៧ សំនួរដែលលោកអ្នកគួរគិត មុនពេលដាក់ចេញគោលដៅឲ្យក្រុមការងារអនុវត្ត
ការ កំណត់ផែនការក្នុងការធ្វើអ្វីមួយច្បាស់លាស់ជាមួយនឹងសមាជិក ក្រុមការងារ មានភាពខុសគ្នាច្រើននៅពេលដែលអ្នករៀបចំផែនការតែមា្នក់ឯង ។ ការរៀបចំការងារជាក្រុមការងារ អាចជួយពង្រឹងដល់សមត្ថភាពនៃសមាជិកក្រុមការងារគ្រប់រូប និងជួយឲ្យបុគ្គលិកម្នាក់ៗយល់ពីអ្វីដែលខ្លួនត្រូវធ្វើពី មួយជំហានទៅមួយជំហាន ។ ដូច្នេះសូមលោកអ្នកសាកល្បងសួរសំនួរចំនួន៧នេះជាមុនសិនដូច ខាងក្រោមនេះដើម្បីឲ្យក្រុមការងារអនុវត្តយ៉ាងមានប្រសិទ្ធភាព ។
១) តើពេលណាស័ក្ដិសមបំផុត ដើម្បីកំណត់ផែនការដែលត្រូវធ្វើឡើង?
អ្នកគ្រប់គ្រងម្នាក់ៗតែងតែធ្វើកម្មភាពជាប្រចាំដើម្បីសម្រេចនូវ គោលដៅ ឬ អ្វីមួយដែលខ្លួនចង់បាន។ ដូច្នេះក្នុងពេលនេះ អ្នកមិនគួររងចាំពេលវេលាដែលអ្នកគិតថាសមស្របណាមួយសម្រាប់ អ្នកនោះទេ។ នេះមានន័យថា អ្នកគួរតែចាប់ផ្តើមបង្កើតផែនការជាគោលដៅរបស់អ្នកពីថ្ងៃនេះ ទៅជាមួយក្រុមការងាររបស់អ្នកតែម្តង ។
២) តើអ្នកបានសរសេរផែនការរបស់អ្នកហើយឬនៅ?
ការ សរសេរផែនការរបស់អ្នកនូវអ្វីដែលអ្នកចង់ធ្វើអាចជួយអ្នក ៨០% ដើម្បីសម្រេចផែនការរបស់អ្នក ។ មុនពេលអ្នកមិនទាន់សរសេរនូវផែនការ និង គោលដៅដែលក្រុមការងាររបស់អ្នកត្រូវទៅ អ្នកត្រូវសរសេរនៅក្នុងក្រដាស ព្រោះថា បើអ្នកមានតែនៅក្នុងក្តីស្រមៃរបស់អ្នក អ្វីៗទាំងនោះនៅតែជារឿងមិនច្បាស់លាស់ និង មិនប្រាកដប្រជាតែប៉ុណ្ណោះ ។
…៧ ជំនាញដែលឪពុកម្ដាយគ្រប់រូប ត្រូវបង្រៀនកូនៗដើម្បីក្លាយជាបុគ្គលឆ្នើមនៅពេលអនាគត!…
៣) តើសមាជិកក្រុមម្នាក់ៗបានពិនិត្យមើលផែនការជាប្រចាំដែរឬទេ?
ការ ជជែកពិភាក្សាគ្នា និង ការយល់ច្បាស់ពីផែនការដែលខ្លួនត្រូវធ្វើ គឺមានប្រសិទ្ធភាពបំផុតសម្រាប់សមាជិកដែលចូលរួមទាំងអស់ ដើម្បីដឹងពីចំណុចដែលខ្លួនត្រូវធ្វើនៅពេលខាងមុខ។
៤) តើគោលដៅដែលកំណត់ចេញមានភាពច្បាស់លាស់ឬទេ ?
អ្នក ត្រូវប្រាកដអ្វីផែនការដែលអ្នកដាក់ចេញមានភាពច្បាស់លាស់ នៃពេលវេលា និងត្រូវសមាមាត្រទៅនឹងសមត្ថភាពរបស់ក្រុមការងារទាំងនោះ។
៥) តើគ្រប់ផែនការដែលបានដាក់ឡើង មានដំណោះស្រាយដែរឬទេ?
ដើម្បី បង្កើនភាពជោគជ័យ អ្នកត្រូវប្រាកដថាទាំងខ្លួនអ្នក និង ក្រុមការងារទាំងមូល បានរៀបចំនូវដំណោះស្រាយនានាជាមុន ទុកធ្វើជាយុទ្ធសាស្ត្រ ដើម្បីបញ្ចៀសរាល់បញ្ហាផ្សេងៗដែលកើតមានឡើងដោយឥតព្រាងទុក ។
…អត្តចរិតបែបណាដែលគេវាយតម្លៃថា អាចរកលុយបានច្រើនជាងមនុស្សទូទៅ?…
៦) តើអ្នកបានត្រៀមខ្លួន និងសម្រេចចិត្តហើយឬនៅ ដើម្បីប្រឈមនឹងឧបសគ្គដែលនឹងកើតមានឡើង?
បញ្ហា ប្រឈមលំបាកៗខ្លាំងដើម្បីឈានទៅរកការសម្រេចគោលដៅរបស់អ្នក គឺតម្រូវឲ្យអ្នក មានការប្រកួតប្រជែងខ្លាំង ដោយប្រឈមជាមួយនឹងបញ្ហាកាន់តែច្រើន។ បញ្ហាទាំងនេះ នឹងកើតមាននៅពេលដែលអ្នកដាក់ចេញផែនការ ហេតុដូច្នេះអ្វីដែលអ្នកត្រូវធ្វើ គឺការត្រៀមខ្លួនដើម្បីប្រឈមទៅនឹងបញ្ហាទាំងនោះឲ្យបានមុនទើប ជាការប្រសើរ។
៧ ) តើសមាជិកក្រុមរបស់អ្នកដឹងពីជំហានដែលត្រូវដើរទៅមុខបន្តទៀតដែរឬទេ?
ដើម្បី សម្រេចផែនការមួយប្រកបដោយជោគជ័យអ្នកត្រូវកំណត់នូវជំហានដែល ត្រូវដើរឲ្យបានច្បាស់លាស់ សម្រាប់អនុវត្តប្រចាំថ្ងៃ សប្ដាហ៍ក្រោយ ឬ ខែក្រោយ ឲ្យទៅសមាជិកក្រុមការងាររបស់អ្នកបានដឹង។ ប្រការនេះ គឺជាការរួមចំណែកមួយដើម្បីក្រុមការងារម្នាក់ៗ មានទំនួលខុសត្រូវលើបេសកកម្មការងាររបស់ខ្លួននៅពេលខាងមុខ៕
ប្រែសម្រួល៖ ស៊ាន សំបុក
ប្រភព៖ enterprenuer
No comments:
Post a Comment