការបង្កើតទីតាំងៈ អ្នកត្រូវពិនិត្យលើការចំណាយនៃការបង្កើតទីតាំងរបស់ ក្រុមហ៊ុន ជួសជុល តុបតែងកែលំអ ឬ ចំណាយលើសម្ភារៈផ្សេងទៀត ធ្វើយ៉ាងណាឲ្យការចំណាយរបស់អ្នកស្ថិតនៅក្នុងកម្រិតទាប។

ការបង់ពន្ធៈ អ្នកត្រូវគិតពីតម្លៃពន្ធទូទៅនៅក្នុងតំបន់នោះ ដូចជាពន្ធលើអចលនទ្រព្យជាដើម។

ប្រាក់ខែៈ តើគិតជាមធ្យមតម្លៃពលកម្មនៅក្នុង ក្រុមហ៊ុនរបស់អ្នកត្រូវផ្តល់ជូនបុគ្គលិកក្នុងចំនួនប៉ុន្មានទើប ស័ក្តិសមនៅក្នុងទីតាំងនោះ?

៣) សិក្សាលើគោលដៅអភិវឌ្ឍសហគមន៍

ការស្វែងយល់ពីច្បាប់ និង បទបញ្ញត្តិផ្សេងៗដែលត្រូវអនុវត្តបើកអាជីវកម្មក្នុងទីតាំង ជាក់លាក់ណាមួយ ជារឿងមួយដែលសំខាន់។ ប៉ុន្តែ ទន្ទឹមនឹងគ្នានេះ ស្របពេលដែលអ្នកចង់ឲ្យអាជីវកម្មរបស់ខ្លួនអាចដើររលូនទៅមុខ វាជាការប្រសើរដែលអ្នកត្រូវទំនាក់ទំនងជាមួយអាជ្ញាធរ អ្នកឯកទេស ឬ អ្នកជំនាញណាមួយ ពីគម្រោងអភិវឌ្ឍនានា ឬ ជំនួយហិរញ្ញវត្ថុមួយចំនួនរបស់រដ្ឋាភិបាល ដូចជាប្រាក់កម្ចី និងការលើកទឹកចិត្តហិរញ្ញវត្ថុផ្សេងៗទៀតដល់អាជីវកម្មខ្នាតតូចរបស់ អ្នកនៅលើទីតាំងនោះ។

ការក្តាប់បានចំណុចពិសេសទាំងនេះ នឹងធ្វើឲ្យអាជីវកម្មរបស់អ្នកអាចដំណើរការយ៉ាងរលូនទៅមុខដោយមិន មានការស្ទាក់ស្ទើរក្រោមការគាំទ្រគ្រប់ច្រកល្ហកទាំងសាធារណជន និង អាជ្ញាធរគ្រប់គ្រងតំបន់អាជីវកម្មនោះ៕

ប្រែសម្រួល៖ ខេវិន

៧ជំហានដែលត្រូវធ្វើ ដើម្បីបំពេញការងារប្រកបដោយថាមពលនៅពេលព្រឹក

តាម របាយការណ៍ពីអង្គការសុខភាពពិភពលោកបង្ហាញថា អាយុមធ្យមកាលរបស់ពលរដ្ឋអាមេរិកគឺ ៧៩ឆ្នាំ។ ប្រជាជនភាគច្រើនដែលរស់នៅតាមបណ្ដាប្រទេសអ្នកមានៗមានអាយុ ប្រហែល ៨០ឆ្នាំ។ ស្ត្រីនៅជប៉ុនមានអាយុខ្ពស់ជាងនេះ ដោយអាយុមធ្យមកាលរបស់ពួកគេគឺ ៨៦ឆ្នាំ។

បើគេយកចំនួនអាយុពេញវ័យគឺ ១៨ឆ្នាំដកអាយុមធ្យមកាល ៨៦ឆ្នាំនោះគេនឹងឃើញចំនួន ៦៨ឆ្នាំ ហើយយកចំនួន ៦៨ ទៅគុណ៣៦៥ឆ្នាំគឺស្មោះនឹងប្រហែល ២៥ ០០០ថ្ងៃ។ ដូច្នេះអាចនិយាយថា បានដោយខ្លីថា គិតជាមធ្យមមនុស្សម្នាក់ក្រោយពីដំណេកប្រហែល ២៥ ០០០ដង។

តើគួរធ្វើយ៉ាងណាដើម្បីឱ្យខ្លួនអ្នក អាចបំពេញការងារបានប្រកបដោយថាមពល?

១) គិតពីថាមពលរបស់ខ្លួន

បើអ្នកចំណាយពេលគិតពីចំណុចនេះបន្តិច អ្នកប្រហែលជាដឹងថា អ្នកមានភាពល្អប្រសើរជាងមុនក្នុងការបំពេញការងារ។ នៅពេលក្រោកពីដំណេក មនុស្សយើងមានអារម្មណ៍ល្អដូច្នេះគេអាចមើលមេរៀន ឬក៏សិក្សាអ្វីមួយងាយយល់ និងចងចាំបានល្អ ហើយចូរគិតពីសុខភាពផងដែរ ដោយធ្វើការហាត់ប្រាណដើម្បីបង្កើនថាមពលសុខភាពរបស់អ្នក។

២) ត្រៀមអ្វីត្រូវធ្វើនៅពេលយប់ជាមុន

អ្នកមិនចាំធ្វើប្រការនេះឲ្យបានរាល់ថ្ងៃពេកទេ គឺគ្រាន់តែថានៅពេលអ្នកមានអ្វីត្រូវធ្វើនៅថ្ងៃស្អែកជាចាំ បាច់នោះ អ្នកគួរចំណាយពេលប្រហែល ១០នាទីរៀបចំកិច្ចការនោះសម្រាប់ពេលយប់។ បើចាំដល់ព្រឹកស្អែក អ្នកប្រហែលជាចំណាយពេលច្រើនម៉ោងដើម្បីធ្វើកិច្ចការនោះ។

៣) បិទទូរស័ព្ទហើយយកទៅទុកនៅបន្ទប់ផ្សេង

ប្រការនេះគឺចង់ឲ្យលោកអ្នកកុំនឹកចង់ឆែកមើលអត្ថបទសារ Facebook ឬ Twitter និងអ្វីផ្សេងទៀតនៅក្នុងម៉ោងពេលធ្វើការងារជាពេលវេលាដែលអ្នក បែងចែកឲ្យច្បាស់នៅក្នុងការបំពេញការងារអ្នកឲ្យមានន័យ។

៤) ធ្វើការនៅកន្លែងត្រជាក់

នៅត្រង់ចំណុចនេះ គឺស្ទើរតែគ្រប់គ្នាតែងតែប្រាថ្នាចង់បាន។ ព្រោះធ្វើការនៅកន្លែងត្រជាក់គឺមានផាសុកភាពស្រួលជាងនៅកន្លែង ក្ដៅ តែកុំឲ្យត្រជាក់ពេក។ ក្ដៅពេកធ្វើឲ្យថប់អារម្មណ៍ តែបើត្រជាក់ពេកក៏ធ្វើឲ្យស្ពឹកដៃជើងដែរ។

៥) កុំព្យាយាមអង្គុយយូរពេក

ចំណុចនេះងាយយល់ខ្លាំងណាស់ ព្រោះថា បើយើងអង្គុយយូរពេក វានាំឲ្យស្លាក់ ស្ពឹកស្រពន់ ឬមិនចេញខ្យល់ជាដើម។ ដូច្នេះយកល្អ គួរតែក្រោកដើរ ឬឈររលាស់ដៃជើងដើម្បីសម្រួលអារម្មណ៍ និងខ្យល់អុកស៊ីហ្សែន។

៦) ទទួលយករសជាតិល្អៗបំពេញថាមពលសម្រាប់ការងារ

អ្នកគួរតែទទួលទានអាហារដែលមានសារជាតិគ្រប់គ្រាន់នៅពេលព្រឹក ដើម្បីធ្វើឲ្យខួរក្បាលអ្នកគិតពីការងារបានល្អប្រសើរ។ អាហារពេលព្រឹកជាចំណែកដ៏សំខាន់មួយចំពោះខួរក្បាលយើង ព្រោះខួរក្បាលយើងធ្វើចលនាគ្រប់ពេល។

៧) បង្កើនទម្លាប់ធ្វើអ្វីម្យ៉ាងមុនចាប់ផ្ដើមថ្ងៃថ្មីរបស់អ្នក

មនុស្សម្នាក់ៗមានទម្លាប់ធ្វើអ្វីមួយផ្សេងៗគ្នានៅពេលព្រឹក។ អ្នកខ្លះមានទម្លាប់ហូបទឹកមួយកែវ អ្នកខ្លះទៀតចូលចិត្តហាត់ប្រាណប្រមូលអារម្មណ៍ធ្វើសមាធិ រីឯអ្នកផ្សេងទៀតមានចំណូលចិត្តលេងហ្គេមដើម្បីបង្កើនគំនិត និងភាពឆ្លាតវៃរបស់ពួកគេ។

ទោះយ៉ាងណា យុទ្ធសាស្ត្រទាំង ៧ ខាងលើនេះមិនអាចកើតឡើងស្របគ្នាបានទេ គឺវាគ្រាន់តែជាការថ្លឹងថ្លែងមើលរៀងរាល់ព្រឹកថាតើ អ្នកសម្រេចបានថ្ងៃទាំងស្រុងរបស់អ្នកឬយ៉ាងណាប៉ុណ្ណោះ។ នេះជាឱកាសដែលជារឿយៗធ្វើការកំណត់ពីជីវិតដែលយើងរស់នៅ សុខភាពដែលយើងមាន និងការងារដែលបង្កើត៕

ប្រែសម្រួល៖ ប៉ិច ស៊ីនួន

ផ្សាយ ថ្ងៃទី7 ខែAugust ឆ្នាំ2015 ម៉ោង 14:30 នាទី

គ្មានលុយចង់បង្កើតអាជីវកម្ម ធ្វើម៉េច?

គន្លឹះ ៤ ចំណុចផ្តល់ទុនយ៉ាងជោគជ័យបង្កើតអាជីវកម្មរបស់អ្នកប្រភព៖ supportbiz

សម្រាប់ សហគ្រិនវ័យក្មេងពុំមានបទពិសោធន៍ខ្ពស់ អាចជួបប្រទះបញ្ហាច្រើនជាលើកដំបូងនៅក្នុងការចាប់ផ្តើមដំណើរការ អាជីវកម្មរបស់ខ្លួន។ ការរៀបចំគម្រោង ស្វែងរកធនធានមនុស្ស និងជាពិសេសដើមទុនសម្រាប់អាជីវកម្មពិតជាចំណុចពិសេសមិនអាចខ្វះ បានឡើយ។

ដូច្នេះសម្រាប់សហគ្រិនទាំងឡាយដែលមានបំណងចង់បានដើមទុន គ្រប់គ្រាន់មុនពេលបើកអាជីវកម្មរបស់ខ្លួន ពោលគឺមានសន្តិសុខផ្នែកហិរញ្ញវត្ថុសម្រាប់ដំណើរការអាជីវកម្មអាច សាកល្បងអនុវត្តស្វែងរកបុគ្គល និងស្ថាប័នទាំង ៤ ខាងក្រោមនេះ។

១) គ្រួសារ ឬ មិត្តភក្ដិ

ការវិនិយោគមិនសំខាន់តែទៅលើភាពសម្បូរគំនិតមួយមុខប៉ុណ្ណោះទេ តែវាក៏ត្រូវផ្ដោតយកចិត្តទុកដាក់លើមនុស្សជួយជ្រោមជ្រែងក្នុង អាជីវកម្មផងដែរ។ គ្រួសារ ឬ មិត្តភក្ដិស្និទ្ធស្នាល គឺជាមនុស្សដែលអ្នកស្គាល់ជាងគេ និងមានទំនុកចិត្តខ្ពស់។ ដូច្នេះវាជាការប្រសើរដែលអ្នកត្រូវស្នើជំនួយពីពួកគេសម្រាប់ ផ្គត់ផ្គង់ហិរញ្ញវត្ថុដល់អ្នក ត្បិតអីលោកអ្នកមិនចាំបាច់ត្រូវការបង់ការប្រាក់ក្នុងករណី ក្រុមហ៊ុនដួលរលំ។

២) ខ្ចីប្រាក់ពីធនាគារ

ធនាគារនៅពេលបច្ចុប្បន្នបានក្លាយគ្រឹះស្ថានហិរញ្ញវត្ថុដ៏សំខាន់ និងពេញនិយមសម្រាប់សហគ្រិនសម័យថ្មីដែលចង់ចាប់ផ្តើមអាជីវកម្ម របស់ខ្លួន។ ដូច្នេះ សហគ្រិនដែលមានបំណងចង់បើកអាជីវកម្មអាចខ្ចីប្រាក់ផ្ទាល់ពី ធនាគារណាមួយដែលផ្តល់ទំនុកចិត្តខ្ពស់ដល់លោកអ្នក ទាំងសេវាកម្មការប្រាក់ រយៈពេល ឬ អត្ថប្រយោជន៍ផ្សេងជាច្រើនទៀត។

៣) ចូលហ៊ុនគ្នា

ការចូលហ៊ុនគ្នាជាមួយដៃគូជាច្រើននាក់ ដើម្បីបង្កើតជាក្រុមហ៊ុនតែមួយគឺជាជម្រើសដ៏ល្អមួយទៀតសម្រាប់ សហគ្រិនទូទៅ ហើយវាកំពុងតែអនុវត្តយ៉ាងទូលំទូលាយក្នុងវិស័យអាជីវកម្មនៅពេល បច្ចុប្បន្ន។ ទុននេះអាចធ្វើឲ្យអាជីវកម្មរបស់អ្នកបោះជំហានទៅមុខ ទន្ទឹមនឹងទំនួលខុសត្រូវរួមក្នុងកម្រិតណាមួយរបស់អ្នកជាមួយ សមាជិកផ្សេងៗទៀតក្នុងក្រុមហ៊ុននេះ អាស្រ័យលើទំហំភាគហ៊ុនដែលបានដាក់ស្នើឡើងរវាងសមាជិកមួយទៅ សមាជិកមួយទៀត។

៤) ដៃគូជំនួញ

ជម្រើសដ៏ល្អប្រសើរមួយទៀតសម្រាប់សហគ្រិន ប្រសិនបើខ្លួនអាចស្គាល់ដៃគូជំនួញសម្បូរដើមទុនណាមួយបាន យ៉ាងច្បាស់ និងជិតស្និទ្ធបំផុត។ ទោះបីជាអ្នកមានប្រាក់តិចតួច ប៉ុន្តែអាជីវកម្មរបស់អ្នកអាចលេចឡើង ក្នុងករណីគម្រោង និង គោលដៅអាជីវកម្មរបស់អ្នកមានភាពស៊ីចង្វាក់គ្នាទៅនឹងដៃគូជំនួញ របស់អ្នក។

ទោះបីជាយ៉ាងណាក៏ដោយ ជាការប្រសើរអ្នកត្រូវមានកិច្ចព្រមព្រៀងឲ្យបានច្បាស់លាស់ជា មុនសិនរវាងអ្នក និង ដៃគូជំនួញនេះពីទំនួលខុសត្រូវទូទៅក្នុងពេលអនាគតរបស់ក្រុមហ៊ុន ត្បិតអីដៃគូជំនួញនេះជាអ្នកកាច់ចង្កូត និងគាំទ្រហិរញ្ញវត្ថុដ៏សំខាន់ក្នុងអាជីវកម្មនេះ៕

ប្រែសម្រួល៖ ខេវិន

ប្រភព៖ addicted & mashable

សៀវភៅ៧ ក្បាលរំដោះសហគ្រិនបាក់ទឹកចិត្តឲ្យរួចផុតពីភាពបរាជ័យ

សៀវភៅ ៧ក្បាលរំដោះសហគ្រិនដែលបាក់ទឹកចិត្តឲ្យរួចផុតពីបរាជ័យបានប្រភព៖ iprlicense

នៅ ពេលកន្លងមក សហគ្រិនទូទៅពិតជាធ្លាប់បានអានសៀវភៅជាច្រើន ដើម្បីបង្កើនចំណេះដឹង និងការស្រាវជ្រាវរបស់ខ្លួនសម្រាប់ស្វែងរកគន្លឹះឆ្ពោះទៅរក សហគ្រិនជោគជ័យម្នាក់។ សៀវភៅមួយក្បាលមិនគ្រប់គ្រាន់ឡើយសម្រាប់លោកអ្នកនោះ ហើយបើប្រិយមិត្តអានសៀវភៅច្រើនក្បាលដែលមិនចំជំនាញ និង ចំគោលដៅរបស់ខ្លួនក៏មិនប្រាកដថាបានជោគជ័យនោះដែរ។

ការចេះស្វែងរកសៀវភៅល្អៗ និងចំគោលដៅដែលខ្លួនចង់បានទើបរកឃើញពីប្រសិទ្ធភាពនេះបាន និងមិនចាំបាច់ចំណាយពេលយូរទៀតផង។ខាងក្រោមនេះ ជាសៀវភៅ៧ ក្បាលដែលត្រូវបានគេមើលឃើញថា មានប្រយោជន៍បំផុតសម្រាប់ប្រែក្លាយសហគ្រិនដែលបាក់ទឹកចិត្តឲ្យមាន សង្ឃឹមឡើងវិញក្នុងអាជីវកម្មរបស់ខ្លួន។

១) សៀវភៅ Emotional Equations និពន្ធដោយលោក Chip Conley

សៀវភៅ Emotional Equations ឬ សម្ដីសំខាន់ៗសម្រាប់ការលើកទឹកចិត្ត ត្រូវបាននិពន្ធដោយលោក Chip Conley ជាប្រធានសណ្ឋាគារ Joie de Vivre សហរដ្ឋអាមេរិក។ ក្នុងសៀវភៅនេះ បានលើកយកសម្ដីល្អៗជាបទពិសោធន៍ផ្ទាល់ខ្លួនរបស់លោកស្តីពី ដំណោះស្រាយលើឧបសគ្គទាំងឡាយ និងការលើកទឹកចិត្តដល់សហគ្រិនឲ្យជោគជ័យក្នុងអាជីវកម្ម។

២) សៀវភៅ ១៦៨ ម៉ោង និពន្ធដោយអ្នកស្រី Laura Vanderkam

សៀវភៅ ១៦៨ម៉ោង(168 Hours) និពន្ធដោយអ្នកស្រី Laura Vanderkam បានផ្ដោតសំខាន់លើតិកនិកគ្រប់គ្រងពេលវេលាឲ្យមានប្រសិទ្ធភាព សម្រាប់បរិយាកាសការងារ ទំនាក់ទំនង គ្រួសារ និង សុខភាព។ សៀវភៅនេះបានជំរុញឲ្យសហគ្រិនទាំងអស់ ត្រូវចូលទៅជិតឲ្យកៀកកើយទៅនឹងគោលដៅរបស់ខ្លួនតាមរយៈការ ប្រើប្រាស់ពេលវេលាឲ្យមានប្រយោជន៍ ជាជាងអ្វីដែលគ្រាន់តែជាការស្រមើស្រមៃ និងការគិតដែលគ្មានលទ្ធផលជាផ្លែផ្កា។

៣) សៀវភៅ Far From the Tree និពន្ធដោយលោក Andrew Solomon

ជាអ្នកកាសែតពោរពេញទៅដោយបទពិសោធន៍ និងជួបប្រទះបញ្ហាច្រើននៅក្នុងសម្គម លោក Andrew Solomon បាននិពន្ធសៀវភៅ Far From the Tree ឬ ជ្រុះឲ្យឆ្ងាយពីគល់នេះឡើងក្នុងគោលដៅជំរុញលើកទឹកចិត្តដល់មនុស្ស ទាំងឡាយត្រូវខិតខំប្រឹងប្រែងរំដោះខ្លួនឲ្យគេចចេញពីទាសករភាព ក្រីក្រ និង ឧបសគ្គទាំងឡាយដែលដិតដាមនៅជាប់ក្រុមគ្រួសារ សែស្រឡាយ និងពូជអំបូរអន់ថយរបស់ខ្លួន ឆ្ពោះទៅរកវិថីជីវិតមួយដ៏ភ្លឺស្វាង។

៤) សៀវភៅ What I Know Now និពន្ធដោយលោក Ellyn Spragins

លោក Ellyn Spragins បានច្របាច់បញ្ចូលជីវប្រវត្តិតស៊ូរបស់ឥស្សរជនសំខាន់ៗចំនួន៤១ រូបនៅជុំវិញពិភពលោកចូលក្នុងសៀវភៅ What I know Now ឬ អ្វីដែលខ្ញុំដឹងនៅពេលនេះ។ គាត់បានច្បិចយកប្រវត្តិល្អរបស់អ្នកតស៊ូទាំងនោះមកដល់បញ្ចូល គ្នា ចងក្រងជាសៀវភៅសម្រាប់ធ្វើជាគំរូដល់អ្នកអានសម្លឹងមើលគន្លឹះ យ៉ាងពិសេសៗជាដំណោះស្រាយលើឧបសគ្គចំពោះមុខ។

៥) សៀវភៅ From the Jungle to the Boardroom និពន្ធដោយលោក Mike Monahan

មានប្រវត្តិជូរចត់ក្នុងសង្គ្រាមវៀតណាម លោក Mike Monahan បានសរសេរសៀវភៅនេះឡើងនៅអ្វីដែលលោកយល់ថា សង្គ្រាមនេះបានបង្រៀនលោកច្រើនជាងប្រឡូកក្នុងអាជីវកម្មទៅទៀត។ មេរៀននេះធ្វើឲ្យគាត់យកមកអនុវត្តនៅក្នុងមុខជំនួញអាជីវកម្ម ដែលបានសរសេររៀបរាប់ពីគន្លឹះជាដំណោះស្រាយលើបញ្ហាប្រឈមមុខ នានាដោយមិនមានការភ័យខ្លាចដល់សហគ្រិនទាំងឡាយ។

៦) សៀវភៅ The Great Gatsby និពន្ធដោយលោក F. Scott Fitzgerald

សៀវភៅរបស់លោក F. Scott Fitzgerald មួយក្បាលនេះបានសរសេររៀបរាប់ពីយុទ្ធសាស្ត្រក្រើនរលឹកឲ្យសហគ្រិន ធ្វើខ្លួនឲ្យមានតម្លៃជាងអ្វីទាំងអស់។ លោកបានលើកឡើងពីរបៀបណែនាំដល់សហគ្រិនឲ្យប្រឡូកក្នុង អាជីវកម្ម ឬ មុខជំនួញនានាឲ្យមានប្រសិទ្ធភាពតាមរយៈការបង្រៀនខ្លួនឯងឲ្យ ចេះតម្កល់ទុកគុណតម្លៃ និងសុក្រឹតភាពជាសំខាន់។

៧) សៀវភៅ Manage Your Day-to-Day និពន្ធដោយ Jocelyn K. Glei

ការធ្លាក់ទឹកចិត្តនឹងត្រូវសាបរលត់ ជំនួសមកវិញដោយក្តីសង្ឃឹមនឹងការតាំងចិត្តជាថ្មី ត្បិតអីលោក Jocelyn K. Glei បង្ហាញស្នាដៃសៀវភៅដ៏ល្អមួយក្បាលសម្រាប់សហគ្រិនជាច្រើននៅពេល នេះ។ សៀវភៅ Manage Your Day-to-Day ឬ គ្រប់គ្រងខ្លួនជាប្រចាំ បានលើកយកសន្តីសំខាន់ៗរបស់មេដឹកនាំកំពូលៗនៅជុំវិញពិភពលោកចំនួន២០ រូប ដើម្បីលើកទឹកចិត្ត និងផ្តល់គំនិតប្រែក្លាយស្ថានភាពខ្មៅងងិតជាច្រើនឲ្យចាកចេញពី ខ្លួន៕

ប្រែសម្រួល៖ K.Vin

ប្រភព៖ enterprenuer

សៀវភៅ ១៤ក្បាលដែលសហគ្រិនសតវត្សទី២១ មិនគួរមើលរំលង!

ការអានសៀវភៅបង្កើតគំនិតអាជីវកម្មកាន់តែច្រើនប្រភព៖ www.businessinsider.com

មិន ថា អ្នកជាសហគ្រិនជើងចាស់ ឬក៏សហគ្រិនថ្មីថ្មោងនោះទេ អ្វីដែលចាំបាច់គឺសហគ្រិនគួរតែឆ្លងកាត់ដំណើរការសិក្សារៀន សូត្រឲ្យបានច្រើនទាំងមុនពេលបង្កើត និងចាប់ផ្ដើមដំណើរការអាជីវកម្ម។ សូម្បីតែអ្នកដែលបានឆ្លងកាត់ការសិក្សាពីមុនមកហើយក៏ដោយ ក៏មិនអាចបញ្ចៀសបញ្ហាដែលកើតនៅក្នុងអាជីវកម្មរបស់ខ្លួនបាននៅ ឡើយ នៅពេលដែលដំណើរការ ដែលទាមទារឱ្យមានការសិក្សាឱ្យបានច្រើន។ មានសៀវភៅប្រហែលជារាប់ពាន់ក្បាលដែលផ្ដល់ចំណេះដឹងអំពី អាជីវកម្ម ភាពជាអ្នកដឹកនាំ ឬគន្លឹះនៃបង្កើតពាណិជ្ជកម្មផ្សេងៗ ប៉ុន្តែ TheBnews ថ្ងៃនេះសូមលើកយកសៀវភៅចំនួន ១៤ក្បាលដែលកំពុងពេញនិយម និងអាចផ្ដល់ចំណេះដឹងច្រើនដល់មិត្តអ្នកអាន ជាពិសេសអ្នកដែលចង់បង្កើតអាជីវកម្ម ឬក៏កំពុងដំណើរការអាជីវកម្ម។ ថ្វីត្បិតតែវាទ្រឹស្ដី ក៏ប៉ុន្តែអាចជួយមិត្តអ្នកអាន បង្កើនចំណេះដឹងកាន់តែច្រើន ១) សៀវភៅ Innovator’s Dilemma ជាសៀវភៅដែលនឹងអាចផ្លាស់ប្ដូរវិធីធ្វើអាជីវកម្មជា ស្នាដៃនិពន្ធរបស់លោក Clayton M. Christensen សរសេរកាលពីឆ្នាំ១៩៩៧។ ជាសាស្ត្រាចារ្យនៅសាកលវិទ្យាល័យ Harvard លោក Clayton Christensen ក៏បានបង្កើតក្រុមហ៊ុនពីរបីផងដែរ ដោយចំណាយពេលជាច្រើនឆ្នាំ ហើយក្រោយមកលោកក៏បានបង្កើតសៀវភៅដ៏មានប្រយោជន៍សម្រាប់ សហគ្រិន។ សៀវភៅនេះបញ្ជាក់ពីខ្លឹមសារថា ទោះជារឿងរ៉ាវមួយចំនួនត្រូវបានធ្វើដោយត្រឹមត្រូវក៏ដោយ ក៏ក្រុមហ៊ុននៅតែអាចក្ស័យធនបានដដែល។ ២) សៀវភៅ Lean Startup គឺ ជាសៀវភៅនិយាយពីរបៀបដែលសហគ្រិនសព្វថ្ងៃនេះប្រើការច្នៃប្រឌិត ដើម្បីបង្កើតអាជីវកម្មឲ្យជោគជ័យទាំងស្រុង ដែលនិពន្ធដោយលោក Eric Ries នៅឆ្នាំ២០១១។ មិនថា សហគ្រិនជាអ្នកជើងចាស់ដែលបានជួបអ្នកមានបទពិសោធន៍ខ្ពស់ និងទាប ឬក៏អ្នកមកថ្មីវ័យក្មេង និងគ្មានបទពិសោធន៍យ៉ាងណាទេ ការកំណត់ការគ្រប់គ្រងរយៈពេលយូរគឺជាសេណារីយ៉ូសំខាន់ដែល សៀវភៅនេះបានបង្ហាញ។ ៣) សៀវភៅ E-Myth របស់លោក Michael E. Gerber នៅឆ្នាំ១៩៩៥។ អស់រយៈពេលជាង៤០ឆ្នាំមកហើយដែលលោក Michael Gerber បានជួយក្រុមហ៊ុនខ្នាតតូចរាប់ពាន់ក្រុមហ៊ុន។ សៀវភៅនេះមានខ្លឹមសារនិយាយអំពី មូលហេតុដែលក្រុមហ៊ុនភាគច្រើនមិនដំណើរការ និងអ្វីដែលត្រូវធ្វើចំពោះមុខ។ លោក Gerber បានលើកឡើងថា ទោះជាសហគ្រិនដែលមានគំនិតល្អៗក៏ដោយ តើពួកគេពិតជាបានធ្វើជាពាណិជ្ជករល្អហើយឬនៅ? ៤) សៀវភៅ Four Steps to the Epiphany របស់លោក Steve Gary Blank នៅឆ្នាំ២០០៥។ នៅក្នុងសៀវភៅនេះចង់និយាយពី វិធីនៃការចាប់ផ្ដើមធ្វើពាណិជ្ជកម្មដំបូង ការដាក់ចេញនូវផែនការទីផ្សារ និងការរៀបចំការលក់ផលិតផលជាដើម។ ៥) សៀវភៅ How to Win Friends and Influence People របស់ លោក Dale Carnegie នៅឆ្នាំ១៩៩៦។ សៀវភៅនេះនិយាយពីរបៀបត្រូវយកឈ្នះលើមិត្តភ័ក្ដិ និងមានឥទ្ធិពលលើមនុស្ស ក្នុងនោះមានប្រធានបទសំខាន់ៗមួយចំនួនដូចជា តិចនិកសម្រាប់ដោះស្រាយបញ្ហាមនុស្ស វិធីសាស្ត្រ ៦យ៉ាងធ្វើឲ្យមនុស្សចូលចិត្តអ្នក វិធី១២យ៉ាងលើកទឹកចិត្តឲ្យទិញគំនិតអ្នក វិធី៩យ៉ាងដើម្បីផ្លាស់ប្ដូរគំនិតដោយគ្មានការសោកស្ដាយ និងមានគន្លឹះល្អៗជាច្រើនទៀត។ ៦) សៀវភៅ Thinking, Fast and Slow របស់ លោក Daniel Kahneman នៅឆ្នាំ២០១១។ លោកគឺជាអ្នកចិត្តសាស្ត្រវិទូ និងជាម្ចាស់ពានរង្វាន់ណូបែលផ្នែកសេដ្ឋកិច្ច។ សៀវភៅនេះនិយាយពីរបៀបនៃការគិតរបស់មនុស្ស ពិពណ៌នាពីភាពរហ័សរហួន ការចាប់ផ្ដើមមានគំនិត និងប្រព័ន្ធចិត្តសាស្ត្រ មួយ (emotional system 1) និងទ្រឹស្ដីជាច្រើនទៀតដែលបង្ហាត់ឱ្យមនុស្សគិតដោយយឺតៗ តែប្រកបដោយការប្រុងប្រយ័ត្ន និងប្រសើរជាងការអនុវត្តភ្លាមៗ។ ៧) សៀវភៅ Venture Deals: Br Smarter Than Your Lawyer and Venture Capitalist របស់លោក Brand Feld និងលោក Jason Mendelson នៅឆ្នាំ២០១៣។ អ្នកនិពន្ធទាំងពីរធ្លាប់ធ្វើការងារផ្នែកផ្ដល់ ហិរញ្ញប្បទានមូលធនដល់ក្រុមហ៊ុនជាច្រើនអស់ជាងពីរទសវត្សរ៍។ តាមរយៈបទពិសោធន៍របស់លោក លោកបានចងក្រងពិធីសាស្ត្រ និងគន្លឹះមួយចំនួនអំពីការបណ្ដាក់ទុនរកស៊ីរួមគ្នា និងការធ្វើកិច្ចព្រមព្រៀងជាមួយគ្នាដ៏ល្អប្រសើរជាដើម។ ៨) សៀវភៅ Startup of You: Adapt to the Future, Invest in Yourself, and Transform Your Career របស់ លោក Reid Hoffman នៅឆ្នាំ២០១២។ លោក Reid Hoffman គឺជាសហស្ថាបនិកបណ្ដាញសង្គម LinkedIn បានចងក្រងសៀវភៅនេះឡើងដើម្បីបង្ហាញពីរបៀបស្វែងយល់បណ្ដាញ ទំនាក់ទំនងក្នុងសង្គមជាពិសេសសម្រាប់អាជីវកម្ម ការផ្លាស់ប្ដូរបណ្ដាញដែលមិនធ្លាប់មានពីមុនមក និងរបៀបគ្រប់គ្រងខ្លួនឯងដើម្បីកុំឲ្យឱកាសរបូតចេញពីជីវិត អាជីព និងពាណិជ្ជកម្មរបស់អ្នក។ ៩) សៀវភៅ Power of Habit របស់ លោក Charles Duhigg នៅឆ្នាំ២០១២។ សៀវភៅនេះនិយាយពីពិនិត្យមើលទម្លាប់ និងអាកប្បកិរិយារបស់អតិថិជន និងទង្វើផ្សេងៗដែលត្រូវ និងគួរប្រព្រឹត្តិ។ ១០) សៀវភៅ Big Bang Disruption របស់លោក Larry Downes និងលោក Paul Nunes នៅឆ្នាំ២០១៤។ ខ្លឹមសារនៅក្នុងសៀវភៅនេះគឺនិយាយពីយុទ្ធសាស្ត្រនៃការវិវឌ្ឍ ដ៏គួរឲ្យខ្លាចដោយសារតែប្រព័ន្ធបច្ចេកវិទ្យាក្នុងយុគសម័យ បច្ចេកវិទ្យា។ ១១) សៀវភៅ Hacker & Painters របស់លោក Paul Graham នៅឆ្នាំ២០០៤។ សៀវភៅនេះមានខ្លឹមសារបង្ហាញគំនិតល្អៗដែលកំពុងមានឥទ្ធិពល ដោយសារបច្ចេកវិទ្យាកុំព្យូទ័រ និងបច្ចេកវិទ្យាថ្មីៗ ដែលម្ចាស់អាជីវកម្មគួរស្វែងយល់ និងទាយយកប្រយោជន៍ក្នុងកាលៈទេសៈនេះ។ ១២) សៀវភៅ Wisdom of Failure របស់លោក Laurence G. Weinzimmer និងលោក Jim McConoughey នៅឆ្នាំ២០១២។ សៀវភៅបានចងក្រងនូវបរាជ័យរបស់ពាណិជ្ជករ និងអាជីវកម្មជាច្រើនប្រភេទដែលបានកើតឡើងនាពេលកន្លងមក។ អ្នកនិពន្ធមិនបានបង្ហាញពីរបៀបឆ្ពោះទៅរកជោគជ័យនោះទេ តែគាត់បានពន្លិចពីបញ្ហាដែលធ្លាប់កើតឡើង ដើម្បីឱ្យសហគ្រិនរៀនចៀសវាងបញ្ហាទាំងនោះ។ ១៣) សៀវភៅ Ignore Everybody របស់ លោក Hugh MacLeod នៅឆ្នាំ២០០៩។ សៀវភៅនេះនិយាយពី គន្លឹះ៣៩យ៉ាងអំពីការច្នៃប្រឌិត និងប្រែក្លាយការច្នៃប្រឌិតទាំងនេះឆ្ពោះទៅកាន់ភាពជោគជ័យ។ ១៤ សៀវភៅ Goal របស់លោក Eliyah M. Goldratt នៅឆ្នាំ១៩៨៤។ ខ្លឹមសារនៅក្នុងសៀវភៅនេះចង់និយាយពីដំណើរការនៃការកែលម្អនា ពេលបច្ចុប្បន្ន និងរបៀបធ្វើការសម្រេចចិត្តដើម្បីជោគជ័យនៅក្នុងការគ្រប់គ្រង និងពាណិជ្ជកម្ម៕ ប្រែសម្រួល៖ ប៉ិច ស៊ីនួន

ប្រភព៖ businessinsider

ផ្លែដាវដ៏មុតស្រួចដែលសហគ្រិនត្រូវសំលៀងមុនចាប់ផ្ដើមបើកអាជីវកម្មរបស់ខ្លួន

លក្ខណៈនៃភាពជាសហគ្រិនប្រភព៖ startupeducation

ភាព ជោគជ័យក្នុងមុខជំនួយ ឬ អាជីវកម្មណាមួយគឺជាក្ដីសុបិនតែមួយគត់របស់សហគ្រិនទូទៅ។ ប៉ុន្តែ អាជីវកម្មដែលបង្កើតឡើងមិនមែនសុទ្ធតែទទួលបានផ្លែផ្កាតបតាមការ ចង់បានរបស់ខ្លួនទាំងអស់នោះទេ ពោលគឺឧបសគ្គជាច្រើននឹងកើតមាននៅក្នុងមុខជំនាញរបស់អ្នក។ ខាងក្រោមនេះ គឺជាគន្លឹះសំខាន់ៗទាំង ៥ ដែលសហគ្រិនទូទៅគួរយល់ដឹងមុនពេលបើកអាជីវកម្មរបស់ខ្លួន។

១) ប្រែក្លាយឧបសគ្គ ដើម្បីបង្កើតអាជីវកម្ម

បញ្ហាសេដ្ឋកិច្ច អត្រាគ្មានការងារធ្វើ វិស័យឧស្សាហកម្មធ្លាក់ចុះ ទាំងនេះគឺជាសញ្ញាណដ៏គ្រោះថ្នាក់មួយសម្រាប់សហគ្រិនក្នុងការបើក អាជីវកម្មរបស់ខ្លួន។ ប៉ុន្តែ ភាពរឹងមាំផ្នែកហិរញ្ញវត្ថុរបស់អ្នក និងការសម្រេចចិត្តដ៏ត្រឹមត្រូវមួយប្រកបដោយទំនួលខុសត្រូវ និងការប្ដេជ្ញាចិត្តក្នុងការបើកអាជីវកម្ម នឹងធ្វើឱ្យអ្នកមិនភ័យខ្លាចហានិភ័យទាំងនេះនោះឡើយ។ អ្នកត្រូវសម្លឹងមើលពីភាពលូតលាស់នៅពេលអនាគត។

សូមចុចអាន៖ អ្នកណាខ្លះជាម្ចាស់ភាគហ៊ុនសំខាន់ៗនៅក្នុងក្រុមហ៊ុន Facebook?

២) យកចិត្តទុកដាក់លើម៉ាក (Brand) និង កេរ្តិ៍ឈ្មោះរបស់ក្រុមហ៊ុន (Reputation)

ចាប់ផ្ដើមអាជីវកម្មដំបូង សហគ្រិនត្រូវយល់ថា តើម៉ាកផលិតផលឬ សេវាកម្មរបស់ខ្លួនត្រូវមានលក្ខណៈពិសេសបែបណាដើម្បីទាក់ទាញ ចំណាប់អារម្មណ៍ពីអតិថិជន? ត្រង់នេះ សហគ្រិនទាំងអស់ត្រូវផ្ដោត និងសិក្សាលើតម្រូវការរបស់អតិថិជនមកវិញ ដើម្បីប្រើប្រាស់ម៉ាកផលិតផលឬ សេវាកម្មរបស់ខ្លួនប្រកបដោយគុណភាពក្នុងការប្រកួតប្រជែងនៅលើ ទីផ្សារ។

៣) មិនត្រូវដាក់ក្តីសង្ឃឹមខ្ពស់ពេកពេលចាប់ផ្ដើមអាជីវកម្ម

ដើម្បីបង្កើតអាជីវកម្មដំបូង មិនខុសអ្វីក្រៅពីបង្រៀនក្មេងឲ្យចេះដើរនោះឡើយ ត្បិតអីក្រុមហ៊ុនរបស់អ្នកនៅតូច និងមិនសូវមានអតិថិជនច្រើនស្គាល់ទៀតផង។ ដូច្នេះ ជាសហគ្រិនម្នាក់ អ្នកមិនត្រូវដាក់ក្ដីសង្ឃឹមខ្ពស់ក្នុងការទទួលបានសមិទ្ធផលយ៉ាង គាប់ប្រសើរក្នុងពេលដ៏ឆាប់នោះឡើយ។ ប៉ុន្តែ ពេលនេះ គឺជាអំឡុងពេលនៃការសិក្សាលើការដំណើរការអាជីវកម្មរបស់អ្នកជា មួយអតិថិជនទូទៅ ដើម្បីស្វែងរកចំណុចខ្លាំង និងចំណុចខ្សោយរបស់ក្រុមហ៊ុន។

៤) មិនជោគជ័យមិនបោះបង់

ឧបសគ្គមួយចំនួននឹងរារាំងដល់ការបើកអាជីវកម្មរបស់អ្នក។ ដូច្នេះ អ្នកត្រូវរៀនដើរទៅមុខបន្តិចម្ដងៗយ៉ាងស្វាហាប់បំផុតទោះបីជា បរាជ័យម្ដងជាពីរដង ហើយសម្លឹងមើលពីភាពចន្លោះខ្វះខាតទាំងនោះលើផលិតផល ឬ សេវាកម្មដើម្បីភាពរឹងមាំក្នុងអាជីវកម្មឆ្លើយតបតាមតម្រូវការ ទីផ្សារនាពេលអនាគត។

៥) មានមហិច្ឆតាខ្ពស់លើអាជីវកម្ម

ការប្រឡូកក្នុងអាជីវកម្ម សហគ្រិនត្រូវដាក់មហិច្ឆតាជាគោលដៅសំខាន់បំផុតមួយ។ អ្នកត្រូវមានមហិច្ឆតាខ្ពស់នូវអ្វីដែលអ្នកចង់ធ្វើ ដើម្បីចំណាយពេលដ៏ត្រឹមត្រូវមួយលើការងារនោះ។ នេះហើយគឺជាការចាប់ផ្ដើមអាជីវកម្ម និងសិល្បៈគ្រប់គ្រងជំនួញ៕

គន្លឹះ១០ចំណុចប្រែក្លាយក្តីសុបិនរបស់អ្នកឲ្យក្លាយជាសហគ្រិន

ក្តី ស្រមៃចង់ចាប់ផ្ដើមអាជីពក្លាយជាសហគ្រិនមួយរូប មិនមែនជារឿងងាយស្រួលនោះទេ។ ភាពជោគជ័យរបស់សហគ្រិនទូទៅអាចកើតមានបាន ត្រូវឆ្លងកាត់ដំណាក់កាលជាច្រើន ពោលគឺកើតចេញពីសហគ្រិនតូចមួយ ហើយអភិវឌ្ឍសមត្ថភាពរបស់ខ្លួនបន្តភាពរឹងមាំក្លាយជាក្រុមហ៊ុន ដ៏ធំ។ ជាមួយគេហទំព័រ TheBNews ប្រិយមិត្តនឹងអាចរៀនពីចំណុចសំខាន់ ១០ខាងក្រោមនេះ ដែលអាចជួយប្រែក្លាយក្ដីសុបិនរបស់អ្នក ឲ្យក្លាយជាសហគ្រិនដំបូងដោយជោគជ័យបាន។ ១) កំណត់ភាពខុសប្លែកគ្នាលើផលិតផល ជាសហគ្រិនអ្នកត្រូវសម្លឹងមើលពីភាពខុសប្លែកគ្នានៃផលិតផលរបស់ អ្នកទៅនឹងផលិតផលដៃគូប្រកួតប្រជែងជាច្រើនទៀត។ ការបែងចែក ឬ កំណត់ផលិតផលឲ្យច្បាស់លាស់ពីគេនឹងធ្វើឲ្យអតិថិជនមិនយល់ច្រឡំបាន និងមានចំណាប់អារម្មណ៍មកគាំទ្រផលិតផលរបស់អ្នក។ ២) សម្លឹងមើលបញ្ហាជាមុន តើជឿជាក់ទេថា ផលិតផល ឬសេវាកម្មរបស់អ្នកអាចទទួលបានការគាំទ្រពីអតិថិជន? បើអ្នកមិនបានកំណត់បញ្ហាលើផលិតផល ឬសេវាកម្មរបស់អ្នកឲ្យបានច្បាស់លាស់ពីតម្រូវការ និងការចង់បានរបស់អតិថិជនទេនោះ នោះអ្នកនឹងក្លាយជាអ្នកបរាជ័យជាក់ជាមិនខាន។ ៣) ប្រើប្រាស់ពាក្យឲ្យបានច្បាស់ និងចំគោលដៅ ក្នុងការផ្ដល់ភាពជឿជាក់ដល់អតិថិជនជាមួយសហគ្រាសរបស់អ្នក អ្នកត្រូវបញ្ចេញទស្សនៈយ៉ាងមុតមាំប្រកបដោយទំនុកចិត្ត ដើម្បីបញ្ជាក់ពីគោលការណ៍ទូទៅក្នុងសហគ្រាសរបស់អ្នក។ ការប្រើប្រាស់ពាក្យមិនត្រឹមត្រូវ ជាមួយភាពមន្ទិលសង្ស័យនឹងធ្វើឲ្យអតិថិជនបាត់បង់ទំនុកចិត្តបរាជ័យ ក្នុងជំនួញរបស់អ្នក។ ៤) ចាប់ផ្តើមស្រាវជ្រាវលើមុខជំនួញរបស់អ្នក តើវាជាផលិតផលដំបូងឬយ៉ាងណា? តើមានគូប្រជែងហើយឬនៅ? ការស្រាវជ្រាវតាមអ៊ីនធឺណិត ពីសហគ្រាស ការប្រឹក្សា ឬ ស្នើសុំយោបល់ និងដកស្រង់បទពិសោធន៍ពីអ្នកជំនាញមុនពេលបោះទុន ជាដើម នឹងជួយត្រួសត្រាយផ្លូវអ្នកឈានទៅរកការបើកសហគ្រាសមួយយ៉ាងល្អ ប្រសើរ។ ៥) ធ្វើការស្រាវជ្រាវម្ដងទៀត ប្រសិនបើអ្នកណាម្នាក់គ្មានយោបល់ពីអ្វីដែលអ្នកលើកឡើង អ្នកត្រូវព្យាយាមស្វែងរកមនុស្សផ្សេងទៀតដែលគេអាចរកឃើញពី វិធីសាស្ត្រល្អៗក្រៅពីនេះលើផលិតផល ឬ សេវាកម្មរបស់អ្នក។ សម្រាប់អ្នកត្រូវកំណត់ និងវិភាគទៅលើលទ្ធភាពប្រកួតប្រជែង ឬ គិតពីតម្រូវការរបស់អតិថិជន។ ៦) កំណត់មូលដ្ឋានគ្រឹះរបស់អតិថិជន ចូរកុំរំពឹងពេកថា អតិថិជននឹងជឿជាក់ ហើយត្រូវការផលិតផល ឬ សេវាកម្មរបស់អ្នកទាំងស្រុងភ្លាមៗ។ ដូច្នេះ អ្នកត្រូវដឹងថា តើនេះជាពេលវេលាមួយដែលអ្នកព្យាយាមពន្យល់ពួកគេឲ្យយល់ ឬ ក៏ជាពេលដែលអ្នកត្រូវសិក្សាពីតម្រូវការរបស់អតិថិជន? ៧) កំណត់ធនធានដែលអ្នកមាន ដើម្បីបង្កើតជំនួយមួយនោះ តើអ្នកត្រូវការធនធានអ្វីខ្លះ? តើអ្នកត្រូវការលុយប៉ុន្មានដើម្បីបង្កើតអាជីវកម្មនេះ? តើការផ្សព្វផ្សាយផលិតផលរបស់អ្នកធ្វើឡើងតាមប្រព័ន្ធអ៊ីនធឺណិតឬ តាមរយៈបុគ្គលិកផ្សព្វផ្សាយ? នេះជាសំណួរត្រួសៗដែលអ្នកត្រូវដឹងមុនពេលបើកអាជីវកម្ម។ ៨) បង្កើតគំរូដើមរបស់ផលិតផលឬ សេវាកម្ម នេះជាដំណាក់កាលមួយដែលអ្នកត្រូវបង្កើតគំរូដើមផលិតផលឬសេវាកម្ម របស់ក្រុមហ៊ុននាក់ ដើម្បីបង្ហាញពីចំណុចសំខាន់ៗរបស់ផលិតផលជាតម្រូវការដល់អតិថិជន។ គំរូដើមនេះត្រូវតែបង្កើតឡើងយ៉ាងច្បាស់លាស់ ងាយយល់ អាចរកបាន និង ឆ្លើយតបតាមតម្រូវការ។ ប្រសិនបើអ្នកមិនទាន់បង្កើតគំរូដើមបាននៅឡើយទេ អ្នកអាចរចនាឡើងនៅក្នុងប្រព័ន្ធកុំព្យូទ័រក៏បាន។ ៩) ចាប់ផ្ដើមសិក្សាលើប្រាក់ចំណូល និងចំណាយ ការគ្រប់គ្រងបែងចែកប្រាក់ចំណូល និងចំណាយគឺជារឿងសំខាន់។ អ្នកត្រូវលម្អិត និងវាយតម្លៃលើប្រាក់ចំណូលដែលរំពឹងថា នឹងត្រូវយកទៅចំណាយដើម្បីទទួលបានផលត្រលប់មកវិញ រួមជាមួយស្ថានភាព ឬ ហានិភ័យមួយចំនួនដែលនឹងអាចកើតមាននៅពេលខាងមុខ។ ១០) សរសេរគម្រោង ក្ដីស្រមៃរបស់អ្នកមិនទាន់ក្លាយជាការពិតនៅឡើយទេ ដរាបណាអ្នកគ្មានគម្រោងច្បាស់លាស់ណាមួយដើម្បីធ្វើនៅថ្ងៃស្អែក។ ដូច្នេះអ្នកត្រូវប្រាកដថា អ្នកមានគម្រោងនៅក្នុងដៃនៅក្នុងថ្ងៃនេះ មុនពេលចាប់ផ្ដើមធ្វើវានៅថ្ងៃស្អែក។ ប៉ុន្តែ គម្រោងមួយចំនួនអាចផ្លាស់ប្ដូរទៅតាមកាលៈទេសៈមួយចំនួនដែល ទាមទារឲ្យអ្នកចេះបត់បែនភ្លាមៗលើគម្រោងនោះ៕ ប្រែសម្រួល៖ K.Vin

ប្រភព៖ entrepreneur

មូលដ្ឋានគ្រឹះទាំង៥ របស់មហាសេដ្ឋីសម្រាប់សាបព្រោះឲ្យសហគ្រិនជោគជ័យ

មូលដ្ឋានគ្រឹះទាំង៥ របស់មហាសេដ្ឋីសម្រាប់សាបព្រោះដល់សហគ្រិនប្រភព៖ clueconsultingllc

មាន គន្លឹះមិនតិចឡើយ ដែលត្រូវបានលើកយកមកបង្ហាញសម្រាប់ត្រួសត្រាយផ្លូវដល់ ប្រិយមិត្តឲ្យក្លាយជាសហគ្រិនជោគជ័យម្នាក់នៅពេលអនាគត។ តែចម្លើយតែមួយគត់ដែលប្រិយមិត្តចង់ដឹងនោះគឺថា តើធ្វើយ៉ាងម៉េចដើម្បីក្លាយជាសហគ្រិនជោគជ័យ? ទោះបីអត្ថបទនេះមិនក្តោបលើគោលការណ៍ទូទៅស្តីពីយុទ្ធសាស្ត្រជា សហគ្រិនក៏ពិតមែន តែគ្រឹះ ៥ចំណុចខាងក្រោមនេះ គឺពិតជាត្រូវបានមហាសេដ្ឋីជាច្រើនអនុវត្តកន្លងមក និងប្រកាន់ខ្ជាប់ក្នុងខ្លួនជានិច្ច សម្រាប់ចែករំលែកដល់សហគ្រិននៅទូទាំងពិភពលោក។ ១) បើកចិត្តឲ្យទូលាយសម្លឹងមើលឲ្យកាន់តែខ្ពស់ ភាពជាសហគ្រិនជោគជ័យម្នាក់ ត្រូវយល់ថា ការបើកចិត្តឲ្យទូលាយសម្លឹងមើលឲ្យកាន់តែខ្ពស់ គឺជារឿងដែលចាំបាច់សម្រាប់មនុស្សគ្រប់គ្នាដើម្បីស្វះស្វែងរក ទ្រព្យសម្បតិ្តពីការងាររបស់ខ្លួន។ នេះមិនត្រូវភ័យខ្លាចទទួលយកគំនិតថ្មីៗរៀនពីមនុស្សនៅជុំវិញ ខ្លួន និងចាប់ផ្តើមជំរុញភាពជឿជាក់ខ្លួនឯងឲ្យកាន់តែផុសផុលឡើងជាមួយ នឹងសុទិដ្ឋិនិយមដ៏វែងឆ្ងាយមួយនៅពេលអនាគត។ ២) គិតពីដំណោះស្រាយ មិនមែនបញ្ហា សហគ្រិនមួយចំនួនបានដឹងជាមុនថា ការងារដែលខ្លួនធ្វើនឹងបរាជ័យ និងព្យាយាមគិតតែអ្វីដែលខ្លួនមិនបានធ្វើពីមុនមក។ ផ្ទុយទៅវិញ ជាទូទៅសហគ្រិនដ៏ឈ្លាសវៃតែងផ្លាស់ប្ដូរគំនិតនេះ ត្បិតអីលទ្ធភាពនៃដំណោះស្រាយ និងច្រកចេញគឺជារឿងសំខាន់ត្រូវធ្វើ មិនមែនមានតែបញ្ហានោះឡើយ។ ៣) មានមហិច្ឆតាខ្ពស់ ធ្វើជាឈ្នាន់បង្កើតភាពជោគជ័យ សហគ្រិនដែលជោគជ័យត្រូវផ្តើមចេញពីមហិច្ឆតារបស់ខ្លួន ដែលជាចំណុចខ្លាំងក្តោបក្រសោបភាពជោគជ័យទាំងអស់។ គេនឹងប្រែក្លាយក្តីសុបិនទាំងឡាយឲ្យក្លាយជាការពិតបាន ទោះបីជាមានឧបសគ្គ ឬ ត្រូវដើរថយក្រោយមួយជំហានក៏ដោយ។ ភាពបរាជ័យរបស់គេនឹងត្រូវវាយបំបាក់ដោយការឃុំគ្រងខ្លួន និងលើកទឹកចិត្តខ្លួនឯងយ៉ាងសកម្មបំផុតពីជំហានមួយទៅជំហានមួយ ទៀត។ ៤) ពង្រឹងសមត្ថភាព ជះឥទ្ធិពលលើអ្នកដទៃ សហគ្រិនដ៏ជោគជ័យម្នាក់តែងមានសមត្ថភាពពិសេសមួយខុសពីគេ ដើម្បីជះឥទ្ធិពល និង ទទួលបានមកវិញនូវការគាំទ្រយ៉ាងពេញទំហឹងពីមនុស្សនៅជុំវិញ ខ្លួន មិនថាកើតឡើងដោយមានដុងពីកំណើតឬ តាមការរយៈការរៀនសូត្រយ៉ាងណានោះទេ។ សមត្ថភាពប្រកបដោយគុណតម្លៃនឹងបង្កើតលទ្ធផលការងារបានល្អប្រសើរ សម្រាប់ក្រុមហ៊ុនរបស់ខ្លួនទាំងមូល ដែលខ្លួនបានយល់យ៉ាងស៊ីជម្រៅថា អាចមានប្រយោជន៍សម្រាប់មនុស្សគ្រប់គ្នា មិនមែនសម្រាប់ខ្លួនឯងតែម្នាក់នោះឡើយ។ ៥) តម្កល់ទុកសុទិដ្ឋិនិយម វាយបំបាក់ភាពបរាជ័យ ចរន្តសកលភាវូបនីយកម្មប្រៀបដូចជាផ្ទៃសមុទ្រ តែងអីមិនមានព្យុះភ្លៀងកើតឡើងជារឿងធម្មតា។ មហាសេដ្ឋីជាច្រើនអាចឆ្លងកាត់ដំណាក់កាលទាំងនោះបានដោយជោគជ័យ ពីព្រោះតែខ្លួនលើកតម្កល់ក្តីសង្ឃឹម និងសុទិដ្ឋិនិយមរបស់ខ្លួនប្រៀបដូចជាផ្ទាំងថ្មមិនខ្លាចខ្យល់។ ការប្រាសចេញពីភាពបរាជ័យ ហើយងើបដើរដោយភាពជឿជាក់ម្តងហើយម្តងទៀត នោះគឺជាអ្វីដែលធ្វើឲ្យបុគ្គលទាំងនោះមានអ្វីៗនៅក្នុងដៃរហូត មកដល់ពេលនេះ៕ ប្រែសម្រួល៖ K.Vin

Wednesday, August 5, 2015

នាំមកជូនដោយ ឃុន ពិទី កាលពី កុម្ភៈ ១៦, ២០១៥ ក្នុងផ្នែក អាជីព និងការងារ

របៀបសរសេរផែនការអាជីវកម្ម

បន្ទាប់ពីប្រិយមិត្តបានការសិក្សាគម្រោងអាជីវកម្ម និងរបៀបរៀបចំរចនាសម្ព័ន្ធអាជីវកម្ម លោកអ្នកអាចសរសេរផែនការអាជីវកម្មបានហើយ។ លោកអ្នកនឹងត្រូវការសរសេរផែនការអាជីវកម្ម ដើម្បីដាក់ជូនវិនិយោគិនគោលដៅរបស់លោកអ្នកពិចារណា ដើម្បីឈានទៅរកកិច្ចវិនិយោគបង្កើតអាជីវកម្ម។ ខាងក្រោមនេះជា ៥ចំណុចក្នុងការសរសេរផែនការអាជីវកម្ម៖

១. រៀបចំរាល់ព័ត៌មានទាក់ទងនឹងអាជីវកម្មលោកអ្នក

ចាប់ផ្ដើមបង្កើតចំណុចផ្ដើម និងរៀបរៀងសមស្រប។ ការរៀបចំព័ត៌មានតាមផ្នែកនឹងធ្វើឲ្យផែនការលោកអ្នកមានរបៀបរៀបរយ ហើយធ្វើឲ្យវិនិយោគិនយល់ថាមានប្រយោជន៍៖

ចំណងជើង និងមាតិកា
សង្ខេបសេចក្ដីប្រតិបត្តិ៖ សង្ខេបចក្ខុវិស័យរបស់លោកអ្នកសម្រាប់ក្រុមហ៊ុន
ព័ត៌មានទូទៅអំពីក្រុមហ៊ុន៖ បង្ហាញពីទិដ្ឋភាពទូទៅក្នុងក្រុមហ៊ុនលោកអ្នក និងសេវាកម្មដែលនឹងផ្ដល់ជូនក្នុងទីផ្សារ។
ផលិតផល និងសេវាកម្ម៖ បង្ហាញពិស្ដាពីភាពល្អឯក នៃផលិតផល ឬ សេវាកម្ម
ផែនការទីផ្សារ៖ បង្ហាញពីរបៀបលោកអ្នកនាំផលិតផលដល់អតិថិជន
ផែនការប្រតិបត្តិការ៖ បង្ហាញពីរបៀបលោកអ្នកធ្វើប្រតិបត្តិការក្នុងមូលដ្ឋានគ្រឹះប្រចាំថ្ងៃ។
គ្រប់គ្រង និងរៀបចំ៖ បង្ហាញពីរចនាសម្ព័ន្ធ នៃអាជីវកម្ម និងទស្សនៈក្នុងការដឹកនាំ។
គម្រោងហិរញ្ញវត្ថុ៖ បំភ្លឺគំរូដំណើរការការងារ ដើម្បីទទួលបានហិរញ្ញវត្ថុ និងតម្រូវការផ្សេងៗពីវិនិយោគិន។

២. សរសេរសង្ខេបសេចក្ដីប្រតិបត្តិចុងក្រោយ

សេចក្ដីសង្ខេបប្រតិបត្តិជាមូលដ្ឋាន ក្នុងការចរចាជាមួយវិនិយោគិន ឬ អ្នកអានគម្រោងអាជីវកម្មរបស់លោកអ្នក។ វាគួរតែសង្ខេប និងបង្ហាញឲ្យដឹងថាគំរូអាជីវកម្ម និងផលិតផលរបស់លោកអ្នកអស្ចារ្យ។ វាគួរតែផ្ដោតទៅលើចក្ខុវិស័យដ៏មហិមារបស់លោកអ្នក ជាជាងព័ត៌មានលំអិតស្ដីពីប្រតិបត្តិការ។

៣. ប្រមូលផ្ដុំព័ត៌មាន និងរៀបចំជាពហុសេចក្ដីព្រៀង

បន្ទាប់ពីលោកអ្នកវានបញ្ចប់កិច្ច ប្រឹងប្រែងក្នុងការស្រាវជ្រាវ និងសម្រេចចិត្តពីគោលបំណងអាជីវកម្ម និងសុក្រឹតភាព នៃគោលដៅ វាដល់ពេលវេលាដែលលោកអ្នកត្រូវផ្គុំគម្រោងអាជីវកម្មចូលគ្នា និងបញ្ចេញគំនិត ការស្រាវជ្រាវ និងកិច្ចប្រឹងប្រែង ដើម្បីសម្រេចបាននូវការពិពណ៌នាដ៏ទូលំទូលាយសម្រាប់រចនាសម្ព័ន្ធ និងសេវាកម្ម

ជាដំបូង សូមកុំព្រួយបារម្ភពីកំហុសផ្នែកភាសា។ អ្វីដែលលោកអ្នកត្រូវធ្វើនោះគឺផ្ដុំគំនិត ដើម្បីសរសេររៀបរៀង។ នៅពេលលោកអ្នកមានទម្រង់ទូទៅ លោកអ្នកអាចចំណាយពេលវេលាកែតម្រូវគម្រោង និងកំហុស។ លោកអ្នកគួរតែឲ្យអ្នកដទៃជួយអាន និងយកចិត្តទុកដាក់នឹងមតិយោបល់របស់ពួកគេ។

៤. ឃោសនាឲ្យខ្លួនឯង និងអាជីវកម្ម

គោលគំនិត នៃគផែនការអាជីវកម្មជាការបង្ហាញពីខ្លួនអ្នកនៅលើឆាក។ ទេពកោសល្យ បទពិសោធន៍ និងសេចក្ដីសាទរ ដែលលោកអ្នកនាំមកនូវអាជីវកម្មត្រូវតែល្អឯក។ ពួកគេផ្ដល់នូវហេតុផលដ៏បង្ខិតបង្ខំបំផុតសម្រាប់អ្នកដទៃ ដើម្បីផ្គត់ផ្គង់តម្រូវការហិរញ្ញវត្ថុដល់គំនិតរបស់លោកអ្នក។ ចូរចងចាំថា វិនិយោគិនវិនិយោគទៅលើមនុស្សជាជាងគំនិត។ ទោះបីជាអាជីវកម្មរបស់លោកអ្នកមានគូប្រជែងច្រើនយ៉ាងណាក៏ដោយ ក៏វាមិនសំខាន់នោះដែរ។ អ្វីដែលសំខាន់នោះគឺគុណសម្បត្តិ និងការប្តេជ្ញាចិត្តរបស់លោកអ្នកទៅលើគម្រោងនោះ។ នេះលោកអ្នកនឹងអាចបញ្ចុះបញ្ចូល និងទាក់ទាញការគាំទ្ររបស់ពួកគេ។

៥. បង្ហាញ និងពន្យល់អំពីទិន្នន័យហិរញ្ញវត្ថុលោកអ្នក

តើអ្នកនឹងបញ្ចូលបញ្ចូលអ្នកដទៃឲ្យ វិនិយោគក្នុងកិច្ចខ្នះខ្នែងរបស់លោកអ្នក? ដោយមានព័ត៌មានហិរញ្ញវត្ថុប្រកបដោយភាពច្បាស់លាស់ តម្លាភាព និងជាក់ស្ដែងបំផុត វានឹងបង្ហាញថា លោកអ្នកយល់ពីអ្វី ដែលលោកអ្នកកំពុងលើកឡើងដោយឥតលាក់លាម៕

ដកស្រង់ចេញពី៖ wikiHow | ប្រែសម្រួលដោយ៖ ឃុន ពិទី

៦ជំហានឈានទៅបង្កើតអាជីវកម្មហាងកាហ្វេ

Monday, 22 Apr 2013

មនុស្សភាគច្រើនតែងមានក្ដីស្រមៃថា ចង់មានអាជីវកម្មខ្លួនឯងជាជាងការធ្វើការឲ្យអ្នកដទៃ។ ក្នុងចំណោមអាជីវកម្មជាច្រើន អាជីវកម្មហាងកាហ្វេកំពុងទទួលការចាប់អារម្មណ៍ពីសំណាក់សហគ្រិន បច្ចុប្បន្ន។ ហេតុដូចនេះ Sabay សូមលើកយកចំណុចមួយចំនួនដែលអាចជួយដល់ប្រិយមិត្តជាបច្ច័យក្នុង ការបើកដំណើរការអាជីវកម្មប្រភេទនេះ។
១. កំណត់ប្រភេទហាងកាហ្វេដែលអ្នកចង់បើក
កំណត់ទំហំទឹកប្រាក់ដែលអ្នកមានលទ្ធភាពបើក។ សួរខ្លួនឯងថា តើអ្នកចង់សេងហេងកាហ្វេដែលមានស្រាប់ ទិញស្លាកយីហោ (Brand) ហាងកាហ្វេល្បី ឬចង់ចាប់ផ្ដើមហាងកាហ្វេថ្មីសន្លាងដោយខ្លួនផ្ទាល់? ទន្ទឹមគ្នានេះ អ្នកក៏ត្រូវគិតផងដែរថា តើអ្នកចង់ជួលបុគ្គលិក ឬចាប់ផ្ដើមធ្វើជាថៅកែ និងកូនឈ្នួលដោយខ្លួនឯង។
២. ស្វែងយល់ពីមុខជំនួញនេះជាមុន
អ្នកអាចសាកល្បងសុំធ្វើការងារជាអ្នកឆុងកាហ្វេ និងភេសជ្ជៈនៅហាងកាហ្វេជោគជ័យណាមួយដើម្បីអាចឲ្យអ្នកអាច សិក្សាស្វែងយល់ពី របៀបឆុងកាហ្វេ ឬលាយភេសជ្ជៈដទៃ។ ស្របគ្នានេះដែរ អ្នកអាចសង្កេតមើលពីដំណើរការអាជីវកម្មទាំងមូល ការគ្រប់គ្រង និងស្រូបទាញអតិថិជនពីអ្នកគ្រប់គ្រងរបស់អ្នក។
៣. បង្កើតគម្រោងផែនការ
ចំណុចទី ៣ ដែលអ្នកត្រូវធ្វើគឺ បង្កើតគម្រោងផែនការអាជីវកម្មដែលបរិយាយពីតម្លៃជាវផលិតផល បរិក្ខារផលិត ការទិញអាជ្ញាប័ណ្ណ និងសម្ភារៈប្រើប្រាស់នានាដែលអ្នកត្រូវការក្នុងការបង្កើត អាជីវកម្មនេះ។
៤. ជ្រើសរើសទីតាំង
បន្ទាប់ពីសរសេរផែនការហើយ អ្នកត្រូវកំណត់ទីតាំងដែលចង់បង្កើតជំនួញ។ ទីតាំងនៃជំនួញត្រូវឲ្យសមទៅនឹងប្រភេទអតិថិជនដែលអ្នកចង់បាន។ ទីតាំងដ៏ល្អគួរស្វែងរកកន្លែងដែលសម្បូរមនុស្សធ្វើដំណើរ ឆ្លងកាត់ និងមានកន្លែងចតយានជំនិះងាយស្រួល។
៥. ផ្សព្វផ្សាយ
ដើម្បីឲ្យអតិថិជនរបស់អ្នកបានដឹងថា ពីអាជីវកម្មថ្មីរបស់អ្នកត្រូវធ្វើការផ្សព្វផ្សាយ។ ការផ្សព្វផ្សាយអាចធ្វើឡើងក្រោមរូបភាពផ្សេងៗគ្នាទៅតាមទំហំ ថវិការបស់អ្នកដូចជា តាមរយៈកាសែត ទស្សនាវដ្ដី វិទ្យុ ខិត្តប័ណ្ណ ឬបណ្ដាញសង្គមដូចជា Facebook Ads ជាដើម។ ស្របគ្នានេះដែរ នៅដំណាក់កាលដំបូងអ្នកអាចបង្កើតប្រូម៉ូសិនថ្មីៗដូចជា ញ៉ាំ ៥ ដង ថែមជូន ១ ដងដោយឥតគិតថ្លៃ ឬអាចជាការផ្ដល់ជូនគូប៉ុងថ្លៃអាហារ ឬប័ណ្ណបញ្ចុះតម្លៃជាដើម។
៦. ទំនាក់ទំនងជាមួយបណ្ដាក្រុមហ៊ុននានា
ជំហានដំបូងក្នុងការជួយឲ្យអាជីវកម្មកាហ្វេរបស់អ្នកដំណើរការគឺ ការបង្កើតបណ្ដាញអតិថិជន។ អ្នកអាចទាក់ទងក្រុមហ៊ុន ឬស្ថាប័នណាដែលត្រូវការកាហ្វេរបស់អ្នក។ អ្នកអាចចរចាជាមួយក្រុមហ៊ុនទាំងនោះក្នុងតម្លៃពិសេសណាមួយ ឬផ្ដល់ជូនសេវាកម្មដឹកយកដល់កន្លែងជាដើម។

៦ជំហានឈានទៅបង្កើតអាជីវកម្មហាងកាហ្វេ News-business

វិធីបង្កើតគម្រោងអាជីវកម្មមួយទំព័រ

ការសរសេរគម្រោងអាជីវកម្មជា រឿងដ៏លំបាកសម្រាប់អ្នកដែលចង់បង្កើតអាជីវកម្មថ្មីថ្មោង។ ប្រសិនបើអ្នកជំនួញធំៗវិញ គម្រោងអាជីវកម្មត្រូវធ្វើឡើងយ៉ាងហ្មត់ចត់ ច្រើនទំព័រ វិភាគ វាយតម្លៃគ្រប់ជ្រុងជ្រោយមុននឹងសម្រេចដាក់ចេញឲ្យអនុវត្តដោយ ក្នុងនោះយុទ្ធសាស្ត្រដែលគេឧស្សាហ៍ឃើញញឹកញាប់ជាងគេគឺ SWOT។ តែសម្រាប់អ្នកដែលមានបង្កើតអាជីវកម្មផ្ទាល់ខ្លួន ទ្រង់ទ្រាយតូច ឬលក្ខណៈគ្រួសារ មិនចាំដល់ថ្នាក់លម្អិតពេកនោះទេ ត្រឹម ១ ទំព័រនេះប្រហែលជាអាចជួយអ្នកបានច្រើនគួរសមហើយ។

សាកធ្វើតាមការណែនាំនេះមើល៍!

១. ចាប់ផ្ដើមចេញពីទស្សនវិស័យរបស់អ្នក៖ ចាប់ផ្ដើមគិតពីគម្រោងរបស់អ្នកដោយរំពៃមើលឲ្យដល់លទ្ធផល ចុងក្រោយ។ តើអ្នកចង់បង្កើតអាជីវកម្មសម្រាប់លក់បន្តពេលរីកធំគួរសម ឬចង់ទុកជាការរកស៊ីតកូនតចៅទៅមុខទៀត? តើទស្សនវិស័យធំបំផុតសម្រាប់គោលដៅចុងក្រោយអ្នកជាអ្វី? វាជាការសំខាន់ដែលត្រូវគិតដល់ចំណុចចុងក្រោយដែលអ្នកចង់បាន ដើម្បីសង្ខេបវាដាក់ក្នុងក្រដាស។

២. បង្កើតរបាយការណ៍បេសកកម្ម៖ អ្នកបានដឹងថា អ្វីជាទស្សនវិស័យរបស់អ្នកហើយ ឥលូវជាពេលដែលអ្នកត្រូវពិពណ៌នាថា ត្រូវធ្វើយ៉ាងណាដើម្បីសម្រេចវាបានផ្អែកលើធនធានដែលអ្នកមាន។ របាយការណ៍បេសកកម្មអាចជួយដាស់តឿនអ្នកថា អ្វីដែលអ្នកកំពុងធ្វើរាល់ថ្ងៃអាចជួយសម្រេចគោលដៅធំខាងមុខ។

អត្ថបទពាក់ព័ន្ធ៖ តើគួររកការគាំទ្រហិរញ្ញវត្ថុជំនួញថ្មីថ្មោងបែបណា?

៣. រៀបរាប់គោលបំណងតូចៗ៖ គិតដល់គោលដៅតូចៗដែលអ្នកចង់សម្រេចនៅរយៈពេលជាក់លាក់ណាមួយ។ ឧទាហរណ៍ដូចជា នៅបីឆ្នាំខាងមុខអ្នកចង់បានប៉ុន្មានភាគរយនៃចំណែកទីផ្សារ អាជីវកម្មរបស់អ្នក? តើអ្នកចង់បានបុគ្គលិកបន្ថែមប៉ុន្មាននាក់នៅដំណាច់ឆ្នាំ? នេះជាគោលដៅតូចៗដែលអាចជួយដល់អ្នកក្នុងការឈានទៅកាន់តែកៀក នឹងគោលដៅធំ។

៤. បង្កើតយុទ្ធសាស្ត្រ៖ យុទ្ធសាស្ត្រជាអ្វីដែលអ្នកគ្រោងនឹងធ្វើដើម្បីសម្រេចគោលបំណង តូចៗ។ តើអ្នកមានគម្រោងទីផ្សារដូចម្ដេច? តើអ្នកចង់លក់ផលិតផល ឬសេវាកម្មដោយវិធីណា? តើអ្នកចង់ចំណាយពេលប៉ុណ្ណាទៅលើការស្រាវជ្រាវ និងអភិវឌ្ឍ? តើយុទ្ធសាស្ត្រអ្វីខ្លះដែលអ្នកត្រូវធ្វើដើម្បីសម្រេចគោលបំណង តូចៗដែលអ្នកបានសរសេរ? គិតដល់យុទ្ធសាស្ត្រទាំងនេះ មុននឹងដាក់ចេញផែនការសកម្មភាព។

៥. បង្កើតផែនការសកម្មភាព៖ អ្នកមានគោលបំណង មានយុទ្ធសាស្ត្រអស់ហើយ ពេលនេះអ្វីដែលអ្នកត្រូវធ្វើគឺគិតដល់សកម្មភាពប្រចាំថ្ងៃ ប្រចាំសប្ដាហ៍តូចៗសម្រាប់សម្រេចគោលបំណងតូចៗ និងឆ្ពោះទៅរកគោលបំណងធំ។ តើអ្នកចង់ទៅផ្សព្វផ្សាយនៅកន្លែងណាដើម្បីឲ្យមានប្រសិទ្ធភាព? តើមានការដាក់ប្រូមូស្សិនអ្វីខ្លះនៅពេលចាប់ផ្ដើម ឬនៅឱកាសពិសេសណាមួយ?

ចំណុចដែល រៀបរាប់ខាងលើ គ្រាន់តែជាទុនសម្រាប់ឲ្យអ្នករិះគិតខ្លះៗ មុននឹងឈានដល់ការសម្រេចចិត្តបើកអាជីវកម្មអ្វីមួយជាជាងការ លោតផ្លោះទៅធ្វើដោយមិនបានត្រៀមខ្លួនអ្វីទាំងអស់។ មែនទែនទៅ ទោះបីគម្រោងអាជីវកម្មមួយសន្លឹកនេះមិនបានជួយរៀបរាប់ឲ្យបាន លម្អិតគ្រប់ចំណុចៗតូចៗ តែវាអាចជួយជាបច្ច័យដ៏ល្អមួយដល់អ្នកដែលមិនធ្លាប់មានបទ ពិសោធន៍អាជីវកម្មអ្វីសោះ៕

អត្ថបទពាក់ព័ន្ធ៖ ៥ ជំហានដើម្បីអាចបើកអាជីវកម្មខ្លួនឯងបាន

ការចាប់ផ្តើមបើកមុខរបររកស៊ី

អ្នកចង់បើកមុខរបររកស៊ីផ្ទាល់ខ្លួនមួយ ប៉ុន្តែមិនដឹងថាតើត្រូវចាប់ផ្តើមពីត្រង់ណាទេ។ សូមអនុវត្តតាមជំហានជាបន្តបន្ទាប់ខាងក្រោមនេះ។
១- សម្រេចចិត្តពីមុខរបរ: ដើម្បីចាប់ផ្តើមបើកមុខរបររកស៊ីមួយ អ្នកត្រូវចំណាយពេលគិតគូរឲ្យបានល្អិតល្អន់បន្តិច ថាតើអាចឬត្រូវប្រកបមុខរបរអ្វី។ ដំណាក់កាលដំបូងនេះហាក់ដូចជាពិបាកបន្តិច ប៉ុន្តែជាដំណាក់កាលសំខាន់ ព្រោះត្រូវជ្រើសរើសយកមុខរបរណាដែលអ្នកចង់ផង និងត្រូវគិតគូរដល់លទ្ធភាពអាចអនុវត្តបានផង។ អ្នកអាចសេងហាងលក់ដូរពីគេ ឬទទួលលក់ទំនិញឬសេវាឲ្យគេ ឬបើកមុខរបរថ្មីផ្ទាល់ខ្លួនតែម្តង ក៏បាន។ ក្រោយពីបានគិតគូរចប់សព្វគ្រប់ ហើយបានសម្រេចចិត្តជ្រើសរើសយកមុខរបរណាមួយហើយ អ្វីៗនឹងចាប់ដំណើរការហើយ។
២- រៀបចំផែនការអាជីវកម្ម: ជំហានបន្ទាប់គឺសរសេរផែនការអាជីវកម្ម រៀបរាប់ឲ្យបានច្បាស់អំពីគោលបំណង យុទ្ធសាស្ត្រនិងសកម្មភាពដែលត្រូវធ្វើជាបន្តបន្ទាប់ តម្រូវការទុននៅក្នុងសកម្មភាពនីមួយៗ ផែនការឃោសនាផ្សព្វផ្សាយផលិតផល/សេវា និងលទ្ធផលដែលរំពឹងថានឹងទទួលបាន។ មានផែនការអាជីវកម្មល្អវាជួយដឹកនាំសកម្មភាពការងាររកស៊ីផង ឲ្យដឹងថាតើធ្វើអ្វីមុនធ្វើអ្វីក្រោយ ហើយក៏ជាឯកសារសម្រាប់បង្ហាញដល់វិនិយោគិនឬអ្នកឲ្យខ្ចីប្រាក់ ផងដែរ។
៣- ហិរញ្ញប្បទាន: កាលណាអ្នកមានផែនការអាជីវកម្មរួចហើយ មុខរបររកស៊ីរបស់អ្នកនោះអាចចាប់ដំណើរការបានហើយ ជាមួយនឹងការស្វះស្វែងរកដើមទុនធ្វើអាជីវកម្ម។ អ្នកអាចប្រើប្រាស់ប្រាក់ផ្ទាល់ខ្លួន ឬខ្ចីពីបងប្អូន/មិត្តភក្តិ ទាក់ទងវិនិយោគិន ឬចងការប្រាក់ធនាគារ។ ប្រភពទុននីមួយៗសុទ្ធតែមានវិបាកខុសៗគ្នា ដូចជាបងប្អូន/មិត្តភក្តិនិងវិនិយោគិនអាចចង់ចូលរួមជាភាគហ៊ុន ចំណែកឯ ប្រាក់ធនាគារវិញអ្នកត្រូវបង់ការប្រាក់ឲ្យគេ។
៤-ការប្រុងប្រៀបចាប់ដំណើរការ: មានផែនការអាជីវកម្មរួចហើយ រកដើមទុនបានហើយ អ្នកជិតអាចដំណើរការអាជីវកម្មបានហើយ ក៏ប៉ុន្តែសូមប្រយ័ត្ន អ្នកត្រូវគិតដល់លក្ខណ:ខាងផ្លូវច្បាប់របស់អាជីវកម្មរបស់អ្នកសិន ថាតើជាអាជីវកម្មទោលផ្ទាល់ខ្លួន ឬជាក្រុមហ៊ុនមានដៃគូច្រើន ឬជាសាជីវកម្ម។ ហើយអ្នកអាចប្រហែលត្រូវធ្វើការចុះបញ្ជីការជាមួយនឹងក្រសួង/មន្ទីរ ពាណិជ្ជកម្ម ថែមទៀត។
៥-ការចាប់ចេញដំណើរការ: ឥឡូវនេះអ្វីៗបានរៀបចំរួចស្រេចអស់ហើយ អ្នកអាចបើកទ្វារអាជីវកម្មបានហើយ។ តើអ្នកបើកនៅផ្ទះខ្លួនឯង ឬត្រូវជួលផ្ទះឬតូបរបស់គេ ត្រូវការបុគ្គលិកប៉ុន្មាននាក់ តើប្រើប្រព័ន្ធគណនេយ្យមួយណា។ សូមកុំភ្លេចថាអ្នកត្រូវបង់ពន្ធដារផងដែរ។
ជយោ!!! សូមមានជ័យជំនះក្នុងមុខរបររបស់អ្នក!
- ហាមដាច់ខាតការយកអត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 267 277

របៀបសរសេរផែនការអាជីវកម្មមួយ

មិនមានផែនការដែលបានសរសេរយ៉ាងល្អសម្រាប់របស់អ្នក មុខជំនួញ មានន័យថាអ្នកបានគ្រោងនឹងបរាជ័យ. ដូច្នេះវាជាការសំខាន់ណាស់ដែលអ្នកស្វែងរករបៀបសរសេរផែនការ អាជីវកម្មរបស់អ្នកដើម្បីការពារមុខជំនួញរបស់អ្នកពីលំហូរសាច់ ប្រាក់ក្នុងពូជពង្ស.

ស្វែងរកការសរសេរផែនការអាជីវកម្មមួយគឺជារឿងដ៏ល្អ, វាមានន័យថាអ្នកមានគំនិតអាជីវកម្មមួយដែលអ្នកគឺជាអ្នកត្រៀម ខ្លួនជាស្រេចដើម្បីធ្វើការអភិវឌ្ឍដើម្បីនាំយកគំនិតនេះទៅរស់នៅ និងធ្វើឱ្យប្រាក់ចំណេញពីអាជីវកម្ម. ផែនការអាជីវកម្មមួយដែលល្អគឺលក្ខណៈសម្រាប់ការសម្រេចបាននូវគោលដៅ របស់ក្រុមហ៊ុននេះ.
ផែនការអាជីវកម្មអាចត្រូវបានគេមើលឃើញថាជាគោលបំណងនិងកម្មវត្ថុ បានថ្លែងថាអង្គការមួយធ្វើការជាមួយដូច្នេះដើម្បីសម្រេចបាននូវ គោលដៅរបស់អង្គការរបស់ខ្លួន. វិគីភីឌាកំណត់ផែនការអាជីវកម្មជាមួយសេចក្តីថ្លែងការជាផ្លូវការ នៃគោលដៅអាជីវកម្ម, មូលហេតុដែលពួកគេគឺទទួលនិងផែនការសម្រាប់ការឈានដល់ពួកគេជាមួយ នឹងសេចក្តីលំអិតនៃអ្វីដែលត្រូវការចាំបាច់ដើម្បីសម្រេចបាននូវ គោលដៅនេះ. វាគឺជាសេចក្តីថ្លែងការណ៍ច្បាស់លាស់អំពីការពិតណាស់អាជីវកម្មមួយ នៃសកម្មភាពនិងមិនត្រូវបានសរសេរក្នុង 100 ទំព័រដើម្បីបង្ហាញដល់វិនិយោគិនដែលអ្នកបានធ្វើជាច្រើននៃការ ស្រាវជ្រាវដែលជាវិនិយោគិនភាគច្រើនមិនមានពេលវេលាដើម្បីអានការ សរសេរសំពីងសំពោងកាន់តែច្រើនណាមួយ.
ដូច្នេះអ្វីដែលច្បាស់ថាតើអ្នកចង់ផែនការអាជីវកម្មនេះដើម្បី សម្រេចបាននូវ? តើអ្នកស្នើសុំជំនួយថវិកា? តើអ្នកត្រូវការវិនិយោគិនមកលើក្រុមប្រឹក្សាភិបាលឬអ្នកប្រហែលជា ចង់ផែនការមួយដើម្បីរក្សាមុខជំនួញរបស់អ្នកនៅលើផ្លូវ?
ប្រសិនបើអ្នកត្រូវការស្នើសុំសំរាប់ការផ្តល់មូលនិធិអ្នកអាច មានការពន្យល់ពីរបៀបធ្វើអាជីវកម្មដែលត្រូវការការផ្តល់មូលនិធិនេះ នឹងអាចសម្រេចបានប្រាក់ចំណេញនិងការបង់ប្រាក់មកវិញបំណុលរបស់ ខ្លួននៅក្នុងពូជពង្ស.
ម្យ៉ាងវិញទៀតប្រសិនបើអ្នកត្រូវការសរសេរសម្រាប់ការប្រើប្រាស់ របស់អ្នកវាគឺជាការពាក់ព័ន្ធអ្នកសរសេរផែនការអាជីវកម្មនេះនៅ ក្នុងជំហានដោយជំហានប្រកបដោយដូច្នេះអ្នកនឹងមិនជួបបញ្ហាបង្ហាញ ផែនការនេះ.

តើនរណាជាអ្នករៀបចំផែនការអាជីវកម្មមួយ?

សំណួរដែលមានអាជ្ញាធរមានសមត្ថកិច្ចក្នុងការសរសេរផែនការ អាជីវកម្មមួយដែលបានកើតឡើងជាញឹកញាប់. គួរតែគ្រប់គ្រងរបស់ក្រុមហ៊ុននេះបានផ្ដល់ភារកិច្ចទៅឱ្យណាមួយ នៃការផ្តល់ការងារដល់បុគ្គលិករបស់ខ្លួនឬអ្នកនិពន្ធដែលមានជំនាញ វិជ្ជាជីវៈមួយដើម្បីធ្វើការងារ? ណាមួយនៃជម្រើសដែលអ្នកបានអនុម័តនឹងតម្រូវឱ្យអ្នកធ្វើឱ្យទាន់ សម័យជាមួយនឹងអ្នកនិពន្ធព័ត៌មានគ្រប់គ្រាន់អំពីផែនការអាជីវកម្ម របស់អ្នកដូច្នេះពួកគេអាចធ្វើការងារបានល្អនៅក្នុងការរៀបចំវា.
រឿងមួយដែលអ្នកត្រូវតែទទួលក្នុងចិត្តនៅពេលធ្វើឱ្យផែនការ អាជីវកម្មរបស់អ្នកគឺជាការផ្លាស់ប្តូរសេដ្ឋកិច្ចដែលបានកើតឡើង ទៅជាឥទ្ធិពលដ៏ខ្លាំងបំផុតនៅលើអាជីវកម្មរបស់អ្នក. ប្រសិនបើអ្នកសរសេរផែនការមួយដោយគ្មានការទទួលយកកត់សម្គាល់មួយ អំពីរបៀបដែលរហូតមកដល់ពេលសេដ្ឋកិច្ចរបស់ប្រទេសនេះអាចផ្លាស់ប្តូ រ, អ្វីគ្រប់យ៉ាងនឹងធ្លាក់មកលើអ្នក. បន្ទាប់មកក៏, វានឹងមានការខ្នះខ្នែងក្នុងការសន្មត់ថាផែនការដំបូងរបស់អ្នក ទាំងអស់នឹងត្រូវបានត្រឹមត្រូវ. វាមិនមែនជាដំណើរការវិទ្យាសាស្រ្ត.

ផែនការអាជីវកម្មមួយដែលមានលក្ខណៈសាមញ្ញគួរតែរួមបញ្ចូលដូចខាងក្រោម

សង្ខេបប្រតិបត្តិ

សេចក្ដីសង្ខេបប្រតិបត្តិរបស់អ្នកគឺជាឱកាសដំបូងដែលអ្នកត្រូវ តែចាប់យកការប្រាក់វិនិយោគិនសក្តានុពលនិងគួរតែរួមបញ្ចូលរបស់ អ្នក

សេចក្តីថ្លែងការណ៍បេសកកម្ម.

ពន្យល់ពីពត៌មានលំអិតជារៀងរាល់នៃអាជីវកម្មរបស់អ្នក. តើអាជីវកម្មរបស់អ្នកធ្វើបាន, តើវាមានគម្រោងអ្វីដែលប្រភេទនៃការអតិថិជនក្នុងការបំពេញ, ចំណាយពេលរបស់អ្នកក្នុងការពន្យល់ទាំងនេះ.

ព័ត៌មានរបស់ក្រុមហ៊ុនរបស់អ្នក

ព័ត៌មានដូចជាពេលដែលក្រុមហ៊ុនរបស់អ្នកត្រូវបានបង្កើតឡើង, ឈ្មោះនិងតួនាទីនៃស្ថាបនិក, ដែលជាកន្លែងដែលក្រុមហ៊ុននេះមានទីតាំងស្ថិតនៅត្រូវបានផ្គត់ផ្គង់ នៅទីនេះ.

ផលិតផលឬសេវាបង្ហាញ.

ផ្តល់ព័ត៌មានលម្អិតនៃផលិតផលដែលបានផលិតឬប្រភេទនៃសេវាបានបង្ហាញដោយក្រុមហ៊ុនរបស់អ្នក.

ធ្វើឱ្យសេចក្ដីសង្ខេបនៃផែនការពូជពង្សមួយ

នៅក្នុងរយៈពេលប្រាំឆ្នាំខាងមុខដែលជាកន្លែងដែលមុខជំនួញរបស់ អ្នកនឹងត្រូវបាន? ពន្យល់ពីនេះនៅក្នុងផែនការអាជីវកម្មរបស់អ្នក.

ការពិពណ៌នារបស់ក្រុមហ៊ុន.

នេះគឺជាកន្លែងដែលអ្នកផ្ដល់ពត៌មាននៅលើអ្វីដែលក្រុមហ៊ុន របស់អ្នកធ្វើ, អ្វីដែលផ្នែកនៃប្រជាជនអាជីវកម្មរបស់អ្នកនឹងបម្រើ? អ្នកត្រូវបានគេគិតថាផ្តល់ព័ត៌មានលម្អិតបន្ថែមទៀតដូចជាការ
1. បញ្ជាក់ជាសមាជិកនៃប្រជាជនដែលមានអ្នកប្រើប្រាស់អនាគតនៃផលិតផលឬសេវាកម្មរបស់អ្នក.
2. ផ្តល់ព័ត៌មានលម្អិតនៃធម្មជាតិនៃអាជីវកម្មនិងការចុះបញ្ជីលើទីផ្សារត្រូវការថាអ្នកនឹងពេញចិត្ត
3. បង្ហាញពីរបៀបដែលផលិតផលឬសេវារបស់អ្នកបំពេញបានតម្រូវការដែលតម្រូវឱ្យពេញចិត្តនេះ.

វិភាគទីផ្សារ

មូលដ្ឋានគឺដើម្បីកំណត់ពីភាពទាក់ទាញនៃទីផ្សារនេះ. ពត៌មានលំអិតដើម្បីរួមបញ្ចូលនៅក្នុងផ្នែកនេះរួមបញ្ចូលទាំង

ការពិពណ៌នាឧស្សាហកម្មនិងទស្សនវិស័យ

ផ្តល់ព័ត៌មានលម្អិតនៃទំហំបច្ចុប្បន្ននិងអត្រាកំណើនជាប្រវត្តិសាស្រ្តនៃឧស្សាហកម្មរបស់អ្នក

ព័ត៌មាននៃទំហំទីផ្សារនេះ

ទំហំទីផ្សារអាចនឹងត្រូវបានវាយតំលៃជាមូលដ្ឋានលើការលក់នា ពេលបច្ចុប្បន្ននិងនៅលើការលក់សក្តានុពលប្រសិនបើការប្រើប្រាស់ ផលិតផលនេះត្រូវបានគេពង្រីក.

ព័ត៌មានប្រាក់ចំណេញលើទីផ្សារ.

ក្រុមហ៊ុនផ្សេងគ្នានៅក្នុងទីផ្សារដែលមានកម្រិតខុសគ្នានៃការ ទទួលបានប្រាក់ចំណេញនោះទេប៉ុន្តែដឹងថាប្រាក់ចំណេញជាមធ្យមមាន សក្តានុពលសម្រាប់ទីផ្សារមួយដែលមានប្រសិទ្ធភាពក្នុងការព្យាករណ៍ អំពីរបៀបដែលជួបការលំបាកឬភាពងាយស្រួលក្នុងការធ្វើការរកប្រាក់ ចំណេញអាចជា.

អង្គការនិងគ្រប់គ្រង.

ពត៌មានលំអិតនៃភាពជាម្ចាស់របស់ក្រុមហ៊ុនរបស់អ្នក, រចនាសម្ព័ន្ធរបស់អង្គការក្រុមហ៊ុនរបស់អ្នក, គុណវុឌ្ឍិសម្រាប់ក្រុមប្រឹក្សាភិបាលនៃនាយកនិងក្រុមគ្រប់គ្រង របស់អ្នកត្រូវបានទម្រង់នៅក្នុងផ្នែកមួយនៃផែនការអាជីវកម្មរបស់ អ្នក
អាជីវកម្មទាំងអស់មានរបស់ខ្លួននៅលើប្រភេទនៃការរចនាសម្ព័ន្ធ គ្រប់គ្រងដូច្នេះវាមិនមែនពាក់ព័ន្ធដែលខ្លួនរបស់អ្នកគួរតែមាន ការ akin ទៅអ្នកផ្សេងទៀត. មិនត្រូវភ្លេចថាការគ្រប់គ្រងល្អគឺជាគន្លឹះដើម្បីទទួលបានភាព ជោគជ័យគួរ Torchlight ការសម្រេចចិត្តរបស់អ្នកនៅលើប្រភេទនៃបុគ្គលិកដែលអ្នកចង់ដំឡើង ការជាអ្នកចាត់ការទូទៅនៃក្រុមហ៊ុនរបស់អ្នក
ផ្តល់ព័ត៌មានលម្អិតស្តីពីនាយកដ្ឋានឬការបែងចែកគ្នា. ព័ត៌មាននេះអាចនឹងហាក់ដូចជាមិនចាំបាច់ឱ្យអ្នកនោះទេប៉ុន្តែវា គឺជាការចាំបាច់ដល់វិនិយោគិនដែលនឹងត្រូវបានអានផែនការអាជីវកម្ម របស់អ្នកដូចដែលពួកគេចង់ដឹងថាអ្នកណាជាអ្នកទទួលខុសហើយហេតុ អ្វីបានជាពួកគេគឺជាមនុស្សដែលល្អបំផុតក្នុងការកាន់កាប់ទីតាំង នោះ.

វាយតំលៃ S.W.O.T នេះ

ស្វែងយល់ពីកត្តាខាងក្នុងនិងខាងក្រៅដែលអាចប៉ះពាល់ដល់អាជីវកម្មរបស់អង្គការ. កត្តាផ្ទៃក្នុងនេះគឺជា កម្លាំង និង ភាពទន់ខ្សោយ ខាងក្នុងអង្គការ. កត្តាខាងក្រៅគឺជា ឱកាស និង ការគំរាមកំហែង បទបង្ហាញដោយបរិស្ថាន.
ដូច្នេះវាត្រូវបានគេនិយាយថា ប្រសិនបើអ្នកដឹងថាខ្លួនឯងនិងខ្មាំងសត្រូវរបស់អ្នកដែលអ្នកអាចនឹងមួយរយប្រយុទ្ធគ្មានការខាតបង់តែមួយ.
ដោយដឹងថា SWOT របស់អ្នកនឹងជួយអ្នកក្នុងការកំណត់ឱកាសនៃការរស់រានមានជីវិតដែលមុខជំនួញរបស់អ្នកមាន.
កម្លាំង ក្នុងម៉ាទ្រីសនេះតំណាងឱ្យលក្ខណៈនៃអាជីវកម្មដែលផ្តល់ជាប្រយោជន៍ជាងអ្នកផ្សេងទៀតដែល.
ភាពទន់ខ្សោយ លក្ខណៈដែលដាក់អាជីវកម្មនៅគុណវិបត្តិមួយដែលទាក់ទងនឹងអ្នកដទៃទៀត
ឱកាសការងារ ទាំងនេះគឺជាធាតុដែលអាជីវកម្មនេះអាចទាញយកប្រយោជន៍របស់ខ្លួន. ដូច្នេះអ្នកត្រូវពិចារណាអ្វីដែលធ្វើឱ្យ? តើអង្គការរបស់លោកមានជំនាញពិសេសដែលអ្នកផ្សេងទៀតមិនមាន? តើមានគោលនយោបាយរបស់រដ្ឋាភិបាលមួយដែលជួយឱ្យអាជីវកម្មរបស់ អ្នកដែលមិនបានអនុគ្រោះអ្នកផ្សេងទៀត? ឧទាហរណ៏គឺជាពេលដែលអ្នករីករាយប៉ាតង់នៅលើផលិតផលបង្កើតសម្រាប់ រយៈពេលមួយចំនួននៃពេលវេលា.
ការគំរាមកំហែង ធាតុពិតណាស់គឺបរិស្ថានដែលអាចមានបញ្ហាឬគុណវិបត្តិទៅនឹងអាជីវកម្មមួយ.

ច្បាប់.

អាជីវកម្មរបស់អ្នកមិនអាចធ្វើការដោយគ្មានច្បាប់និងគោលនយោ បាយគ្រប់គ្រងការប្រព្រឹត្ដដែលអាជីវកម្មក៏ដូចជាការការពារ អតិថិជននិងសិទ្ធិ. ពន្យល់ពីរបៀបផលិតផលរបស់ក្រុមហ៊ុនរបស់អ្នកនឹងផ្ដល់គឺមិនមែនជា ការខុសច្បាប់នៅក្នុងប្រទេសកម្ពុជាឬបង្កគ្រោះថ្នាក់ដល់អ្នកប្រើ និងអតិថិជនរំពឹងទុក.

សង្ឃឹមថានេះជាមគ្គុទេសក៍ការសរសេរផែនការអាជីវកម្មមួយដែលអាច ជួយអ្នកបានបង្កើតសម្រាប់អាជីវកម្មរបស់អ្នកនិងជួយឱ្យវារីក លូតលាស់ដល់កម្រិតមួយដែលខ្ពស់ជាងនេះ. តើអ្នកបានបង្កើតមួយសម្រាប់អាជីវកម្មរបស់អ្នកនៅឡើយទេ? ប្រសិនបើអ្នកមិនធ្វើវានៅខាងស្ដាំទៅឆ្ងាយ!
កំពូលរូបថតរូបភាព Condesign

Friday, August 28, 2015

Thursday, August 13, 2015

វិធីសាស្ត្រ​​ ៩​យ៉ាង​ ដើម្បី​​បញ្ចុះ​បញ្ចូល​​​អតិថិជន​គ្រាក់​ៗ​ឱ្យ​ទិញ​ផលិតផល​របស់​អ្នក!

វិធីសាស្ត្រ​​ ៩​យ៉ាង​ ដើម្បី​​បញ្ចុះ​បញ្ចូល​​​អតិថិជន​គ្រាក់​ៗ​ឱ្យ​ទិញ​ផលិតផល​របស់​អ្នក!

ជំនាញ​គ្រឹះ​​​​៤​ដើម្បី​អភិវឌ្ឍន៍​​ខ្លួន​ឯង​ ពិតជា​មិន​អាច​ខ្វះ​បាន​​សម្រាប់​មនុស្ស​ជោគជ័យ

ចង់​ក្លាយ​​ជា​អ្នក​មាន​ធ្វើ​តាម​រូបមន្ត​សាមញ្ញ​​ទាំង​៤​យ៉ាង​​​នេះ ​​​អ្នក​នឹង​ជោគជ័យ!​

ត្រីវិស័យ​ទាំង​ ៧សម្រាប់​​សហគ្រិន​វ័យក្មេង​ និងគ្មាន​បទពិសោធន៍!

៥ជំហាន​​ជួយ​ឲ្យ​អ្នក​ស្វែងរក​​ដៃគូ​ត្រូវ​​មក​ធ្វើ​អាជីវកម្ម

តើធ្វើយ៉ាងណាទើបអាចក​សាង​កេរ្តិ៍ឈ្មោះ​របស់​អ្នក​ឲ្យ​ល្បី​នៅ​ក្នុង​វិស័យ​ជំនួញ?

ហេតុ​អ្វី​បាន​ជា​អតិថិជន​ត្រូវ​ជ្រើសរើស​អ្នក​ តែ​មិនមែន​ជា​គូប្រជែង​​របស់​អ្នក?

Friday, August 7, 2015

យុទ្ធសាស្ត្រ​​មុត​ស្រួច​​​ស្វែង​រក​ទីតាំង​ខ្លាញ់​សម្រាប់​បើក​អាជីវកម្ម

៧​ជំហាន​ដែល​​ត្រូវ​ធ្វើ​​ ដើម្បី​បំពេញ​ការងារ​ប្រកប​ដោយ​ថាមពល​នៅ​ពេល​ព្រឹក​​

គ្មាន​លុយ​ចង់​បង្កើត​​​អាជីវកម្ម​​ ធ្វើ​ម៉េច?

សៀវភៅ​៧ ក្បាល​រំដោះ​​សហគ្រិន​​បាក់​​ទឹកចិត្ត​ឲ្យ​រួច​ផុត​ពី​ភាព​បរាជ័យ

សៀវភៅ​ ​​១៤​ក្បាល​​​ដែល​​សហគ្រិន​សតវត្ស​ទី​២១​ ​​មិន​គួរ​មើល​រំលង​!

ផ្លែ​ដាវ​ដ៏​មុត​ស្រួច​​​​ដែល​សហគ្រិន​ត្រូវ​​សំលៀង​មុន​ចាប់​ផ្ដើម​​​បើក​អាជីវកម្ម​របស់​ខ្លួន

គន្លឹះ​១០​ចំណុច​ប្រែក្លាយ​ក្តី​សុបិន​របស់​អ្នក​ឲ្យ​ក្លាយ​ជា​សហគ្រិន​

មូលដ្ឋាន​គ្រឹះ​ទាំង​៥ ​​របស់​​​មហាសេដ្ឋី​​​​សម្រាប់​សាបព្រោះ​​​ឲ្យសហគ្រិន​ជោគជ័យ​​​​

Wednesday, August 5, 2015

របៀប​សរសេរ​ផែនការ​អាជីវកម្ម

១. រៀប​ចំ​រាល់​ព័ត៌មាន​ទាក់​ទង​នឹង​អាជីវកម្ម​លោក​អ្នក

២. សរសេរ​សង្ខេប​សេចក្ដី​ប្រតិបត្តិ​ចុងក្រោយ

៣. ប្រមូល​ផ្ដុំ​ព័ត៌មាន និង​រៀបចំ​ជា​ពហុ​សេចក្ដី​ព្រៀង

៤. ឃោសនា​ឲ្យ​ខ្លួន​ឯង និង​អាជីវកម្ម

៥. បង្ហាញ និង​ពន្យល់​អំពី​ទិន្នន័យ​ហិរញ្ញវត្ថុ​លោកអ្នក

​វិធី​បង្កើត​គម្រោង​អាជីវកម្ម​មួយ​ទំព័រ​

ការចាប់ផ្តើម​បើក​មុខរបរ​រកស៊ី​

របៀប​សរសេរ​ផែនការ​អាជីវកម្ម​មួយ

តើ​នរណា​ជា​អ្នក​រៀបចំ​ផែនការ​អាជីវកម្ម​មួយ?

សង្ខេប​ប្រតិបត្តិ

សេចក្តី​ថ្លែង​ការណ៍​បេសកកម្ម.

ព័​ត៌​មាន​របស់​ក្រុម​ហ៊ុន​របស់​អ្នក

ផលិតផល​ឬ​សេវា​បង្ហាញ.

ធ្វើ​ឱ្យ​សេចក្ដី​សង្ខេប​នៃ​ផែនការ​ពូជពង្ស​មួយ

ការ​ពិពណ៌នា​របស់​ក្រុម​ហ៊ុន.

វិភាគ​ទីផ្សារ

ការ​ពិពណ៌នា​ឧស្សាហកម្ម​និង​ទស្សន​វិស័យ

ព័ត៌មាន​នៃ​ទំហំ​ទីផ្សារ​នេះ

ព័ត៌មាន​ប្រាក់​ចំណេញ​លើ​ទីផ្សារ.

អង្គការ​និង​គ្រប់គ្រង.

វាយ​តំលៃ S.W.O.T នេះ

ច្បាប់.

Cambodia News

វិធីសាស្ត្រ ៩យ៉ាង ដើម្បីបញ្ចុះបញ្ចូលអតិថិជនគ្រាក់ៗឱ្យទិញផលិតផលរបស់អ្នក!

វិធីសាស្ត្រ ៩យ៉ាង ដើម្បីបញ្ចុះបញ្ចូលអតិថិជនគ្រាក់ៗឱ្យទិញផលិតផលរបស់អ្នក!

ជំនាញគ្រឹះ៤ដើម្បីអភិវឌ្ឍន៍ខ្លួនឯង ពិតជាមិនអាចខ្វះបានសម្រាប់មនុស្សជោគជ័យ

ចង់ក្លាយជាអ្នកមានធ្វើតាមរូបមន្តសាមញ្ញទាំង៤យ៉ាងនេះ អ្នកនឹងជោគជ័យ!

ត្រីវិស័យទាំង ៧សម្រាប់សហគ្រិនវ័យក្មេង និងគ្មានបទពិសោធន៍!

៥ជំហានជួយឲ្យអ្នកស្វែងរកដៃគូត្រូវមកធ្វើអាជីវកម្ម

តើធ្វើយ៉ាងណាទើបអាចកសាងកេរ្តិ៍ឈ្មោះរបស់អ្នកឲ្យល្បីនៅក្នុងវិស័យជំនួញ?

ហេតុអ្វីបានជាអតិថិជនត្រូវជ្រើសរើសអ្នក តែមិនមែនជាគូប្រជែងរបស់អ្នក?

យុទ្ធសាស្ត្រមុតស្រួចស្វែងរកទីតាំងខ្លាញ់សម្រាប់បើកអាជីវកម្ម

៧ជំហានដែលត្រូវធ្វើ ដើម្បីបំពេញការងារប្រកបដោយថាមពលនៅពេលព្រឹក

គ្មានលុយចង់បង្កើតអាជីវកម្ម ធ្វើម៉េច?

សៀវភៅ៧ ក្បាលរំដោះសហគ្រិនបាក់ទឹកចិត្តឲ្យរួចផុតពីភាពបរាជ័យ

សៀវភៅ ១៤ក្បាលដែលសហគ្រិនសតវត្សទី២១ មិនគួរមើលរំលង!

ផ្លែដាវដ៏មុតស្រួចដែលសហគ្រិនត្រូវសំលៀងមុនចាប់ផ្ដើមបើកអាជីវកម្មរបស់ខ្លួន

គន្លឹះ១០ចំណុចប្រែក្លាយក្តីសុបិនរបស់អ្នកឲ្យក្លាយជាសហគ្រិន

មូលដ្ឋានគ្រឹះទាំង៥ របស់មហាសេដ្ឋីសម្រាប់សាបព្រោះឲ្យសហគ្រិនជោគជ័យ

របៀបសរសេរផែនការអាជីវកម្ម

១. រៀបចំរាល់ព័ត៌មានទាក់ទងនឹងអាជីវកម្មលោកអ្នក

២. សរសេរសង្ខេបសេចក្ដីប្រតិបត្តិចុងក្រោយ

៣. ប្រមូលផ្ដុំព័ត៌មាន និងរៀបចំជាពហុសេចក្ដីព្រៀង

៤. ឃោសនាឲ្យខ្លួនឯង និងអាជីវកម្ម

៥. បង្ហាញ និងពន្យល់អំពីទិន្នន័យហិរញ្ញវត្ថុលោកអ្នក

វិធីបង្កើតគម្រោងអាជីវកម្មមួយទំព័រ

ការចាប់ផ្តើមបើកមុខរបររកស៊ី

របៀបសរសេរផែនការអាជីវកម្មមួយ

តើនរណាជាអ្នករៀបចំផែនការអាជីវកម្មមួយ?

សង្ខេបប្រតិបត្តិ

សេចក្តីថ្លែងការណ៍បេសកកម្ម.

ព័ត៌មានរបស់ក្រុមហ៊ុនរបស់អ្នក

ផលិតផលឬសេវាបង្ហាញ.

ធ្វើឱ្យសេចក្ដីសង្ខេបនៃផែនការពូជពង្សមួយ

ការពិពណ៌នារបស់ក្រុមហ៊ុន.

វិភាគទីផ្សារ

ការពិពណ៌នាឧស្សាហកម្មនិងទស្សនវិស័យ

ព័ត៌មាននៃទំហំទីផ្សារនេះ

ព័ត៌មានប្រាក់ចំណេញលើទីផ្សារ.

អង្គការនិងគ្រប់គ្រង.

វាយតំលៃ S.W.O.T នេះ