អោម សេងបូរ៉ា៖ ចង់ឲ្យការដឹកនាំទទួលបានជោគជ័យ ត្រូវដឹកនាំខ្លួនឯងឲ្យជោគជ័យជាមុនសិន

លោក អោម សេងបូរ៉ា មានបទពិសោធន៍ច្រើនក្នុងជំនួញ និងភាពជាអ្នកដឹកនាំ ហើយលោកបានបង្កើត និងដឹកនាំស្ថាប័នឯកជនជាច្រើន និងវិទ្យាស្ថានសង្គម រួមមាន ក្រុមហ៊ុនពិគ្រោះយោបល់ Aplus Consulting និងសាលាបណ្ដុះបណ្ដាលវិជ្ជាជីវៈ Aplus គ្រឹះស្ថានមីក្រូហិរញ្ញវត្ថុកម្ពុជា សហគ្រាសកម្ពុជាមូលនិធិករុណា និង ក្លឹបបណ្តុះបណ្តាល CEO Master។
លោក អោម សេងបូរ៉ា បានលើកឡើងនូវពាក្យមួយឃ្លា ដែលទាក់ទងទៅនឹងភាពជាអ្នកដឹកនាំ ដែលលោកបានលើកឡើងថា “ ប្រសិនបើ លោកអ្នកចង់ដឹកនាំអ្នកដទៃឲ្យបានជោគជ័យ លោកអ្នកត្រូវ ដឹកនាំខ្លួនឯងបានជោគជ័យជាមុនសិន”។
ពាក្យមួយឃ្លានេះ លោកចង់មានន័យថា ភាពជាអ្នកដឹកនាំ គឺតែងតែផ្ដើមចេញពីភាពជាអ្នកដឹកនាំខ្លួនឯងផ្ទាល់ ពោលគឺមានន័យថា ប្រសិនបើលោកអ្នកនាំខ្លួនឯងមិនបានផងនោះ ទម្រាំទៅដឹកនាំអ្នកដទៃ លោកអ្នករឹតតែមិនអាចធ្វើវាបាននោះទេ។
លោកបានសង្កត់ធ្ងន់ថា លោកអ្នកត្រូវចេះដឹកនាំផ្លូវចិត្ត ផ្លូវអារម្មណ៍របស់ខ្លួនឯងបានជាមុនសិន នោះទើបលោកអ្នកអាចដឹកនាំអ្នកដទៃ ទទួលបានជោគជ័យ។ ធ្វើជាអ្នកដឹកនាំគេ លោកអ្នកត្រូវមានអារម្មណ៍នឹងនរ ហើយបើលោកអ្នកមានអារម្មណ៍ ឆាប់ខឹងឆេវឆាវ មានការប្រណែនឈ្នានីស ធ្វើមុខក្រញ៉ូវដាក់ អ្នកដែលនៅក្រោមបង្គាប់ នោះលោកអ្នកមិនអាចជាគំរូល្អដល់អ្នកដែលនៅក្រោមបង្គាមលោកអ្នកបាននោះទេ។
ការគ្រប់គ្រោងអារម្មណ៍ ពិតជាមានសារៈសំខាន់ណាស់ ពីព្រោះ បើលោកអ្នកអាចគ្រប់គ្រងអារម្មណ៍របស់ លោលអ្នកបានល្អ នោះលោកអ្នកអាចធ្វើកិច្ចការនានាប្រកបដោយជោគជ័យ ជាពិសេស ការដឹកនាំរបស់លោកអ្នកនៅក្នុងកិច្ចការផ្សេងៗ ក៏ទទួលបានជោគជ័យដូចគ្នាផងដែរ៕

អត្ថបទដោយ៖ ហុង

មហាសិង្ហបុរី Phillip Ng៖ដុសខាត់បុគ្គលិកលក្ខណៈ និងអត្តចរិតជារឿងដ៏សំខាន់ ឆ្ពោះទៅរកភាពជោគជ័យ

 

លោក Phillip Ng ដែលត្រូវគេបានស្គាល់ថាជាមហាសេដ្ឋីលំដាប់កំពូលម្នាក់នៅប្រទេសសាំងហ្គាពួរដែលជានាយកប្រតិបត្តិក្រុមហ៊ុនអភិវឌ្ឍន៍អចលទ្រព្យឈានមុខគេនៅក្រុងប្រទេសទាំងមូល។ បន្ថែមពីលើនោះទៅទៀត ក្រុមហ៊ុនរបស់លោកអាចរកប្រាក់ចំនូលរហូតទៅដល់ ៨.៦ ពាន់លានដុល្លារឯណោះក្នុងមួយឆ្នាំៗ។ តើអ្វីដែលធ្វើឲ្យលោក Phillip Ng ទទួលបាននូវភាពជោគជ័យខ្លាំងកម្រិតនេះ?

១) ស្លឹកឈើជ្រុះមិនឆ្ងាយពីគល់
លោកមានភាពជោគជ័យដ៏មហិមានៅថ្ងៃនេះក៏ព្រោះតែរូបលោកផ្ទាល់មានឳពុកដ៏តឹងតែងខ្លាំងម្នាក់។ ឳពុករបស់លោកបានបង្រៀនក៏ដូចជាហ្វឹកហាត់គាត់ខ្លាំងមែនទែន ដែលរឿងនេះហាក់បីដូចជាមិនបានកើតឡើងសម្រាប់ក្មេងទូទៅនោះទេ ហើយឳពុករបស់លោកបានផ្ដោតសំខាន់ទៅលើរឿងតួនាទីនិងទំនួលខុសត្រូវដែលមិនដែលធ្វើឲ្យរូបលោកចង់គិតគេចវេសពីបញ្ហាដែលខ្លួនជួបប្រទះនោះទេ ព្រោះគាត់តែងតែចងចាំនូវអ្វីដែលឳពុករបស់លោកបង្រៀនជានិច្ច។
២) គាត់ចូលចិត្តមនុស្សនិយាយត្រង់
មិនមែនពាក្យដែលស្មោះត្រង់ទាំងអស់សុទ្ធតែល្អនោះទេ ហើយលោកក៏បានបន្ថែមទៀតណានៅពេលដែលឡើងតំណែងរឹតតែខ្ពស់ ពាក្យរិះគុណបែរជាធ្លាក់ចុះមិនសូវមានរណានិយាយវាចេញមកក្រៅឡើយគឺមានតែពាក្យសរសើរ ដែលពាក្យទាំងនោះមិនជាការពិតផង គឺគ្រាន់តែជាការនិយាយគួរសមប៉ុណ្ណោះ។
៣) ដុសខាត់បុគ្គលិកលក្ខណៈ និងអត្តចរិតគឺជារឿងដ៏សំខាន់បំផុត
គាត់បាននិយាយថាថ្នាក់មត្តេយនិងថ្នាក់បថមសិក្សាមិនគួរផ្ដោតទៅលើរឿងមេរៀនខ្លាំងពេកនោះទេ តែគួរតែផ្ដោតទៅលើបញ្ហាបុគ្គលិកលក្ខណៈនិងអត្តចរិតរបស់សិស្សឲ្យបានច្រើនទើបល្អជាជាង ព្រោះពិភពលោកបច្ចុប្បន្ននេះមានការកើនឡើងច្រើនចំពោះមនុស្សពូកែ ឆ្លាត និងមានទេពកោសល្យតែបែរជាធ្លាក់ចុះចំពោះបុគ្គលិកលក្ខណៈ អត្តចរិត និងសីលធម៌ទៅវិញ៕
អត្ថបទដោយ រស្មី

ចង់មានត្រូវឈប់ដោះសា

លោកឧកញ៉ា ហុងពីវ ដែលជាស្ថាបនិក និងអគ្គនាយកនៃ ក្រុមហ៊ុនបុរីពិភពថ្មី ដែលបាននិងកំពុង សាងសង់បុរីជាច្រើន នៅភ្នំពេញ បានបង្ហាញនូវគោលការណ៍ ១០ចំណុចដើម្បីធ្វើឲ្យបុគ្គលម្នាក់អាចអភិវឌ្ឍខ្លួនឯងបានដោយជោគជ័យ។
ពាណិជ្ជកម្មកម្ពុជាចាប់អារម្មណ៍នឹង ចំណុចទី៣របស់លោក ឧកញ៉ាដែលថា ហាមដោះសា។ យើងដឹងគ្រប់គ្នាថា ធម្មជាតិរបស់មនុស្សខ្លះគឺចូលចិត្តដោះសាណាស់ ការដោះសានេះហើយ ដែលបានធ្វើឲ្យពួកគាត់ពិបាកនឹងជោគជ័យណាស់។ លោកឧកញ៉ា ហុង ពីវ បានពន្យល់ថា គ្មាននរណា ដែលថាធ្វើត្រូវ ១០០%ទេ តែពេលយើងធ្វើខុស យើងត្រូវហ៊ានទទួលខុសត្រូវ ហើយមិនត្រូវធ្វើខុសដដែលទេ។ បើលោកអ្នកធ្វើបាន នោះលោកអ្នកនឹងជោគជ័យ។
សូមបញ្ជាក់ថា ការដោះសា មិនបានជួយដោះស្រាយបញ្ហាអ្នកទ្បើយ។ អ្នកខ្លះពេលជួបបញ្ហាម្តងៗ តែងបន្ទោសនេះ បន្ទោសនោះ ការបន្ទោសនេះ ហើយ ជាការដោះសា ដែលនឹងមិនជួយអ្នកដោះស្រាយអ្វីចេញទេ។ បើយើងក្រ មិនទាន់ជោគជ័យ យើងត្រូវហ៊ានទទួលស្គាល់នូវការខ្វះខាត សមត្ថភាពរបស់ខ្លួន ហើយខំបន្ថែមទៀត រកវិធី ដើម្បីឲ្យឈប់ក្រ មិនអាចបន្ទោសតែលើវាសនានោះទេ។
ជាចុងក្រោយពេលអ្នកឈប់ ដោះសាពេលបរាជ័យអ្នក នឹងរកឃើញនូវចំណុចដែលនឹង អាចធ្វើឲ្យលោកអ្នកជោគជ័យនាពេលបន្ទាប់។ សូមឈប់យកលេស សូមរកចំណុចខុស ហើយហ៊ានទទូួលខុសត្រូវចំពោះគ្រប់លទ្ទផល៕
ដោយ៖ កុសល
រូបភាព ហ្វេសប៊ុក លោកឧកញ៉ា ហុងពីវ