មហាសេដ្ឋី Mark Cuban បង្ហាញគន្លឹះសំខាន់ចំនួន២ ធ្វើឲ្យលោកអ្នកក្លាយជាអ្នកមាននៅពេលអនាគត
មហាសេដ្ឋី Mark Cuban ដែលគេទទួលស្គាល់ថា ជាបុគ្គលដ៏ជោគជ័យរបស់អាមេរិក បានលើកឧទាហរណ៍ និង ផ្ដល់ដំបូន្មានមួយចំនួនដល់ប្រិយមិត្តនៅពេលនេះ ពីគន្លឹះដើម្បីក្លាយទៅជាអ្នកមាន។ ចាំមើល ថាតើមហាសេដ្ឋីរូបនេះមានរូបមន្តដូចម្តេចដើម្បីអាចផ្តល់សង្ឃឹមឲ្យលោកអ្នកក្លាយទៅជាអ្នកមានបាន?
ធ្វើដូចម្ដេចទៅទើបក្លាយជាអ្នកមានបាន? នេះជាសំនួរមួយដែលមនុស្សគ្រប់គ្នាចង់បានចម្លើយបំផុត។ សម្រាប់មហាសេដ្ឋីវ័យ៥៦ឆ្នាំ រូបនេះបានលើកឡើងថា លោកមិននិយាយកុហកនោះឡើយពីគន្លឹះនេះ ហើយថា វាពិតជាមានផ្លូវជាច្រើនដើម្បីក្លាយទៅជាអ្នកមាន។ ប៉ុន្តែ ផ្លូវទាំងនោះមិនអាចក្លាយជារូបមន្តសម្រាប់មនុស្សគ្រប់គ្នាឲ្យក្លាយទៅជាអ្នកមានបាននោះឡើយ។
លោក Mark Cuban មានប្រសាសន៍បន្តថា ការពិតទៅដើម្បីទៅដល់គោលដៅនោះបាន វាទាមទារឲ្យអ្នកត្រៀមខ្លួនរួចរាល់សម្រាប់ឱកាសដែលនឹងចូលមកដល់។ ការផ្លាស់ប្ដូរ និង ភាពមិនច្បាស់លាស់ បង្កើតបានជាឱកាសឲ្យកើតចេញមក ហើយភាពមិនច្បាស់លាស់នៅក្នុងការគ្រប់គ្រងហិរញ្ញវត្ថុ គឺជាចំណុចចាប់ផ្តើមមួយក្នុងការកំណត់ពីភាពជោគជ័យ ឬ បរាជ័យដើម្បីក្លាយទៅជាអ្នកមាន។
អ្វីដែលអ្នកមិនត្រូវធ្វើ!
ទស្សនៈដំបូងរបស់លោក Mark នៅទីនេះគឺថា គ្មានឡើយរូបមន្តជោគជ័យនៅលើលោកយើងនេះ។ ដរាបណាអ្នកមានលុយតិច វិថីឆ្ពោះទៅជាអ្នកមានរបស់អ្នកក៏កាន់តែលំបាកទៅតាមនោះដែរ។ ភាពផុយស្រួយនៅក្នុងការគ្រប់គ្រងហិរញ្ញវត្ថុ ឬ ការខ្ជះខ្ជាយប្រាក់ដោយគ្មានគម្រោងច្បាស់លាស់ គឺសញ្ញាណនៃផ្លូវបរាជ័យក្លាយទៅជាអ្នកមាន។
ទស្សនៈដំបូងរបស់លោក Mark នៅទីនេះគឺថា គ្មានឡើយរូបមន្តជោគជ័យនៅលើលោកយើងនេះ។ ដរាបណាអ្នកមានលុយតិច វិថីឆ្ពោះទៅជាអ្នកមានរបស់អ្នកក៏កាន់តែលំបាកទៅតាមនោះដែរ។ ភាពផុយស្រួយនៅក្នុងការគ្រប់គ្រងហិរញ្ញវត្ថុ ឬ ការខ្ជះខ្ជាយប្រាក់ដោយគ្មានគម្រោងច្បាស់លាស់ គឺសញ្ញាណនៃផ្លូវបរាជ័យក្លាយទៅជាអ្នកមាន។
គន្លឹះទី១៖ សន្សំលុយទុក
មហាសេដ្ឋីរូបនេះបានផ្តល់ដំបូន្មានដូច្នេះថា៖« សន្សំលុយទៅ! សន្សំលុយឲ្យបានច្រើនតាមលទ្ធភាពដែលអ្នកអាចធ្វើបាន ជាជាងទៅផឹកកាហ្វេ ទៅ McDonalds ទៅហាងទំនើបៗទិញអាហារឆ្ងាញ់ៗ ទៅជួបជុំក្នុងពិធីសប្បាយៗឥតប្រយោជន៍។ ព្យាយាមកាត់បន្ថយការចំណាយរបស់អ្នកឲ្យបានច្រើនទៅ! កុំទៅវាយវាយលើអ្វីដែលឥតប្រយោជន៍»។
មហាសេដ្ឋីរូបនេះបានផ្តល់ដំបូន្មានដូច្នេះថា៖« សន្សំលុយទៅ! សន្សំលុយឲ្យបានច្រើនតាមលទ្ធភាពដែលអ្នកអាចធ្វើបាន ជាជាងទៅផឹកកាហ្វេ ទៅ McDonalds ទៅហាងទំនើបៗទិញអាហារឆ្ងាញ់ៗ ទៅជួបជុំក្នុងពិធីសប្បាយៗឥតប្រយោជន៍។ ព្យាយាមកាត់បន្ថយការចំណាយរបស់អ្នកឲ្យបានច្រើនទៅ! កុំទៅវាយវាយលើអ្វីដែលឥតប្រយោជន៍»។
លោកបានបន្តថា៖« បើអ្នកមិនកាត់បន្ថយការចំណាយទេនោះ អ្នកមិនអាចក្លាយជាអ្នកបានទេ។ អ្នកត្រូវចាំថា បើចង់ក្លាយជាអ្នកមាន ទាមទារឲ្យមានច្បាប់ចាយលុយមួយដាក់កំហិតមកលើខ្លួនឯង។ បើអ្នកពិតជាចង់ក្លាយជាអ្នកមាន អ្នកត្រូវតែរកច្បាប់ចាយលុយនោះឲ្យឃើញ! តើអ្នកអាចរកឃើញទេ?»។
លោកបានពន្យល់ទៀតថា បើអ្នកអាចរកវាឃើញ នោះអ្នកនឹងបានដឹងថា ប្រាក់សន្សំរបស់អ្នកនឹងកើនឡើងហើយ។ អ្នកមិនគួររ៉ាប់រងលើបន្ទុកគ្រួសារតែម្នាក់ឯងនោះឡើយ ប្រសិនបើអ្នកណាម្នាក់នៅក្នុងគ្រួសាររបស់អ្នកអាចរកលុយបានដូចអ្នក។ នេះជាការពិតដែលអ្នកត្រូវតែទទួលស្គាល់ ព្រោះវាអាចជួយរកចំណូលបន្ថែមទៀតឲ្យអ្នក។
បន្ទាប់មកប្រាប់ឲ្យសមាជិកគ្រួសាររបស់អ្នកចេះសន្សំ សន្សំហើយសន្សំទៀតបានកាន់តែច្រើនកាន់តែល្អ ហើយក្រោយមកយកប្រាក់នោះទៅសន្សំទុកនៅធនាគារសិន។ សម្រាប់ឪពុកម្ដាយរបស់អ្នក ការសន្សំគួរតែទុកសម្រាប់ពេលចូលនិវត្តន៍ តែសម្រាប់អ្នក អ្នកគួរសន្សំលុយទុកសម្រាប់ទុកបង្កើនប្រាក់ចំណូលបន្ថែមទៀត។
មហាសេដ្ឋីរូបនេះបន្តទៀតថា អ្នកត្រូវចេះចាយលុយឲ្យឆ្លាតបន្តិច។ ការយកលុយទៅទុកធនាគារ ទោះបីជាអ្នកដេកយប់ក៏វារកលុយឲ្យអ្នកដែរ ហើយលុយរបស់អ្នកនៅថ្ងៃស្អែកនឹងកើនឡើងជាងថ្ងៃនេះ។ លោកបញ្ជាក់ទៀតថា កុំធ្វើជាអ្នកពូកែចាយលុយ ឬ ក្តាប់លុយនឹងដៃយ៉ាងស្អិតមិនធ្វើអ្វីសោះ។ បុគ្គលដែលប្រើប្រាស់ទម្លាប់នេះ មិនងាយក្លាយជាអ្នកមានបានឡើយ។
គន្លឹះទី២៖ វិនិយោគ
សម្រាប់គន្លឹះទី២ លោក Mark បានបង្ហើបដូច្នេះថា៖« វិនិយោគពេលវេលាឲ្យបានច្រើនសម្រាប់ខ្លួនឯង និង ត្រូវដឹងពីរបៀបធ្វើអាជីវកម្ម ឬ បង្កើតមុខរបរដែលអ្នកស្រលាញ់បំផុត។ វាមិនសំខាន់ថា មុខរបរ ឬ អាជីវកម្មនោះជាអ្វីនោះទេ ឲ្យតែអ្នកស្រលាញ់ ពេញចិត្ត ចាប់អារម្មណ៍ អ្នកចាប់ផ្តើមធ្វើវាទៅបើអ្នកមានលុយធ្វើដើមទុនហើយនោះ ហើយបើអ្នកគ្មានបទពិសោធន៍ សាកល្បងធ្វើការងារនោះ និង រៀនពីគេសិនទៅ!»។
សម្រាប់គន្លឹះទី២ លោក Mark បានបង្ហើបដូច្នេះថា៖« វិនិយោគពេលវេលាឲ្យបានច្រើនសម្រាប់ខ្លួនឯង និង ត្រូវដឹងពីរបៀបធ្វើអាជីវកម្ម ឬ បង្កើតមុខរបរដែលអ្នកស្រលាញ់បំផុត។ វាមិនសំខាន់ថា មុខរបរ ឬ អាជីវកម្មនោះជាអ្វីនោះទេ ឲ្យតែអ្នកស្រលាញ់ ពេញចិត្ត ចាប់អារម្មណ៍ អ្នកចាប់ផ្តើមធ្វើវាទៅបើអ្នកមានលុយធ្វើដើមទុនហើយនោះ ហើយបើអ្នកគ្មានបទពិសោធន៍ សាកល្បងធ្វើការងារនោះ និង រៀនពីគេសិនទៅ!»។
មហាសេដ្ឋីរូបនេះលើកឡើងដូច្នេះទៀតថា៖« មិនថា ធ្វើជាអ្នកលក់ ឬ អ្វីផ្សេងនោះទេ អ្នកអាចរៀនពីកន្លែងណាមួយដែលអ្នកអាចធ្វើបាន ជៀសវាងទៅរៀននៅសាលាណាមួយដែលតម្រូវឲ្យអ្នកបង់លុយដើម្បីរៀនជំនាញ ឬ វគ្គខ្លីៗទាំងនោះ។ ការងារនោះអាចមិនល្អសម្រាប់អ្នក តែត្រូវចាំថា គ្មានផ្លូវណាល្អបំផុតដើម្បីក្លាយទៅជាអ្នកមាននោះឡើយ!»។
ផ្អែកលើដំបូន្មានរបស់មហាសេដ្ឋីដដែលនេះបានណែនាំទៀតថា នៅមុន ឬ ក្រោយពេលធ្វើការ ឬ នៅចុងសប្តាហ៍ អ្នកគួរតែអានសៀវភៅពីរបៀបធ្វើជំនួញឲ្យបានច្រើន ដូចជាទស្សនាវដ្ដីជំនួញ សំណេះសំណាល និង ទាក់ទងអ្នករកស៊ីដែលអ្នកបានស្គាល់ឲ្យបានច្រើន និង អ្នករកស៊ីជាមួយបុគ្គលនោះ។
យ៉ាងណាមិញ លោក Mark បានបញ្ជាក់យ៉ាងច្បាស់ថា៖« នេះវាមិនមែនជាវិធីសាស្រ្តដែលអ្នកត្រូវជោគជ័យក្នុងរយៈពេលត្រឹមប៉ុន្មានថ្ងៃ ឬ ប៉ុន្មានខែនោះទេ តែជាជោគជ័យមួយដែលអ្នករំពឹងទុកនៅក្នុងរយៈពេលជាច្រើនឆ្នាំទៅមុខទៀត និង អាចដល់ទសវត្សទៀតក៏មាន។ ខ្ញុំមិនបាននិយាយថា វាជាវិធីសាស្ត្រដ៏មានប្រសិទ្ធភាពមួយដើម្បីឲ្យអ្នកក្លាយជាអ្នកមានយ៉ាងឆាប់រហ័សនោះឡើយ តែវាជាផ្លូវមួយដែលនាំឲ្យអ្នកមានលទ្ធភាពក្លាយទៅជាអ្នកមាននៅពេលអនាគត»។
តាមរូបមន្តរបស់មហាសេដ្ឋីនេះ ឥឡូវនេះភាពមិនប្រាកដប្រជា និង ការផ្លាស់ប្ដូរនឹងកើតមាននៅក្នុងអាជីវកម្មរបស់អ្នក។ ចង់ឬ មិនចង់ ចំណុចពីរនេះ នឹងកើតមានជាមិនខាន ហើយអាចថា មកឆាប់ៗទាំងអ្នកមិនបានត្រៀមទុកមុន ឬ រាប់ឆ្នាំទៅមុខទៀតក៏មាន។ តែបើអ្នកឆ្លាត អ្នកនឹងដឹងថា អ្នកគួរឆក់យកឱកាសដែលចូលមកដល់ដែរទេ? ចម្លើយនោះគឺថា បើអ្នកបានត្រៀមខ្លួនបានហើយនោះ អ្នកច្បាស់ជាឆក់ចាប់វាជាមិនខាន។
មកដល់ចំណុចនេះ លោក Mark បានលើកឧទាហរណ៍ឡើង ពីវិស័យអចលនទ្រព្យ។ ការផ្លាស់ប្ដូរ និង ភាពមិនច្បាស់លាស់មាននៅលើទីផ្សារអចលនទ្រព្យមានការប្រែប្រួល តែជាទូទៅតម្លៃទីផ្សាររបស់វាកើនឡើងជាលំដាប់ពីមួយឆ្នាំទៅមួយឆ្នាំ។ អ្នកដែលរកស៊ីលើវិស័យនេះ បើចេះសន្សំលុយទុកផង វិនិយោគផង នោះចំណូលកើនឡើងដោយឯកឯងតែម្តង។
ហេតុដូច្នេះហើយ លោក Mark បានបង្ហាញរូបមន្តរួមថា នៅពេលដែលការសន្សំ និង ការផ្លាស់ប្ដូរ ឬ ភាពមិនប្រាកដប្រជាកើតឡើងជួនប្រសព្វគ្នា នោះនឹងធ្វើឲ្យអ្នកមានឱកាស។ ឱកាសនេះហើយដែលជាសំណាងរបស់អ្នក។ សំណាងនេះហើយដែលធ្វើឲ្យអ្នកក្លាយជាអ្នកមាន៕
ប្រែសម្រួល៖ ខេវិន
ប្រភព៖ addicted2success
No comments:
Post a Comment