ព្យាយាមសួរ និង ឆ្លើយសំនួរទាំង១០នេះរៀងរាល់ថ្ងៃដើម្បីឲ្យគោលដៅអាជីវកម្មជោគជ័យបន្តិចម្តងៗ
នៅ ក្នុងកិច្ចការអាជីវកម្មប្រចាំថ្ងៃ ដរាបណាអ្នកបានរៀបចំគ្រោងជាមុនបានយ៉ាងត្រឹមត្រូវ លម្អិត និង ច្បាស់លាស់ ដរាបនោះអ្នកអាចអនុវត្តគម្រោងរបស់កាន់តែងាយស្រួល និង កាន់តែរហ័សទទួលបានលទ្ធផលតាមអ្វីដែលអ្នកគ្រោងទុក។ នៅទីនេះ ប្រិយមិត្តជាពិសេស សហគ្រិន អាជីវករទូទៅសាកព្យាយាមសួរខ្លួនឯង និង ឆ្លើយសំនួរចំនួន ១០ នេះ ដែលជាគន្លឹះបង្កើតគម្រោងមួយសម្រាប់បំពេញភាពខ្វះចន្លោះ ឬ ចំណុចខ្សោយក្នុងអាជីវកម្មរបស់អ្នក។ សំនួរទាំង១០ នេះរួមមាន៖
១) តើផលិតផល និង សេវាកម្មពិតប្រាកដរបស់ខ្ញុំគឺជាអ្វី?ជា ការពិតអ្នកអាចបង្កើតអាជីវកម្មបានលុះត្រាតែអ្នកមានផលិតផល ឬ សេវាកម្មមួយផ្តល់ឲ្យគេ។ បើដូច្នេះមែន អ្នកត្រូវប្រាកដថា ផលិតផល ឬសេវាកម្មរបស់អ្នកពិតជាមានពិតប្រាកដមែនសម្រាប់ផ្តល់ជូនទៅ ឲ្យអតិថិជនរបស់អ្នកនៅក្នុងពេលវេលាមួយសមស្រប ទីកន្លែង តម្លៃ គុណភាព និង ត្រឹមត្រូវតាមច្បាប់ពិតប្រាកដ។
…សហគ្រិនវ័យក្មេងកំពូលៗទាំង៨រូប មានអាយុត្រឹមជាង ២០ឆ្នាំ បង្ហាញគន្លឹះធ្វើឲ្យអាជីវកម្មជោគជ័យ…
២) តើអ្នកណាខ្លះជាអតិថិជនរបស់ខ្ញុំ?ងាកមក មើលអតិថិជនវិញវាមិនមែនជារឿងមួយងាយស្រួលនោះឡើយ ព្រោះថាអតិថិជនមានច្រើនបែបសណ្ឋាន។ ចាស់ ក្មេង ប្រុស ស្រី មាន ក្រ អ្នកទីក្រុង ឬ ជនបទ ទាំងនេះសុទ្ធតែអ្វីដែលអ្នកត្រូវសិក្សាថា តើផលិតផល ឬ សេវាកម្មរបស់ស្របនឹងការចង់បានរបស់ក្រុមមនុស្សណាមួយក្នុង ចំណោមប្រភេទមនុស្សខាងក្រោមនេះ?
៣) ហេតុអ្វីបានជាអតិថិជនត្រូវទិញផលិតផលរបស់ខ្ញុំ?នេះ ជាសំនួរដ៏សំខាន់បំផុតមួយព្រោះថា អតិថិជនជាច្រើនរត់មករកអ្នកលុះត្រាតែ សេវាកម្ម ឬ ផលិតផលរបស់អ្នកមានអ្វីម្យ៉ាងជាពិសេសផ្តល់គុណតម្លៃដល់ពួកគេ។ គុណតម្លៃទាំងនេះ មានដូចជា ផលិតផលមានគុណភាពល្អ លក់ក្នុងតម្លៃប្រកួតប្រជែងសមរម្យ ត្រឹមត្រូវ សេវាកម្មល្អ និង មានគុណប្រយោជន៍សម្រាប់យកទៅប្រើប្រាស់។
៤) តើអតិថិជនរបស់ខ្ញុំបានឲ្យតម្លៃទៅលើអ្វី?ការ ពិតអតិថិជនតែងមានទស្សនៈខុសគ្នាទៅលើសេវាកម្ម ឬ ផលិតផលរបស់អ្នក។ អតិថិជនមួយចំនួនចង់បានតម្លៃទាបតែមានគុណភាព។ អតិថិជនខ្លះចង់បានគុណភាពល្អតែមិនសូវខ្វះពីតម្លៃប៉ុន្មាននោះ ទេ។ ប៉ុន្តែក៏មានដែរដែលអតិថិជនមួយចំនួនទៀតដែលគិតគូរពីតម្លៃជា សំខាន់មិនសូវគិតគូរពីគុណភាព តែនេះមានតិចតួចណាស់។ នេះហើយជាអ្វីដែលអ្នកត្រូវស្ទាបស្ទង់ចិត្តសាស្ត្ររបស់ពួកគេ ដើម្បីរៀបចំយុទ្ធសាស្ត្រមួយមិនអនុញ្ញាតឲ្យពួកគេត្រលប់ទៅវិញដោយ ដៃទទេ។
…ហេតុអ្វីបានជាអតិថិជនត្រូវជ្រើសរើសអ្នក តែមិនមែនជាគូប្រជែងរបស់អ្នក?…
៥) តើអ្វីទៅអាចធ្វើឲ្យផលិតផល ឬ សេវាកម្មរបស់ខ្ញុំយកឈ្នះពីគូប្រជែងបាន?នេះ ជាកត្តាសំខាន់ ព្រោះថាបើអ្នកគ្រាន់តែដឹងថា អតិថិជនត្រូវការផលិតផល ឬ សេវាកម្មល្អមានគុណតម្លៃពិតប្រាកដចំពោះពួកគេ តែអ្នកមិនបានដឹងពីគន្លឹះផ្តល់ជូនទាំងនេះមានប្រសិទ្ធភាព វានៅតែគ្មានប្រយោជន៍។ គេសង្កេតឃើញថា ក្តៅពីគុណភាព តម្លៃ សេវាកម្ម ការប្រកួតប្រជែង ការជួយស្វែងរកដំណោះស្រាយរាល់បញ្ហានានារបស់អតិថិជនគឺជា កម្មវត្ថុក្នុងចំណុចនេះដែរ។
៦) តើអ្វីខ្លះដែលអតិថិជនរបស់ខ្ញុំមិនទិញ?ដូច អ្វីដែលបានរៀបរាប់នៅក្នុងចំណុចទី៤ អតិថិជនទាំងអស់មិនមែនសុទ្ធតែទិញផលិតផលរបស់អ្នកនោះឡើយ ហើយរមែងមានបំណងខុសៗគ្នា។ ហេតុដូច្នេះហើយអ្នកត្រូវកំណត់ពីផលិតផល ឬសេវាកម្មដែលអតិថិជនចង់ទិញ និង មិនចង់ទិញ ហើយអាចរៀបចំយុទ្ធសាស្ត្រជាច្រើនឲ្យមានប្រសិទ្ធភាពជាងមុន ចាក់ចំបេះដូងរបស់ពួកគេតែម្តង។
៧) ហេតុអ្វីបានជាអតិថិជនរបស់ខ្ញុំត្រូវទិញផលិតផល ឬ សេវាកម្មពីគូប្រជែងរបស់ខ្ញុំ?វា ជាចម្ងល់មួយដែលអ្នកត្រូវស្វែងយល់ពីមូលហេតុដែលអតិថិជនជាច្រើន វេចបង្វេចពីអ្នកទៅជ្រកកោនជាមួយគូប្រជែងរបស់អ្នក។ ពេលខ្លះទោះបីជាអ្នកមានផលិតផល ឬ សេវាកម្មមានគុណភាព ឬ មានតម្លៃថោកជាងគូប្រជែងរបស់អ្នកតែមិនប្រាកដថា វាគ្រប់គ្រាន់នោះឡើយ។ ការមិនរាក់ទាក់ និង មិនផ្តល់ភាពកក់ក្តៅប្រកបដោយទំនុកចិត្តខ្ពស់ដល់ពួកគេ ក៏ជាចំណុចខ្សោយមួយដែលអ្នកចាញ់គូប្រជែងរបស់អ្នកដែរ។
…ហេតុអ្វីបានជាអតិថិជនត្រូវជ្រើសរើសអ្នក តែមិនមែនជាគូប្រជែងរបស់អ្នក?…
៨) តើអ្វីខ្លះដែលអតិថិជនរបស់ខ្ញុំត្រូវទិញពីគូប្រជែងរបស់ខ្ញុំ?តាម ពិតទៅនៅក្នុងចំណុចនេះ អតិថិជនរបស់អ្នកគ្មានអ្វីទិញក្រៅពីផលិតផល ឬ សេវាកម្មគូប្រជែងរបស់អ្នកនោះឡើយ។ ប៉ុន្តែបើយុទ្ធសាស្ត្រទីផ្សារដែលមានជាអាទិ៍ផលិតផល ឬ សេវាកម្មរបស់គូប្រជែងរបស់អ្នកអន់គ្មានគុណភាព តម្លៃកប់ពពក មិនរាក់ទាក់ បាត់បង់ភាពកក់ក្តៅ និងជំនឿជាក់ដល់អតិថិជន ផ្តល់ផលិតផល ឬ សេវាកម្មដោយមិនស្មើភាពក្នុងតម្លៃឬ គុណភាពខុសគ្នា ទាំងនេះជាហេតុផលនៅពីក្រោយអាថ៌កំបាំងមួយនេះ។
៩) តើខ្ញុំត្រូវធ្វើដូចម្តេចខ្លះដើម្បីឲ្យអតិថិជនទាំងនោះចាកចេញ ពីគូប្រជែងរបស់ខ្ញុំមកទិញផលិតផល ឬសេវាកម្មរបស់ខ្ញុំ?នេះ ជាបញ្ហាស្មុគស្មាញមួយព្រោះថាកាលដែលអតិថិជនរកស៊ីជាមួយគូប្រជែង របស់អ្នកក៏ដោយសារគូប្រជែងរបស់អ្នកមានអ្វីជាពិសេស ខណៈដែលពួកគេក៏បានកសាងគ្រឹះដ៏រឹងមាំជាមួយគ្នាទៀតរួចទៅហើយផង ដែរ។ យ៉ាងណាមិញ អ្នកអាចដោះស្រាយបានបញ្ហាដោយត្រូវឈរនៅជ្រុងម្ខាងនៃដៃគូ ប្រជែងរបស់អ្នក ឬ ក៏តាមរយៈការចំណាយប្រាក់ទិញទឹកចិត្តអតិថិជនរបស់ដៃគូប្រជែង ធ្វើឲ្យអតិថិជនដៃគូប្រកួតក្លាយជា VIP របស់អ្នក យុទ្ធសាស្ត្រប្រើបណ្ដាញសង្គមទំនាក់ទំនងទៅកាន់ពួកគេ និង រក្សាទំនាក់ទំនងកុំឲ្យដាច់ជាដើម។
១០) មានចំណុចមួយដែលធ្វើឲ្យអតិថិជនទិញផលិតផល ឬ សេវាកម្មរបស់ខ្ញុំ តើនោះគឺជាអ្វី?ចម្លើយ ដ៏ខ្លី ហើយប្រិយមិត្តអាចយល់បាននោះគឺធ្វើឲ្យផលិតផល ឬ សេវាកម្មរបស់អ្នកផ្តល់ជូនអតិថិជនឲ្យខុសប្លែកពីគូប្រជែងរបស់ អ្នក។
…ធ្វើយ៉ាងម៉េចអាចលួចយកអតិថិជនរបស់ដៃគូប្រជែងបាន?…
នៅពេលដែលអ្នកព្យាយាមសួរ និង ឆ្លើយសំនួរទាំងនេះ ជំហានបន្ទាប់ដែលជាគម្រោងរបស់អ្នកគឺរៀបចំគោលដៅច្បាស់លាស់មួយ សម្រាប់លក់ និង គម្រោងបង្កើនប្រាក់ចំណូល។ អ្នកត្រូវកំណត់ឲ្យជាក់លាក់ពីអតិថិជនដែលត្រូវទិញ ប្រាក់ចំណូល ការផ្សព្វផ្សាយ ការស្វែងរកទីផ្សារ ការចែកចាយ ការគ្រប់គ្រងសេវាកម្ម ឬ ផលិតផលអតិថិជន និង ទីតាំងត្រឹមត្រូវ ដើម្បីសម្រេចគោលដៅរបស់អ្នក៕
ប្រែសម្រួល៖ ខេវិន
ប្រភព៖ Entrepreneur
No comments:
Post a Comment