Cambodia News

Wednesday, March 25, 2015

គន្លឹះយ៉ាងងាយស្រួល Download ចម្រៀងពី Youtube ឱ្យចេញជា MP3 តែម្ដង មិនបាច់ដំឡើងកម្មវិធីអ្វីទាំងអស់

ចម្រៀង MP3 និងវីដេអូ (avi, mp4 …) គឺមានលក្ខណៈពិសេសមួយបែបម្នាក់ ហើយត្រូវបានបើក (play) ក្នុងកាលៈទេសៈមិនដូចគ្នាទេ។ ចំពោះលោកអ្នកដែលមមាញឹកច្រើន ទាំងការសិក្សា និងការងារនោះ ប្រហែលពុំមានពេលច្រើនសម្រាប់ការទស្សនាវីដេអូចម្រៀង ប៉ុន្តែក៏នៅតែចូលចិត្តស្ដាប់ចម្រៀងពេលកំពុងបំពេញកិច្ចការ។ ដូច្នេះ ចម្រៀង MP3 គឺជាជម្រើសល្អជាងចម្រៀងវីដេអូ ព្រោះលោកអ្នកត្រូវការស្ដាប់តែចម្រៀងកំដរអារម្មណ៍ មិនជាវីដេអូនោះឡើយ។

បច្ចុប្បន្នបណ្ដាញចែករំលែកវីដេអូ YouTube ទទួលបានការគាំទ្រយ៉ាងខ្លាំង ក្នុងមួយថ្ងៃៗ មនុស្សមិនតិចទេដែលចូលទៅស្ដាប់ និងដោនឡូដ (download) ចម្រៀងពីក្នុងនោះ។ កម្មវិធីសម្រាប់ Download វីដេអូ ដែលកំពុងពេញនិយមគឺ Internet Download Manager ប៉ុន្តែវាអាច Download បានតែវីដេអូប៉ុណ្ណោះ ពោលមិនមានមុខងារដោនឡូដចម្រៀងជា MP3 ឡើយ។

យ៉ាងណា គេក៏មានជម្រើសក្នុងការដំឡើង add ons នៅលើកម្មវិធី browser សម្រាប់ download ចម្រៀង MP3 ក៏បាន។ ចំណែកទំព័រនេះ TheBNEWS សូមលើកយកនូវគន្លឹះងាយស្រួលនិងសាមញ្ញ ក្នុងការទាញយក (download) វីដេអូពី Youtube ឱ្យចេញជាឯកសារ MP3 តែម្ដង ដោយមិនត្រូវការដំឡើងកម្មវិធីអ្វីទាំងអស់។ សូមអនុវត្តតាមរបៀបបន្តបន្ទាប់ខាងក្រោម៖

១) បើកចូលគេហទំព័រ YouTube គឺ youtube.com រួចហើយ ស្វែងរកបទចម្រៀង ឬវីដេអូផ្សេងៗដែលអ្នកចង់ Download។

២) ចម្លង (copy) អាសយដ្ឋាន URL ដែលស្ថិតនៅផ្នែកខាងលើគឺ Address bar នៃកម្មវិធី browser រួចហើយ។

៣) បើក tab នៃកម្មវិធី browser ថ្មី រួចចូលទៅកាន់អាសយដ្ឋាន www.youtube-mp3.org។ បន្ទាប់មកបិទ Paste នៅក្នុងប្រអប់ URL នៃគេហទំព័រ youtube.mp3 (ដូចរូប) ហើយចុចលើប៊ូតុង Covert Video

៤) ចុងក្រោយ គ្រាន់តែចុចលើប៊ូតុង Download (ដូចរូប) ជាការស្រេច។

សាកល្បងម្ដងមើល៍ តើជោគជ័យឬទេ? ប្រសិនប្រិយមិត្តមានគន្លឹះពាក់ព័ន្ធនឹងការ download ចម្រៀង mp3 ពី YouTube ទៀត អាចចែករំលែកជាមួយ TheBNEWS តាមរយៈប្រអប់ comment ខាងក្រោមបានណា៎ …

Thursday, March 12, 2015

រៀនពីរបៀបសន្សំលុយក្លាយជាអ្នកមានពីមហាសេដ្ឋីល្បីៗនៅលើពិភពលោក

ប្រិយមិត្ត អ្នកអានច្បាស់ជាឆ្ងល់ថា ហេតុអ្វីបានជាបុគ្គលមួយចំនួនក្លាយជាមហាសេដ្ឋី? តើមហាសេដ្ឋីទាំងនោះរកលុយបានដោយរបៀបណាទៅ? តែគួរឲ្យស្តាយអ្វីប្រិយមិត្តបានស្គាល់នៅពេលដែលឆាកជីវិតរបស់ បុគ្គលទាំងនេះក្លាយជាមហាសេដ្ឋីទៅហើយ តែប្រហែលជាមិនបានដឹងពីជីវប្រវត្តិរបស់បុគ្គលទាំងនោះនៅពេល អតីតកាលនោះឡើយ។ នេះជារឿងមួយ តែអ្វីដែលប្រិយមិត្តគួរស្វែងយល់នៅពេលនេះ នឹងទំនងជាអ្វីដែលលោកអ្នកចង់ដឹងផងនោះ គឺគន្លឹះក្លាយជាអ្នកមានតែម្តង។ គន្លឹះក្លាយជាអ្នកមានគឺការសន្សំប្រាក់នេះឯង ដែលគ្មានមហាសេដ្ឋីទាំង៧ រូបណាមួយខាងក្រោមនេះបដិសេធន៍បានឡើយ ហើយឲ្យតម្លៃវាជាពិសេសទៀតផង។ តើមហាសេដ្ឋីទាំងនេះមានគន្លឹះសន្សំប្រាក់ដូចម្តេចទើបក្លាយជា អ្នកមាន? សូមតាមដានដូចខាងក្រោម៖

១) មហាសេដ្ឋី Bill Gates
មហាសេដ្ឋីដំបូងដែលចូលមកបង្ហាញវិធីសាស្ត្រសន្សំលុយជូនប្រិយមិត្ត នៅពេលនេះគឺមហាសេដ្ឋីមានជាងគេបំផុតលំដាប់ទី២នៅលើពិភពលោករបស់ អាមេរិកគឺលោក Bill Gates។ មហាសេដ្ឋីវ័យ ៥៩ ឆ្នាំ និង មានទ្រព្យសម្បត្តិ ៧៩,៤ ពាន់លានដុល្លាររូបនេះបានបង្ហើបថា ការរៀនសូត្រកំហុសអតីតកាលជាពិសេសរឿងចាយវាយផ្តេសផ្តាសនេះនឹង ជួយឲ្យអ្នកអាចក្លាយជាអ្នកមាន។

«អ្នកដែលជោគជ័យច្រើនក្នុងហិរញ្ញវត្ថុ មិនមែនជាមនុស្សដែលត្រឹមតែបង្កើតកំហុសចាយវាយផ្តេសផ្តាសនោះទេ តែក៏ជាអ្នកដែលពូកែរៀនសូត្រពីកំហុសនេះផងដែរ។ យើងត្រូវតែរីករាយនូវសមិទ្ធផលរបស់យើង តែអ្វីដែលសំខាន់ជាងនោះគឺត្រូវរៀនសូត្រពីការបរាជ័យរបស់យើង»។ នេះជាការលើកឡើងរបស់លោក Bill Gates។

…មួយខែៗមិនសូវសល់លុយសម្រាប់សន្សំទុកមែនទេ? គន្លឹះទាំងនេះអាចជួយអ្នកបាន!…

២) មហាសេដ្ឋី Warren Buffettមិនធ្វើដំណើរទៅណា ឆ្ងាយពីទឹកដីអាមេរិក ងាកមកមើលមហាសេដ្ឋីមានជាងគេបំផុតទី៣នៅលើលោក គឺលោក Warren Buffett ឯណេះវិញបានបង្ហាញពីគន្លឹះសន្សំប្រាក់ក្លាយជាអ្នកមានដែរ។ មហាសេដ្ឋីអាមេរិកវ័យ ៨៥ ឆ្នាំរូបនេះបានបង្ហាញពិភពលោកឲ្យដឹងតាមរយៈការរស់នៅយ៉ាង សាមញ្ញរបស់លោកនៅក្នុងផ្ទះដដែលដែលលោកបានទិញតាំងពីឆ្នាំ ១៩៥៨មក។

នេះបានបញ្ជាក់ថា ទោះបីជាមហាសេដ្ឋីរូបនេះមានលុយច្រើនមហាសាលរហូតដល់ ៦៧,២ ពាន់លានដុល្លារក៏ដោយ ក៏លោកមិនខ្ជះខ្ជាយប្រាក់ទៅទិញអ្វីដែលមិនសូវសំខាន់នោះដែរ។ យ៉ាងណាមិញ លោកបានដឹងថា ការយកលុយទៅវិនិយោគទៅលើអ្វីដែលត្រឹមត្រូវដូចជាទីផ្សារភាគហ៊ុន នៅពេលនេះជាដើម ទើបធ្វើឲ្យលោកមានលុយចាយមិនអស់រហូតដល់សព្វថ្ងៃ។

៣) មហាសេដ្ឋី Richard Bransonឥឡូវនេះសូម ប្រិយមិត្តអ្នកអានបន្តដំណើរមកកាន់ទឹកដីអង់គ្លេសវិញ ដើម្បីរៀនសូត្រពីរបៀបសន្សំលុយក្លាយជាអ្នកមានពីមហាសេដ្ឋី Richard Branson។ សម្រាប់លោក Branson បានមានប្រសាសន៍ថា ចំណាយលុយឲ្យមានប្រសិទ្ធភាព លុះត្រាតែយើងរៀបចំគម្រោងចំណាយនោះឲ្យបានច្បាស់លាស់ជាមុនសិន។

មហាសេដ្ឋីវ័យ ៦៥ ឆ្នាំ និង មានទ្រព្យសម្បត្តិ ៥ ពាន់លានដុល្លាររូបនេះបានមានប្រសាសន៍ដូច្នេះថា៖ «នៅពេលដែលយើងចាយចំទិសដៅ ហើយព្យាយាមធ្វើការឆ្ពោះទៅកាន់គោលដៅនោះ នៅថ្ងៃខាងមុខអ្នកនឹងជោគជ័យជាមិនខាន មិនថាផ្លូវដែលត្រូវទៅនោះយូរប៉ុណ្ណា ឬ លំបាកប៉ុណ្ណោះនោះឡើយ»។

៤) មហាសេដ្ឋី Carlos Slim Helúមានឈ្មោះជា មហាសេដ្ឋីមានជាងគេបំផុតនៅលើពិភពលោកនាពេលបច្ចុប្បន្ន លោក Carlos Slim ក៏មានតិកនិកសន្សំប្រាក់ឲ្យក្លាយជាអ្នកមានដែរ។ មហាសេដ្ឋីវ័យ ៧៥ ឆ្នាំ និង មានទ្រព្យសម្បតិ្ត ៧៩,៥ ពាន់លានដុល្លាររូបនេះបានផ្តល់ដំបូន្មានថា អ្នកដែលអាចសន្សំប្រាក់កាន់តែឆាប់ អ្នកនោះមានឱកាសក្លាយជាអ្នកមានកាន់តែច្រើន។

« ចាប់ផ្តើមសន្សំប្រាក់របស់អ្នកភ្លាមទៅ កាន់តែឆាប់កាន់តែល្អតាមលទ្ធភាពដែលអាចធ្វើបាន។ ដរាបណាអ្នកបានសន្សំលុយ និង គ្រប់គ្រងលុយកាន់តែមានប្រសិទ្ធភាព ដរាបនោះអ្នកនឹងក្លាយជាអ្នកមានឆាប់ៗមិនខ្វល់ថា ការងាររបស់អ្នកជាអ្វីនោះទេ»។ នេះជាប្រសាសន៍របស់មហាសេដ្ឋីមិកស៊ិករូបនេះ។

…ដើមចម៩យ៉ាងដែលអ្នកក្រមិនអាចធ្វើជាអ្នកមានបាន…

៥) មហាសេដ្ឋី Mark Zuckerberg
អ្នកបានដឹងពី តិចនិកសន្សំប្រាក់របស់មហាសេដ្ឋីជើងចាស់ ចុះមកសាកល្បងស្វែងយល់ពីគន្លឹះសន្សំប្រាក់ពីមហាសេដ្ឋីវ័យក្មេង វ័យម្តងមើល៍មានអ្វីប្លែក ខណៈដែលលោកបានក្លាយជាមហាសេដ្ឋីអាមេរិកលឿនដូចផ្លេកបន្ទោរនោះ។ បើតាមសកម្មភាពរបស់លោកប្រចាំថ្ងៃអាចបញ្ជាក់បានថា មហាសេដ្ឋីវ័យ ៣១ ឆ្នាំ និង ជា CEO របស់ក្រុមហ៊ុន Facebook រូបនេះមានជីវិតសាមញ្ញមិនខុសពីមហាសេដ្ឋី Warren Buffett នោះទេ ពោលគឺជីវិតសាមញ្ញជាអ្វីដែលលោកចូលចិត្តបំផុត។

« ជីវិតរបស់ខ្ញុំគឺសាមញ្ញទេ គឺដូចមនុស្សទូទៅដែរ។ លុយដ៏ច្រើនរបស់ខ្ញុំកើតចេញពីការខិតខំប្រឹងប្រែងរបស់ខ្ញុំ ហើយខ្ញុំចូលចិត្តប្រើវាឲ្យមានតម្លៃ»។ នេះគឺជាប្រសាសន៍របស់មហាសេដ្ឋីមានប្រាក់ ៣៣,៥ ពាន់លានដុល្លាររូបនេះ។

៦) មហាសេដ្ឋី Jack Ma
ទើបនឹងរីកមុខរីកមាត់ នៅពេលដែលក្រុមហ៊ុន Alibaba មានហាងឆេងល្អនៅពេលកន្លងទៅថ្មីៗនេះ មហាសេដ្ឋីចិនលោក Jack Ma ក៏បានបង្ហាញយុទ្ធសាស្ត្រក្លាយជាអ្នកមានដែរ។ មហាសេដ្ឋីមានប្រាក់ ១៩,៨ ពាន់លានដុល្លាររូបនេះបានលើកឡើងថា នៅពេលដែលលោកបើកអាជីវកម្មរកលុយ លោកបានចាត់ទុកថា អតិថិជនគឺជាស្តេច ហើយអ្នកដែលសំខាន់បន្ទាប់គឺបុគ្គលិក និង ចុងក្រោយគឺម្ចាស់ភាគហ៊ុននៅក្នុងក្រុមហ៊ុនរបស់លោក។

មហាសេដ្ឋីវ័យ ៥១ ឆ្នាំរូបនេះបានមានប្រសាសន៍ដូច្នេះថា៖« បុគ្គលិកលក្ខណៈរបស់មនុស្សម្នាក់គឺពិតជាសំខាន់ណាស់ក្នុងការ គ្រប់គ្រងលើសកម្មភាពប្រចាំថ្ងៃរបស់ខ្លួន។ វាមានតម្លៃជាងសមត្ថភាពទៅទៀត។ អ្នកដែលគ្មានគោលដៅ នឹងធ្លាក់ជ្រោះ។ អ្នកដែលរៀបចំគោលដៅបានត្រឹមត្រូវ នឹងក្លាយជាស្តេច »។

…អ្នកគ្រប់គ្រងល្អចូលចិត្តនិយាយពាក្យទាំង ១០ ឃ្លានេះទៅកាន់ក្រុមការងាររៀងរាល់ថ្ងៃចន្ទ…

៧) មហាសេដ្ឋី Michael Bloomberg
ប្រិយមិត្តសាក ទាយទៅមើលការងារដ៏ល្អដើម្បីក្លាយជាអ្នកមានបានរបស់មហាសេដ្ឋី អាមេរិកលោក Michael Bloomberg គឺជាអ្វី?។ ក្នុងនាមជាមហាសេដ្ឋីដ៏មានសក្ដានុពលក្នុងឆាកនយោបាយអាមេរិក ម្ចាស់ភាគហ៊ុនរបស់ក្រុមហ៊ុន Bloomberg L.P. វ័យ ៧៣ ឆ្នាំរូបនេះបានមានប្រសាសន៍ថា ការងារដ៏ល្អដើម្បីក្លាយគឺជាអ្នកមានគឺពូកែសន្សំនេះឯង។

«កាលពីក្មេង ក្នុងរយៈពេល១០ ឆ្នាំខ្ញុំមានស្បែកជើងកញ្ចាស់តែមួយគូប៉ុណ្ណោះដើម្បីពាក់ទៅធ្វើ ការ។ ខ្ញុំចង់បានស្បែកជើងថ្មី តែមិនអាចទៅរួចនោះឡើយ។ តែខ្ញុំបានដឹងថា ការសន្សំរបស់ខ្ញុំមិនមែនដើម្បីទិញស្បែកជើងថ្មីនោះទេ តែជាការសន្សំដើម្បីយកទៅវិនិយោគក្លាយជាមហាសេដ្ឋីដូចសព្វថ្ងៃ នេះ»។ នេះជាការលើកឡើងរបស់មហាសេដ្ឋីមានប្រាក់ ៣៣,១ ពាន់លានដុល្លាររូបនេះ៕

ប្រែសម្រួល៖ ខេវិន

ប្រភព៖ Lifehack

បើមានចំណុចសំខាន់ៗទាំង៥នេះ អ្នកអាចកំណត់ពីភាពជោគជ័យទៅថ្ងៃអនាគតបាន!

មនុស្ស ណាក៏ចង់ទទួលបានភាពជោគជ័យក្នុងជីវិតដែរ ប៉ុន្តែគ្រាន់តែមានចិត្តចង់បានតែមួយមុខ វាមិនអាចធ្វើឲ្យជោគជ័យនោះឡើយ ដូច្នេះបានជាមនុស្សជោគជ័យមានតិច ខណៈមនុស្សបរាជ័យមានច្រើនក្នុងលោកនេះ។ មានមូលហេតុជាច្រើនដែលនាំឲ្យមនុស្សមិនអាចទទួលបានភាពជោគជ័យ ដូចជា ខ្វះការតស៊ូ ខ្វះចំណេះដឹង ខ្វះបទពិសោធន៍ និង ខ្វះទំនាក់ទំនងជាដើម។ ដើម្បីអាចទទួលបានភាពជោគជ័យក្នុងជីវិត អ្នកត្រូវតែមានជំនាញសំខាន់ៗមួយចំនួនដូចខាងក្រោម៖

១) ការអាន
ការអានពិតជាមានសារៈសំខាន់ខ្លាំង ណាស់សម្រាប់មនុស្សគ្រប់រូប ព្រោះវាជួយឲ្យអ្នកទទួលបានចំណេះដឹងជាច្រើនប្រភេទដែលមានប្រយោជន៍ សម្រាប់ជីវិត។ កាលណាអ្នកមានចំណេះដឹងគ្រប់គ្រាន់តាមរយៈការអាននោះ វាគឺជាទុនដ៏សំខាន់សម្រាប់អ្នកក្នុងការធ្វើកិច្ចការផ្សេងៗ ព្រោះបើគ្មានចំណេះដឹង និង ព័ត៌មានទេ អ្នកមិនអាចធ្វើការសម្រេចចិត្តប្រកបដោយប្រសិទ្ធភាពឡើយ។

២) ចម្ងល់
ការឆ្ងល់ គឺជាជំហានដ៏សំខាន់មួយដែលនាំឲ្យមនុស្សអាចរកឃើញនូវអ្វីល្អៗ និង ថ្មីៗដែលមានប្រយោជន៍សម្រាប់ជីវិតប្រចាំថ្ងៃ។ ឧទាហរណ៍ថា អ្នកចង់បើកអាជីវកម្មមួយ អ្នកត្រូវមានសំណួរជាច្រើន ដើម្បីស្វែងរកចម្លើយ ដូចជា តើជាអាជីវកម្មអ្វី? មានធនធានគ្រប់គ្រាន់ឬទេ? អតិថិជនជានរណា? និង សំណួរផ្សេងៗទៀត។ ដូច្នេះហើយ អ្នកត្រូវបង្កើតសំណួរឲ្យបានច្រើនរាល់ពេលធ្វើអ្វីមួយ ដើម្បីជៀសវាងបញ្ហាកើតឡើងនៅពេលក្រោយទៀត។

៣) ចេះបត់បែន
រាល់ការធ្វើកិច្ចការអ្វីក៏ដោយ អ្នកត្រូវតែចេះបត់បែនតាមស្ថានការណ៍ឲ្យបានល្អបំផុត ព្រោះបើមិនដូច្នោះទេ ប្រាកដជាត្រូវផុងក្នុងបញ្ហាងើបមុខមិនរួចឡើយ ព្រោះអ្វីៗតែងតែប្រែប្រួលជានិច្ច។ ក្នុងន័យនេះ អ្នកត្រូវតែតាមដានស្ថានការណ៍ជុំវិញខ្លួនឲ្យបានល្អបំផុត ដើម្បីប្រាកដថា ការសម្រេចចិត្តរបស់អ្នកនឹងមិនបង្កបញ្ហា។ ប្រសិនបើ អ្នកបត់បែន និងសម្របខ្លួនទៅនឹងស្ថានការណ៍កំពុងកើតឡើងមិនបានទេ អ្នកពិតជាពិបាកទទួលជោគជ័យណាស់។

៤) ការទំនាក់ទំនង
ការទំនាក់ទំនងពិតជាមានសារសំខាន់ខ្លាំងណាស់ក្នុងជីវិតរស់នៅ ព្រោះវាជួយឲ្យមនុស្សគ្រប់គ្នាអាចប្រាស្រ័យទាក់ទងគ្នាទៅវិញទៅមក ដោយងាយ។ ទោះបីមានចំណេះដឹងខ្ពស់ប៉ុណ្ណាក៏ដោយ អ្នកមិនអាចជោគជ័យដោយងាយឡើយ បើខ្វះជំនាញទំនាក់ទំនង។ ដូច្នេះ អ្នកគួរតែព្យាយាមពង្រឹងជំនាញនេះឲ្យបានរឹងមាំ។

…តើអ្វីទៅជាអាវុធសម្ងាត់របស់នាយកប្រតិបត្តិ (CEO) ក្រុមហ៊ុនកំពូលៗក្នុងលោក?…

៥) ការងារក្រុម
បើទោះបីជាពូកែយ៉ាងណាក្តី មនុស្សម្នាក់មិនអាចរ៉ាប់រងធ្វើកិច្ចការរាប់រយជំពូកតែម្នាក់ឯង ហើយទទួលបានជោគជ័យទេ ពោលគឺត្រូវតែមានការចូលរួមធ្វើការជាក្រុម។ ជាការពិត ការធ្វើការងារជាក្រុមមិនងាយស្រួលប៉ុន្មានទេ ព្រោះមនុស្សម្នាក់ៗសុទ្ធតែមានគំនិតផ្ទុយពីគ្នា។ ប៉ុន្តែត្រូវតែរៀនធ្វើការ ហើយសម្របសម្រួលជាមួយគ្នាដើម្បីទាញយកប្រយោជន៍ឲ្យបានច្រើន៕

ប្រែសម្រួល៖ រស្មី

ប្រភព៖ www.inc.com

Tuesday, February 17, 2015

វិស័យសំខាន់ៗចំនួន ៥ ដែលមានមហាសេដ្ឋីកាន់កាប់ច្រើនជាងគេប្រចាំតំបន់នីមួយៗនៅជុំវិញពិភពលោក

ទស្សនាវដ្ដី Forbes ដ៏ល្បីល្បាញរបស់អាមេរិកបានរកឃើញពីវិស័យសំខាន់ៗចំនួន៥ ដែលមានមហាសេដ្ឋីច្រើនជាងគេប្រចាំតំបន់នីមួយៗ។

ជាលទ្ធផល ការវិនិយោគ (Investment) គឺជាវិស័យទី១ ដែលមានមហាសេដ្ឋីច្រើនជាងគេរហូតដល់ ១៤៨ នាក់កំពុងកាន់កាប់នៅជុំវិញពិភពលោក ខណៈដែលវិស័យលក់សំលៀកបំពាក់ និង លក់រាយ (Fashion and Retail) ជាប់ចំណាត់ថ្នាក់ទី២ មានមហាសេដ្ឋីកាន់កាប់ ១៤៦ នាក់។ រីឯវិស័យ អចលនទ្រព្យ (Real Estate) ទទួលបានចំណាត់ថ្នាក់ទី៣ មានមហាសេដ្ឋីកាន់កាប់សរុប ១២៩ នាក់នៅជុំវិញពិភពលោក។

១) អាស៊ីប៉ាស៊ីហ្វិក
-អចលនទ្រព្យ (Real Estate) មានមហាសេដ្ឋី ៧១ នាក់
-ចម្រុះ (Diversified) មានមហាសេដ្ឋីចំនួន ១២ នាក់
-ផលិតកម្ម (Manufacturing) មានមហាសេដ្ឋីចំនួន ៤១ នាក់
-លក់សំលៀកបំពាក់ និង លក់រាយ (Fashion and Retail) មានមហាសេដ្ឋីចំនួន ២៩ នាក់
-បច្ចេកវិទ្យា (Technology) មានមហាសេដ្ឋីចំនួន ៦២ នាក់។

វិស័យអចលនទ្រព្យ (Real Estate) មានមហាសេដ្ឋីកាន់កាប់ច្រើនជាងគេនៅតំបន់អាស៊ីប៉ាស៊ីហ្វិក ប្រភពរូបភាព៖ cpexecutive

២) តំបន់អឺរ៉ុប
-លក់សំលៀកបំពាក់ និង លក់រាយ (Fashion and Retail) មានមហាសេដ្ឋីចំនួន ៦២ នាក់
-វិនិយោគ (Investment) មានមហាសេដ្ឋីចំនួន ៣១ នាក់
-ផលិតដែក និង ជីករ៉ែ (Metals & Mining) មានមហាសេដ្ឋីចំនួន ៣០ នាក់
-ថាមពល (Energy) មានមហាសេដ្ឋីសរុប ២៦ នាក់
-អាហារ និង ភេសជ្ជះ (Food and Beverage) មានមហាសេដ្ឋីចំនួន ២៦ នាក់។

វិស័យ លក់សំលៀកបំពាក់ និង លក់រាយ (Fashion and Retail) មានមហាសេដ្ឋីកាន់កាប់ច្រើនជាងគេបំផុតនៅតំបន់អឺរ៉ុប ប្រភពរូបភាព៖ cwb-online

៣) តំបន់មជ្ឈិមបូព៌ា និង ទ្វីបអាហ្រ្វិក
-ចម្រុះ (Diversified) មានមហាសេដ្ឋីចំនួន ៣៦ នាក់
-សំណង់ និង វិស្វកម្ម (Construction & Engineering) មានមហាសេដ្ឋីចំនួន ៩ នាក់
-ហិរញ្ញវត្ថុ (Finance) មានមហាសេដ្ឋីចំនួន ៧ នាក់
-ផលិតដែក និង ជីករ៉ែ (Metals & Mining) មានមហាសេដ្ឋីចំនួន ៧ នាក់
-អាហារ និង ភេសជ្ជះ (Food and Beverage) មានមហាសេដ្ឋីចំនួន ៦ នាក់។

វិស័យ ចម្រុះ (Diversified) មានមហាសេដ្ឋីកាន់កាប់ច្រើនជាងគេបំផុតនៅតំបន់តំបន់មជ្ឈិមបូព៌ា និង ទ្វីបអាហ្រ្វិក ប្រភពរូបភាព៖ diversifiedtir

៤) ទ្វីបអាមេរិក
-ហិរញ្ញវត្ថុ (Finance) មានមហាសេដ្ឋីចំនួន ២១ នាក់
-លក់សំលៀកបំពាក់ និង លក់រាយ (Fashion and Retail) មានមហាសេដ្ឋីចំនួន ១៩ នាក់
-អាហារ និង ភេសជ្ជះ (Food and Beverage) មានមហាសេដ្ឋីចំនួន ១៦ នាក់
-ចម្រុះ (Diversified) មានមហាសេដ្ឋីចំនួន ១៤ នាក់
-បណ្ដាញផ្សព្វផ្សាយ (Media) មានមហាសេដ្ឋីចំនួន ១១ នាក់។

វិស័យហិរញ្ញវត្ថុ (Finance) មានមហាសេដ្ឋីកាន់កាប់ច្រើនជាងគេបំផុតនៅទ្វីបអាមេរិក ប្រភពរូបភាព៖ vacancynext

៥) សហរដ្ឋអាមេរិក
-វិនិយោគ (Investment) មានមហាសេដ្ឋីចំនួន ១០២ នាក់
-បច្ចេកវិទ្យា (Technology) មានមហាសេដ្ឋីចំនួន ៥៣ នាក់
-បណ្ដាញផ្សព្វផ្សាយ (Media) មានមហាសេដ្ឋីចំនួន ៣៤ នាក់
-ថាមពល (Energy) មានមហាសេដ្ឋីសរុប ៣៣ នាក់
-អាហារ និង ភេសជ្ជះ (Food and Beverage) មានមហាសេដ្ឋីចំនួន ៣៣ នាក់៕

វិស័យវិនិយោគ (Investment) មានមហាសេដ្ឋីកាន់កាប់ច្រើនជាងគេបំផុតនៅអាមេរិក ប្រភពរូបភាព៖ www.svip

ប្រែសម្រួល៖ ខេវិន

ប្រភព៖ forbes

Monday, February 9, 2015

តោះរៀនពីរបៀប Download វីដេអូលើ Facebook មិនបាច់ប្រើ IDM ឬកម្មវិធីជំនួយអ្វីទាំងអស់

របៀប download វីដេអូពី facebookប្រភព៖ printscreen

ទំព័រ នេះ TheBNEWS សូមបង្ហាញមិត្តអ្នកអានអំពីរបៀបទាញយកវីដេអូនៅលើបណ្ដាញសង្គម Facebook ដោយមិនចាំបាច់ដំឡើងកម្មវិធីអ្វីទាំងអស់។ សូមអនុវត្តតាមជំហានដូចខាងក្រោម៖

១) ចូលទៅ Facebook wall នូវវីដេអូណាមួយលោកអ្នកចង់ download

២) ចុចលើវីដេអូដើម្បីបើកឱ្យលេង (play)

៣) សូមមើល URL ដែលស្ថិតនៅលើរបារអាសយដ្ឋានខាងលើ ដោយប្ដូរពី ‘www’ ទៅជា ‘m’ វិញ។

៤) បន្ទាប់មកបើក (play) វីដេអូម្ដងទៀត រួចចុច mouse ស្ដាំ (right click) និងជ្រើសរើសយក ‘save video as’

៥) ដាក់ឈ្មោះឯកសារវីដេអូ មុននឹងរក្សាទុក (save)។ ក្រោយមកត្រូវរង់ចាំការ download រួចរាល់ ដែលត្រូវចំណាយពេលយូរឬឆាប់អាស្រ័យលើល្បឿនអ៊ីនធឺណិត ព្រមទាំងទំហំវីដេអូ (MB)។ វីដេអូ Facebook នឹងត្រូវបានរក្សាទុកនៅក្នុងទីតាំង (folder) ដែលអ្នកបានកំណត់។

(បញ្ជាក់៖ ប្រសិនលោកអ្នកកំពុងដំណើរការកម្មវិធី IDM នោះមិនអាចអនុវត្តតាមគន្លឹះខាងលើជោគជ័យឡើយ។ អ្នកអាចសាកល្បង Disable កម្មវិធី IDM ដែលមានឈ្មោះ add-ons ថា IDM CC ជាមុនសិន ដើម្បីសាកល្បងធ្វើ)

តែប៉ុណ្ណោះ លោកអ្នកអាច download វីដេអូគ្រប់ពេលគ្រប់ទីកន្លែងនៅលើកុំព្យូទ័របានងាយស្រួលមិនបាន ដំឡើងកម្មវិធីជំនួយឡើយ៕

ដោយ៖ លី ឈៀន

មុននឹងចង់ធ្វើជាអ្នកដឹកនាំគេ លោកអ្នកគួរមានជំនាញ៥ នេះសិន

ភាព ជាអ្នកដឹកនាំមិនមែនសុទ្ធតែមនុស្សគ្រប់រូបអាចធ្វើបាននោះឡើយ ពីព្រោះថាវាទាមទារឲ្យលក្ខណសម្បត្តិ ជំនាញ និង សមត្ថភាពគ្រប់គ្រាន់ ទើបធ្វើឲ្យមនុស្សគ្រប់គ្នាទទួលបានភាពជោគជ័យ។ ហេតុដូច្នេះហើយ បានជាមនុស្សភាគតិចប៉ុណ្ណោះដែលអាចធ្វើជាអ្នកដឹកនាំគេបាន។

ទោះបីជាបែបនេះក្តី សមត្ថភាពអ្នកដឹកនាំក៏ត្រូវមានការបណ្តុះបណ្តាលផងដែរ ក្នុងនោះជំនាញទាំង៥ នេះប្រិយមិត្តគួរធ្វើឲ្យបានប្រសិនបើលោកអ្នកចង់ដឹកនាំគេ។

១) ឆ្កឹះយកបទពិសោធន៍មកឆ្លុះបញ្ចាំងឲ្យខ្លួនឯង
កូនសោ ដ៏សំខាន់មួយក្នុងនាមជាអ្នកដឹកនាំដ៏ល្អ គឺសមត្ថភាពក្នុងការឆ្លុះបញ្ចាំងមកវិញលើការសម្រេចចិត្តរបស់ខ្លួន និង សម្លឹងមើលស្ថានភាពនោះថា តើវាល្អ ឬ អាក្រក់? ដើម្បីទុកធ្វើជាបទពិសោធន៍។

នៅពេលដែលអ្នកបានអនុវត្តតាមវិធីសាស្ត្រនេះ អ្នកអាចយកមេរៀននោះមកអនុវត្តក្នុងស្ថានភាពណាមួយជាក់ស្តែងរបស់ អ្នកជាថ្មីម្តងទៀត ហើយការអនុវត្តនេះទោះបីតិច ឬ ច្រើនក្តី ធានាថា នឹងល្អប្រសើរជាងមុនជាមិនខាន។ នេះទាមទារឲ្យអ្នកទទួលស្គាល់កំហុស ឬ ភាពបរាជ័យរបស់អ្នកដើម្បីទុកធ្វើជាគន្លឹះត្រួសត្រាយផ្លូវធ្វើជា អ្នកដឹកនាំប្រកបដោយការទទួលខុសត្រូវ។

២) ចេះសម្របសម្រួលជាជាងប្រតិកម្ម
អ្នកដឹកនាំ ដែលជោគជ័យ ត្រូវតែជាបុគ្គលដែលអង្គុយនៅតុមូលដោយបានត្រៀមខ្លួនបានយ៉ាងល្អ ជាមួយនឹងសេណារីយោជាច្រើន និង ដឹងពីរបៀបដើម្បីអនុវត្តនៅពេលដែលស្ថានការណ៍បានធ្លាក់ដាច់ ដោយឡែកពីគ្នា ឬ ក៏ប្រាសចាកពីគម្រោងដែលគ្រោងទុក។ ការត្រៀមទុកនេះ អាចធានាបានថា អ្នកនឹងមិនអាចធ្លាក់ចូលទៅក្នុងស្ថានភាពមួយដែលអ្នកមិនអាច ចែករំលែកអ្វីៗដែលមានតម្លៃបាន ឬ មិនអាចជួយដោះស្រាយបញ្ហាកំពុងប្រឈមមុខបាន។

នេះជាមូលហេតុដែលអ្នកត្រូវដើរតួជាអ្នកសម្របសម្រួល ត្បិតអីការប្រតិកម្ម គឺជាការបង្កើនកម្តៅមួយដល់ការដឹកនាំរបស់អ្នក។ ផ្ទុយទៅវិញ ការសម្រេចចិត្តដ៏ល្អមួយ ជានិច្ចកាលកើតចេញពីគំនិត និង អារម្មណ៍របស់អ្នកដែលមានទិសដៅស្របគ្នា។ បើជាក្រុមហ៊ុន អ្នកមិនត្រូវផ្ដោតតែទៅលើការផ្គាប់ផ្គន់បុគ្គលនៅថ្នាក់ ក្រោមបំផុតប៉ុណ្ណោះទេ តែក៏ត្រូវគិតថាពីមធ្យោបាយដ៏ល្អបំផុតធ្វើឲ្យមនុស្សនៅក្នុង ក្រុមហ៊ុនទាំងមូលបានទទួលស្គាល់រួមគ្នា។

…ការខិតខំប្រឹងប្រែងធ្វើការងារ និង ភាពឆ្លាតវៃលើការងារ ជ្រើសរើសយកមួយណា?…

៣) រកឲ្យឃើញនៅពាក្យថា “ហេតុអ្វី?”
ធ្វើជា អ្នកដឹកនាំប្រកបដោយសមត្ថភាព អ្នកត្រូវដឹងចម្លើយឆ្លើយតបទៅនឹងពាក្យថា “ហេតុអ្វី?”។ ហេតុអ្វីបានជាអ្នកត្រូវទៅទីនោះ? ហេតុអ្វីបានជាក្រុមការងាររបស់អ្នកមិនជោគជ័យ? ហេតុអ្វីបានជាអ្នកចង់ធ្វើជាអ្នកដឹកនាំ?

ប្រសិនបើអ្នកមិនមានចក្ខុវិស័យច្បាស់លាស់ពីអ្វីដែលអ្នកចង់ បានសម្រាប់ខ្លួនឯង ការប្ដេជ្ញាចិត្ត និង ការផ្ដោតទៅលើអ្វីមួយរបស់អ្នក នឹងដើរបញ្ច្រាសទិសគោលដៅរបស់អ្នក ហើយទីបំផុតអ្នកក៏មិនអាចជំរុញលើកទឹកចិត្ត និង ដឹកនាំមនុស្សផ្សេងទៀតបានដែរ។

ក្នុងនាមជាអ្នកដឹកនាំដ៏ល្អមួយរូប អ្នកត្រូវធានាថា ចក្ខុវិស័យរបស់អ្នកនឹងអាចហុចផលជាវិជ្ជមានមួយដល់មនុស្ស គ្រប់គ្នា ទោះបីជាស្ថិតនៅក្នុងស្ថានភាពបែបណាក៏ដោយ។ នេះជាបទពិសោធន៍មួយដែលអ្នកដឹកនាំនៅលើពិភពលោកធ្លាប់ឆ្លងកាត់ និង អនុវត្តយូរមកហើយ។ ចក្ខុវិស័យនោះ ត្រូវតែមានភាពច្បាស់លាស់ដែលកើតចេញពីបុគ្គលមានឥទ្ធិពលមួយរូប តែមនុស្សគ្រប់គ្នាបានទទួលយកវាមកធ្វើជាគោលដៅរួមរបស់ខ្លួន ដោយមិនជំទាស់។

៤) មានមហិច្ឆតាលើអ្វីដែលអ្នកធ្វើ
ក្នុងនាម ជាអ្នកដឹកនាំមួយរូប បើអ្នកមិនមានមហិច្ឆតាចង់ស្រវាចាប់យកភាពជោគជ័យដល់មនុស្សគ្រប់ គ្នាទេនោះ វានឹងពិបាកក្នុងការរក្សាឲ្យបានស្ថិរភាពមួយដែលអ្នកត្រូវការ ដើម្បីដឹកនាំក្រុមការងារឲ្យជោគជ័យ។

ដរាបណាអ្នកកាន់តែមានមហិច្ឆតាពីអ្វីដែលអ្នកចង់បាន ដរាបនោះឥទ្ធិពលនៃភាពជោគជ័យកាន់តែមានច្រើនទៅតាមនោះដែរ។ ហើយក៏គ្មានអ្វីប្រសើរជាងអ្នកដឹកនាំមួយរួបដែលមិនត្រឹមតែមាន មហិច្ឆតាសម្រាប់ភាពជោគជ័យដល់ខ្លួនឯង ថែមទាំងចង់ឲ្យមនុស្សគ្រប់រូបជោគជ័យនោះដែរ។

៥) ត្រៀមខ្លួនធ្វើអ្វីមួយដែលអ្នកដទៃមិនអាចធ្វើបាន
នេះជាចំណុចមួយដ៏សំខាន់បំផុតព្រោះថា អ្នកដឹកនាំ គឺជាបុគ្គលមួយរូបដែលអាចធ្វើរឿងដ៏អស្ចារ្យបាន ខណៈដែលមនុស្សជាច្រើនទៀតមិនអាចធ្វើបាន។ ដោយសារភាពបរាជ័យមិនមែនជាជម្រើសរបស់ខ្លួន អ្នកដឹកនាំមើលឃើញថា បើផ្នែកណាមួយនៃគម្រោងរបស់ខ្លួនបរាជ័យ អ្នកដឹកនាំតែងមានវិន័យចំពោះខ្លួនឯងក្នុងការប្រឈមទៅនឹងភាព បរាជ័យនោះដោយស្វិតស្វាញមិនងាយទម្លាក់ទង់ជ័យនោះឡើយ។

នេះមានន័យថា ទោះបីជាការងារនោះលំបាកយ៉ាងណាក្តី ការខិតខំប្រឹងប្រែងរបស់ខ្លួន ជាមួយនឹងយុទ្ធសាស្ត្រដ៏ច្បាស់លាស់អាចទម្លុះទម្លាយវាបាន។ នេះហើយជាអ្វីដែលអ្នកដឹកនាំធ្វើ ដែលមនុស្សគ្រប់គ្នាកម្រធ្វើបាន៕

Friday, February 6, 2015

មិត្តអ្នកអានណាខ្លះធ្លាប់ឃើញក្រដាសប្រាក់ខ្មែរមួយកាក់ពីរកាក់និងប្រាក់រៀលខ្មែរកាលពីសម័យមុន?

ប្រាក់ រៀលជារូបិយប័ណ្ណរបស់ប្រទេសកម្ពុជាដែលមានពីរប្រភេទសំខាន់គឺ ជាកាក់ និងក្រដាសប្រាក់ដែលប្រភេទទាំងពីរនេះមានការវិវត្តពីសម័យកាលមួយ ទៅសម័យកាលមួយទៀត ។ បើតាមប្រវត្តិសាស្ត្រនៃការចេញផ្សាយក្រដាសប្រាក់ នៅឆ្នាំ១៩៥៣ សាខាស្ថាប័នបេសកកម្មប្រចាំកម្ពុជាឡាវវៀតណាម (Institut d’Emission des Etats du Cambodge, du Laos et du Vietnam) ប្រចាំនៅកម្ពុជា បានចេញផ្សាយក្រដាសប្រាក់ ព្យាស្ត្រ និងក្រដាស ប្រាក់រៀល ហើយក្រដាសប្រាក់ដំបូងគឺក្រដាសប្រាក់ព្យាស្ត្រនិងក្រដាសប្រាក់ រៀលត្រូវបានប្រើព្រមគ្នា។ មកដល់ឆ្នាំ ១៩៥៥ ធនាគារជាតិនៃកម្ពុជាត្រូវបានបង្កើតឡើង និងបានប្រកាសដាក់ឲ្យប្រើក្រដាសប្រាក់រៀល ។

ខាងក្រោមនេះជាដំណើរវិវត្តនៃក្រដាសប្រាក់រៀលខ្មែរចាប់ពីឆ្នាំ១៩៧៥ ៖