ហាងឆេងមាស និង​អត្រា​ប្ដូរ​ប្រាក់​ថ្ងៃ​ព្រហស្បតិ៍ ទី៣០ ខែកក្កដា

នៅ ​ថ្ងៃ​ព្រហស្បតិ៍​នេះ មាស​មិន​ធ្លាក់​ថ្លៃ​ជា​បន្ត​ទៀត​ទេ បន្ទាប់ពី​ធនាគារកណ្ដាល​សហរដ្ឋ​អាមេរិក​បិទ​កិច្ចប្រជុំ​រយៈ​ពេល​ពីរ​ថ្ងៃ ហើយ​មិន​បាន​កំណត់​ពេល​វេលា​ជាក់លាក់​ថា​នឹង​ដំឡើង​ការ​ប្រាក់​នៅ​ពេល​ណា​ ឲ្យ​ពិត​ប្រាកដ។ នៅ​ក្នុង​ឱកាស​នៃ​កិច្ចប្រជុំ​បិទទ្វារ ឬ​កិច្ចប្រជុំ​ផ្ទៃក្នុង​នេះ ធនាគារ​អាច​នឹង​លើក​ឡើង​នូវ​ចំណុច​ជា​គោល​ដែល​មាន​ជាអាទិ៍៖ ស្ថានភាព​សេដ្ឋកិច្ច​សហរដ្ឋ​អាមេរិក និង​អត្រា​អ្នក​មាន​ការងារ​ធ្វើ​ ត្បិតអី​វិស័យ​ទាំងពីរ​នេះ​សំខាន់​ណាស់​សម្រាប់​ធនាគារ​ពិចារណា​ដំឡើង​ការ​ ប្រាក់។ ចំណុច​សំខាន់​គឺ​ថា​មក​ទល់​នឹង​ពេល​នេះ គេ​មិន​ទាន់​ទទួល​ដំណឹង​ច្បាស់ការ​ថា​ធនាគារ​នឹង​ដំឡើង​ការ​ប្រាក់​នៅ​ពេល​ ណា​ឲ្យ​ពិត​ប្រាកដ។

​សម្រាប់​ដំណាក់កាល​នេះ គេ​នៅ​តែ​ប្រុងប្រយ័ត្ន​ខ្ពស់​ចំពោះ​តម្លៃ​មាស (មិន​ទាន់​ហ៊ាន​ទិញ​ទុក​ច្រើន​ទេ)។ ម្យ៉ាងទៀត ប្រាក់​ដុល្លារ​អាច​នឹង​ឡើង​ថ្លៃ។ ទោះ​ក្នុង​កាលៈទេសៈ​ណា​ក៏ដោយ អំឡុង​ពេល​នេះ មាស​មិន​អាច​ឡើង​ថ្លៃ​យ៉ាង​គំហុក​នោះ​ទេ។ ទាំង​អ្នក​វិនិយោគ​នៅ​ទីផ្សារ​មូលបត្រ​ទិញ/លក់​មាស ក៏​ដូចជា​ទីផ្សារ​លក់​មាស​ មិន​មាន​សញ្ញា​ថា​មាស​ត្រូវ​បាន​ទិញ/លក់​ក្នុង​បរិមាណ​ច្រើន​នោះ​ទេ។

មាស​តាម​អត្រា​ទិញ/លក់​ព្រឹក​នេះ គឺ​មួយ​ឱន​ថ្លៃ ១០៩៦,៥ / 1,096.5 ដុល្លារ ឬ​មួយ​ដំឡឹង​ថ្លៃ ១៣២១,០៨/ 1,321.08 ដុល្លារ​តាម​ហាងឆេង​នៅ​ទីក្រុង​ញីវយ៉ក​គិត​ត្រឹម​ម៉ោង ១:៤១ រំលង​អាធ្រាត្រ ឬ​ទៀបភ្លឺ​នៅ​ព្រះរាជាណាចក្រ​កម្ពុជា។ ដោយឡែក មាស​សម្រាប់​ការ​បញ្ជា​ទិញ​ទុក​​ខែសីហា​នៅ​សហរដ្ឋ​អាមេរិក​ ធ្លាក់​ថ្លៃ ០,៣% គឺ​មួយ​ឱន​ថ្លៃ ១០៩៧,៤/ 1,097.4។

​សកម្មភាព​ទិញ/លក់​មាស​បាន​ធ្លាក់​ចុះ​ទាប​បំផុត​ចាប់ពី​ឆ្នាំ២០០៩ មក​ទល់​នឹង​ពេល​នេះ។ មូលហេតុ​សំខាន់​ដោយសារ​ប្រទេស​ចិន​បាន​បញ្ចេញ​សាច់​ប្រាក់​យ៉ាង​ច្រើន​លើស​ លប់​ដើម្បី​ទិញ​យក​មូលបត្រ​បំណុល ឬ​ប័ណ្ណ​បំណុល។ ដូច្នេះ ចិន​មិន​អាច​យក​លុយ​ទៅ​ទិញ​មាស​ទេ។ ម្យ៉ាងទៀត សកម្មភាព​ទិញ/លក់​មាស​នៅ​ប្រទេស​ឥណ្ឌា​បាន​ធ្លាក់​ចុះ​ទាប​បំផុត​ក្នុង​ រយៈពេល ១៥ ខែ​ចុង​ក្រោយ​នេះ។ មូលនិធិ​ SPDR Gold Trust នៅ​ទីក្រុង​ញីវយ៉ក ដែល​ជា​ឃ្លាំង​ស្តុក​មាស​ធំ​បំផុត​ក្នុង​ពិភពលោក​សម្រាប់​ប្ដូរ​នឹង​ ក្រដាសប្រាក់​នោះ មាន​មាស​បម្រុង​ទុក​ក្នុង​ឃ្លាំង​ចំនួន​ជាង ៦៨០,២៣៣/ 680.233 តោន​គិត​ត្រឹម​ថ្ងៃ​ច័ន្ទ​ដើម​សប្ដាហ៍។ នេះ​ជា​ចំនួន​មាស​បម្រុង​ទុក​ដែល​មាន​ចំនួន​តិច​បំផុត​គិត​ចាប់​ពី​ឆ្នាំ​ ២០០៨ រៀងមក។

អំពី​សន្ទស្សន៍​តម្លៃ​មាស
មាស​មួយ​ឱន (៨ជី ៣ហ៊ុន) = ១០៩៣,២១/ 1,093.21 ឬ ដុល្លារ ដុល្លារ (១ដំឡឹង = ១៣១៧,១២ ឬ 1,317.12 ដុល្លារ​អាមេរិក) (តាម​ហាងឆេង Comex នៅ​សហរដ្ឋ​អាមេរិក)
វៀតណាម ៖ មាស​មួយ​ឱន (៨ជី ៣ហ៊ុន) = ១០៩៣,៤៩ ឬ 1,093.49 ដុល្លារ (មួយ​ដំឡឹង​ = ១៣១៧,៤៥ ឬ 1,317.45 ដុល្លារ​អាមេរិក)
ថៃ ៖ មាស​មួយ​ឱន (៨ជី ៣ហ៊ុន) = ១០៩២,៩ ឬ 1,092.9 ដុល្លារ (មួយ​ដំឡឹង = ១៣១៦,៧៤ ឬ 1,316.74 ដុល្លារ​អាមេរិក)

អំពី​សន្ទស្សន៍​អត្រា​ប្ដូរ​ប្រាក់​តាម​ទីផ្សារ​អន្តរជាតិ ថ្ងៃ​ព្រហស្បតិ៍ ទី៣០ ខែកក្កដា ឆ្នាំ២០១៥ (ម៉ោង ១០:៣០ ព្រឹក​នៅ​ព្រះរាជាណាចក្រ​កម្ពុជា)
មួយ​ដុល្លារ​អាមេរិក = ៣៥,០៦ ឬ 35.06 បាត (ថៃ)
មួយ​ដុល្លារ​អាមេរិក = ២១ ៨១៨,៥ ឬ 21,818.5 ដុង (វៀតណាម)
មួយ​ដុល្លារ​អាមេរិក = ០,៩១ ឬ 0.91 អឺរ៉ូ (១អឺរ៉ូ = ១,១ ឬ 1.1 ដុល្លារ​អាមេរិក)
មួយ​ដុល្លារ​អាមេរិក = ១១៦៥,៦ ឬ 1,165.6 វុន (កូរ៉េខាងត្បូង)
មួយ​ដុល្លារ​អាមេរិក = ១,៣៧ ឬ 1.37 ដុល្លារ​អូស្ត្រាលី
មួយ​ដុល្លារ​អាមេរិក = ៧,៧៥ ឬ 7.75 ដុល្លារ​ហុងកុង
មួយ​ដុល្លារ​អាមេរិក = ១,៣ ឬ 1.3 ដុល្លារ​កាណាដា
មួយ​ដុល្លារ​អាមេរិក = ១,៣៧ ឬ 1.37 ដុល្លារ​សិង្ហបុរី
មួយ​ដុល្លារ​អាមេរិក = ១២៤,០៩ ឬ 124.09 យ៉េន (ជប៉ុន)
មួយ​ដុល្លារ​អាមេរិក = ៦,២១ ឬ 6.21 យ័ន្ត (ចិន)

…ហាងឆេង​មាស​ និង​អត្រា​ប្ដូរ​ប្រាក់​ថ្ងៃ​ពុធ ទី២៩ ខែកក្កដា…

​ប្រែ​សម្រួល ៖ អន សំអាង

ប្រភព៖​ nasdaq.com - marketwatch.com - bloomberg.com - Reuters.com