Cambodia News

Tuesday, December 16, 2014

YouTube សម្រាប់ Android ឥឡូវនេះអាចបើកមើលបាន ដោយមិនបាច់មានអ៊ីនធឺណិត

Youtube សម្រាប់ Android ឥឡូវនេះអាចលេងបានដោយមិនបាច់មានអ៊ីនធឺណិត!ប្រភព៖ amazonaws

បន្ទាប់ពីទទួលបានកំណែប្រែឌីហ្សាញទម្រង់ម៉ូដ Interface ថ្មីស្រស់ស្អាតជំនាន់ 6.0.11 រួចមក ពេលនេះកម្មវិធី YouTube app ថែមទាំងត្រូវបានក្រុមហ៊ុន Google អភិវឌ្ឍដោយបញ្ចូលសមត្ថភាពអាចឱ្យអ្នកប្រើស្មាតហ្វូន Android ធ្វើការបើកវីដេអូ youtube ដោយមិនចាំបាច់ភ្ជាប់អ៊ីនធឺណិតបាន។

ក្រុមហ៊ុន Google បានអភិវឌ្ឍ YouTube app ដោយបន្ថែមលក្ខណៈពិសេសថ្មីគឺអាចឱ្យម្ចាស់ស្មាតហ្វូនដែលដំណើរការដោយប្រព័ន្ធប្រតិបត្តិការ Android អាចប្រើប្រាស់សេវាកម្ម video streaming នេះជាលក្ខណៈ offline video playback បាន។ ស្ដាប់មើលទៅ វាពិតជាគួររំភើបមិនគួរឱ្យជឿនោះទេ ប៉ុន្តែវាគឺជារឿងដែល Google អាចធ្វើបានទៅហើយ។ ទោះជាយ៉ាងណា មុខងារពិសេសថ្មីនេះ អាចដំណើរការបានដំបូងតែនៅតាមបណ្ដាប្រទេសមួយចំនួនស្ថិតក្នុងតំបន់អាស៊ីប៉ុណ្ណោះ មានដូចជា ប្រទេសឥណ្ឌា ឥណ្ឌូណេស៊ី និងហ្វីលីពីន ហើយក៏ដំណើរការបានតែចំពោះមាតិកាវីដេអូមួយចំនួនប៉ុណ្ណោះ ដូចជាជាវីដេអូដែលមានការពេញនិយមចូលចិត្តទស្សនាច្រើន។

... Youtube អាចនឹងព្រលឹងចុងសក់ដោយសារ Facebook កំពុងលួចទស្សនិកជនទស្សនាវីដេអូខ្លួនជាបណ្ដើរៗ ...

ដូច្នេះសម្រាប់អ្នកប្រើស្មាតហ្វូន Android ស្ថិតនៅក្នុងបណ្ដាប្រទេសខាងលើអាចឆែកមុខងារនេះបានជាមួយ offline icon ដែលមាននៅលើវីដេអូឃ្លិបណាគាំទ្រមុខងារនេះប៉ុណ្ណោះ។ បន្ទាប់ពីជ្រើសរើសវីដេអូដែលគាំទ្រមុខងារនេះហើយ YouTube app នឹងតម្រូវឱ្យអ្នកជ្រើសរើសជម្រើសគុណភាពវីដេអូ ហើយក្រោយពេលវីដេអូត្រូវបាន catch ចូលទៅក្នុងទូរស័ព្ទ នោះវានឹងរក្សាទុក អាចឱ្យលោកអ្នកអាចបើកមើលដោយមិនចាំបាច់មានអ៊ីនធឺណិតសម្រាប់រយៈពេល ៤៨ម៉ោង៕

... YouTube អាចកើបប្រាក់ចំណូលបាន៣,៥ ពាន់លានដុល្លារក្នុងឆ្នាំ២០១៣ ...
ប្រែសម្រួល៖ លី ឈៀន

ប្រភព៖ techcrunch

៥ ចំណុចដែលមហាសេដ្ឋីអាស៊ីលោក Li Ka-Shing ចង់បានបំផុតពីសហគ្រិនក្មេងៗ

លោក Li Ka-Shing មហាសេដ្ឋីហុងកុងប្រភព៖ hutchison

ប្រិយមិត្តអ្នកអានពិតជាបានធ្លាប់ស្គាល់លោក Li Ka-Shing រួចហើយនៅពេលកន្លងមក ដែលលោកបានគ្រងតំណែងជាមហាសេដ្ឋីមានជាងគេបំផុតរបស់ហុងកុង ប្រចាំតំបន់អាស៊ីអស់រយៈពេលជាច្រើនឆ្នាំនៅពេលកន្លងមក។

ជាមួយទ្រព្យសម្បត្តិប្រមាណ ២៨,៨ ពាន់លានដុល្លារ លោកគឺជាកូនអ្នកក្រម្នាក់ដែលមានប្រវត្តិតស៊ូក្នុងជីវិតមិនធម្មតារហូតបានក្លាយជាមហាសេដ្ឋីទាំងមិនបានរៀនចប់ថ្នាក់អនុវិទ្យាល័យផង។ ឥឡូវនេះសាកល្បងស្វែងយល់ពីដំបូន្មានរបស់មហាសេដ្ឋីវ័យ ៨៦ រូបនេះ ថាតើមានអ្វីខ្លះចែករំលែកដល់សហគ្រិនជំនាន់ថ្មី?

១) ជួយចេញថ្លៃអាហារឲ្យអ្នកណាម្នាក់ដែលជោគជ័យជាងអ្នក
តាមការបញ្ជាក់លោក Li Ka-Shing អត្ថន័យនៅក្នុងចំណុចនេះគឺថា អ្នកគួរតែចេញថ្លៃអាហារដល់អ្នកណាម្នាក់ដែលសំខាន់ជាងអ្នកជាពិសេសបុគ្គលដែលជួយឲ្យអ្នកជោគជ័យយ៉ាងហោចណាស់បានម្តងដែរក្នុងមួយខែ។ ជាគោលការណ៍ ការចំណាយរបស់អ្នកនឹងទទួលបានមកវិញនូវអត្ថប្រយោជន៍ជាច្រើន ទំនាក់ទំនងល្អ កិត្តិយស និង ឱកាសនានាដែលបុគ្គលទាំងនោះអាចធ្វើឲ្យអ្នកមានពន្លឺជីវិតល្អប្រសើរជាងមុន។

២) រៀនសូត្រជានិច្ច
«អ្នកគូរដាក់ខ្លួនជាកណ្ដៀរស៊ីស្លឹកសៀវភៅដែលមិនចេះស្កប់»។ នេះជាការលើកឡើងរបស់លោក Li Ka-Shing ។ លោកបានបន្តថា អ្នកនឹងទទួលបានចំណេះដឹងជាច្រើនចេញពីការអានសៀវភៅ អត្ថបទ និង ព័ត៌មាននានា ហើយបម្លែងវាឲ្យទៅជាទ្រព្យធនដ៏វិសេសធ្វើជាអាហារដល់ខួរក្បាលរបស់អ្នក។

...គន្លឹះបែកចែកប្រាក់ចំណូលជា៥ចំណែករបស់មហាសេដ្ឋី Li Ka-Shing ធ្វើឲ្យអ្នកក្លាយជាអ្នកមានក្នុងពេលដ៏ខ្លី...

ចំណុចនេះអាចធ្វើឲ្យអ្នកពិបាកថា តើត្រូវចាប់ផ្តើមពីកន្លែងណា? យ៉ាងណាមិញ មហាសេដ្ឋីរូបនេះបានណែនាំថា អ្នកគួរតែស្វែងរកដៃគូ ឬ មិត្តភក្ដិល្អដែលមានចំណង់ចំណូលចិត្តដូចអ្នក ព្រោះបុគ្គលប្រភេទនេះអាចចែករំលែកចំណេះដឹងបានយ៉ាងល្អ និង មានឆន្ទៈដូចគ្នាទៀតផង។ ក្រៅពីនេះ ត្រូវសិក្សារៀនសូត្រនៅតាមវគ្គខ្លីៗ សន្និសីទ សិក្ខាសាលានានា ដើម្បីពង្រឹងទំនាក់ទំនងជាមួយមនុស្សថ្មីៗកាន់តែច្រើនឡើង។

៣) រៀនសូត្រឲ្យចេះពីសិល្បៈនៃការលក់
មហាសេដ្ឋី Li Ka-Shing បានមានប្រសាសន៍ដូច្នេះថា៖ «រាល់សហគ្រិនទាំងអស់ ត្រូវមានគ្រឹះដ៏រឹងមាំមួយ នោះគឺ ជាបុគ្គលដែលពូកែលក់នេះឯង»។ ហេតុដូច្នេះហើយ អ្នកត្រូវមានជំនាញមួយគឺការលក់ តែបើមិនមានទេ ត្រូវតែរៀនពីសិល្បៈនៃការលក់នេះ។

លោកបន្តថា បើគ្មានបទពិសោធន៍ការងារក្រៅមួយតូចតាច ឬ ក៏ធ្វើការលក់រាយនៅតាមតូប និង ផ្សារនានាគឺជាកន្លែងដ៏ល្អដើម្បីធ្វើតេស្ដសាកល្បងសមត្ថភាពលក់របស់អ្នក។ បន្ទាប់មកត្រូវតាមដានមើល៍ថា តើអ្វីទៅធ្វើឲ្យការលក់របស់អ្នកមានដំណើរការ និង មិនដំណើរការបានល្អ? តែបើមិនដឹងថាត្រូវលក់អ្វី គឺត្រូវចាប់ផ្តើមរៀនលក់ពីអ្វីដែលអ្នកចូលចិត្តបំផុត។

៤) ដាក់គម្រោងឲ្យច្បាស់លាស់រាល់កិច្ចការដែលត្រូវធ្វើ
«ជីវិតដ៏ជោគជ័យ គឺជាជីវិតដែលមានគម្រោងច្បាស់លាស់»។ នេះជាដំបូន្មានរបស់លោក Li Ka-Shing ដែលអាចធ្វើឲ្យសហគ្រិនម្នាក់ក្លាយជាអ្នកមានទ្រព្យសម្បត្តិដ៏ស្តុកស្តម្ភនៅពេលអនាគតជាពិសេសលើការងារអាជីវកម្មតែម្តង។

លោកនិយាយថា សហគ្រិនគួរតែផ្ដោតយកចិត្តទុកដាក់ និង ផ្តល់ឲ្យអ្នកដទៃនូវជំហានជាក់លាក់ជាច្រើនដែលជាគម្រោងការងាររបស់ខ្លួន និង ត្រូវធានាថា គម្រោងទាំងនោះត្រូវបានអនុវត្តបានយ៉ាងជោគជ័យទើបអ្នកអាចសម្រាកបាន។ ពេលខ្លះគម្រោងតែមួយមុខក៏មិនអាចធ្វើឲ្យអ្នកជោគជ័យទាំងស្រុងនោះដែរ អ្នកត្រូវមានធនធានមនុស្សគ្រប់គ្រាន់ ស្វែងយល់ពីចំណុចខ្វះខាត និង ឧបសគ្គដទៃទៀត រួមទាំងការយកចិត្តទុកដាក់ដល់សុខទុក្ខរបស់បុគ្គលិកគឺជាកូនសោឆ្ពោះទៅរកភាពជោគជ័យ។

៥) រស់នៅឲ្យមានច្បាប់វិន័យត្រឹមត្រូវ និង មានមោទនភាពនូវអ្វីដែលអ្នកអាចធ្វើបាន
ចំពោះចំណុចនេះ មហាសេដ្ឋី Li Ka-Shing បានផ្តល់ដំបូន្មានដូច្នេះថា៖ «គ្មានឡើយភាពខ្មាសអៀន ឬ ភាពអាម៉ាស់សម្រាប់សហគ្រិនវ័យក្មេង។ សហគ្រិនវ័យក្មេងរមែងធ្វើការថ្លោះធ្លោយ មើលមិនបានគ្រប់ជ្រុងជ្រោយ មិនសូវមានបទពិសោធន៍ខ្ពស់ តែវាជារឿងធម្មតានោះទេ!»។

លោកបានពន្យល់ថា ភាពបរាជ័យគឺជារឿងសាមញ្ញសម្រាប់សហគ្រិន តែអ្វីដែលសំខាន់គឺត្រូវធ្វើឲ្យការបរាជ័យនោះក្លាយជាបទពិសោធន៍របស់អ្នក។ អ្នកត្រូវដាស់សតិខ្លួនឯង និង មានទម្លាប់មួយដ៏ល្អក្នុងការធ្វើឲ្យមហិច្ឆតារបស់អ្នកដែលបានលើកឡើងត្រូវសម្រេចបានជាផ្លែផ្កា។ អ្នកនឹងមានមោទនភាពចំពោះខ្លួនឯង នៅពេលដែលសមិទ្ធផលរបស់អ្នកផុសចេញជារូបរាងឡើង នេះហើយជាអ្វីដែលធ្វើឲ្យអ្នកកាន់តែមានទឹកចិត្តធ្វើអាជីវកម្ម៕

ប្រែសម្រួល៖ ខេវិន

ប្រភព៖ Lifehack

នាវាដឹកទំនិញធំបំផុតនៅលើពិភពលោក មិនមែននៅអាមេរិកឬអឺរ៉ុបទេ គឺនៅចិន

នាវាCSCL Globeរបស់ចិន ដែលជានាវាដឹកទំនិញធំបំផុតនៅលើពិភពលោកប្រភព៖ Business Insider

នាវា CSCL Globe របស់ចិន ជានាវាដឹកទំនិញធំបំផុតនៅលើពិភពលោក បានចាប់ផ្តើមដំណើរជាលើកទី១ ពីទីក្រុង Shanghai ទៅកាន់តំបន់អឺរ៉ុបហើយ ក្រោយពេលបញ្ចប់ការសាងសង់កាលពីពេលថ្មីៗនេះ។

នាវា CSCL Globe មានប្រវែងជាង ៣៩៩ ម៉ែត្រ និង ទទឹងប្រមាណជាង ៥៨ ម៉ែត្រ ដែលអាចផ្ទុកទំនិញបានយ៉ាងច្រើន។

នាវានេះ ត្រូវបានផលិតដោយក្រុមហ៊ុន Hyundai Heavy Industries របស់ប្រទេសកូរ៉េខាងត្បូងដែលមានទីតាំងនៅក្នុងទីក្រុង Ulsan តាមរយៈការបញ្ជាទិញពីក្រុមហ៊ុន China Shipping Container Lines (CSCL) របស់ចិន។

ក្រុមហ៊ុន Hyundai Heavy Industries របស់កូរ៉េខាងត្បូង នឹងបន្តការផលិតនាវាដឹកទំនិញ ចំនួន ៤ គ្រឿង សម្រាប់ក្រុមហ៊ុនចិននោះ៕
...ប្រទេសទាំង៦ ដែលមានយន្តហោះចម្បាំងច្រើនបំផុតនៅលើពិភពលោក!...

ក្រុមហ៊ុនអន្តរជាតិរបស់សហរដ្ឋអាមេរិក នឹងផ្ដល់សេវាកម្មថែទាំខ្សែអគ្គិសនីនៅកម្ពុជា

បណ្ដាញអគ្គិសនីនៅប្រទេសកម្ពុជាប្រភព៖ www.reddit.com

ក្រុមហ៊ុនអន្តរជាតិមួយមានមូលដ្ឋាននៅសហរដ្ឋអាមេរិកឈ្មោះថាក្រុមហ៊ុន General Electric នឹងផ្ដល់សេវាកម្មថែទាំខ្សែបណ្ដាញអគ្គិសនីកម្ពុជា ខណៈដែលពិធីចុះហត្ថលេខាលើកិច្ចព្រមព្រៀងនេះប្រព្រឹត្តទៅនៅថ្ងៃទី១៨ ខែធ្នូ ខាងមុខនេះ។

...ក្រុមហ៊ុនចិនមកពីខេត្តហ្វូជាន ២១ចុះកិច្ចព្រមព្រៀងពាណិជ្ជកម្មជាមួយដៃគូនៅកម្ពុជា...

តាមសេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជាចុះថ្ងៃទី១៥ ខែធ្នូម្សិលមិញនេះ ឱ្យដឹងថា កិច្ចព្រមព្រៀងទ្វេភាគីនេះនឹងត្រូវចុះហត្ថលេខាដោយលោកបណ្ឌិត Ravi Segal នាយកគ្រប់គ្រងផ្នែកប្រឹក្សាថាមពលរបស់ក្រុមហ៊ុន GE និងលោក កែវ រតនៈ អគ្គនាយកអគ្គិសនីកម្ពុជា ដែលពិធីនេះនឹងចាប់ផ្ដើមពីម៉ោង១០ព្រឹកនៅស្ថានទូតអាមេរិកក្នុងរាជធានីភ្នំពេញ ដោយលោក William E.Todd ឯកអគ្គរដ្ឋទូតសហរដ្ឋអាមេរិកនឹងធ្វើជាអធិបតីនៅក្នុងពិធីនេះ។

តាមសេចក្តីប្រកាសដដែលបញ្ជាក់ឱ្យដឹងទៀតថាតាមរយៈកិច្ចព្រមព្រៀងនេះ ក្រុមហ៊ុន GE នឹងផ្ដល់សេវាថែទាំខ្សែអគ្គិសនីកម្ពុជា ហើយធ្វើការសិក្សាពីខ្សែបណ្ដាញអគ្គិសនីនៅកម្ពុជា ដើម្បីរកមើលវិធីកែលំអខ្សែបណ្ដាញអគ្គិសនី៕

អត្ថបទ ៖ ចាន់ សុខ នាង

ហាងឆេងមាស អត្រាប្ដូរប្រាក់ និងប្រេងឆៅ ថ្ងៃអង្គារ ១៦ ធ្នូ

ហាងឆេងមាស អត្រាប្ដូរប្រាក់ និងប្រេងឆៅប្រភព៖ i.0.s-gold-business.com

អំពីសន្ទស្សន៍តម្លៃមាស និងប្រេងឆៅ
ប្រេងឆៅ មួយបារ៉ែល (១៥៩ លីត្រ) = ៥៥,៩១ ដុល្លារ (ហាងឆេង West Texas នៅសហរដ្ឋអាមេរិក) – ៦១,០៦ ដុល្លារ (ហាងឆេង Brent នៅអឺរ៉ុប)
មាស ៨ជី ៣ហ៊ុន = ១២០៧,៧ ដុល្លារ (១ដំឡឹង = ១៤៥៥,០៦ ដុល្លារអាមេរិក) (តាមហាងឆេង Comex នៅសហរដ្ឋអាមេរិក)
វៀតណាម ៖ មាស ៨ជី ៣ហ៊ុន = ១១៩៦,៩ ដុល្លារ (មួយដំឡឹង = ១៤៤២,០៤ ដុល្លារអាមេរិក)
ថៃ ៖ មាស ៨ជី ៣ហ៊ុន = ១១៩៧,៥ ដុល្លារ (មួយដំឡឹង = ១៤៤២,៧៧ ដុល្លារអាមេរិក)
ឥណ្ឌូណេស៊ី ៖ មាស ៨ជី ៣ហ៊ុន = ១១៩៧,០៣ ដុល្លារ (មួយដំឡឹង = ១៤៤២,២ ដុល្លារអាមេរិក)

អំពីសន្ទស្សន៍អត្រាប្ដូរប្រាក់តាមទីផ្សារអន្តរជាតិ ថ្ងៃអង្គារ ទី១៦ ខែធ្នូ ២០១៤ (ម៉ោង ៩:៣០ នៅព្រះរាជាណាចក្រកម្ពុជា)
មួយដុល្លារអាមេរិក = ៤០៦០ រៀលខ្មែរ (តាមអត្រាប្ដូរប្រាក់ផ្លូវការកំណត់ដោយ ធនាគារជាតិនៃកម្ពុជា ថ្ងៃអង្គារ ទី១៦ ខែធ្នូ ឆ្នាំ២០១៤)
មួយដុល្លារអាមេរិក = ៣២,៩៥៨ បាត (ថៃ)
មួយដុល្លារអាមេរិក = ២១៤២៤ ដុង (វៀតណាម)
មួយដុល្លារអាមេរិក = ០,៨០៣៩ អឺរ៉ូ (១អឺរ៉ូ = ១,២៤៣៩ ដុល្លារអាមេរិក)
មួយដុល្លារអាមេរិក = ១០៩៥,៦៦ វុន (កូរ៉េខាងត្បូង)
មួយដុល្លារអាមេរិក = ១,២១៦ ដុល្លារអូស្ត្រាលី
មួយដុល្លារអាមេរិក = ៧,៧៥៣២ ដុល្លារហុងកុង
មួយដុល្លារអាមេរិក = ១,១៦៥៤ ដុល្លារកាណាដា
មួយដុល្លារអាមេរិក = ១,២១៦ ដុល្លារសិង្ហបុរី
មួយដុល្លារអាមេរិក = ១១៧,៧៦ យ៉េន (ជប៉ុន)
មួយដុល្លារអាមេរិក = ៦,១៤៤១ យ័ន្ត (ចិន)

...ទាំងមាស ប្រេងឆៅ និងប្រាក់ដុល្លារ ធ្លាក់ទឹកទាំងអស់គ្នាថ្ងៃទី១៥ ធ្នូនេះ...

កំណត់សម្គាល់ : តួលេខខាងលើ ស្រង់ពីអត្រាលក់ចេញ និងប្ដូរប្រាក់តាមហាងឆេងអន្តរជាតិ គិតត្រឹមម៉ោង ០៩:៣០ ព្រឹកថ្ងៃអង្គារ ទី១៦ ខែធ្នូ ឆ្នាំ២០១៤ ម៉ោងនៅព្រះរាជាណាចក្រកម្ពុជា។ ហាងឆេងនេះប្រែប្រួលគ្រប់វិនាទី អាស្រ័យលើចរន្តនយោបាយអន្តរជាតិ និងស្ថានភាពសេដ្ឋកិច្ចពិភពលោក។ ដូចនេះ គេហទំព័រ TheBNEWS នឹងបន្តតាមដានហាងឆេងតាមគេហទំព័រអន្តរជាតិ ដើម្បីធ្វើបច្ចុប្បន្នភាព (Update) រៀងរាល់ម៉ោង ឬរាល់ ៣០ នាទីម្ដង៕

ប្រភព៖ nasdaq.com - marketwatch.com - bloomberg.com - Reuters.com

Saturday, December 13, 2014

លុយៗៗៗធ្វើអោយសត្វជ្រូកលែងមានសតិ Khan Chan Sophal

http://youtu.be/-DZotpmk0Ec

មហាអំណាចទាំង ៧ ផលិតថាមពលអគ្គិសនីចេញពីថាមពលនុយក្លេអ៊ែរច្រើនជាងគេនៅលើពិភពលោក

រោងចក្រផលិតថាមពលនុយក្លេអ៊ែរនៅរដ្ឋ Pennsylvania សហរដ្ឋអាមេរិកប្រភព៖ wuot

៧) កាណាដា
-ការផ្គត់ផ្គង់ថាមពលនុយក្លេអ៊ែរមានចំនួន ៨៩ ០៦០ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ២០ គ្រឿង
-មានចំនួន ១៥,៣% នៃការប្រើប្រាស់ថាមពលអគ្គិសនីសរុបរបស់ខ្លួន។

៦) ចិន 
-ការផ្គត់ផ្គង់ថាមពលនុយក្លេអ៊ែរមានចំនួន ៩២ ៦៥៣ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ១៧ គ្រឿង
-មានចំនួន ២,០% នៃការប្រើប្រាស់ថាមពលអគ្គិសនីសរុបរបស់ខ្លួន។

៥) អាល្លឺម៉ង់
-ការផ្គត់ផ្គង់ថាមពលនុយក្លេអ៊ែរមានចំនួន ៩៤ ៥៥០ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ៩ គ្រឿង
-មានចំនួន ១៦,១% នៃការប្រើប្រាស់ថាមពលអគ្គិសនីសរុបរបស់ខ្លួន។

...ស្វែងយល់៦ចំណុចពីការប្រើប្រាស់ថាមពលនុយក្លេអ៊ែរ នៅជុំវិញពិភពលោក...

៤) កូរ៉េខាងត្បូង 
-ការផ្គត់ផ្គង់ថាមពលនុយក្លេអ៊ែរមានចំនួន ១៤៣ ៥៥០ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ២៣ គ្រឿង
-មានចំនួន ៣០,៤% នៃការប្រើប្រាស់ថាមពលអគ្គិសនីសរុបរបស់ខ្លួន។

៣) រុស្ស៊ី
-ការផ្គត់ផ្គង់ថាមពលនុយក្លេអ៊ែរមានចំនួន ១៦៦ ២៩៣ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ៣៣ គ្រឿង
-មានចំនួន ១៧,៨% នៃការប្រើប្រាស់ថាមពលអគ្គិសនីសរុបរបស់ខ្លួន។

២) បារាំង
-ការផ្គត់ផ្គង់ថាមពលនុយក្លេអ៊ែរមានចំនួន ៤០៧ ៤៣៨ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ៥៨ គ្រឿង
-មានចំនួន ៧៤,៨% នៃការប្រើប្រាស់ថាមពលអគ្គិសនីសរុបរបស់ខ្លួន។

១) សហរដ្ឋអាមេរិក
-ការផ្គត់ផ្គង់ថាមពលនុយក្លេអ៊ែរមានចំនួន ៧៧០ ៧១៩ ០០០ មេកាវ៉ាត់ម៉ោង
-មានម៉ាស៊ីនរ៉េអាក់ទ័រផលិតថាមពលនុយក្លេអ៊ែរចំនួន ១០០គ្រឿង
-មានចំនួន ១៩% នៃការប្រើប្រាស់ថាមពលអគ្គិសនីសរុបរបស់ខ្លួន៕

ប្រែសម្រួល៖ខេវិន

ប្រភព៖ Businessinsider

Tuesday, December 16, 2014

YouTube សម្រាប់ Android ឥឡូវ​នេះ​អាច​​​បើក​មើល​បាន​ ដោយ​មិន​បាច់​​មាន​​អ៊ីនធឺណិត​

៥ ចំណុច​ដែល​មហាសេដ្ឋី​អាស៊ី​លោក​ Li Ka-Shing​ ចង់​បាន​បំផុត​ពី​សហគ្រិន​​ក្មេងៗ

នាវាដឹកទំនិញ​ធំ​បំផុត​នៅ​លើ​ពិភពលោក ​មិន​មែន​នៅ​អាមេរិក​​ឬ​អឺរ៉ុប​ទេ​ ​គឺ​នៅ​ចិន

ក្រុម​ហ៊ុន​អន្តរជាតិ​​​របស់​សហរដ្ឋ​អាមេរិក​​ នឹង​​ផ្ដល់​សេវា​កម្ម​ថែទាំ​ខ្សែ​អគ្គិសនី​​នៅ​កម្ពុជា​

ហាងឆេង​មាស​ អត្រា​ប្ដូរ​ប្រាក់ និង​ប្រេងឆៅ ថ្ងៃ​អង្គារ ១៦ ធ្នូ