Cambodia News: March 2015

Tuesday, March 31, 2015

សង្ខេបព្រឹត្តិការណ៍សំខាន់ៗសម្រាប់ល្ងាចថ្ងៃច័ន្ទ ទី ៣០ ខែមិនា

ប្រធានាធិបតីស៊ីរីលោក Bashar al-Assad បាននិយាយនៅក្នុងបទសម្ភាសន៍មួយប្រចាំទូរទស្សន៍ប្រភព៖ youtube

១- នៅក្នុងយន្តហោះរបស់ក្រុមហ៊ុន Germanwings ដែលធ្លាក់កាលពីសប្ដាហ៍មុននោះ មានពីរនាក់គឺកាពីទែន និងអាកាសយានិករង។ ទិន្នន័យនៅក្នុងប្រអប់ខ្មៅបង្ហាញថាកាពីទែនបានស្រែកខ្លាំងៗដើម្បី ឲ្យអាកាសយានិករងបើកទ្វារបន្ទប់អ្នកបើកបរ ដើម្បីគាត់អាចចូលទៅអង្គុយ។

អាកាសយានិករងដែលកំពុងកើតអាការៈស្រ្តេសខ្លាំង (stress) បានបិទទ្វារមិនឲ្យកាពីទែនចូលបន្ទាប់ពីកាពីទែនដើរចេញក្រៅបន្ទប់ អ្នកបើកបរទៅបន្ទប់ទឹក។ បន្ទាប់មក អាកាសយានិករងដែលមានអាយុ ២៧ ឆ្នាំបានបើកយន្តហោះ ជិះបំបុកភ្នំតែម្ដង។ នេះបើយោងតាមការសន្និដ្ឋានបឋមរបស់ក្រុមអ្នកស៊ើបអង្កេតសំណុំរឿង ធ្លាក់យន្តហោះនេះ។

២- បណ្ដាអស់លោករដ្ឋមន្ត្រីមកពីប្រទេស៖ អាមេរិក – អង់គ្លេស – បារាំង – អាល្លឺម៉ង់ – រុស្ស៊ី និងចិន គ្រោងជួបប្រជុំនៅប្រទេសអ៊ីរ៉ង់នៅក្នុងកិច្ចប្រជុំថ្នាក់រដ្ឋ មន្ត្រី។ កិច្ចប្រជុំនេះសំដៅរិះរកវិធីដោះស្រាយបញ្ហាបរមាណូរបស់អ៊ីរ៉ង់។

៣- ប្រទេសក្រិកនៅមិនទាន់បញ្ចប់បង្ហើយ (finalize) នូវកំណែទម្រង់ដែលប្រទេសនេះត្រូវតែធ្វើជាចាំបាច់ ដើម្បីដោះស្រាយវិបត្តិបំណុល ព្រោះនៅថ្ងៃទី២០ ខែមេសា ឆ្នាំ២០១៥ ថវិកាជាតិរបស់ក្រិកនឹងត្រូវអស់ទាំងស្រុង។

៤- គេបានរកឃើញសាកសពមនុស្សពីរនាក់នៅកន្លែងផ្ទុះក្នុងអគារមួយ កន្លែងនៅសង្កាត់ម៉ាន់ហាថាន់ (Manhattan) ដែលឧបទ្ទវហេតុនេះបានកើតឡើងកាលពីសប្ដាហ៍មុន។

…គ្រឿងសព្វាវុធទំនើបៗចំនួន ១០ ប្រភេទដែលរុស្ស៊ីចំណាយប្រាក់រាប់ពាន់លានដុល្លារទិញទុកសម្រាប់វាយកម្ទេចសត្រូវ…

៥- ក្នុងចំណោមអ្នកជិះនៅក្នុងយន្តហោះរបស់ក្រុមហ៊ុនអាកាសចរណ៍ Germanwings ដែលបានផ្ទុះនៅលើភ្នំអាល់កាលពីសប្ដាហ៍មុននោះ ពេលនេះ គេបានកំណត់អត្តសញ្ញាណបានចំនួន ៧៨ នាក់រួចជាស្រេច។

៦) នៅក្នុងកិច្ចប្រជុំកំពូលថ្ងៃអាទិត្យកន្លងទៅនេះ រដ្ឋមន្ត្រីការបរទេសអារ៉ាប៊ីសាអ៊ូឌីត បានរិះគន់ចំៗទៅលើប្រធានាធិបតីរុស្ស៊ី លោក ពូទីន ដោយនិយាយថា ប្រធានាធិបតីរូបនេះបានគាំទ្រឲ្យមានភាពវឹកវរនៅតំបន់ មជ្ឈិមបូព៌ា។

៧) ប្រធានាធិបតីស៊ីរីលោក Bashar al-Assad បាននិយាយនៅក្នុងបទសម្ភាសន៍មួយប្រចាំទូរទស្សន៍ថា ក្រុម ISIS បានពង្រីកឥទ្ធិពលរបស់ខ្លួនតាំងពីអាមេរិកចាប់ផ្ដើមវាយប្រហារតាម ដែនអាកាសមកម្ល៉េះ។

៨) រញ្ជួយដីក្រោមបាតសមុទ្រក្នុងកម្រិត ៧,៧ វ៉ិចទ័រ នៅប្រទេសប៉ាពូញូវហ្គីណេភាគខាងត្បូងមហាសមុទ្រប៉ាស៊ីហ្វិក កំពុងធ្វើឲ្យគេព្រមានពីការវាយប្រហារនៃរលកយក្សស៊ូណាមិ។

៩) មនុស្ស ២៣ នាក់បានរងរបួសនៅពេលយន្តហោះកាណាដា Air Canada រអិលធ្លាក់ផ្លូវនៅអាកាសយានដ្ឋាន Halifax ដោយសារបញ្ហាធ្លាក់ព្រិលដ៏ធ្ងន់ធ្ងរ៕

ប្រែសម្រួល៖ អន សំអាង

ប្រភព៖ Businessinsider

Monday, March 30, 2015

បង្រៀនវិធីសាស្ត្រ ១០ ចំណុចនេះ ដើម្បីឲ្យកូនៗរបស់លោកអ្នកធំឡើងក្លាយជាអ្នកមាន

អាណាព្យាបាល ភាគច្រើន បានបណ្តោយពេលវេលារសាត់អណ្ដែតតាមខ្យល់ឥតប្រយោជន៍ រកអនាគតដ៏ល្អសម្រាប់កូនៗរបស់ខ្លួនគ្មាន រហូតដល់ពេលទឹកដល់ច្រមុះ ហើយទើបស្រវេស្រវាឲ្យគេជួយ។ នេះជាកំហុសឆ្គងដ៏ធំមួយ ត្បិតអីគ្មានមនុស្សណាម្នាក់កើតមកចង់ក្លាយជាអ្នកក្រនោះឡើយ។ ប៉ុន្តែផ្លូវដែលចង់កូនៗរបស់អ្នកក្លាយជាអ្នកមានប្រាក់ ស្តុកស្តម្ភពេលដែលពួកគេធំដឹងក្តីឡើង ក៏មិនមែនជារឿងមួយងាយស្រួលនោះដែរ។

សម្រាប់អ្នកជំនាញបានលើកឡើងថា ការហាត់ពត់លត់ដំកូនៗរបស់អ្នកតាំងពីតូចៗរហូតដល់ធំដឹងក្តីនូវ គន្លឹះ១០ យ៉ាងខាងក្រោមនេះ គឺជាវិថីមួយយ៉ាងជោគជ័យ អាចធ្វើឲ្យពួកគេមានអនាគតភ្លឺស្វាងក្លាយជាអ្នកមានបាន។ តើវិធីសាស្ត្រទាំងនោះមានអ្វីខ្លះ?

១) បង្រៀនឲ្យបង្កើតជម្រើសសម្រាប់ជីវិតពិភពលោក ពោរពេញទៅដោយឱកាសយ៉ាងសំបូរបែប ដើម្បីអនុញ្ញាតឲ្យកូនៗរបស់អ្នកមានជម្រើស និងមហិច្ឆតាមួយសម្រាប់ខ្លួនឯងនូវអ្វីដែលពួកគេចង់ធ្វើនៅពេល អនាគត។ ប៉ុន្តែ អ្នកត្រូវតែបង្ហាញជម្រើសមួយដល់ពួកគេឲ្យចេះពង្រឹងសមត្ថភាពរបស់ ខ្លួនលើការធ្វើជំនួញ ឬ វិធីសាស្ត្ររកប្រាក់ចំណូល ព្រោះថា ជម្រើសលើផ្លូវមួយនេះអាចឲ្យពួកគេក្លាយជាអ្នកមានបាន។

២) បញ្ជូនឲ្យទៅរៀនសាលាឯកជនចំណុចនេះអាច ផ្ទុយពីមហាសេដ្ឋីមួយចំនួនដែលមិនបានរៀនចប់ថ្នាក់ ឬ មហាវិទ្យាល័យផងនៅតែអាចក្លាយជាមហាសេដ្ឋីបាន។ ប៉ុន្តែ នៅយុគសម័យបច្ចេកវិទ្យានេះ ជាជម្រើសមួយល្អប្រសើរអាចឲ្យកូនៗរបស់អ្នកមានមូលដ្ឋានគ្រឹះ រឹងមាំ គឺត្រូវបញ្ជូនពួកគេទៅសាលាឯកជនណាមួយដែលមានកម្មវិធីសិក្សាល្អៗ ជាពិសេសលើមុខវិជ្ជាមុខជំនួញ ឬ អាជីវកម្ម ។ វាអាចមានតម្លៃថ្លៃជាងសាលារដ្ឋក៏ពិតមែន តែអនាគតរបស់ពួកគេ ពិតជាមានតម្លៃថ្លៃជាងនេះទៅទៀត។

៣) បង្រៀនឲ្យចេះស្រលាញ់ការងារក្នុងនាមជា អាណាព្យាបាល អ្នកគឺជាមនុស្សតែម្នាក់គត់ដែលរស់នៅយ៉ាងជិតដិតបំផុតជាមួយ កូនៗរបស់អ្នកជាងគេ។ ដូច្នេះ ក្រៅតែបង្រៀនពួកគេឲ្យចេះស្រលាញ់ការងារ មិនខ្ជិលច្រអូស អ្នកក៏ត្រូវបង្ហាញសកម្មភាពមួយយ៉ាងសកម្មផងដែរ ដើម្បីឲ្យពួកគេយកគំរូតាម ដូចជានិយាយទៅកាន់កូនៗរបស់អ្នកថា បើចង់មានលុយច្រើន ត្រូវតែធ្វើការ។ ជៀសវាងដាច់ខាតសកម្មភាពមួយចំនួនដែលជាគំរូអាក្រក់ដល់ពួកគេ។

…សញ្ញាណចំនួន ៦ បញ្ជាក់ថា លោកអ្នកកំពុងសេពគប់មិត្តភក្តិខុស…

៤) បង្រៀនឲ្យចេះស្រលាញ់អ្នកដទៃបរិស្ថាន ខាងក្រៅ ប្រៀបដូចជាទីលានប្រយុទ្ធសម្រាប់ឲ្យកូនៗរបស់អ្នកបង្ហាញសមត្ថភាព របស់ពួកគេ។ រីឯលំនៅឋានរបស់អ្នក ឬ សាលារៀនរបស់ពួកគេ គឺជាកន្លែងផលិតចំណេះដឹង។ សូមផ្តល់ឱកាសឬ បង្រៀនពួកគេឲ្យមានប្រស្រ័យទំនាក់ទំនងយ៉ាងជិតស្និទ្ធ ផ្តល់ក្តីស្រលាញ់ និង ស្វែងយល់ជាមួយមនុស្សផ្សេងៗគ្នានៅក្នុងសង្គមឲ្យបានកាន់តែ ច្រើនកាន់តែល្អ។ នេះជាចំណែកមួយដែលធ្វើឲ្យកូនៗរបស់អ្នកក្លាយជាសហគ្រិនបាន។ តែហាមដាច់ខាតកុំធ្វើឲ្យពួកគេមានអារម្មណ៍ថា ហាក់ចាញ់ប្រៀបអ្នកណាម្នាក់ ឬ បង្ហាញអត្តចរិតហួសហេតុបំពានលើសិទ្ធិអ្នកដទៃ។

៥) បង្រៀនឲ្យចេះចែករំលែក និងមានក្រមសីលធម៌ល្អអ្វីៗ ដែលកូនៗរបស់អ្នកត្រូវធ្វើឡើង មិនមែនសុទ្ធតែដើម្បីតែលុយៗ នោះទេ ពោលគឺបង្រៀនឲ្យពួកគេចេះចែករំលែក និងមានក្រមសីលធម៌ល្អទៅមនុស្សជុំវិញខ្លួន ត្បិតអីចំណុចទាំងនេះនឹងធ្វើឲ្យកូនៗរបស់អ្នកមានតម្លៃសម្រាប់ អ្នកដទៃ។ អ្នកត្រូវចាំថា អ្នកមានពិតប្រាកដ គឺនៅពេលដែលអ្នកចំណាយពេលយ៉ាងមានតម្លៃសម្រាប់បម្រើប្រយោជន៍ជា ច្រើនដល់សាធារណជនទូទៅ។ នេះហើយជាការបណ្ដុះបណ្តាលឲ្យពួកគេរៀនរស់ក្នុងផ្លូវល្អសម្រាប់ ជីវិត ឬ អាជីវកម្មមួយដោយស្ថិតស្ថេរបាន។

៦) បង្រៀនពីរបៀបធ្វើជាសហគ្រិនសហគ្រិនភាពគឺ ជាគន្លឹះធ្វើឲ្យកូនរបស់អ្នកក្លាយជាអ្នកមានបាន។ ប្រសិនបើពួកគេកើតមកមិនមានជំនាញនេះ ត្រូវតែបង្រៀនពួកគេឲ្យកាន់តែច្រើនឡើងដូចជាស្វែងរកសហគ្រិន អ្នកជំនួញ ឬ មហាសេដ្ឋីណាម្នាក់មកធ្វើគំរូឲ្យពួកគេ ដើម្បីរៀនសូត្រតាមយកបទពិសោធន៍។ ទន្ទឹមនឹងនេះ អ្នកត្រូវលើកទឹកចិត្តពួកគេឲ្យមានក្តីសង្ឃឹម និង មហិច្ឆតាកាន់តែធំលើការធ្វើអាជីវកម្មនេះ។

៧) បង្រៀនប្រើល្បិចចេះកុហក បោកប្រាស់ លួចគ្រាន់តែ មើលចំណងជើងលើចំណុចនេះភ្លាម ប្រិយមិត្ត ជាពិសេសអាណាព្យាបាលពិតជាស្រឡាំងកាំងជាមិនខាន ព្រោះថាការកុហក ឆបោក ឬ លួចនេះស្តាប់ទៅវាជារឿងអសីលធម៌ និង ខុសច្បាប់ទៀតផង។ ការពិតគោលបំណងនៅត្រង់ចំណុចនេះ មិនមែនដូច្នេះនោះឡើយ ពោលគឺចង់ឲ្យអ្នកបង្រៀនកូនៗរបស់អ្នកឲ្យចេះ ទំនាក់ទំនងជាមួយមនុស្សល្អ និង ការពារខ្លួនពីជនទុច្ចរិតមួយចំនួននៅក្នុងអាជីវកម្មទេតើ! នេះជាក្បូនធ្វើឲ្យពួកគេរៀនភ្លក់រសជាតិគ្រប់បែបយ៉ាងរបស់មនុស្ស ដូចជា ពាក្យចាស់ពោលថា៖« ផ្លូវវៀចកុំបោះបង់ ផ្លូវត្រូវកុំចោល» នោះអី!

…មេរៀនចំនួន ៤ ដែលលោកអ្នកគួររៀនសូត្រ មុននឹងឈានដល់វ័យ ៣០…

៨) បង្រៀនឲ្យចេះគិតលេខសម្រាប់មុខវិជ្ជា គណិតវិទ្យា អ្នកមិនចាំបាច់តម្រូវឲ្យកូនៗរបស់អ្នកត្រូវតែពូកែលើមុខវិជ្ជា នេះឡើយ ពោលគឺគ្រាន់តែបង្រៀនពួកគេឲ្យចេះគិតលេខ ក្នុងកម្រិតមួយអាចដោះស្រាយដោយខ្លួនឯងបានគឺគ្រប់គ្រាន់ហើយ។ បើនោះគ្រាន់តែជាការបង្ខិតបង្ខំ មិនយូរមិនឆាប់ពួកគេនឹងតុកស៊ិកគិតមិនចេញ មានផលវិបាកប៉ះពាល់ដល់អារម្មណ៍ពួកគេជាមិនខាន។ បង្រៀនកូនៗរបស់អ្នកតាមសម្រួល ពីមួយជំហានទៅមួយជំហាន ធ្វើយ៉ាងណាអាចឲ្យពួកគេអាចរកឃើញវិធីសាស្ត្រគិតលេខដោយខ្លួនឯង បានទន្ទឹមនឹងមានជំនួយពីអ្នក។

៩) ផ្តល់ប្រាក់រង្វាន់លើកទឹកចិត្ត និង បង្រៀនឲ្យចេះរកលុយក្មេង ៗមួយចំនួនអាចធ្វើកិច្ចការជាច្រើនយ៉ាងជោគជ័យដូចជាកិច្ចការ សាលា ខិតខំរៀនសូត្រជាដើម នៅពេលដែលឪពុកម្តាយរបស់ខ្លួនផ្តល់ប្រាក់រង្វាន់លើកទឹកចិត្ត សម្រាប់ការខិតខំរបស់ពួកគេ។ នេះអាចជាវិធីសាស្ត្រម្យ៉ាងសម្រាប់ការដោះដូរទៅវិញទៅមក។ ប៉ុន្តែ អ្វីដែលត្រូវដើរទន្ទឹមនឹងនេះ និង ជាវិធីសាស្ត្រកាន់តែហុចផលល្អនៅពេលអនាគតវែងឆ្ងាយទៅមុខទៀត គឺការបង្រៀនឲ្យពួកគេចេះរកលុយ និង យល់ពីតម្លៃនៃការងាររបស់ខ្លួន។ អ្នកជំនាញនិយាយថា ការលក់ គឺជាជំនាញដ៏ពិសេសក្នុងអាជីវកម្មដើម្បីឈានឆ្ពោះក្លាយទៅជា អ្នកជំនួញ ឬ អាជីវករជោគជ័យនៅថ្ងៃមុខ។

១០) បង្រៀនឲ្យចេះវិនិយោគការបង្រៀនរកលុយគឺ ជារឿងមួយប្រសើរហើយ តែការបង្រៀនធ្វើឲ្យលុយរបស់ពួកគេកាន់តែធំឡើង គឺជារឿងមួយដ៏សំខាន់មួយទៀត។ បើដូច្នេះមែន តើត្រូវធ្វើដូចម្តេច? ចម្លើយតែមួយគត់នោះគឺ ការវិនិយោគ។ អ្នកត្រូវបង្រៀនពួកគេឲ្យចេះ សន្សំប្រាក់វើជាដើមទុនទុកសម្រាប់វិនិយោគលើអ្វីដែលពួកគេចង់ ធ្វើ។ អ្នកអាចស៊កពាក្យមួយឃ្លាថា៖« បើកូនចង់ក្លាយជាអ្នកមាន កូនត្រូវសន្សំប្រាក់ទុកសម្រាប់ការវិនិយោគ»។ គន្លឹះទាំងនេះនឹងធ្វើឲ្យពួកគេមានមូលដ្ឋានគ្រឹះដ៏សំខាន់ត្រៀម ទុកជាមុនក្នុងសមរភូមិអាជីវកម្មនៅថ្ងៃអនាគត៕

ប្រែសម្រួល៖ ខេវិន

ប្រភព៖ Businessinsider

Wednesday, March 25, 2015

គន្លឹះយ៉ាងងាយស្រួល Download ចម្រៀងពី Youtube ឱ្យចេញជា MP3 តែម្ដង មិនបាច់ដំឡើងកម្មវិធីអ្វីទាំងអស់

ចម្រៀង MP3 និងវីដេអូ (avi, mp4 …) គឺមានលក្ខណៈពិសេសមួយបែបម្នាក់ ហើយត្រូវបានបើក (play) ក្នុងកាលៈទេសៈមិនដូចគ្នាទេ។ ចំពោះលោកអ្នកដែលមមាញឹកច្រើន ទាំងការសិក្សា និងការងារនោះ ប្រហែលពុំមានពេលច្រើនសម្រាប់ការទស្សនាវីដេអូចម្រៀង ប៉ុន្តែក៏នៅតែចូលចិត្តស្ដាប់ចម្រៀងពេលកំពុងបំពេញកិច្ចការ។ ដូច្នេះ ចម្រៀង MP3 គឺជាជម្រើសល្អជាងចម្រៀងវីដេអូ ព្រោះលោកអ្នកត្រូវការស្ដាប់តែចម្រៀងកំដរអារម្មណ៍ មិនជាវីដេអូនោះឡើយ។

បច្ចុប្បន្នបណ្ដាញចែករំលែកវីដេអូ YouTube ទទួលបានការគាំទ្រយ៉ាងខ្លាំង ក្នុងមួយថ្ងៃៗ មនុស្សមិនតិចទេដែលចូលទៅស្ដាប់ និងដោនឡូដ (download) ចម្រៀងពីក្នុងនោះ។ កម្មវិធីសម្រាប់ Download វីដេអូ ដែលកំពុងពេញនិយមគឺ Internet Download Manager ប៉ុន្តែវាអាច Download បានតែវីដេអូប៉ុណ្ណោះ ពោលមិនមានមុខងារដោនឡូដចម្រៀងជា MP3 ឡើយ។

យ៉ាងណា គេក៏មានជម្រើសក្នុងការដំឡើង add ons នៅលើកម្មវិធី browser សម្រាប់ download ចម្រៀង MP3 ក៏បាន។ ចំណែកទំព័រនេះ TheBNEWS សូមលើកយកនូវគន្លឹះងាយស្រួលនិងសាមញ្ញ ក្នុងការទាញយក (download) វីដេអូពី Youtube ឱ្យចេញជាឯកសារ MP3 តែម្ដង ដោយមិនត្រូវការដំឡើងកម្មវិធីអ្វីទាំងអស់។ សូមអនុវត្តតាមរបៀបបន្តបន្ទាប់ខាងក្រោម៖

១) បើកចូលគេហទំព័រ YouTube គឺ youtube.com រួចហើយ ស្វែងរកបទចម្រៀង ឬវីដេអូផ្សេងៗដែលអ្នកចង់ Download។

២) ចម្លង (copy) អាសយដ្ឋាន URL ដែលស្ថិតនៅផ្នែកខាងលើគឺ Address bar នៃកម្មវិធី browser រួចហើយ។

៣) បើក tab នៃកម្មវិធី browser ថ្មី រួចចូលទៅកាន់អាសយដ្ឋាន www.youtube-mp3.org។ បន្ទាប់មកបិទ Paste នៅក្នុងប្រអប់ URL នៃគេហទំព័រ youtube.mp3 (ដូចរូប) ហើយចុចលើប៊ូតុង Covert Video

៤) ចុងក្រោយ គ្រាន់តែចុចលើប៊ូតុង Download (ដូចរូប) ជាការស្រេច។

សាកល្បងម្ដងមើល៍ តើជោគជ័យឬទេ? ប្រសិនប្រិយមិត្តមានគន្លឹះពាក់ព័ន្ធនឹងការ download ចម្រៀង mp3 ពី YouTube ទៀត អាចចែករំលែកជាមួយ TheBNEWS តាមរយៈប្រអប់ comment ខាងក្រោមបានណា៎ …

Thursday, March 12, 2015

រៀនពីរបៀបសន្សំលុយក្លាយជាអ្នកមានពីមហាសេដ្ឋីល្បីៗនៅលើពិភពលោក

ប្រិយមិត្ត អ្នកអានច្បាស់ជាឆ្ងល់ថា ហេតុអ្វីបានជាបុគ្គលមួយចំនួនក្លាយជាមហាសេដ្ឋី? តើមហាសេដ្ឋីទាំងនោះរកលុយបានដោយរបៀបណាទៅ? តែគួរឲ្យស្តាយអ្វីប្រិយមិត្តបានស្គាល់នៅពេលដែលឆាកជីវិតរបស់ បុគ្គលទាំងនេះក្លាយជាមហាសេដ្ឋីទៅហើយ តែប្រហែលជាមិនបានដឹងពីជីវប្រវត្តិរបស់បុគ្គលទាំងនោះនៅពេល អតីតកាលនោះឡើយ។ នេះជារឿងមួយ តែអ្វីដែលប្រិយមិត្តគួរស្វែងយល់នៅពេលនេះ នឹងទំនងជាអ្វីដែលលោកអ្នកចង់ដឹងផងនោះ គឺគន្លឹះក្លាយជាអ្នកមានតែម្តង។ គន្លឹះក្លាយជាអ្នកមានគឺការសន្សំប្រាក់នេះឯង ដែលគ្មានមហាសេដ្ឋីទាំង៧ រូបណាមួយខាងក្រោមនេះបដិសេធន៍បានឡើយ ហើយឲ្យតម្លៃវាជាពិសេសទៀតផង។ តើមហាសេដ្ឋីទាំងនេះមានគន្លឹះសន្សំប្រាក់ដូចម្តេចទើបក្លាយជា អ្នកមាន? សូមតាមដានដូចខាងក្រោម៖

១) មហាសេដ្ឋី Bill Gates
មហាសេដ្ឋីដំបូងដែលចូលមកបង្ហាញវិធីសាស្ត្រសន្សំលុយជូនប្រិយមិត្ត នៅពេលនេះគឺមហាសេដ្ឋីមានជាងគេបំផុតលំដាប់ទី២នៅលើពិភពលោករបស់ អាមេរិកគឺលោក Bill Gates។ មហាសេដ្ឋីវ័យ ៥៩ ឆ្នាំ និង មានទ្រព្យសម្បត្តិ ៧៩,៤ ពាន់លានដុល្លាររូបនេះបានបង្ហើបថា ការរៀនសូត្រកំហុសអតីតកាលជាពិសេសរឿងចាយវាយផ្តេសផ្តាសនេះនឹង ជួយឲ្យអ្នកអាចក្លាយជាអ្នកមាន។

«អ្នកដែលជោគជ័យច្រើនក្នុងហិរញ្ញវត្ថុ មិនមែនជាមនុស្សដែលត្រឹមតែបង្កើតកំហុសចាយវាយផ្តេសផ្តាសនោះទេ តែក៏ជាអ្នកដែលពូកែរៀនសូត្រពីកំហុសនេះផងដែរ។ យើងត្រូវតែរីករាយនូវសមិទ្ធផលរបស់យើង តែអ្វីដែលសំខាន់ជាងនោះគឺត្រូវរៀនសូត្រពីការបរាជ័យរបស់យើង»។ នេះជាការលើកឡើងរបស់លោក Bill Gates។

…មួយខែៗមិនសូវសល់លុយសម្រាប់សន្សំទុកមែនទេ? គន្លឹះទាំងនេះអាចជួយអ្នកបាន!…

២) មហាសេដ្ឋី Warren Buffettមិនធ្វើដំណើរទៅណា ឆ្ងាយពីទឹកដីអាមេរិក ងាកមកមើលមហាសេដ្ឋីមានជាងគេបំផុតទី៣នៅលើលោក គឺលោក Warren Buffett ឯណេះវិញបានបង្ហាញពីគន្លឹះសន្សំប្រាក់ក្លាយជាអ្នកមានដែរ។ មហាសេដ្ឋីអាមេរិកវ័យ ៨៥ ឆ្នាំរូបនេះបានបង្ហាញពិភពលោកឲ្យដឹងតាមរយៈការរស់នៅយ៉ាង សាមញ្ញរបស់លោកនៅក្នុងផ្ទះដដែលដែលលោកបានទិញតាំងពីឆ្នាំ ១៩៥៨មក។

នេះបានបញ្ជាក់ថា ទោះបីជាមហាសេដ្ឋីរូបនេះមានលុយច្រើនមហាសាលរហូតដល់ ៦៧,២ ពាន់លានដុល្លារក៏ដោយ ក៏លោកមិនខ្ជះខ្ជាយប្រាក់ទៅទិញអ្វីដែលមិនសូវសំខាន់នោះដែរ។ យ៉ាងណាមិញ លោកបានដឹងថា ការយកលុយទៅវិនិយោគទៅលើអ្វីដែលត្រឹមត្រូវដូចជាទីផ្សារភាគហ៊ុន នៅពេលនេះជាដើម ទើបធ្វើឲ្យលោកមានលុយចាយមិនអស់រហូតដល់សព្វថ្ងៃ។

៣) មហាសេដ្ឋី Richard Bransonឥឡូវនេះសូម ប្រិយមិត្តអ្នកអានបន្តដំណើរមកកាន់ទឹកដីអង់គ្លេសវិញ ដើម្បីរៀនសូត្រពីរបៀបសន្សំលុយក្លាយជាអ្នកមានពីមហាសេដ្ឋី Richard Branson។ សម្រាប់លោក Branson បានមានប្រសាសន៍ថា ចំណាយលុយឲ្យមានប្រសិទ្ធភាព លុះត្រាតែយើងរៀបចំគម្រោងចំណាយនោះឲ្យបានច្បាស់លាស់ជាមុនសិន។

មហាសេដ្ឋីវ័យ ៦៥ ឆ្នាំ និង មានទ្រព្យសម្បត្តិ ៥ ពាន់លានដុល្លាររូបនេះបានមានប្រសាសន៍ដូច្នេះថា៖ «នៅពេលដែលយើងចាយចំទិសដៅ ហើយព្យាយាមធ្វើការឆ្ពោះទៅកាន់គោលដៅនោះ នៅថ្ងៃខាងមុខអ្នកនឹងជោគជ័យជាមិនខាន មិនថាផ្លូវដែលត្រូវទៅនោះយូរប៉ុណ្ណា ឬ លំបាកប៉ុណ្ណោះនោះឡើយ»។

៤) មហាសេដ្ឋី Carlos Slim Helúមានឈ្មោះជា មហាសេដ្ឋីមានជាងគេបំផុតនៅលើពិភពលោកនាពេលបច្ចុប្បន្ន លោក Carlos Slim ក៏មានតិកនិកសន្សំប្រាក់ឲ្យក្លាយជាអ្នកមានដែរ។ មហាសេដ្ឋីវ័យ ៧៥ ឆ្នាំ និង មានទ្រព្យសម្បតិ្ត ៧៩,៥ ពាន់លានដុល្លាររូបនេះបានផ្តល់ដំបូន្មានថា អ្នកដែលអាចសន្សំប្រាក់កាន់តែឆាប់ អ្នកនោះមានឱកាសក្លាយជាអ្នកមានកាន់តែច្រើន។

« ចាប់ផ្តើមសន្សំប្រាក់របស់អ្នកភ្លាមទៅ កាន់តែឆាប់កាន់តែល្អតាមលទ្ធភាពដែលអាចធ្វើបាន។ ដរាបណាអ្នកបានសន្សំលុយ និង គ្រប់គ្រងលុយកាន់តែមានប្រសិទ្ធភាព ដរាបនោះអ្នកនឹងក្លាយជាអ្នកមានឆាប់ៗមិនខ្វល់ថា ការងាររបស់អ្នកជាអ្វីនោះទេ»។ នេះជាប្រសាសន៍របស់មហាសេដ្ឋីមិកស៊ិករូបនេះ។

…ដើមចម៩យ៉ាងដែលអ្នកក្រមិនអាចធ្វើជាអ្នកមានបាន…

៥) មហាសេដ្ឋី Mark Zuckerberg
អ្នកបានដឹងពី តិចនិកសន្សំប្រាក់របស់មហាសេដ្ឋីជើងចាស់ ចុះមកសាកល្បងស្វែងយល់ពីគន្លឹះសន្សំប្រាក់ពីមហាសេដ្ឋីវ័យក្មេង វ័យម្តងមើល៍មានអ្វីប្លែក ខណៈដែលលោកបានក្លាយជាមហាសេដ្ឋីអាមេរិកលឿនដូចផ្លេកបន្ទោរនោះ។ បើតាមសកម្មភាពរបស់លោកប្រចាំថ្ងៃអាចបញ្ជាក់បានថា មហាសេដ្ឋីវ័យ ៣១ ឆ្នាំ និង ជា CEO របស់ក្រុមហ៊ុន Facebook រូបនេះមានជីវិតសាមញ្ញមិនខុសពីមហាសេដ្ឋី Warren Buffett នោះទេ ពោលគឺជីវិតសាមញ្ញជាអ្វីដែលលោកចូលចិត្តបំផុត។

« ជីវិតរបស់ខ្ញុំគឺសាមញ្ញទេ គឺដូចមនុស្សទូទៅដែរ។ លុយដ៏ច្រើនរបស់ខ្ញុំកើតចេញពីការខិតខំប្រឹងប្រែងរបស់ខ្ញុំ ហើយខ្ញុំចូលចិត្តប្រើវាឲ្យមានតម្លៃ»។ នេះគឺជាប្រសាសន៍របស់មហាសេដ្ឋីមានប្រាក់ ៣៣,៥ ពាន់លានដុល្លាររូបនេះ។

៦) មហាសេដ្ឋី Jack Ma
ទើបនឹងរីកមុខរីកមាត់ នៅពេលដែលក្រុមហ៊ុន Alibaba មានហាងឆេងល្អនៅពេលកន្លងទៅថ្មីៗនេះ មហាសេដ្ឋីចិនលោក Jack Ma ក៏បានបង្ហាញយុទ្ធសាស្ត្រក្លាយជាអ្នកមានដែរ។ មហាសេដ្ឋីមានប្រាក់ ១៩,៨ ពាន់លានដុល្លាររូបនេះបានលើកឡើងថា នៅពេលដែលលោកបើកអាជីវកម្មរកលុយ លោកបានចាត់ទុកថា អតិថិជនគឺជាស្តេច ហើយអ្នកដែលសំខាន់បន្ទាប់គឺបុគ្គលិក និង ចុងក្រោយគឺម្ចាស់ភាគហ៊ុននៅក្នុងក្រុមហ៊ុនរបស់លោក។

មហាសេដ្ឋីវ័យ ៥១ ឆ្នាំរូបនេះបានមានប្រសាសន៍ដូច្នេះថា៖« បុគ្គលិកលក្ខណៈរបស់មនុស្សម្នាក់គឺពិតជាសំខាន់ណាស់ក្នុងការ គ្រប់គ្រងលើសកម្មភាពប្រចាំថ្ងៃរបស់ខ្លួន។ វាមានតម្លៃជាងសមត្ថភាពទៅទៀត។ អ្នកដែលគ្មានគោលដៅ នឹងធ្លាក់ជ្រោះ។ អ្នកដែលរៀបចំគោលដៅបានត្រឹមត្រូវ នឹងក្លាយជាស្តេច »។

…អ្នកគ្រប់គ្រងល្អចូលចិត្តនិយាយពាក្យទាំង ១០ ឃ្លានេះទៅកាន់ក្រុមការងាររៀងរាល់ថ្ងៃចន្ទ…

៧) មហាសេដ្ឋី Michael Bloomberg
ប្រិយមិត្តសាក ទាយទៅមើលការងារដ៏ល្អដើម្បីក្លាយជាអ្នកមានបានរបស់មហាសេដ្ឋី អាមេរិកលោក Michael Bloomberg គឺជាអ្វី?។ ក្នុងនាមជាមហាសេដ្ឋីដ៏មានសក្ដានុពលក្នុងឆាកនយោបាយអាមេរិក ម្ចាស់ភាគហ៊ុនរបស់ក្រុមហ៊ុន Bloomberg L.P. វ័យ ៧៣ ឆ្នាំរូបនេះបានមានប្រសាសន៍ថា ការងារដ៏ល្អដើម្បីក្លាយគឺជាអ្នកមានគឺពូកែសន្សំនេះឯង។

«កាលពីក្មេង ក្នុងរយៈពេល១០ ឆ្នាំខ្ញុំមានស្បែកជើងកញ្ចាស់តែមួយគូប៉ុណ្ណោះដើម្បីពាក់ទៅធ្វើ ការ។ ខ្ញុំចង់បានស្បែកជើងថ្មី តែមិនអាចទៅរួចនោះឡើយ។ តែខ្ញុំបានដឹងថា ការសន្សំរបស់ខ្ញុំមិនមែនដើម្បីទិញស្បែកជើងថ្មីនោះទេ តែជាការសន្សំដើម្បីយកទៅវិនិយោគក្លាយជាមហាសេដ្ឋីដូចសព្វថ្ងៃ នេះ»។ នេះជាការលើកឡើងរបស់មហាសេដ្ឋីមានប្រាក់ ៣៣,១ ពាន់លានដុល្លាររូបនេះ៕

ប្រែសម្រួល៖ ខេវិន

ប្រភព៖ Lifehack

បើមានចំណុចសំខាន់ៗទាំង៥នេះ អ្នកអាចកំណត់ពីភាពជោគជ័យទៅថ្ងៃអនាគតបាន!

មនុស្ស ណាក៏ចង់ទទួលបានភាពជោគជ័យក្នុងជីវិតដែរ ប៉ុន្តែគ្រាន់តែមានចិត្តចង់បានតែមួយមុខ វាមិនអាចធ្វើឲ្យជោគជ័យនោះឡើយ ដូច្នេះបានជាមនុស្សជោគជ័យមានតិច ខណៈមនុស្សបរាជ័យមានច្រើនក្នុងលោកនេះ។ មានមូលហេតុជាច្រើនដែលនាំឲ្យមនុស្សមិនអាចទទួលបានភាពជោគជ័យ ដូចជា ខ្វះការតស៊ូ ខ្វះចំណេះដឹង ខ្វះបទពិសោធន៍ និង ខ្វះទំនាក់ទំនងជាដើម។ ដើម្បីអាចទទួលបានភាពជោគជ័យក្នុងជីវិត អ្នកត្រូវតែមានជំនាញសំខាន់ៗមួយចំនួនដូចខាងក្រោម៖

១) ការអាន
ការអានពិតជាមានសារៈសំខាន់ខ្លាំង ណាស់សម្រាប់មនុស្សគ្រប់រូប ព្រោះវាជួយឲ្យអ្នកទទួលបានចំណេះដឹងជាច្រើនប្រភេទដែលមានប្រយោជន៍ សម្រាប់ជីវិត។ កាលណាអ្នកមានចំណេះដឹងគ្រប់គ្រាន់តាមរយៈការអាននោះ វាគឺជាទុនដ៏សំខាន់សម្រាប់អ្នកក្នុងការធ្វើកិច្ចការផ្សេងៗ ព្រោះបើគ្មានចំណេះដឹង និង ព័ត៌មានទេ អ្នកមិនអាចធ្វើការសម្រេចចិត្តប្រកបដោយប្រសិទ្ធភាពឡើយ។

២) ចម្ងល់
ការឆ្ងល់ គឺជាជំហានដ៏សំខាន់មួយដែលនាំឲ្យមនុស្សអាចរកឃើញនូវអ្វីល្អៗ និង ថ្មីៗដែលមានប្រយោជន៍សម្រាប់ជីវិតប្រចាំថ្ងៃ។ ឧទាហរណ៍ថា អ្នកចង់បើកអាជីវកម្មមួយ អ្នកត្រូវមានសំណួរជាច្រើន ដើម្បីស្វែងរកចម្លើយ ដូចជា តើជាអាជីវកម្មអ្វី? មានធនធានគ្រប់គ្រាន់ឬទេ? អតិថិជនជានរណា? និង សំណួរផ្សេងៗទៀត។ ដូច្នេះហើយ អ្នកត្រូវបង្កើតសំណួរឲ្យបានច្រើនរាល់ពេលធ្វើអ្វីមួយ ដើម្បីជៀសវាងបញ្ហាកើតឡើងនៅពេលក្រោយទៀត។

៣) ចេះបត់បែន
រាល់ការធ្វើកិច្ចការអ្វីក៏ដោយ អ្នកត្រូវតែចេះបត់បែនតាមស្ថានការណ៍ឲ្យបានល្អបំផុត ព្រោះបើមិនដូច្នោះទេ ប្រាកដជាត្រូវផុងក្នុងបញ្ហាងើបមុខមិនរួចឡើយ ព្រោះអ្វីៗតែងតែប្រែប្រួលជានិច្ច។ ក្នុងន័យនេះ អ្នកត្រូវតែតាមដានស្ថានការណ៍ជុំវិញខ្លួនឲ្យបានល្អបំផុត ដើម្បីប្រាកដថា ការសម្រេចចិត្តរបស់អ្នកនឹងមិនបង្កបញ្ហា។ ប្រសិនបើ អ្នកបត់បែន និងសម្របខ្លួនទៅនឹងស្ថានការណ៍កំពុងកើតឡើងមិនបានទេ អ្នកពិតជាពិបាកទទួលជោគជ័យណាស់។

៤) ការទំនាក់ទំនង
ការទំនាក់ទំនងពិតជាមានសារសំខាន់ខ្លាំងណាស់ក្នុងជីវិតរស់នៅ ព្រោះវាជួយឲ្យមនុស្សគ្រប់គ្នាអាចប្រាស្រ័យទាក់ទងគ្នាទៅវិញទៅមក ដោយងាយ។ ទោះបីមានចំណេះដឹងខ្ពស់ប៉ុណ្ណាក៏ដោយ អ្នកមិនអាចជោគជ័យដោយងាយឡើយ បើខ្វះជំនាញទំនាក់ទំនង។ ដូច្នេះ អ្នកគួរតែព្យាយាមពង្រឹងជំនាញនេះឲ្យបានរឹងមាំ។

…តើអ្វីទៅជាអាវុធសម្ងាត់របស់នាយកប្រតិបត្តិ (CEO) ក្រុមហ៊ុនកំពូលៗក្នុងលោក?…

៥) ការងារក្រុម
បើទោះបីជាពូកែយ៉ាងណាក្តី មនុស្សម្នាក់មិនអាចរ៉ាប់រងធ្វើកិច្ចការរាប់រយជំពូកតែម្នាក់ឯង ហើយទទួលបានជោគជ័យទេ ពោលគឺត្រូវតែមានការចូលរួមធ្វើការជាក្រុម។ ជាការពិត ការធ្វើការងារជាក្រុមមិនងាយស្រួលប៉ុន្មានទេ ព្រោះមនុស្សម្នាក់ៗសុទ្ធតែមានគំនិតផ្ទុយពីគ្នា។ ប៉ុន្តែត្រូវតែរៀនធ្វើការ ហើយសម្របសម្រួលជាមួយគ្នាដើម្បីទាញយកប្រយោជន៍ឲ្យបានច្រើន៕

ប្រែសម្រួល៖ រស្មី

ប្រភព៖ www.inc.com

Tuesday, March 31, 2015

សង្ខេប​ព្រឹត្តិការណ៍​សំខាន់ៗ​សម្រាប់​ល្ងាច​ថ្ងៃ​ច័ន្ទ​ ទី ៣០ ខែ​មិនា

Monday, March 30, 2015

បង្រៀន​​វិធីសាស្ត្រ​ ១០ ចំណុច​នេះ​ ដើម្បី​ឲ្យ​កូន​​ៗ​របស់​លោក​​​អ្នក​ធំ​ឡើង​ក្លាយ​ជា​អ្នក​មាន​

Wednesday, March 25, 2015

គន្លឹះ​យ៉ាង​ងាយស្រួល Download ចម្រៀង​ពី Youtube ឱ្យ​ចេញ​ជា MP3 តែម្ដង មិន​បាច់​ដំឡើង​កម្មវិធី​អ្វី​ទាំងអស់

Thursday, March 12, 2015

រៀន​ពី​របៀប​សន្សំ​លុយ​ក្លាយ​ជា​អ្នក​មានពី​មហាសេដ្ឋី​​​​​ល្បីៗនៅ​លើ​​ពិភព​លោក

បើ​មាន​ចំណុច​សំខាន់ៗ​ទាំង៥នេះ​ ​អ្នក​អាច​​កំណត់​ពី​ភាព​ជោគជ័យ​ទៅ​​ថ្ងៃ​អនាគត​បាន​​​!

Cambodia News

សង្ខេបព្រឹត្តិការណ៍សំខាន់ៗសម្រាប់ល្ងាចថ្ងៃច័ន្ទ ទី ៣០ ខែមិនា

បង្រៀនវិធីសាស្ត្រ ១០ ចំណុចនេះ ដើម្បីឲ្យកូនៗរបស់លោកអ្នកធំឡើងក្លាយជាអ្នកមាន

គន្លឹះយ៉ាងងាយស្រួល Download ចម្រៀងពី Youtube ឱ្យចេញជា MP3 តែម្ដង មិនបាច់ដំឡើងកម្មវិធីអ្វីទាំងអស់

រៀនពីរបៀបសន្សំលុយក្លាយជាអ្នកមានពីមហាសេដ្ឋីល្បីៗនៅលើពិភពលោក

បើមានចំណុចសំខាន់ៗទាំង៥នេះ អ្នកអាចកំណត់ពីភាពជោគជ័យទៅថ្ងៃអនាគតបាន!