សាកល្បងអនុវត្តគន្លឹះ១៧ចំណុចនេះមើល៍ តើវាពិតជាអាចជួយលោកអ្នករួចផុតពីជីវភាពខ្សត់ខ្សោយបានដែរឬទេ?
គន្លឹះ១៧ចំណុច ជួយប្រែក្លាយអ្នកពីជីវភាពក្រីក្រ ទៅជាអ្នកមានបានដ៏ស្តុកស្តម្ភនៅពេលអនាគតប្រភព៖ clipdealer
ប្រិយមិត្ត
ច្បាស់ជាដឹងហើយថា ហេតុអ្វីបានជាមនុស្សមួយចំនួននៅតែក្រ
តែមនុស្សមួយចំនួនទៀតគឺជាអ្នកមាន? អ្នកខ្លះមាន
អ្នកខ្លះក្រមកពីព្រេងសំណាងរបស់គេ ឬ
ក៏ព្រហ្មលិខិតបានចារមកពីជាតិមុន?
មានដែរមនុស្សមួយចំនួនទៀតបានខិតខំរកស៊ីស្ទើរគ្មានពេលសម្រាក
តែនៅតែមិនមាន
ខណៈដែលអ្នកខ្លះទៀតគ្រាន់តែដេកអង្គុយសុកៗស្រាប់តែមានព្រេង
សំណាងក្លាយជាអ្នកមានទាំងមិនដឹងខ្លួន។
ទោះបីជាយ៉ាងណាក៏ដោយនេះជាជីវិត ហើយសម្រាប់អ្នកក្រវាមិនប្រាកដថា
សុទ្ធតែស្ថិតនៅក្នុងស្ថានភាពជីវភាពក្រីក្ររហូតនោះដែរឲ្យតែ
អនុវត្តតាមយុទ្ធសាស្ត្រទាំង១៧ ចំណុចនេះ។
១) ទិញអ្វីដែលចាំបាច់ កុំទិញអ្វីដែលអ្នកចង់បានមាន
កម្មវត្ថុពីរយ៉ាងសម្រាប់អ្នកមុនហូតលុយចេញពីហោប៉ៅនោះ
គឺ ទិញអ្វីដែលចាំបាច់ ឬក៏ទិញអ្វីដែលអ្នកចង់បាន។
តែយ៉ាងណាក្តីសូមឲ្យប្រាកដថា
ដើម្បីក្លាយជាអ្នកមានបានលុះត្រាតែអ្នកទិញអ្វីដែលចាំបាច់
ជាជាងទិញអ្វីដែលអ្នកគិតថា វាគ្មានប្រយោជន៍សម្រាប់អ្នក។
…ជំនាញគ្រឹះទាំង៥ ប្រែក្លាយអ្នកពីមនុស្សសាមញ្ញទៅជាសហគ្រិនអ្នកមាន…
២) ចំណាយឲ្យតិចជាងចំណូល ជាឧទាហរណ៍អ្នករក
ចំណូលបាន២០០ដុល្លារក្នុងមួយខែ
ហើយអ្នកបានចំណាយទៅវិញត្រឹមតែ១៣០ទៅ ១៥០ ដុល្លារក្នុងមួយខែ
នោះមានន័យថា ច្រកទ្វារក្លាយជាអ្នកមានបានកំពុងរង់ចាំអ្នក។
តើបើចំណាយច្រើនជាងចំណូលវិញនោះ
មានតែត្រៀមខ្លួនធ្វើជាអ្នកក្រតែប៉ុណ្ណោះ។
៣) ត្រូវធានាថា អ្នកមិនជំពាក់ប្រាក់គេរាល់អ្វីៗដែលអ្នកទិញតម្លៃ
ស្នាក់នៅ ហូបចុក ទិញសម្ភារៈប្រើប្រាស់ និង
ការចំណាយផ្សេងៗទៀតនឹងមិនធ្វើឲ្យធ្លាក់ចូលក្នុងក្រញាំបំណុល
អ្នកដទៃលុះត្រាតែអ្នកធានាថា
អ្នកមានលទ្ធភាពគ្រប់គ្រាន់ទូទាត់លើការចំណាយទាំងអស់នេះបាន។
បើមិនគ្រប់គ្រាន់ទេ
សាកល្បងកាត់បន្ថយការចំណាយឡើងវិញឲ្យបានតិចជាងមុន
ហើយបង្កើតគម្រោងហិរញ្ញវត្ថុមួយឲ្យមានប្រសិទ្ធភាព។
៤) ត្រូវចេះអត់ធ្មត់អ្នកនឹងជួបបញ្ហាតានតឹង
ផ្លូវចិត្តនៅពេលដែលអ្នកគ្មានលុយគ្រប់គ្រាន់ក្នុងហោប៉ៅសម្រាប់
ចំណាយអ្វីមួយ។ យ៉ាងណាមិញ
សូមកុំជំរុញស្ថានការណ៍នេះឲ្យកាន់តែអាក្រក់ជាងមុន
តែត្រូវរៀនសូត្រឲ្យមានការអត់ធ្មត់ខ្ពស់បន្តិច
ព្រោះគោលដៅរបស់អ្នកមិនអាចសម្រេចក្នុងមួយប៉ប្រិចភ្នែកបានឡើយ។
វាត្រូវការពេលវេលារង់ចាំ
ទន្ទឹមនឹងការខិតខំប្រឹងប្រែងរបស់អ្នកដើម្បីបុព្វហេតុទាំងនោះ
ក្នុងរយៈពេលដ៏យូរ។
៥) ត្រូវប្រញាប់ប្រញាល់សន្សំប្រាក់ទុកដរាបណា
អ្នកកាន់តែសន្សំប្រាក់បានកាន់តែឆាប់
អ្នកកាន់តែឆាប់ក្លាយជាអ្នកមាន។
ប្រសិនបើអ្នកមានលទ្ធភាពសន្សំប្រាក់ទុកក្នុងអាយុខ្ទង់ ២០ ឬ
៣០ឆ្នាំ
នេះនឹងជួយជំរុញឲ្យអ្នកឈរនៅលើទីតាំងមួយផុតចេញពីមាត់ជ្រោះ
ភាពក្រីក្រ និង
កាន់តែអាចមានលទ្ធភាពពង្រីកអាជីពការងារកាន់តែប្រសើរឡើង។
…អាថ៌កំបាំងទាំង ៥ ដែលអ្នកក្រគួរដឹងពីជីវិតអ្នកមាន…
៦) ធ្វើការងារដែលអ្នកស្រលាញ់ កុំធ្វើការដើម្បីលុយបើ
អ្នកធ្វើការងារដើម្បីតែលុយមួយមុខ
មិនធ្វើការងារណាមួយដែលអ្នកពេញចិត្តស្របតាមសមត្ថភាព និង
ជំនាញរបស់អ្នក
នោះជីវិតរបស់អ្នកមិនអាចសម្រេចបំណងជាដុំកំភួនបានឡើយ។ យ៉ាងណាមិញ
ធ្វើការដែលអ្នកស្រលាញ់នឹងជួយពង្រឹងអាជីពរបស់អ្នក
ហើយទីបំផុតលុយនឹងរត់តាមអ្នកយ៉ាងពិតប្រាកដ។
៧) សន្សំប្រាក់ទុកសម្រាប់គ្រាអាសន្នបើមាន
លទ្ធភាពគ្រប់គ្រាន់ក្រៅពីប្រាក់សន្សំប្រចាំខែ
អ្នកគួរមានប្រាក់សន្សំមួយទៀតសម្រាប់បំរុងទុកប្រើប្រាស់នៅពេល
មានគ្រាអាសន្នណាមួយ
ត្បិតអីវាមិនបណ្តាលឲ្យអ្នករត់ទៅខ្ចីបំណុលអ្នកដទៃនៅពេលដែល
វាចូលមកដល់។
នេះជាគន្លឹះមួយការពារហានិភ័យផ្សេងៗយ៉ាងមានប្រសិទ្ធភាពបំផុត។
៨) ដោះបំណុលដែលនៅសេសសល់ឲ្យរួចប្រិយមិត្ត
គ្រប់រូបត្រូវចង់ចាំក្នុងចិត្តថា
អ្នកដែលមានសេរីភាពហិរញ្ញវត្ថុពោលគឺមានលុយគ្រប់គ្រាន់សម្រាប់ការ
ចំណាយរបស់ខ្លួន គឺជាចំណែកសុភមង្គលដ៏ធំធេងរបស់អ្នក។
ប៉ុន្តែបើអ្នកបានធ្លាក់ក្នុងបំណុលអ្នកដទៃ
ចូរដោះបំណុលនោះឲ្យរួចឲ្យបានកាន់តែឆាប់កាន់តែល្អត្បិតអីវាជា
ជំងឺមហារីកនៃភាពក្រីក្រ។ វិធីសាស្ត្រដោះបំណុលគឺ
កាត់បន្ថយការចំណាយឲ្យបានខ្ពស់ មានគម្រោងហិរញ្ញវត្ថុច្បាស់លាស់
ឬក៏បើមានបំណុលច្រើនម្ចាស់
ត្រូវផ្តល់អាទិភាពដោះបំណុលណាមួយដែលមានចំនួនច្រើនជាងគេ។
៩)ខិតខំធ្វើការឲ្យបានច្រើន និង មានការព្យាយាមបន្តិចសម្រាប់
ការងារអាជីពរបស់អ្នកវិញ
អ្នកត្រូវខិតខំធ្វើការឲ្យបានច្រើនកាន់តែល្អជាពិសេសនៅពេលពេញ
វ័យនេះតែម្តងព្រោះវាបានផ្តល់តម្លៃមួយមកវិញជាមួយហិរញ្ញវត្ថុ
ដ៏ច្រើនជាងធម្មតា។ លើសពីនេះទៅទៀត
អ្នកត្រូវមានការព្យាយាមឲ្យបានច្រើនផងដែរ
ព្រោះការព្យាយាមគឺជាកូនសោចាក់យកកំណប់ជាច្រើនឆ្ពោះក្លាយទៅជា
អ្នកមានប្រាក់ស្តុកស្តម្ភ។
១០) ធ្វើការងារថែមម៉ោង ឬ ការងារបន្ទាប់បន្សំចំពោះ
ការងារប្រចាំថ្ងៃរបស់អ្នក
បើអ្នកចង់ឲ្យបានប្រាក់ចំណូលកាន់តែច្រើន
អ្នកគួរធ្វើការងារថែមម៉ោងឲ្យបានច្រើនបន្តិច។
ប៉ុន្តែក្រៅពីការងារគោល
នៅមានការងារមួយទៀតដែលធ្វើឲ្យអ្នកកាន់តែទទួលបានប្រាក់ចំណូល
នោះគឺការងារក្រៅម៉ោង (Part-Time Jobe)។
សូមលៃលកពេលវេលាបន្ថែមធ្វើយ៉ាងម៉េចឲ្យមានការងារទី២
ទើបជាការប្រសើរដែលអាចជួយសន្សំប្រាក់ចំណូលរបស់អ្នក។
…ការជំពាក់បំណុលរបស់អ្នកមាន និង អ្នកក្រខុសគ្នាដូចម្តេច?…
១១) ពង្រីកជំនាញគ្រប់គ្រងគ្រងហិរញ្ញវត្ថុអ្នក
ដែលពូកែចាត់ចែងហិរញ្ញវត្ថុ
គឺជាមនុស្សដែលមានភាគរយខ្ពស់ក្លាយទៅជាអ្នកមាន
ត្បិតអីបុគ្គលទាំងនេះគ្រប់គ្រងប្រាក់ចំណូលបានល្អប្រសើរជាង
មនុស្សដទៃទៀត។ សម្រាប់អ្នកក៏ដូច្នេះដែរ
អ្នកត្រូវពង្រីកជំនាញគ្រប់គ្រងហិរញ្ញវត្ថុនេះឲ្យបានច្រើន
ព្រោះវានឹងធ្វើឲ្យអ្នកដឹងថា
តើការចំណាយរបៀបណាទើបជាការត្រឹមត្រូវ និង មានប្រសិទ្ធភាព?
១២) ប្រកាន់ខ្ជាប់គោលការណ៍ខ្លួនឯងជាចម្បងងាក
មកមើលការចំណាយវិញបើអ្នកដឹងថា
អ្នកមានលទ្ធភាពត្រឹមតែជួយជ្រោមជ្រែងខ្លួនឯងប៉ុណ្ណោះអ្នកគួរតែ
ធ្វើវាទៅមិនចាំបាច់ទៅអះអាងជំនួសមុខជាពិសេសលើការចំណាយចេញថ្លៃ
អ្វីៗឲ្យអ្នកណាម្នាក់នោះឡើយ។ បើមិនដូច្នេះទេ
ក្តីស្រមៃក្លាយជាអ្នកមានរបស់អ្នកអាចនៅឆ្ងាយពីអ្នកបន្តិចហើយ
។
១៣) វិនិយោគឲ្យខ្លួនឯងវិនិយោគឲ្យខ្លួនឯងនៅ
ពេលនេះ
សំដៅលើការវិនិយោគទាំងឡាយណាដែលអ្នកត្រូវចំណាយប្រាក់សម្រាប់
ពង្រីក និង ពង្រឹងចំណេះដឹង
រួមទាំងការអភិវឌ្ឍសមត្ថភាពអាជីពការងាររបស់អ្នក។
នៅពេលដែលសមត្ថភាពជំនាញរបស់អ្នកកាន់តែអភិវឌ្ឍ
នោះប្រាក់ចំណូលរបស់អ្នកក៏កាន់តែកើនទៅតាមនោះដែរ។
១៤) ត្រូវសន្សំប្រាក់ទុកសម្រាប់វិនិយោគបើ
អ្នកអាចសន្សំប្រាក់បានច្រើនហើយ
អ្នកមិនគូរទុកប្រាក់ទាំងនោះឲ្យកណ្ដៀរកោរកណ្តុរកាត់នោះឡើយ
ពោលគឺត្រូវប្រើប្រាស់ឲ្យបង្កើតប្រាកចំណូលបន្ថែម។
ដូច្នេះអ្នកអាចយកវាទៅវិនិយោគ ឬ
រកស៊ីអ្វីផ្សេងៗទៀតដូចជានៅក្នុងវិស័យអចលនទ្រព្យ ឬ
ពង្រីកមុខរបរអាជីវកម្មណាមួយជាដើម។
…រោគសញ្ញា៧យ៉ាងធ្វើឱ្យអ្នកហែលឆ្លងមិនផុតពីភាពក្រីក្រ!…
១៥) ចង់ក្លាយជាអ្នកមាន ត្រូវមានមហិច្ឆតាឲ្យកាន់តែធំមហិច្ឆតា
សើរៗ
ស្ទាក់ស្ទើរច្រើនមិនអាចធ្វើឲ្យអ្នកសម្រេចក្តីសុបិន្តធំក្លាយជា
អ្នកមានបានឡើយ។ ផ្ទុយទៅវិញបើដាក់ចិត្តថាចង់ក្លាយជាអ្នកមាន
អ្នកត្រូវមានមហិច្ឆតា និង គោលដៅយ៉ាងធំដែលត្រូវដើរ
ជាមួយនឹងគម្រោងយ៉ាងច្បាស់លាស់សម្រាប់ដើរដើម្បីសម្រេចគោលបំណង
ទាំងនេះ។
១៦) មានជំនឿថា ដំណោះស្រាយពិតជាមានរាល់គ្រប់បញ្ហាទាំងអស់បើ
អ្នកយល់ថា ផ្លូវដែលអ្នកដើរកន្លងមកបានមកដល់ផ្លូវទល់ច្រក
ហើយមិនអាចស្វែងករដំណោះស្រាយផ្សេងក្រៅពីអង្គុយរង់ចាំលទ្ធផលមក
ដល់នោះ នោះមានន័យថា ភាពជឿជាក់របស់អ្នកនៅមានកម្រិត។ សូមចាំថា
មិនថាបញ្ហាទាំងនោះតូចក្តី ធំក្តី សុទ្ធតែមានច្រកដើរជាច្រើន
ពោលគឺអ្នកមិនត្រូវងាប់ក្រឡាលើផ្លូវតែមួយនោះឡើយ។
១៧) ចង់ក្លាយជាអ្នកមាន ត្រូវតែចេញទៅរកលុយអ្នក
គ្រាន់តែមានមហិច្ឆតាចង់ក្លាយជាអ្នកមាន តែបានដេករង់ចាំឱកាស
និង ព្រេងសំណាងមកដល់ នោះវាគ្មានប្រយោជន៍នោះឡើយ។
តែវាទៅរួចបើអ្នក ពុះពារដើម្បីស្វែងរកការងារជាច្រើន ឬ
បង្កើតមុខរបរស្វែងរកប្រាក់ចំណូលនៅខាងក្រៅ
ត្បិតអីនៅលើពិភពលោកនេះបង្កប់ដោយធនធានយ៉ាងច្រើនមហាសាលដែលមិន
អាចមានអ្នកណាម្នាក់មានសមត្ថភាពទាញយកអស់នោះឡើយ៕
